Category: Lajme

Teksa mazhoranca dhe opozita ulen sot në tryezë të përbashkët për t’i dhënë fund tensionene në seancat plenare dhe për të rënë në ujdi për kërkesat e Berishës, kryetari i Partisë së Lirisë, Ilir Meta ka zgjedhur ta nisë vrullshëm këtë ditë të rëndësishme për politikën shqiptare.

Në ditën kur pritet një marrëveshje mes PS-së sdhe PD-së, e njohur edhe si Pakti II Rama-Berisha pas atij të 2008, kreu i PL-së ka publikuar në rrjetin e tij social në Facebook një video nga palestra.

”Kur dita nis vrullshëm në mëngjes”, ka shkruar Meta krahas videos.

Sot në orën 13:30 kryetarja e Parlamentit, Lindita Nikolla do të ulë në tryezë kryetarët e grupeve parlamentare, nga ana e PS-së do të jetë Bledi Çuçi, ndërsa nga ana e PD-së do të jetë Gazment Bardhi.

Në këtë takim pritet që të ketë një pakt të dytë mes Ramës dhe Berishës, pas atij të 2008-ës dhe nëse dy palët bien në ujdi, atëherë i vjen fundi edhe bllokimit të parlamentit.

Cilat janë çështjet që pritet të dakordësohen mes dy palëve:

Mbledhja e konferencës së kryetarëve do të vendosë ngritjen e komisioneve hetimore dhe në bisedimet paraprake mes dy kryetarëve të grupeve Bledi Çuçi e Gazment Bardhi është rënë dakord që nga 8 kërkesa të opozitës të ngrihen dy komisione hetimore pasi të rishikohet objekti i tyre.

Por për PD e drejtuar nga Sali Berisha cështja më e rëndësishme është reforma zgjedhore pasi prej 5 muajsh deputetët demokratë kanë bllokuar parlamentin duke kërkuar shkarkimin e Enkelejd Alibeajt dhe zgjedhjen e Oerd Bylykbashit në postin e bashkëkryetarit të komisionit të posacëm të reformës elektorale.

Në këtë rast të dy palët mësohet se kanë rënë dakord që komisionit të posacëm për reformën, i cili ka afat deri të enjten e ardhshme ne 21 mars, të mos i zgjatet mandati. Në këtë mënyrë Lulzim Basha dhe Enkelejd Alibeaj humbasin monopolin e drejtimit të reformës në emër të opozitës.

Do të diskutohet edhe kërkesa e tretë, e cila duket se është pranuar para nisjes së mbledhjes. Kërkesa e tretë është që kryetari i grupit parlametar te PD të jetë Gazment Bardhi, një kërkesë kjo e pranuar, pasi sot merr pjesë në mbledhje nën detyrën e kryetarit të grupit parlamentar të PD-së.

Pakti Rama-Berisha në 2008

Fill pas shpërthimit të Gërdecit në mars 2008, gjatë muajit prill të atij viti, në atë kohë kreu i opozitës Edi Rama dhe Kryeministri Berisha u ulën dhe bë një marrëveshje të thelluar ku parashikoheshin ndryshime thelbësore të Kushtetutës, përfshi edhe Kodin Zgjedhor.

Ndryshimi kryesor lidhej me kalimin nga një sistem i përzier zgjedhor, pra një kombinim mes sistemit maxhoritar dhe atij proporcional, në sitemin proporcional rajonal.

Kjo çimentoi pushtetin e krerëve të partisë duke shmangur individualitetet dhe rolin e deputetëve “të fortë” në zonat e tyre si edhe zbehu pozicionet e ministrave po ashtu duke fuqizuar ndjeshëm kryeministrin. Shqipëria vijon sërish të apikojë ndryshimet e vitit 2008 dhe ky i tanishmi duket të jetën Pakti II Rama-Berisha, pavarësisht se do të firmoset nga Gazment Bardhi dhe Bledi Çuçi./albeu.com

https://www.facebook.com/ilirmetazyrtar?ref=embed_video

Dashi

Do të jeni shumë romantikë dhe ëndërrimtarë, ndoshta për shkak të zhvillimeve tejet pozitive, të cilat do ju lejojnë që të stabilizoni paqen dhe harmoninë me partnerin/en tuaj. Disa propozime për bashkëpunime interesante, duhet të vlerësohen me kujdes.

