Author: admin

Prej tre javësh, Shqipëria është përfshìrë nga një valë protestash kundër projekteve për ndërtimin e resorteve turistike në Lagunën e Nartës dhe në ishullin e Sazanit, të dyja të lidhura me biznesmenin amerikan Jared Kushner, dhëndrin e presidentit të SHBA-së, Donald Trump.

Protestat popullore, të cilat shpërthyen pas dhunës së ushtruar nga rojet private të sigurisë ndaj protestuesve në kantierin e resortit në Zvërnec në 30 maj, janë shndërruar në një lëvizje më të gjerë kundër establishmentit politik në Shqipëri, e vetëquajtur “Revolucioni i Flamingove”.

Mijëra qytetarë kanë zbritur çdo ditë në shesh në Tiranë, ndërsa dhjetëra tubime më të vogla janë zhvilluar në qytete të tjera të vendit dhe në diasporë.

Protestuesit kërkojnë anulimin e projekteve të mbështetura nga qeveria si investime strategjike në zona të mbrojtura mjedisore, si dhe dorëheqjen e kryeministrit Edi Rama, të cilin e akuzojnë për një qeverisje të korruptuar, të shoqëruar nga një sërë skandalesh. Në mënyrë të ngjashme, ata mbajnë përgjegjës edhe kreun e opozitës, Sali Berisha, i cili po gjykohet nga SPAK për akuza korrupsioni dhe pastrimi parash. “Rama n’burg, Berisha n’burg” është kthyer në sloganin kryesor të protestës.

Kryeministri Edi Rama i ka hedhur poshtë kërkesat e protestuesve, duke deklaruar se, për sa kohë ai do të jetë në detyrë, projekti i resortit të Kushner do të vazhdojë. Ai dhe përfaqësues të Partisë Socialiste kanë argumentuar se lëvizja është manipuluar nga aktorë të jashtëm, përfshirë Greqinë dhe Iranin.

Për të mbështetur këto pretendime, qeveria ka qarkulluar në qarqet diplomatike një raport të kompanisë amerikane Blackbird AI, i cili analizon përhapjen në rrjetet sociale të narrativave kundër projektit të Kushner në Zvërnec dhe amplifikimin e tyre të mundshëm nga aktorë të koordinuar.

Ndryshe nga sa ka deklaruar publikisht qeveria, raporti pranon se pakënaqësitë që ushqejnë protestën janë “legjitime” dhe nuk pretendon se vala e tubimeve është e nxitur nga aktorë të huaj, por thekson se jehona e tyre është amplifikuar në platformat sociale nga rrjete amerikane që kundërshtojnë qeverisjen e Trumpit dhe nga ato të lidhura me qeverinë ruse.

“Pjesa më e madhe e aktivitetit negativ të lidhur me zhvillimin e resortit Kushner–Trump ndodhi në platformën X, e nxitur kryesisht nga aktorë me bazë në SHBA, të lidhur me kampin anti-Trump dhe Partinë Demokratike, të cilët e shfrytëzuan këtë çështje për të avancuar narrativat e tyre politike dhe për ta zgjeruar jehonën e saj përtej audiencës vendase”, shkruan raporti.

“Më pas, aktorë të lidhur me shtetin rus i amplifikuan këto narrativa, me gjasë për të thelluar ndarjet ekzistuese dhe për të forcuar kundërshtimin ndaj projektit”, shton raporti.

Amplifikimi nga aktorët anti-Trump

Një grup investitorësh të lidhur me Jared Kushner kanë propozuar ndërtimin e një resorti masiv në zonën e mbrojtur të Zvërnecit dhe në ishullin e Sazanit, një projekt që, sipas qeverisë shqiptare, kap vlerën e 4 miliardë dollarëve.

Projekti është kundërshtuar nga aktivistët mjedisorë, të cilët argumentojnë se ndërtimi në Lagunën e Nartës përbën një kërcënim për monumentet natyrore dhe për specie të ndryshme kafshësh e shpendësh, përfshirë flamingot, të cilat janë kthyer në simbol të protestës.

