Në orët e para të ditës së martë, në fshatin Gurëz, që bën pjesë në njësinë administrative Fushë Kuqe të Kurbinit është shënuar një shpërthim me lëndë plasëse.
Sipas njoftimit të Policisë së Shtetit, rreth orës 04:20, në derën e jashtme të oborrit të banesës së shtetases M. D. është hedhur një sasi e vogël lënde plasëse, e dyshuar se është artizanale.
Megjithatë, hetimet paraprake ngrenë dyshime se shënjestra mund të ketë qenë këngëtari Jozefin Marku, i njohur me emrin Jozi.
Pas sinjalizimit, në vendngjarje u paraqitën forcat e policisë dhe grupi hetimor, të cilët verifikuan situatën. Nga vëzhgimi fillestar u vu re se porta kishte pësuar dëmtime të lehta si rezultat i shpërthimit.
Gjatë kontrollit të zonës përreth, hetuesit gjetën disa gëzhoja të vjetra, të cilat u sekuestruan për t’u analizuar si prova materiale.
Njoftimi i policisë:
Kurbin/Vijojnë veprimet hetimore për zbardhjen e rrethanave dhe dokumentimin ligjor të ngjarjes së ndodhur në orët e para të mëngjesit të sotëm në fshatin Gurëz, Fushë Kuqe.
Me marrjen e njoftimit se rreth orës 04:20, në portën e jashtme të murit rrethues të shtetases M. D, alias M. B.,në fshatin Gurëz, Fushë Kuqe, ishte hedhur një sasi e vogël lënde plasëse e dyshuar artizanale, shërbimet e Policisë shkuan menjëherë në vendin e ngjarjes, së bashku me grupin hetimor.
Gjatë këqyrjes së vendit të ngjarjes dhe territorit përreth, rezultoi se porta e murit rrethues të banesës ishte dëmtuar lehtë nga shpërthimi i lëndës plasëse, e dyshuar artizanale.
Në vijim të veprimeve, grupi hetimor gjeti në rrugë, në afërsi të banesës, disa gëzhoja në dukje të vjetra, të cilat u sekuestruan dhe administruan në cilësinë e provës materiale.
Nën drejtimin e Prokurorisë, vijojnë veprimet e thelluara hetimore për sqarimin e rrethanave, identifikimin e autorit/ve dhe dokumentimin e plotë ligjor të rastit.
Armando Broja,“bomberi” kuqezi rikthehet të luajë, për më tepër si titullar me ekipin e tij të ri, Burnley. Ashtu siç pritej, trajneri Scott Parker i besoi nga minuta e parë në EFA Cup, në Kupën e Ligës në Angli, kundër Derby County, ekip që militon në Championship. Katër minuta lojë i mjaftuan Brojës për të lënë gjurmë, me sulmuesin kuqezi që u kthye në protagonist në topin e parë që i erdhi në këmbë, duke shërbyer pastër për Ramsey, me këtë të fundit që me një goditje të saktë dërgoi topin në rrjetë.
Broja qëndroi në fushë deri në minutën e 63-të. Ekipi i tij arriti të kaloj më tej në Kupën e Ligës pas suksesit 2-1. Për sa kohë qëndroi në fushë, Broja u vlerësua nga mediat me notën 6,5. I kënaqur me paraqitjen e Brojës u shfaq edhe trajneri Scott Parker, me këtë të fundit që vlerësoi faktin që lojtar si Broja patën mundësi të kishin minuta në këmbë:
“Ishte një mundësi e mirë për shumë lojtarë që të luanin më shumë minuta. Gjykimi për Armando Brojën nuk vjen nga ndeshja sot. Ka nevojë për minuta, ka 2 javë e gjysmë me ne dhe i duhen disa minuta me shumë në këmbë sigurisht. Edhe kjo ishte një stërvitje për të, kështu do të arrijmë atje ku duam” u shpreh Parker.
