Lajmet e Fundit
Kemi dëgjuar shpesh histori nga miqtë tanë apo mund edhe t’i kemi përjetuar vetë ato momente të sikletshme
kur dalim në ballkonin e shtëpisë dhe në pallat dëgjojmë disa ulërima “qejfi” të komshijeve tona.
Një rast i ngj/ashëm i ka ndodhur një djali tek Kodra e Diellit, i cili i shqe/tësuar nga zhur/mat që lëshon komshija e tij, i bën thirrje pub/likisht ta ulë pak zërin…
“Pershendetje joq. I bej thirrje komshies ta uli pak zerin. Anonim ju lutem”,-shkruan ai.
Një vajzë është takuar me një djalë emigrant nëpërmjetë hallës së saj për t’u njohur dhe për të krij uar një lidhje.
Por sipas gazetares vajza pasi ka dalë në një tavolinë vetëm me djalin e ka pyetur për
gjendjen ekonomike dhe më pas i ka kërkuar para me pret.ekstin se do te rregullonte shtëpinë.
Pas kërkesës së vajzës, djali i ka thënë hallës së saj se nuk do që ta takoj më. Ndërkohë vajza e ka quajtur djalin kur.nac.
Milingonat janë të njohura si punëtor të mëdhenj që gjithmonë janë në lëvizje.
Sjelljet e tyre i kanë fascionuar shumë shkencëtarë.
Por, a jeni pyetur ndonjëherë se si duket brenda foleja e tyre?
Ky njeri u përpoq ta kuptonte dhe …rezultati është i jashtëzakonshëm.
DASHI
Venusi do jete shume i favorshem per ju sot. Marredhenia qe keni krijuar do jete me e qarte dhe do kuptoheni mjaft mire me njeri-tjetrin. Te gjitha keto do iu ndihmojne te merrni vendime te rendesishme. Beqaret duhet ta kerkojne ne cdo vend personin ideal. Do ta gjeni. Kujdes nga influenca negative e Marsit ne planin financiar. Shmangni me cdo kusht shpenzimet e tejskajshme.
DEMI
Mos qendroni per asnje moment vetem sot sepse jo vetem qe do merziteni dhe do bini ne pesimizem, por mund te lindin edhe mosmarreveshje me partnerin. Beqaret do te perjetojne ndjenja te thella per dike qe e kane njohur rishtazi. Shprehuni sa me shume. Qe te mos perballeni me surpriza te pakendshme ne planin financiar duhet te tregoheni sa me te matur.
BINJAKET
Do keni deshire te dilni e te argetoheni sot. Partneri do ua plotesoje qejfin, por tregohuni te vemendshem sepse ai mund t’i hedhe syte edhe diku tjeter. Mund te lindin edhe skena xhelozie. Beqaret nuk do deshirojne te krijojne nje lidhje. Shfrytezojeni sa me shume lirine tuaj. Ne planin financiar do kryeni transaksione te rendesishme dhe do i rregulloni problemet qe keni pasur kohet e fundit.
GAFORRJA
Edhe sot lidhja juaj me partnerin nuk do jete e qendrueshme. Komunikimi do te zbehet dhe here pas here do e vini ne dyshim te ardhmen se bashku. Ambienti i beqareve do te favorizoje takimet. tregohuni me ta hapur dhe shprehni gjithmone ate qe mendoni per dike. Sinqeriteti do te vleresohet shume. Kujdes me financat. Duke dashur ta stabilizoni buxhetin mund te beni gabime te pafalshme.
LUANI
Jeta juaj ne cift do jete shume e lehte per t’u jetuar dhe mjaft harmonike. Do jeni joshes dhe partneri nuk do rezistoje t’iu qendroje larg per asnje moment. Mund te beni plane edhe per ndonje udhetim se bashku. Beqaret eshte me mire te qendrojne edhe sot vetem sepse ne dashuri nuk do kene fat. As me financat nuk do i keni punet mire. Mos e teproni me shpenzimet.