Kundër projektit janë shprehur edhe banorët e Zvërnecit, të cilët pretendojnë se resorti është planifikuar të ndërtohet mbi toka që u përkasin atyre dhe që, sipas tyre, janë tjetërsuar në mënyrë të paligjshme nga individë të lidhur me krimin e organizuar, të cilët po hetohen nga SPAK për pastrim parash dhe trafik ndërkombëtar narkotikësh.

Blackbird AI është një platformë që analizon narrativat që qarkullojnë në rrjetet sociale, duke përdorur inteligjencën artificiale për të identifikuar kërcënime dhe mundësi për klientë qeveritarë dhe kompani private.

Sipas kompanisë, raporti i përpiluar prej saj synon të ofrojë një pasqyrë të narrativave kundërshtuese që lidhen me projektin e propozuar prej 4 miliardë dollarësh të Jared Kushner në Zvërnec gjatë periudhës 22 maj – 9 qershor, në platformat X, Telegram, TikTok, Reddit dhe në mediat online.

READ MORE Kush është politikani i lartë SURPRIZË që merr pjesë në homazhet e Nanos, do habiteni
Raporti i Blackbird AI argumenton se polemikat rreth resortit Kushner–Trump u transformuan nga një debat lokal, i lidhur me shqetësimet për qeverisjen dhe mjedisin, në një çështje me profil të lartë politik ndërkombëtar, e nxitur kryesisht nga aktorë amerikanë anti-Trump dhe e amplifikuar më pas nga rrjete të lidhura me shtetin rus.

Sipas raportit, toni dominues i diskutimit ishte armiqësor ndaj projektit, ndërsa narrativat kryesore shënjestronin fillimisht Kushnerin përmes retorikës konspirative, denigruese dhe antisemite, përpara se ta zhvendosnin fokusin te qeveria shqiptare.

“Angazhimi në rrjetet sociale u rrit në mënyrë dramatike kur aktorë me ndikim anti-Trump e amplifikuan debatin”, shkruan Blackbird AI. “Përfshirja e tyre e zgjeroi çështjen përtej Shqipërisë dhe e transformoi atë në një përplasje më të gjerë politike rreth Trumpit, akuzave për korrupsion, Izraelit dhe ndikimit të elitave”, shton raporti.

Sipas Blackbird AI, volumi i postimeve në rrjetet sociale u rrit ndjeshëm më 2–3 qershor dhe sërish më 6 qershor, si rezultat i amplifikimit të debatit nga figura amerikane anti-Trump, përfshirë Hunter Biden, djalin e ish-presidentit amerikan Joe Biden, si dhe nga përmbajtje të publikuara në gjuhën shqipe në TikTok.

Influenca malinje e huaj

Raporti i Blackbird AI bazohet në analizën e 879,067 postimeve në rrjetet sociale nga 222,854 autorë të ndryshëm, të cilat kanë gjeneruar rreth 3,2 milionë ndërveprime në katër platforma – Reddit, X, Telegram dhe TikTok – si dhe në media të ndryshme online.

Nga kjo masë prej qindra mijëra postimesh, Blackbird AI thotë se ka identifikuar shtatë postime ose diskutime të amplifikuara nga ekosistemi informativ i lidhur me qeverinë ruse, përfshirë llogari anonime që shfaqin shenja koordinimi.

Kompania sjell si shembull një postim të publikuar më 2 qershor nga llogaria në X me emrin @Iranwarupdate, i cili, sipas raportit, u amplifikua brenda 20 minutash nga një rrjet llogarish që promovojnë narrativa në përputhje me interesat e shtetit rus. Sipas kompanisë amerikane, megjithëse mesazhi ishte formuluar në gjuhë neutrale, ai synonte të nxiste dyshime dhe të inkurajonte audiencën të vinte në pikëpyetje motivet që qëndronin pas projektit. Postimi u pasua nga një valë ripostimesh pothuajse identike, të cilat krijuan përshtypjen e një shqetësimi të gjerë publik, ndonëse buronin nga një rrjet i përqendruar llogarish. Ky proces amplifikimi, sipas Blackbird AI, vazhdoi në disa valë të njëpasnjëshme, duke e mbajtur narrativën të dukshme deri më 4 qershor.