Dashi Do të keni mundësinë të zgjidhni një situatë të pazgjidhur, veçanërisht në punë. Do të tregoni vendosmëri të madhe, por kini kujdes të mos bëheni të paduruar. Në dashuri, edhe gjestet e vogla do të kenë ndikim. Beqarët mund të marrin një mesazh të papritur.
Demi Qetësia dhe stabiliteti do të jenë në qendër. Është momenti i duhur për të reflektuar mbi vendime praktike apo investime. Në dashuri, dëshira për të ndarë dhe planifikuar rikthehet. Përmirësim edhe në marrëdhëniet familjare.
Binjakët Një ditë e gjallë me komunikim të shkëlqyer. Do të jetë koha ideale për të sqaruar keqkuptime ose për të rishikuar projekte pune. Në dashuri, do të jeni më të hapur ndaj eksperiencave të reja. Kujdes të mos e teproni me ironinë.
Gaforrja Do të ndjeni nevojë për më shumë harmoni dhe mbrojtje emocionale. Në punë mund të ketë vështirësi të vogla, por gjithçka do të kapërcehet me qartësi dhe komunikim. Në dashuri, hapja me partnerin do të jetë çelësi për të shmangur keqkuptime.
Luani Një ditë produktive në punë, ku idetë e reja do të kenë hapësirë. Megjithatë, në dashuri duhet më shumë përpjekje: dëgjoni partnerin dhe mos e merrni çdo gjë si të mirëqenë. Gjestet e vogla do të bëjnë diferencën.
Virgjëresha Yjet favorizojnë vendimet praktike dhe një mundësi e re në punë mund të shfaqet. Analizoni çdo detaj me kujdes. Në dashuri, dita do të jetë e qetë, me potencial për surpriza të këndshme në mbrëmje. Kujdesuni edhe për veten.
Peshorja Koha për të rigjetur ekuilibrin. Fokusohuni tek mirëqenia dhe shmangni konfliktet e panevojshme. Në punë mund të keni pengesa të vogla, por me durim dhe qetësi do t’i kaloni. Në dashuri, partneri ka nevojë për më shumë durim e kujdes nga ju.
Akrepi Një ditë intensive, plot ngarkesë emocionale dhe pune. Sqarimet në marrëdhënie janë të domosdoshme, ndaj mos lini vend për dyshime. Përballuni me gjithçka me sinqeritet dhe vendosmëri.
Shigjetari Energjia juaj do të jetë e lartë dhe dita sjell surpriza të këndshme. Mund të shfaqen bashkëpunime të reja ose miqësi që kthehen në diçka më të fortë. Në dashuri, atmosfera është pozitive dhe e gjallë.
Bricjapi Një ditë e mirë për organizim dhe rend. Në punë, përqendrimi do të japë rezultatet e para. Në dashuri, një bisedë e sinqertë sjell qetësi dhe stabilitet. Tregohuni më të hapur për të dëgjuar partnerin.
Ujori Kreativiteti dhe frymëzimi janë në kulmin e tyre. Dita është ideale për ata që punojnë me ide dhe projekte të reja. Në dashuri, një gjest i vogël mund të ndezë sërish marrëdhënien. Beqarët mund të njohin dikë shumë interesant.
Peshqit Një ditë reflektimi dhe kujdesi ndaj vetes. Do të ndiheni të tërhequr nga meditimi dhe qetësia shpirtërore. Në dashuri, një fjalë e thënë në kohën e duhur mund të shuajë tensionet. Intuita do t’ju udhëheqë drejt zgjedhjeve të duhura.
Pas më shumë se një dekade ndalim, në Shqipëri do të lejohet gjuetia.
Në vend të zgjatjes së moratoriumit që skadoi në gusht, propozohet lejimi i aktivitetit në zona të caktuara. Ministria e Turizmit dhe Mjedisit ka hedhur në konsultim publik projektligjin “Për gjuetinë”.