VIRGJERESHA
Beni kujdes gjate kesaj dite mos bini ne rrjeten e dikujt tjeter. Personi do jete mjaft simpatik dhe terheqes dhe mund t’ua prishe mendjen. Mos harroni se keni dike ne krah i cili iu dashuron marrezisht. Beqaret do kene nje jete sentimentale te mbushur me emocione. Pergatituni per momente te mrekullueshme. Planetet do jene te favorshem per financat. Buxheti do te permiresohet.
PESHORJA
Marredhenia me partnerin do jete e mire. Do i kushtoni shume rendesi atij dhe do ia plotesoni te gjitha deshirat. Beqaret do joshin pa pushim dhe do arrijne ta bejne per vete ate qe deshirojne. Do kaloni momente te mrekullueshme dhe emocionet do jene te medha. Fati do iu buzeqeshe ne sektorin e financave. Do mund te beni transaksionet e nevojshme dhe te hiqni disa lek menjane.
AKREPI
Jeta juaj sentimentale nuk do jete shume e qete per shkak te turbullirave planetare. Do keni aq shume kerkesa saqe ai qe keni ne krah nuk do dije cfare te beje me pare. Nga darka gjerat mund te ndryshojne nese ndryshoni sjellje. Per beqaret nuk do kete asnje te re. Te ardhurat financiare do te rriten. Do merrni iniciativa, do jeni te vendosur dhe do limitoni rreziqet. Ju lumte!
SHIGJETARI
Kjo dite nuk do jete shume e favorshme per ata qe jane ne cift. Komunikimi do jete i veshtire dhe merzitja do te shtohet. Me shume sesa ndjenja reale do keni iluzione. Venusi do i ndihmoje beqaret te joshin dhe te krijojne nje lidhje me nje person inteligjent dhe qe do i beje te ndihen mire. Keshillohuni me dike per financat dhe do gjeni nje burim tjeter per te rritur te ardhurat. Ju mundeni!
BRICJAPI
Nese jeni ne nje lidhje, jeta juaj nuk do jete dhe aq e qete. Ne fakt ndjeshmeria e tepert dhe etja per ngrohtesi do e nderlikojne marredhenien me partnerin tuaj. Do keni goxha keqkuptime! Nese jeni beqare nuk duhet te nxitoheni per asgje ne menyre qe mos zhgenjeheni nga dashuria. Do jeni shume te zotet me menaxhimin e financave dhe do kaloni me sukses nje prove me rrezik.
UJORI
Nese keni pasur probleme me partnerin tuaj, kjo dite do jete mjaft e favorshme per te bere hapat e pare dhe per te vene cdo gje ne rregull. Do gjeni fjalet e duhura dhe cdo gje do rregullohet. Beqaret do jene te perkedhelurit e planeteve. Nje takim vendimtar do iu sjelle lumturine. Ne sektorin financiar do ndermerrni rreziqe por do ia dilni mbane me sukses. Besoni me teper tek fati!
PESHQIT
Nese nuk fiksoheni shume pas defekteve dhe te metave te partnerit tuaj, kjo dite do jete shume e kendshme per t’u jetuar. Mundohuni sa te mundni! Ambienti yjor do e shtoje deshiren e beqareve per te rimuar dashurine me perjetesine. Planetet do bejne gjithcka per ta realizuar kete. Edhe ne planin financiar do keni fat, por duhet me patjeter te shmangni marrjen e rreziqeve te medha.
TIRANË, ish-Kinostudio – Në një gjest të pazakontë për temperamentin dhe profesionin e tij si super-moderator, vetëm i moderuar nuk mund të quhet vendimi i fundit i drejtuesit televiziv të emisionit të vet televiziv, që njihet botërisht me emrin e artit Fevzo.
Burimet për Patronazhistin thonë se vendimi është marrë në koordinim me pronarin televiziv Sandër, në shenjë proteste për gjendjen ku është katandisur bujqësia shqiptare sot.
Me fjalë të thjeshta, asnjë i ftuar në emisionin e Fevzos këtë sezon të ri televiziv, nuk do të lejohet të hyjë në studio pa bërë më parë testin e nitratit!