Megjithatë, raporti jep pak detaje mbi ndikimin real që kanë pasur këto diskutime të amplifikuara ose mbi shkallën e ndikimit të aktorëve që, sipas kompanisë, shpërndanin narrativa të lidhura me Rusinë.

Ndërhyrja greke?

Një nga pretendimet e qeverisë shqiptare për protestat popullore kundër projektit të Jared Kushner në Zvërnec ka qenë se ato janë nxitur nga Greqia, për shkak të konkurrencës në sektorin e turizmit mes dy vendeve.

Raporti i Blackbird AI analizon postimet në gjuhën greke që përmendin projektin, por nuk vendos asnjë lidhje mes tyre dhe protestuesve në rrugët e Shqipërisë.

Sipas raportit, postimet në gjuhën greke përbëjnë më pak se 1 për qind të përmbajtjeve të identifikuara si pjesë e narrativave kundër resortit. Nga këto, kompania pretendon se rreth 20 për qind shpërndahen nga llogari që publikojnë shpesh qëndrime ose narrativa të lidhura me shtetin rus.

“Aktiviteti u përqendrua në një periudhë prej rreth 10 ditësh, çka përputhet më shumë me amplifikimin e zhvillimeve konkrete (bllokimin e llogarive bankare nga SPAK, deklaratat e Ramës dhe vetë protestat) sesa me një fushatë të planifikuar dhe të ushqyer gradualisht nga aktorë të caktuar”, shkruan raporti.

“Baza e autorëve ishte ideologjikisht e larmishme, ku grupe që zakonisht qëndrojnë në kampe të kundërta – nga e djathta ekstreme dhe nacionalistët te e majta dhe aktivistët mjedisorë – u bashkuan vetëm në kundërshtimin e projektit”, përfundoi raporti. /BIRN

Përfaqësuesi i Paraguait, Matias Galarza, e dërgoi ekipin e tij në fazën eliminatore të Kupës së Botës pas një goli vendimtar kundër Turqisë.

Megjithatë, sulmuesi paraguaian e bëri këtë ndeshje të paharrueshme për një detaj të çuditshëm që ndodhi jashtë fushës së lojës.

Gjithçka nisi në fund të pjesës së parë, kur një përleshje mes lojtarëve të të dyja ekipeve solli kaos në fushë.

Në momentin kur gjyqtari Ivan Burton nga El Salvadori po përpiqej t’i ndante lojtarët, dikush i rrëmbeu orën nga dora.

Në mes të rrëmujës, Galarza iu afrua, mori orën dhe, për habinë e të gjithëve, e vendosi atë në kyçin e dorës së tij.

Megjithatë, festa e tij ishte jetëshkurtër: pak më vonë, ai u detyrua t’ia kthente orën pronarit të saj të ligjshëm, gjyqtarit Burton.

Türkiye'ye gol atan Paraguaylı futbolcu hakemin saatini çalmış!

Paraguaylı futbolcu Matias Galarza, maçın 45. dakikasında hakemin düşen saatini çaldı.

Saati yerden alıp kendi koluna takan futbolcunun görüntüleri sosyal medyada viral oldu.

FIFA'nın bu centilmenlik dışı… pic.twitter.com/xRdFffzQjc

— 23 DERECE (@yirmiucderece) June 20, 2026

Mbrëmjen e djeshme, Joz Marku ishte i ftuar në “Top Arena”, ku nuk munguan as momentet që po komentohen gjerësisht në rrjetet sociale.

Në studio ndodheshin edhe Brikena Selmani dhe Mateo Borri, çifti për të cilin prej ditësh po qarkullojnë aludime se i kanë dhënë fund lidhjes së tyre.

Gjatë një bisede në emision, mes Jozit dhe Brikenës u zhvillua një shkëmbim batutash që u interpretua nga ndjekësit si një flirt i lehtë.

“Na kanë shkruajtur shumë goca që kanë dashur të të pyesin: A është Jozi single?”, iu drejtua Brikena këngëtarit.