Demi

Kjo do të jetë një ditë shumë e ngjeshur, e cila kërkon që të jeni më të vendosur në punë, sidomos nëse keni marrë një rol drejtues. Kjo e martë ju fton që të mos përfshiheni në shumë debate në dashuri.

Binjakët

Më në fund do të keni mundësinë për të marrë në dorë një projekt të cilin e keni braktisur prej kohësh. Jini të gatshëm të përballeni me diskutime të vogla në familje, por mundohuni të shmangni agresivitetin e tepruar.

Gaforrja

Disa persona do të jenë në kërkim të ndihmës tuaj. Dini të jeni shumë efektiv me të tjerët, por kur vjen momenti, nuk ngurroni të shfaqni krenarinë tuaj. Disa lëvizje ekonomike, duhen mbajtur nën kontroll.

Luani

Një takim i papritur do ju japë mundësinë që të bëni paqe me një person të cilin nuk e shihni prej kohësh. Jini të gatshëm të nisni projekte të reja në punë, të cilat do ju mbajnë të angazhuar gjatë gjithë verës. Kënaqësitë janë në ardhje.

Virgjëresha

Do t’iu duhet të rishikoni disa zgjedhje profesionale, të cilat i keni marrë disa kohë më parë dhe kjo mundësi ju lejon që të përmirësoni sa më mirë punë tuaj. Mundohuni të kaloni më shumë kohë me partnerin/en tuaj.

Peshorja

Në punë, do t’iu duhet të punoni shumë me mënyrën e komunikimit, pasi rrezikoni që të rezultoni shumë pak të besueshëm. Në dashuri ka disa rreziqe me të cilat do të përballeni, por do i përballoni, vetëm nëse jeni të sigurtë në ndjenjat tuaja.

Akrepi

Tregohuni mjaft të kujdesshëm në planifikimin dhe organizimin e projekteve tuaja. Do të lodheni në bindjen e një personi kokëfortë. Mundohuni të tregoheni sa më diplomatë. Në dashuri paraqiten të reja interesante.

Shigjetari

Duhet të mundoheni absolutisht të jeni më të qartë, spontan dhe të drejtpërdrejtë në dashuri, pasi personi që ju pëlqen, mund të keqkuptojë sinjalet tuaja. Mbrëmja do të jetë interesante edhe për të riparo disa marrëveshje profesionale.

Bricjapi

Ky është momenti më i mirë për të shënuar përmirësime në punë dhe për të bërë planifikime të reja për të ardhmen. Dita do të jetë mjaft e favorshme, sa u takon ndjenjave. Një lajm jo shumë i kënaqshëm, do ju bëjë nervoz.

Ujori

Për të çuar deri në fund një punë, keni nevojë për mbështetjen e një kolegu të besuar. Shpesh jeni shumë krenar për të kërkuar ndihmë, por kësaj radhe nuk e shmangni dot. Nisni të ripërkufizoni natyrën e disa raporteve.

Peshqit

Kjo e martë do të jetë mjaft interesante për të rigjetur sigurinë në dashuri dhe përgjithësisht në raportet ndërpersonale. Do të jetë një ditë mjaft pozitive për rivendosjen e raporteve me miq apo të afërm, me të cilët keni diskutuar së fundmi. Pazaret do të jenë mjaft të leverdishme.

Media e njohur Daily Mail ka publikuar pamjet, kur disa gra zihen me njëra-tjetrën në një restorant. Gratë përpos se grushtuan njera-tjetrën, kanë përdorur si “armë” edhe një pasqyrë.

Pamjet e përleshjes fizike treguan një grup grash, që u konfliktuan në restorant në Liverpool.

Ndër të tjera, një grua kapi një tjetër për flokësh dhe i ra me grusht në kokë.

Në restorantin luksoz situata duket se degradoi, teksa një nënë po mbronte edhe vajzën e saj. Nuk dihen arsyet që çuan në këtë sherr masiv, teksa njerëzit në restorant ishin mbledhur për festë.

