Detaje të reja kanë dalë në dritë në lidhje me ngjarjen e ndodhur në Greqi në orët e para të datës së djeshme ku një 19-vjeçare u gjet pa shenja jete jashtë një restoranti pranë sheshit qendror të Argostolit.
Deri tani bëhet me dije se tre të rinj, midis tyre edhe një shqiptar, po qëndronin në një dehmë hoteli ku kanë konsumuar kokainë.
Pamjet e publikuara nga mediat e huaja tregojnë momentet kur ata mbërritën në hotel dhe më pas kur nxorën trupin pa ndjenja të vajzës.
Pamje nga kamerat, kur të rinjtë futen në hotel
Hetimet kanë zbardhur kronologjinë e lëvizjeve të tre të arrestuarve gjatë natës, duke dokumentuar hÿrjet dhe daljet e tyre nga hoteli, përdorimin e kokainës, si dhe momentin kur Myrto humbi ndjenjat. Më pas, ata e braktisën në shesh dhe tentuan të fshihnin gjurmët duke pastruar dhomën dhe duke fshehur celularin e saj.
Prokuroria ka ngritur akuza për vrasje me dashje me mosveprim dhe për posedim e përdorim narkotikësh. Tre të rinjtë u dërguan në gjykatë dhe pritet të paraqiten sërish për seancë, ndërsa policia ka urdhëruar autopsinë për të përcaktuar shkaqet e sakta të vdekjes së saj.