***
Siç patronazhistët e mbajnë mend, historia nisi këtë verë, me Fevzon që pasi ishte velur nga udhëtimet nëpër botë dhe kërcimet zbathur me fiset afrikane Masai, se ku kishte gjetur andej nga Palasa një aparat të vogël me bateri, ja kaq sa një celular, i cili kishte një tip shtize me majë në fund.
“Kjo shtiza do jetë në vend të antenës, hëëë?” i tha Fevzo me instinktin e mprehtë gazetaresk, njeriut që ja solli.
“Jo mo gjigand,” iu përgjigj njeriu misterioz, “këtë shtizën e ngul në një frut ose zarzavate, dhe të tregon nivelin e nitratit. Është aparat i paparë. Na bëje provë,” dhe i vuri para një mango.
“Aaaa, nga ky varietet mangosh kam ngrënë në Republikën Domenikane. Ke qenë ti në Republikën Domenikane?” e pyeti Fevzo mikun.
“E jo a derëzi, unë s’jam i shëtitur si zotrote. Maksimumi kanë qenë nja katër vjet në Ekuador, në një burg… hotel të sigurisë së lartë. Naaa, e shikon sa ta nxjerr nitratin? Zero. Ngule tani tek kjo domatja e Lushnjes: Tre mijë!”
Fevzo u lemeris: “Pse s’thua ti që hamë helme ne? Po kjo është e tmerrshme. Do bëj një video dhe do ta hedh në rrjetet e mia sociale, që ta marrë vesh bota si bëhen reformat radikale!”
Miku misterioz i rrahu shpatullat: “Ta bësh vëlla! Dhe po pyetën për këto aparatet, janë 100 euro copa. Sado të shiten, ti ke 20 përqind”.
“Ore nuk më rruhet mua për para,” ja preu Fevzo, “se kam prona në gjithë Ballkanin, po më bëre merak se çfarë hamë, çfarë fusim në bark. Të zinjtë ne thuaj. Sa e lamë, 25%?”
***
Realisht Fevzo, që dikur miqtë e thërrisnin “Blendi me Gjashtë Gjyshe”, nuk ka vërtet nevojë për para. Të gjashta gjyshet i qëlluan me prona të mëdha: njëra kishte prejardhje nga Vërlacët, tjetra nga Vrionët, një e tretë nga Toptanët, një tjetër nga Karagjorgjeviçët e Serbisë, dhe dy të fundit andej nga Savojat e Italisë. Bile thuhet se miqësia e tij e vjetër me Andi Bushatin është prishur pikërisht në momentin kur Fevzo i tha Bushatit në mirëbesim: “Më duket se më doli dhe një gjyshe nga Bushatllinjtë!”
Nga ana tjetër, Fevzo dhe Sandri nuk preken drejtpërdrejt as nga bujqësia e nitrateve të Myzeqesë, sepse secili prej tyre ka pajtuar kopshtar personal nga Filipinet dhe konsumojnë perimet e tyre private.
“Unë e kam hallin këtu,” i shpjegoi Fevzo Sandrit – i cili që kur erdhi nga Lezha këtu e tre dekada të shkuara, e ka ulur drastikisht volumin e kaçubes me flokë majë kokës, ku dikur bënin fole mëllënjat – “ne kemi bahçet tona, por të ftuarit me siguri blejnë perime e fruta në pazar. Me trupin plot me nitrat, ata futen në studio, flasin e bërtasin, dhe na i shkarkojnë neve të gjitha helmet”.
***
Dhe ashtu u bë. Emisioni i parë live i Fevzos ishte javën e kaluar. Ata kishin vënë dy njerëz të besuar te hyrja e Klanit, me aparat nitrati me shtizë në dorë, të cilët u deklaruan të ftuarve se kishin urdhër t’ua ngulnin në trup për të bërë testin e nitratit.
Por mesa duket, mungesa e taktit bëri që të ftuarit e parë të sezonit të ri të iknin me vrap, duke u thënë rojeve: “Atë celularin me majë, shkoni e nguljani Fevzos!”