“Zonat e gjuetisë mund t’i jepen subjekteve private me anë të një procedure konkurrimi dhe për një afat jo më pak se 10 vjet, kjo për arsyen se sipas ekspertëve të fushës së gjuetisë, duhen të paktën 5 vjet për të përgatitur gjahun. Subjekti fizik ose juridik do të jetë njëkohësisht dhe menaxhuesi i zonës”, thotë Aleksandër Trajçe, Drejtor Ekzekutiv i PPNEA.
Gjuetarë do të jenë si fillim vetëm shtetasit shqiptarë, ata që kanë mbushur moshën 25 vjeç, që kanë armë me leje dhe që janë të pajisur me leje gjuetie.
Sipas relacionit të projektligjit, statusi i zonës së gjuetisë do të hiqet për arsye të sigurisë kombëtare, nevoja të zhvillimit rural, kur ka keqpërdorim dhe kur nuk zbatohet kontrata me qiramarrësin.
“Në fakt projektligji i ri nuk ndryshon shumë nga nismat e mëhershme të moratoriumit. Në relacion thuhet gjithashtu se nisma ligjore do i shërbejë shtimit të popullatës së shpendëve dhe kafshëve. Problemi i madh është që ne sot nuk kemi asnjë të dhënë se sa ndikoi te përmirësimi i jetës së egër moratoriumi i shtyrë disa herë”, shtoi Trajçe.
“Thuajse fare. Gjuetia e paligjshme vijoi edhe me mënyra të brakonazhit. U përdorën imituesit për shpendët. Pati edhe gjuetarë nga jashtë që e thyen moratoriumin”, thotë Joni Vorpsi nga Qendra për Ruajtjen dhe Mbrojtjen e Mjedisit Natyror në Shqipëri.
Baza e re ligjore parashikon se në rastet kur në zona të ndaluar gjuhen kafshë që nuk janë pjesë e listës apo kur mungon leja e gjuetisë gjobat janë të majme dhe variojnë nga 500 mijë lekë në 1 milion e 300 mijë lekë.
Po sa ndikuan këto masa edhe gjatë periudhës së moratoriumit për të frenuar gjuetinë e paligjshme?
“Në fakt projektligji i ri nuk ndryshon shumë nga nismat e mëhershme të moratoriumit. Në relacion thuhet gjithashtu se nisma ligjore do i shërbejë shtimit të popullatës së shpendëve dhe kafshëve. Problemi i madh është që ne sot nuk kemi asnjë të dhënë se sa ndikoi te përmirësimi i jetës së egër moratoriumi i shtyrë disa herë”, shtoi Vorpsi.
Në vitin 2017, Federata Kombëtare e Gjuetisë propozoi që gjuetia të kthehej në një sport të licencuar kundrejt pagesës, që mund të sillte deri në 12 milionë euro të ardhura në vit për buxhetin. / A2 CNN
Gazetarja e njohur e televizionit “Sky News”, Yalda Hakim, është rikthyer në Shqipëri dhe po kalon disa ditë pushimi me familjen e saj në bregdetin e jugut.
Gazetarja, e lindur në Kabul të Afganistanit, dhe e rritur në Australi, ka publikuar në Instagram foto nga momentet që po kalon me familjen në bregdetin e Dhërmiut.
“Në Shqipëri, gjithmonë pranë zemrës time. E lumtur që u riktheva”, shkruan ajo.
Gazetarja Yalda Hakim, e cila drejton edhe fondacionin “The Yalda Hakim Foundation”, ka një lidhje të veçantë me vendin tonë. Kjo për shkak se Shqipëria strehoi refugjatët e larguar nga Afganistani në vitin 2021.
Mes refugjatëve që mbërritën në Shqipëri nga Afganistani ishin edhe disa vajza studente të fondacionit të saj.
Dy motrat që ndërruan jetë mbrëmjen e së dielës në një aksident rrugor në Delvinë, punonin si tregëtare ambulante pranë plazhit publik të Sarandës, me qëllim që të ndihmonin vëllanë e tyre të sëmurë.