“Single jam për momentin. Po ti?”, iu përgjigj Jozi me buzëqeshje.

“Mesa di unë, i bëj unë pyetjet”, tha Brikena duke qeshur.

“Kur është ai mysafiri pak më ndryshe, duhet edhe ti të përgjigjesh. He ti, ti?”, ia ktheu Jozi.

Ndërkohë që kjo bisedë po zhvillohej në studio, kamerat kapën edhe Mateon në sfond. Ajo që tërhoqi vëmendjen e publikut ishte fakti se ai nuk reagoi dhe nuk i hodhi sytë drejt diskutimit mes dyshes, duke qëndruar i përqendruar diku tjetër.

Pamjet po qarkullojnë me shpejtësi në rrjet, ku ndjekësit kanë nisur të komentojnë jo vetëm batutat mes Jozit dhe Brikenës, por edhe qëndrimin e Mateos gjatë gjithë momentit.

VIDEO

Studentët nga Mali i Zi që kanë përfunduar studimet në gjuhën shqipe në universitetet e Shqipërisë nuk do të paguajnë më tarifën prej 3,500 eurosh për procesin e njohjes dhe konvertimit të diplomave.

Vendimi vjen në kuadër të një bashkëpunimi mes Ambasadës së Republikës së Shqipërisë në Mal të Zi dhe institucioneve përkatëse, me synim lehtësimin e procedurave administrative dhe uljen e kostove për studentët dhe familjet e tyre.

Masa prek veçanërisht pjesëtarët e pakicës shqiptare në Mal të Zi, të cilët ndjekin studimet në Shqipëri dhe deri më tani janë përballur me procedura të kushtueshme dhe të ndërlikuara për njohjen e diplomave.

Heqja e tarifës konsiderohet një hap drejt thjeshtimit të procesit të njësimit të diplomave dhe rritjes së aksesit në tregun e punës dhe vijimin e studimeve të mëtejshme.

Që prej vitit 1991, studentë nga komuniteti shqiptar në Mal të Zi kanë përfituar kuota të lira studimi në universitetet shqiptare, në kuadër të mbështetjes për arsimin në gjuhën shqipe dhe bashkëpunimit arsimor mes dy vendeve.

Sipas autoriteteve, lehtësimi i këtyre procedurave pritet të ndikojë pozitivisht në zhvillimin akademik dhe profesional të të rinjve, si dhe në forcimin e marrëdhënieve arsimore ndërmjet Shqipërisë dhe Malit të Zi.

Janë publikuar pamjet nga incidenti i ndodhur mbrëmjen e së shtunës gjatë protestës së 21-të në Tiranë, ku një protestues i maskuar është ngjitur pranë zonës së muzeut “Shtëpia me Gjethe” dhe ka hequr flamurin e Shtetit të Izraelit i vendosur në afërsi të Ambasadës së Izraelit.

Ngjarja ndodhi gjatë protestës ku mijëra qytetarë u mblodhën në kryeqytet për të kërkuar dorëheqjen e kryeministrit Edi Rama, si edhe largimin e asaj që ata e konsiderojnë si klasën e vjetër politike.

Pamjet e shpërndara në rrjetet sociale tregojnë momentin kur protestuesi i maskuar ngjitet dhe tërheq flamurin, një veprim që shkaktoi reagime të menjëhershme.

Lidhur me këtë incident reagoi edhe Ministria për Evropën dhe Punët e Jashtme, e cila përmes një deklarate zyrtare dënoi ashpër heqjen dhe përdhosjen e flamurit të Ambasadës së Shtetit të Izraelit në Tiranë.

Në reagimin e saj, Ministria theksoi se veprime të tilla nuk kanë asnjë lidhje me lirinë e shprehjes apo të drejtën për protestë paqësore, por përbëjnë shfaqje të urrejtjes, intolerancës dhe nxitjes së përçarjes.

VIDEO

“Ky akt i turpshëm bie ndesh me traditën e gjatë shqiptare të mikpritjes, harmonisë dhe respektit për tjetrin. Ai nuk përfaqëson Shqipërinë dhe as popullin shqiptar, por vetëm ata që kërkojnë të provokojnë dhe të përhapin urrejtje”, thuhej ndër të tjera në deklaratë.