Kjo ishte arsyeja pse emisioni i parë i këtij sezoni, u bë me ca njëzet-vjeçarë që Fevzo u gjeti çastin e fundit. Kur ata pyetën se çfarë ishte ai aparati, u thanë se ishte test për Covidin.
Vini Re: Patronazhisti është rubrikë satirike anti-nitrike me numër normal gjyshesh
Vera e gjatë në Shqipëri e Belina Pupës ka përzierë punën e pushimet, por ka pasur edhe mungesën e gjysmës tjetër të saj. Ndryshe nga herët e tjera, Elvis Pupa nuk e ka shoqëruar gjatë këtij udhëtimi të zgjatur. Siç shpjegon ajo në programin “Rudina”, gjithçka ka qenë mospërputhje axhendash.
Belina Pupa: Unë kam ardhur që në qershor këtu, ishte një udhëtim më shumë për punë filloi sesa për pushime dhe do të kthehesha në Australi, kam ardhur të rri për dy javë. Po si në Shqipëri që thonë jo po kjo puna, është mbyllur televizioni, është shtuar për në shtator e gusht, ndenja më gjatë se familja më erdhi kështu që këtë vit e kam kaluar shumë në jug, shumë në veri. Kam 3 muaj në Shqipëri, e kam kaluar gjysmën në jug, gjysmën në veri.
Rudina Magjistari: Paske bërë super pushime!
Belina Pupa: Kam bërë, duken sikur kam bërë 3 muaj pushime por faktikisht ai laptopi im i shkretë vjen gjithkund me mua me vete dhe unë një orë me familjen, tre orë me konsultat dhe shkruanin njerëzit “po boll se le nam, shko te burri yt në shtëpi”. Jam për punë, nuk kam ardhur vetëm për… duket se bëjmë qejf.
Rudina Magjistari: Po pse, burrin e ke në Australi?
Belina Pupa: Po, atje dhe tani kam filluar çdo ditë e mezi po pres.
Rudina Magjistari: Si ka mundësi që s’erdhi me ty?
Belina Pupa: Sepse ashtu i kemi pasur punët këtë vit, ai nuk vinte dot, unë nuk shkoja dot.
Miliona njerëz anembanë botës e kanë dyshuar prej kohësh, por tani një rrjedhje sugjeron se telefonat tanë me të vërtetë po na spiunojnë duke dëgjuar bisedat.
Një “pitch deck”* i dukshëm nga një prej partnerëve të supozuar të marketingut të Facebook duket se jep hollësi se si kompania përgjon bisedat e përdoruesve për të krijuar reklama të dedikuara.
Në një paraqitje tronditëse, Cox Media Group (CMG) pretendon se softueri i tij “Active-Listening” përdor Inteligjencën Artificiale (AI) për të mbledhur dhe analizuar ‘të dhënat në kohë reale’ duke dëgjuar atë që thoni përmes telefonit, laptopit ose mikrofonit në shtëpi.
“Reklamuesit mund t’i çiftojnë këto të dhëna zanore me të dhënat e sjelljes për të synuar konsumatorët në treg”, thuhet në rrjedhjen e zbuluar.
Kompania vijon të reklamojë Facebook, Google dhe Amazon si klientë të CMG, duke sugjeruar se ata mund të përdorin shërbimin e tij Active-Listening për të synuar përdoruesit.
Operacioni iu zbulua gazetarëve në 404 Media që tregon aftësitë e softuerit Active-Listening për klientët e mundshëm.
Që nga zbulimi dhe shpërfaqja e gjetjes, Google hoqi grupin e mediave nga faqja e saj “Programi i Partnerëve”.
Në një deklaratë të dërguar me email për DailyMail.com, një zëdhënës i kompanisë META tha: “Meta nuk përdor mikrofonin e telefonit tuaj për reklama dhe ne kemi qenë të hapur për këtë për vite me radhë. Ne po kontaktojmë me CMG për t’i bërë ata të sqarojnë se programi i tyre nuk bazohet në të dhënat e META-s.”
Amazon iu përgjigj 404 Media duke deklaruar se dega e saj e reklamave “nuk ka punuar kurrë me CMG në këtë program dhe nuk ka në plan ta bëjë këtë”.