Drejtori i Drejtorisë Shërbimeve Publike në Bashkinë Sarandë, Jolio Dine, në një postim prekës, ka treguar njohjen e tij me 20-vjecaren Rozina Dhimaku, e cila përmes një strukture të improvizuar me kallama e bimë, shiste pranë vendit të quajtur “Plazhi i Ri” në Sarandë. “Balkanëeb” mësoi se dy motrat gjithashtu punonin edhe një punë të dytë, Rozina si pastruese dhe Elvisa si kuzhiniere mëngjesesh, në dy subjekte hoteliere në Sarandë.
Postimi i Drejtorit të Drejtorisë së Shërbimeve Publike në Bashkinë Sarandë, Jolio Dine: “Prej pak orësh jemi njohur të gjithë me dramën familjare të familjes Dhimaku, e cila përpos dhimbjes për humbjen tragjike të Rozinës dhe Elvisës, tashmë duhet të përballojë edhe sëmundjen e rëndë të djalit të tyre 7-vjecar.
Kjo në foto është struktura e thjeshtë, por që brenda mbart dhimbje dhe forcë, që Rozina ma ka nisur në telefonin tim në 17 qershor, duke më kërkuar një vend për të tregëtuar në afërsi të Plazhit të Ri në Sarandë. Ajo kurrë nuk më tha se arsyeja e kësaj pune të thjeshtë por fisnike, ishte pikërisht nevoja për të ndihmuar vëllanë e saj. “Studioj për mjekësi”, më tha me krenari, por me një nevojë të ethshme për të nxjerrë pak të ardhura më tepër. Kur të gjithë kërkuan hapësirë me projekte strukturash moderne, Rozina erdhi pikërisht me “projektin” e saj të varfër, por me një dashuri dhe dëshirë të jashtëzakonshme për të punuar.
Komunikimin e fundit me Rozinën e kam pasur dy muaj më parë dhe nuk e di pse ishte i vetmi rast që dëshiroja me shpirt që dikush të kishte sukses me hapësirën publike që shfrytëzonte gjatë verës dhe ndaj i shkrova vetë për të mësuar dicka më tepër. Mesa duket nuk i kishte ecur sic duhet, sic kam mësuar së fundmi.
Lus Allahun që Rozina dhe Elvisa të bëhen banore të Xhenetit. Gjej rastin të bëj thirrje për të gjithë, që të ndihmojmë sa të mundemi vëllanë e tyre të sëmurë!”
Një shpërthim me lëndë plasëse ka ndodhur në orët e para të mëngjesit të sotëm në fshatin Gurëz, njësia administrative Fushë Kuqe, Kurbin.
Sipas Policisë së Shtetit, rreth orës 04:20, në portën e jashtme të murit rrethues të banesës së shtetases M. D. (alias M. B.) është hedhur një sasi e vogël lënde plasëse, e dyshuar si artizanale. Por dyshohet se shënjestra ka qenë këngëtari Jozi, një personazh i njohur në televizione.
Menjëherë pas njoftimit, në vendngjarje mbërritën shërbimet e policisë dhe grupi hetimor. Nga këqyrja paraprake u konstatua se porta ishte dëmtuar lehtë si pasojë e shpërthimit.
Gjatë kontrollit në perimetrin përreth banesës, hetuesit gjetën dhe sekuestruan disa gëzhoja, të cilat sipas policisë janë në dukje të vjetra dhe janë marrë në cilësinë e provës materiale.
Njoftimi i policisë:
Vijojnë veprimet hetimore për zbardhjen e rrethanave dhe dokumentimin ligjor të ngjarjes së ndodhur në orët e para të mëngjesit të sotëm në fshatin Gurëz, Fushë Kuqe.
Me marrjen e njoftimit se rreth orës 04:20, në portën e jashtme të murit rrethues të shtetases M. D, alias M. B.,në fshatin Gurëz, Fushë Kuqe, ishte hedhur një sasi e vogël lënde plasëse e dyshuar artizanale, shërbimet e Policisë shkuan menjëherë në vendin e ngjarjes, së bashku me grupin hetimor.