Më tej, Ministria riafirmoi angazhimin e Shqipërisë për mbrojtjen e misioneve diplomatike dhe simboleve të tyre, në përputhje me të drejtën ndërkombëtare dhe Konventën e Vjenës për Marrëdhëniet Diplomatike.

VIDEO

Këshilli i Ministrave në mbledhjen e ditës së sotme ka miratuar marrjen e një huaje prej 302 milionë dollarësh nga Shtetet e Bashkuara në kuadër të programit të Financimit të Jashtëm Ushtarak (FMF).

Sipas vendimit të publikuar në faqen zyrtare, financimi synon mbështetjen e projekteve dhe investimeve në fushën e mbrojtjes, në përputhje me bashkëpunimin strategjik ndërmjet Shqipërisë dhe Shteteve të Bashkuara.

302 milionë dollarët e marra me kredi, do të përdoren për forcimin e kapaciteteve mbrojtëse të vendit, nëpërmjet furnizimit me pajisje dhe sisteme ushtarake të prodhuara në SHBA

Kjo marrëveshje konsiderohet një hap i rëndësishëm në forcimin e kapaciteteve mbrojtëse të vendit tone dhe në thellimin e bashkëpunimit në fushën e sigurisë ndërmjet Shqipërisë dhe SHBA-së.

Qeveria Rama ka vendosur ndërprerjen e funksionimit të Bordit të Transparencës, i ngritur për monitorimin e çmimeve të hidrokarbureve në kuadër të ligjit përkatës.

Ministrja e Ekonomisë dhe Inovacionit, Delina Ibrahimaj ka bërë me dije se pas një periudhe disa mujore gjatë së cilës tregu i karburanteve ka shfaqur stabilizim të ndjeshëm, duke reduktuar nevojën për ndërhyrje administrative.

“Ne sot vendosëm që do të ndërpresim Bordin e Transparencës, i cili prej disa muajsh tashmë është në funksion në zbatim të ligjit për hidrokarburet. Kanë qenë disa muaj që kanë pasur disa luhatje të çmimeve të karburanteve dhe prej më shumë se dy javësh çmimi ka ardhur duke u reduktuar, çmimet e bursës janë stabilizuar, Kanali i Hormuzit do të zhbllokohet, tregu i hidrokarbureve është stabilizuar dhe ne vendosëm që të ndërpresim funksionimin e Bordit të Transparencës”, deklaroi Ibrahimaj.

Kryeministri i Kosovës, Albin Kurti, ka reaguar në lidhje me debatet që kanë shoqëruar zhvillimet e fundit politike në Shqipëri dhe çështjet që lidhen me territorin kombëtar.

Në një deklaratë që po qarkullon gjerësisht në rrjetet sociale, Kurti u shpreh se nuk mund të imagjinojë dhënien e territorit shqiptar dhe se roli i tij është ta mbrojë atë.

“Mendoj që më mirë që është kështu. Ka që janë të gatshëm të japin tokë shqiptare, unë atë guxim nuk e kam. Edhe jo vetëm që nuk e kam atë guxim, por nuk e kam as atë imagjinatë apo dëshirë. Unë jam këtu që ta mbroj, jo ta humbas”, deklaroi ai.

Fjalët e Kurtit kanë tërhequr vëmendje në një moment kur protestat në Shqipëri vijojnë prej javësh dhe debati publik është fokusuar te projektet strategjike, zhvillimi i zonave të mbrojtura dhe investimet e mëdha në vend.

Deklarata e kryeministrit të Kosovës është interpretuar nga shumë komentues si një mesazh i drejtpërdrejtë në mbrojtje të interesit kombëtar dhe të territorit shqiptar, ndërsa në rrjetet sociale ka gjeneruar reagime të shumta mbështetëse.

Ndërkohë, protestat në Tiranë kanë hyrë në javën e katërt, me organizatorët që vijojnë të kërkojnë dorëheqjen e kryeministrit Edi Rama, krijimin e një qeverie teknike dhe shfuqizimin e disa ligjeve që, sipas tyre, cenojnë interesin publik dhe mjedisin.