Por zëdhënësi shtoi se nëse një nga partnerët e saj të marketingut shkel rregullat e saj, kompania do marrë masa, duke e lënë disi të paqartë statusin e marrëdhënies së Amazon me CMG.
Prezantimi tregon hollësitë e procesit me gjashtë hapa që përdor softueri Active-Listening i CMG për të mbledhur të dhënat e zërit të konsumatorit përmes çdo pajisjeje të lidhur me mikrofon, duke përfshirë telefonat inteligjentë, laptopët ose asistentin me zë në shtëpi.
Është e paqartë nga shfaqja e prezantimit nëse softueri Active-Listening po përgjon vazhdimisht, ose vetëm në momente specifike kur mikrofoni i telefonit aktivizohet, si p.sh. gjatë një telefonate.
Reklamuesit më pas përdorin këto njohuri për të synuar ‘konsumatorët në treg’, të cilët janë njerëz që konsiderojnë në mënyrë aktive blerjen e një produkti ose shërbimi të caktuar.
Nëse zëri juaj ose të dhënat e sjelljes sugjerojnë se po mendoni të blini diçka, ato do t’ju ofrojnë reklama për atë artikull.
Për shembull, duke folur ose duke kërkuar për makina Toyota mund t’ju shtyjë të filloni të shihni reklama për modelet e tyre më të reja.
“Pasi nis punën, teknologjia analizon automatikisht trafikun e faqes suaj dhe klientët për të nxitur shënjestrimin e audiencës në mënyrë të vazhdueshme”, thuhet në dokumentin e zbuluar.
Për vite me radhë, përdoruesit e pajisjeve inteligjente kanë spekuluar se telefonat ose tabletët e tyre po spiunojnë atë që ata thonë. Por shumica e kompanive të teknologjisë i kanë mohuar këto pretendime.
Pak orë pas daljes nga burgu, eurodeputeti i partisë greke në pushtet Nea Demokracia deklaroi se kishte patur oferta që të jepte dorëheqjen nga mandati i fituar i kryetarit të Bashkisë së Himarës.
Fredi Beleri tha se zyrtarë të partnerëve tanë kryesorë e kishin takuar javën e parë të arrestimit të birin dhe të vëllanë duke u sugjeruar atyre dorëheqjen e Belerit dhe gjetjen e një kandidati tjetër, qoftë edhe e një anëtari të familjes Beleri.
Po kush partnerë janë këta? Në intervistën për gazetaren Elona Meço, në emisionin “Pa Censurë”, Fredi Beleri foli hapur.
Elona Meço: Ju pohuat pas daljes nga burgu se keni patur oferta nga zyrtarë të partnerëve tanë kryesorë për të dhënë dorëheqjen në shkëmbim të lirisë. Kush jua bëri këtë ofertë?
Fredi Beleri: Po kë kemi ne partnerë kryesorë?
Elona Meço: Amerikanët di unë që kemi. Ishin ata?
Fredi Beleri: Edhe nga ata.
Elona Meço: “Edhe nga ata”, kush ishte tjetër?
Fredi Beleri: Po Shqipëria ka edhe partnerë të tjerë, ndërmjetës ka, dashamirës. Por edhe ky ishte një mashtrim i radhës. Sepse oferta ishte që të vëmë një djalë të mirë, pa probleme, që të ketë mundësi të fitojë bashkinë, të ndëshkojë populli me votë gabimet e qeverisë. Erdhi zoti Gjikuris, që për mua është një qytetar model dhe sulmi që iu bë ishte 10 fish më i madh se sulmi që m’u bë mua në 2023-shin para zgjedhjeve.
Një nga sulmet që përmendi Beleri ndaj kandidatit të opozitës ishin takimet e tij më ish-kreun e CIA-s, Robert Gates. “Pse zoti Gates është i mirë kur takon kryeministrin shqiptar dhe kur takon zotin Gjikuria është problem?!”, tha Fredi Beleri duke kritikuar “standardet e dyfishta të përdorur në fushatë elektorale kundër opozitës”.