Ilnisa Agolli është një ndër konkurrentet më të komentuara të ‘BBV3’, edhe për shkak të lidhjes me Meritonin.

Ilnisa, fundmi ka qenë tepër e përfolur nëpër rrjete për lidhjen që ajo ka patur dikur dhe për ish-bashkëshortin e saj.

Teksa Ilnisa ka deklaruar se vajza ka vite që nuk e takon babain e saj dhe se atij nuk i intereson aspak, një rrëmujë e madhe është krijuar në rrjet, ku madje janë postuar dhe disa imazhe të ish-bashkëshortit të saj teksa mbante Anaisin në krahë.

E pas gjithë kësaj rrëmujë, ka ardhur një reagim nga familjarët e Ilnisës të cilët përmes Instagramit të banores shprehen:

“Nëse të njohësh prindin do të thotë vetëm 2 foto deri në moshën 2 vjeçare dhe asgjë tjetër, asnjë kontakt dhe asnjë mbështetje, atëherë spaskemi kuptuar se çfarë është të jesh prind”.

Kristjan Asllani është kthyer në këtë periudhë në një emër shumë të përmendur mes tifozëve të Interit. Paraqitjet e tij në ndeshjet e fundit kanë qenë shumë pozitive dhe ai ka marrë vlerësime prej tyre. Por tashmë, tifozët po zbulojnë edhe anën tjetër të mesfushorit, atë të një tipi gazmor i cili bën shumë për të krijuar një atmosferë pozitive brenda dhomave të zhveshjes.

Kjo shihet nga mënyra se si e trajtojnë edhe futbollistët e tjerë, por edhe nga lirshmëria me të cilën ai bën shaka edhe me emra shumë të njohur në arenën ndërkombëtare. Mesfushori nuk ka ngurruar së fundmi që t’i bëjë një rreng Benzhamin Pavar, i cili e ka pranuar me shumë sportivitet.

Në videon që është shpërndarë mes tifozëve në rrjetet sociale, shihet se si Asllani bën sikur është një tifoz dhe shkon të bëjë një “selfie” me Pavar. Ky i fundit ndalet për foton, por më pas, kur sheh se është mesfushori shqiptar që po e kërkonte, e përqafon me shumë përzemërsi duke qeshur.

Shokët e klasës së 19-vjeçarit Grei Bihuci, që humbi jetën sot pas një sherri në Fier, kanë shkruar një mesazh prekës.

“Me hidhërim të thellë njoftojmë se bangave të shkollës sonë, shokëve, mësuesve, prindërve dhe dy motrave, do ju mungojë Grei Bihuci, ky djalë i dashur, shembullor, i zgjuar dhe i papërtuar për të marrë dije. Dhimbja dhe lotët janë të pashtershëm për ty Grei. I shprehim ngushëllime të përzemërta familjarëve të Greit! Qofsh i paharruar në zemrat tona”, shkruajnë nxënësit e shkollës profesionale “Petro Sota”.

Grei u qëllua me thikë nga Florjan Muka në qendër të Fierit. Dyshohet se sherri mes tyre nisi në rrjete sociale dhe më pas degradoi në përleshje fizike. Policia ka arritur të ndalojë autorin 20-vjeçar pas ngjarjes, i cili është dërguar në komisariat për t’u marrë në pyetje.

Shoku i viktimës Olti Serjanaj 20 vjeç, i cili ndërhyri për ta shpëtuar, mbeti i plagosur dhe ndodhet në spitalin e Fierit jashtë rrezikut për jetën. Mësohet se viktima studionte në degën TIK dhe pasditeve punonte kamarier në një lokal pranë vendit të ngjarjes.

Dhjetë vjet janë shumë, por për Bashkim Dobrushin, 55 vjeç, koha ndaloi në atë ditë të tmerrshme kur ish-bashkëshortja e tij Edlira vrau tre vajzat e tij, Simonën, 13 vjeçe; Keisin, 10 vjeçe dhe Sidny, vetëm 3 vjeçe, në atë që është përcaktuar si masakra e Chiuso, një plagë ende e hapur në komunitetin Lecco.