Gjatë këqyrjes së vendit të ngjarjes dhe territorit përreth, rezultoi se porta e murit rrethues të banesës ishte dëmtuar lehtë nga shpërthimi i lëndës plasëse, e dyshuar artizanale.
Në vijim të veprimeve, grupi hetimor gjeti në rrugë, në afërsi të banesës, disa gëzhoja në dukje të vjetra, të cilat u sekuestruan dhe administruan në cilësinë e provës materiale.
Nën drejtimin e Prokurorisë, vijojnë veprimet e thelluara hetimore për sqarimin e rrethanave, identifikimin e autorit/ve dhe dokumentimin e plotë ligjor të rastit.
Edon Zhegrova duket tashmë më afër Juventusit, lëvizje kjo që nëse konkretizohet, vjen dhe me një ndihmë të vogël nga kryeministri Edi Rama që është edhe tifoz i bardhezinjve.
Rama i ka dërguar yllit të përfaqësueses së Kosovës pasaportën shqiptare, gjë të cilën vetë Zhegrova e shpërndau në rrjetet sociale duke e falënderuar dhe duke shkruar: “Krenar që jam shqiptar”.
Me anë të këtij veprimi, Zhegrova tani ka mundësinë të transferohet pa probleme drejt “Zonjës së Vjetër”, pasi Shqipëria nuk futet te vendet që bëjnë pjesë jashtë BE-së për Serie A dhe për këtë arsye Juventusi nuk ka pse të lirojë vend për lojtarët që vijnë jashtë vendeve të BE-së.
Tashmë negociatat pritet të rifillojnë sërish, me yllin e Kosovës që është gati të largohet nga Lille këtë verë dhe të nisë një aventurë të re te gjigantët e futbollit europian.
Fantazisti kosovar ka dhënë “ok” për kalimin te bardhezinjtë dhe marrëveshja me Lille është gati të mbyllet për 18-20 milionë euro.
Francezët e dinë se do ta humbasin lojtarin, por gjithçka varet nga largimi i Nico González nga Juventus.
Modelja Jori Delli ka zbuluar së fundmi mungesën prej disa kohësh në rrjetet sociale.
Përmes një reagimi në profilin e saj në Instagram, Jori tregoi se ka pasur një rast të rëndë familjar, pasi babai i saj pësoi një infarkt gjatë kohës që ndodhej në Vlorë.
Ajo a treguar se ai është sëmurur në Vlorë, ndërsa ka shprehur rezerva për trajtimin mjekësor atje.
“Për fat të keq, në Vlorë nuk mori kujdesin e duhur: Spitali atje nuk është i përgatitur aspak për raste emergjente”, shkruan ajo, ndërsa shton më tej se ai më pas është transferuar në Tiranë.
“E dërguan në Tiranë dhe ambulanca mbërriti vetëm pas një ore; babai im duhej të bënte edhe dy orë e gjysmë rrugë me ambulancë për të mbërritur në kryeqytet”, thotë Jori.
Postimi i plotë:
Përshëndetje miq
Këto ditë kam munguar në rrjetet sociale sepse babai im u sëmur shumë rëndë. Ai ndodhej për disa ditë në Shqipëri dhe pësoi një infarkt.
Fatmirësisht vëllai im shkoi ta vizitonte dhe arriti ta çonte në kohë në spital. Për fat të keq, në Vlorë nuk mori kujdesin e duhur: Spitali atje nuk është i përgatitur aspak për raste emergjente.
Mendoni që e dërguan në Tiranë dhe ambulanca mbërriti vetëm pas një ore; babai im duhej të bënte edhe dy orë e gjysmë rrugë me ambulancë për të mbërritur në kryeqytet.
Në të kundërt, kam vetëm fjalë mirënjohje për spitalin QSUT në Tiranë: falënderoj me gjithë zemër stafin, infermierët dhe mjekët që u kujdesën për të dhe që me një operacion të suksesshëm i shpëtuan jetën.