Ndeshja Ukrainë-Shqipëri duhej të niste në orën 20:45, por nisi 7 minuta më vonë.
Siç duket shkak janë bërë çorapet e një prej futbollistëve të Ukrainës.
Sulmuesit Yaremchuk iu kërkua nga arbitri që të ndërrojë çorapet, pasi ishin të grisura.
E kështu futbollisti u detyrua të shkojë në pankinë t’i ndërrojë ato.
Futbollistët e tjerë u detyruan të prisnin numrin 9 të Ukrainës e pasi ai veshi çorapet e duhura, sfida nisi.
Drejtori i Arkivave të Shqipërisë ka publikuar një foto që sipas tij është e pasaportës diplomatike greke me të cilën është pajisur Kryepeshkopi i Kishës Autoqefale të Shqipërisë, Anastas Janullatos.
“A e di ti që kryepeshkopi Anastas është diplomat grek me pasaportë? Për këdo që pyet pse Kryepeshkopi Anastas pranon e viziton vetëm të burgosurin Beleri dhe jo Dakon, Goron, Kokën e çdo politikan tjetër ortodoks që kalon të njëjtat vështirësi, ndoshta nuk e ka parë asnjëherë këtë dokument, pasaportën e tij diplomatike greke, që në fakt e ka vendosur vetë në databaza publike shqiptare, por që mediat nuk e kanë publikuar kurrë, edhe pse janë të gatshme të publikojnë çdo detaj të nacionalizmit politik grek”, shkruan Bido në një postim në rrjetin social Facebook.
Dokumenti i publikuar nga Ardit Bido
Sipas tij, kjo pasaportë diplomatike i është dhënë Janullatosit – i cili është shtetas grek – në kundërshtim me ligjin. “Ligji 4781/2021 grek për pasaportat diplomatike, si dhe paraardhësi i tij, përcaktojnë në mënyrë të kufizuar pozicionet që më Greqi kanë të drejtë të marrin pasaportë diplomatike greke, ku në asnjë moment nuk përcaktohet kleri i Kishave jashtë Greqisë. Përjashtimin mund ta bëj vetëm ministri i Jashtëm grek, për personel diplomatik, ushtarak a të shërbimeve sekrete. Ndaj, me të drejtë lind pyetja si ai e ka këtë pasaportë?”, shkruan Bido.
Bido thotë gjithashtu se Kryepeshkopi nuk e përdor asnjëherë pasaportën shqiptarë të dhënë nga Ilir Meta. “Sipas enturazhit të vet, vijon përdor vetëm pasaportën diplomatike greke, duke thyer rekordin si diplomati më jetëgjatë grek në Shqipëri, teksa në ambasada e konsullata, mbajtësit e pasaportave diplomatike ikin e vijnë”.
Reagimi i Bidos erdhi pas një fotografie të publikuar në media, ku Fredi Beleri, i shoqëruar edhe nga Petro Gjikuria, pozon në krah të Kryepeshkopit Janullatos.
“Kur Beleri, që dikur dilte krah më krah me kreun e Agimit të Artë në Greqi, na thotë se Kryepeshkopi Anastas ka punuar për minoritetin dhe i ka dhënë Belerit kurajë të tejkalojë sfidat e gjyqit për vjedhje votash, nuk kemi asnjë arsye të mos e besojmë. Fundja, a nuk është vetë kryepeshkopi Anastas i zgjedhur jashtligjshmërisht peshkop në Greqi nga një Sinod i Shenjtë i jashtëligjshëm i instaluar nga Junta ushtarake e ekstremit të djathtë në fundvitet ‘60, i lënë pa asnjë peshkopatë deri në 1990 për shkak të zgjedhjes së jashtëligjshme deri sa u katapultua në Tiranë me mbështetjen e disa politikanëve shqiptarë, kundër dëshirës së besimtarëve të këtushëm? A nuk është ai që nuk ka thënë kurrë “ortodoks shqiptarë”, por ka folur për pakica e shumë etni në Kishën më homogjene, ku mbi 90% janë shqiptarë ortodoksë? Të zgjedhurit e ekstremit sot u bënë bashkë!”, shkruan Bido.