Shqiptari i ka shkruar faqes tonë dhe ka treguar historinë e tij, kurse në vetëm pak minuta janë gjeneruar me mijëra komente. “Përshëndetje stafi!

Jam 33 vjeç i martuar kam 1 çun, para 3 vitesh jam njoh me një ruse në Itali.

Tani jetoj në Shqipëri, e kam marr dhe gjatë veres rusen në Shqipëri,ka rënë në das;huri me mua, është shumë e bukur+dhe e pasur më ka kërkuar që të jetojmë bashkë.

dhe më ka thënë që do kujdeset për djaIin tim për arsyen që më do shumë. 1 pyetje kisha unë –

a ja vlen të lësh një fsh;atare nga Shqipëria dhe të jetosh me këtë rusen e bukur dhe të pasur?”, thuhet në mesazhin e publikuar.

Pak ditë pas konfirmimit të ndarjes që tronditi fansat e tyre, Brikena Selmani dhe Mateo Borri janë rikthyer sërish në qendër të vëmendjes.

Dyshja janë parë së bashku në një dalje publike, duke nxitur menjëherë dyshime se raporti i tyre mund të mos ketë përfunduar përfundimisht siç u tha fillimisht.

Kujtojmë se vetëm pak ditë më parë Brikena konfirmoi ndarjen përmes një mesazhi publik, duke theksuar se vendimi ishte marrë me respekt dhe mirëkuptim. Megjithatë, që nga ai moment nuk kanë munguar aludimet se mes tyre mund të ketë ende ndjenja.

Madje, gazetari Elton Tozaj deklaroi publikisht se sipas burimeve të tij, ndarja mund të ketë qenë më shumë një strategji për të tërhequr vëmendjen e publikut sesa një ndarje reale, duke parashikuar edhe një ribashkim të afërt të çiftit.

Tashmë, fakti që Brikena dhe Mateo janë parë sërish bashkë ka ndezur rrjetin. Shumë ndjekës po pyesin nëse dyshja po i japin një tjetër shans lidhjes së tyre apo nëse ndarja nuk ka ekzistuar kurrë në të vërtetë.

Deri tani as Brikena dhe as Mateo nuk kanë reaguar për të sqaruar situatën, duke lënë vend për interpretime të shumta.

Një gjë është e sigurt: çdo lëvizje e tyre po ndiqet me shumë interes dhe pyetja që po qarkullon kudo është e njëjta: a po mashtrojnë publikun apo janë rikthyer sërish në krahët e njëri-tjetrit?

VIDEO

Ambasadorja e Izraelit në Tiranë, Galit Peleg, ka reaguar pas përdhosjes së flamurit izraelit gjatë protestës së mbajtur mbrëmjen e së shtunës në kryeqytet, duke e cilësuar ngjarjen si një akt që “turpëron popullin shqiptar dhe trashëgiminë e tij krenare”.

Në një postim në rrjetin social X, Peleg tha se akti cënon dinjitetin e popullit shqiptar dhe trashëgiminw krenare të tij

“Mbrëmë në Tiranë, protestues hoqën flamurin izraelit dhe e grisën atë mes brohoritjeve të turmës së mbledhur në vendngjarje. Si ambasador i një shteti demokratik, unë besoj në të drejtën e popullit shqiptar për të ushtruar të drejtën e tij qytetare për të protestuar. Megjithatë, një akt i tillë jo vetëm që nuk i shërben kauzës së protestës publike, por gjithashtu cenon dinjitetin e popullit shqiptar dhe trashëgiminë e tij krenare. Falënderoj @HoxhaFer për dënimin e menjëhershëm dhe të qartë të këtij akti., shkroi ajo.

Reagimi vjen pak orë pasi Ministria për Evropën dhe Punët e Jashtme dënoi heqjen dhe përdhosjen e flamurit të Ambasadës së Izraelit në Tiranë, duke deklaruar se akte të tilla nuk përfaqësojnë Shqipërinë dhe popullin shqiptar.