Me shpresën që shteti shqiptar të vendosë të investojë jo vetëm në turizëm dhe infrastrukturë të re, por edhe – dhe mbi të gjitha – në shëndetësi, duke vënë shëndetin dhe jetën e qytetarëve në vend të parë”.
Kryedemokrati Sali Berisha ka bërë publike të dhëna të detajuara për skemën e patronazhimit në Rajonin Nr. 2 të Fierit, duke e cilësuar këtë një rrjet kriminal elektoral që shtrihet në çdo qelizë të narkoshtetit.
Vetëm për rajonin 2 janë evidentuar 430 punonjës të administratës publike që janë përdorur për qëllime politike, shumica e të cilëve janë anëtarë apo mbështetës të PS-së.
Patronazhistët nuk ishin militantë partie por nëpunës shtetërorë në institucione si posta, ujësjellësi, spitali rajonal, tatimet, OSHEE, Albpetrol, ISSH, shkollat, qendrat shëndetësore dhe burgjet. Secili prej tyre kishte të dhëna të plota personale dhe politike të mbledhura dhe të lidhura me qendrat e votimit. Berisha theksoi se ky sistem është ndërtuar nën drejtimin e Belinda Ballukut.
Në pjesën më të madhe ata mbështesin ose janë anëtarë të PS.
Ka institucione si IEVP Fier me 100% punonjës me bindje politike për PS. Apo Qendrat shëndetësore, apo spitali rajonal ku 80-90% mbështesin/votojnë PS
Secili prej patronazhistëve të punësuar nga shteti kishte për detyrë mbledhjen dhe raportimin e të dhënave personale të detajuara për punonjësit civilë brenda institucionit të tyre ose nën-rajonit gjeografik (p.sh., Rajoni 1 ose 2-Fier).
Të dhënat e mbledhura përfshinin për çdo punonjës të drejtorisë / sektorit që drejtonin:
Emrat e plotë, numrat e ID-së, numrat e telefonit dhe pozicionet/afiliacionet institucionale Qendra e Votimit (QV) ku ishte i regjistruar secili punonjës Kontaktet personale dhe lidhjet familjare Përcaktimi politik ose përkatësia partiake (anëtar, mbështetës, etj.) Data e fillimit të punësimit (shumë prej tyre të punësuar rishtazi, punësime elektorale)
Posta – Nga 9 punonjës të rajonit nr 2, 6 janë anëtarësuar në PS
Ujësjellës Kanalizime Fier – Nga Ujësjellës Kanalizime Fier për 33 punonjës janë dhënë nr i ID, bindja politike, numri i telefonit, qendra e votimit dhe pozicioni në punë. 6 janë të anëtarësuar në PS
IEVP Fier – Në IEVP e Fierit 39 punonjësit janë pa përjashtim 100% të PS-së.
DPSHTR – Drejtoria e Përgjithshme e Shërbimeve të Transportit Rrugor
Në drejtorinë e Përgjithshme e Shërbimeve të Transportit Rrugor në varësi direkte të Belinda Ballukut janë 6 punonjës në rajonin 2 dhe 3.
Për secilin puninjës janë dhënë numri i celularit, data e emërimit në punë. Është shënuar qendra e votimit su dhe afilacioni politik, pra janë anëtarë apo jo të PS-së. Nga 6 të punësuar anëtarë të PS-së janë 3.
DRSSH – Drejtoria Rajonale e Shërbimeve Sociale dhe Shëndetësore
Nga 10 punonjës në rajonin nr 2. Nga 1 që është i anëtarësuar pothuajse të gjithë të tjerët votojnë për PS.
FSDKSH – Fondi i Sigurimit të Detyrueshëm të Kujdesit Shëndetësor
Janë shënuar emrat e 5 punonjësve në rajonin nr 2 .Secili ka shënuar dhe qendrën e votimit.
FSHU – Furnizuesi i Shërbimit Universal (nen OSSHE) në varësi direkte të Belinda Ballukut
Janë 6 punonjës në rajonin 2. Për secilin punonjës janë të dhënat personale dhe qendra e votimit. Nga 6 të punësuar 3 janë anëtarë të PS-së.
OSSH Fier – Në OSSH Fier nga 15 punonjës në rajonin 2, 7 janë anëtarë të PS-së. Për secilin nga emrat janë dhënë të dhënat personale, pozicioni i punës dhe qendra e votimit.
Në spitalin rajonal të Fierit – 50 punonjës në rajonin 2. Për secilin punonjës janë dhënë emër, atësi, mbiemër pozicion pune dhe qendra e votimit. Për secilin është dhënë nëse është anëtar i PS-së si dhe për kë voton.
Nga 50 punonjës 31 janë anëtarë të PS-së,pra afro 62 %. Votojnë PS-në 33 punonjës (66 %).
Tension i lartë OSSH në varësi të Ballukut –3 punonjës në rajonin e dytë. Nga këta 2 janë anëtarë të PS-së, por votojnë të 3 PS.
Tatime Fier- Nga tatimet Fier janë ish vartësit e Ceno Klosit. 4 punonjës në rajonin 2, 2 janë anëtarë të PS-së, një është PD/PS.
Duke pasur parasysh drejtoritë që ata punojnë këta persona mund të jenë përdorur gjatë fushatës së Belindës dhe Cenos në mënyrë që të intimidojnë biznese/qytetarë e të kërkojnë votat për PS-në përkundrejt lehtësive apo gjobvënieve.
ARM – Agjencia Rajonale e Mjedisit, Fier. Dy punonjës të rajonit 2. Të dy me PS-në.
Nga Shërbimi i Provës –Një punonjës me PS-në.
ISSH – 1 punonjës në rajonin 2, votues i PS-së.
Drejtoria Rajonale e Shërbimit Social Shtetëror Fier – Dy punonjëse, të dyja anëtare të PS-së.
DREJTORIA RAJONALE E AGJENCISE KOMBETARE TE PUNESIMIT DHE AFTESIVE (DRAKPA FIER) –Nga DRAKPA FIER 2 punonjës në Rajonin 2. Të dyja votues të PS-së.
NJVKSH – Njësia e Kujdesit Vendor të Kujdesit Shëndetësor, Fier
Nga 21 punonjës në rajonin 2. Për të gjithë jepen pozicionet e punës. Në kolonën e fundit kontrollohet sjellja. Nga 21 punonjës, 18 kanë sjellje të mirë, pa janë mbështetës të PS-së.
Nga qendrat shëndetësore janë evidentuar 126 punonjës në rajonin 2
Për secilin janë dhënë informacion i detajuar, emër, mbiemër, pozicion pune. Numri i kartës së identitetit, qendra e votimit
Sjellja – 80 % kanë sjellje të mirë (mbështesin PS-së).
Duke pasur parasysh sa të rëndësishme janë qendrat shëndetësore për cdo familje mjekët e familjes apo infermierët është kriminale politizimi dhe kontrolli dhe intimidimi i personelit të këtyre QSH për tu angazhuar në fushatë për PS-në.
ASHK – Agjencia shtetërore e Kadastës
Nga ASHK janë evidentuar 7 punonjës në rajonin 2. Për secilin punonjës janë dhënë informacion i detajuar, emër, atësi, mbiemër pozicion pune, QV dhe numri i celularit.
Bindja politike – 5 nga 7 janë të PS-së.
Drejtoria e Ujit të Kullimit
Nga UKF janë evidentuar 16 punonjës në rajonin 2.
Për secilin punonjës janë dhënë informacion të detajuar, emër, atësi, mbiemër, pozicion pune, qendra e votimit. Bindja politike nuk është plotësuar.
Institucioni i Albpetrol
Nga ASHK janë evidentuar 23 punonjës në rajonin 2. Për secilin punonjës janë dhënë informacion i detajuar, emër, atësi, mbiemër, numri i celularit, e QV.