Një masakër e tmerrshme – e cila ndodhi natën mes 8 dhe 9 marsit 2014 në një ndërtesë në Bergamo – ngjarje që tronditi jo vetëm komunitetin e vogël të Chiuso, ku familja dhe tre vajzat njiheshin mirë, por edhe qytetin dhe gjithë vendin.

Bashkimi, i cili tani është rimartuar dhe është baba i një djali 6 vjeçar, u largua të shtunën e kaluar nga Italia në orën 17:00 për në Kukës, qytetin e tij të origjinës, për përvjetorin. Atje ai do të falet te varri i vajzave të tij me rreth gjashtëdhjetë të afërm dhe miq. 55-vjeçari i varrosi vajzat pranë njëra-tjetrës dhe më pas ndërtoi një lapidar ku ato shfaqen së bashku.

“Nëse ish-gruaja ime donte të më lëndonte, mund të më vriste mua – thotë Bashkimi me lot në sy në një rrëfim për Il Giornale – mund ta kishte bërë ndërsa unë isha duke fjetur; disa vite më parë në Shqipëri ka ndodhur që një grua të vrasë burrin e saj në gjumë. Por vajzat e mia jo. Nuk ka falje për këtë”.

“Ne kishim një muaj të ndarë, kisha shkuar të jetoja me vëllain tim. Ishte ajo që e mori këtë vendim.

Nuk u morëm vesh më. I thashë që e rëndësishme është që vajzat të mos vuajnë. Unë shkova tek ata për t’u përshëndetur më 7 mars, të nesërmen u nisa për në Shqipëri ku duhej të ndaloja për një javë.

Ata nuk mund të vinin me mua, sepse kishin shkollë. Nuk do ta kisha menduar kurrë se kjo ishte hera e fundit që do t’i shihja. Kurrë! Jetojmë në një botë të vështirë, por kush do të mendonte se fëmijët nuk janë të sigurt me nënën e tyre?

Një grua që i mbajti në bark për nëntë muaj, që kujdesej për ta… Mendoni vetëm për këtë: cilat janë kafshët më të rrezikshme në natyrë? Janë ato mbrojnë këlyshët e tyre. Nuk ishte kështu për vajzat e mia”.

Kur e mësuat se çfarë kishte ndodhur?

“U nisa më 8 mars, një udhëtim me makinë për në Bari dhe më pas mora tragetin prej andej. Dhjetë orë në total. Sapo mbërrita, u prita nga vëllezërit e mi. Askush nuk më tha asgjë. Kur hyra në shtëpi doja të ndizja televizorin, por më thanë se ishte i prishur, sepse lajmet italiane dhe shqiptare flisnin prej orësh për atë që kishte ndodhur. Vëllai më lejoi të bëja dush, pastaj më tha: “Bashkim, duhet të kthehemi në Itali, gruaja jote tentoi të helmonte vajzat, tani janë në spital”.

Kështu që ne nxituam në agjenci për të marrë një biletë avioni. Më pas fluturimi, në udhëtim jetoja me shpresën për t’i gjetur të gjallë, me mendimin që Zoti t’i mbronte. Por ata nuk ishin më aty. Nën shtëpinë e vëllait tim, në Chiuso, pashë një turmë të madhe; pastaj në atë moment më thanë: “Bashkim kanë vdekur, duhet të marrësh guxim, ajo i ka goditur me thikë gjatë natës”.
Dhe bota ime u shpërbë”.

Pastaj varrimi. Pse vendosët t’i varrosni në Shqipëri?

“Kryetari i bashkisë, Virginio Brivio, më pyeti nëse doja t’i varrosja në Lecco, por unë zgjodha t’i çoja në varrezat e Kukësit, ku janë prindërit, vëllai dhe disa nipër. Kështu që ata nuk do të jenë vetëm. At Angelo Cupini erdhi për t’u lutur në varrin e tyre dy herë; ne jemi muslimanë, por kjo nuk ka pasur kurrë pengesa për ne”.

Ju jetoni prej 24 vitesh në Itali, planifikoni të qëndroni në Lecco apo do të ktheheni në Shqipëri?

“Kam marrë nënshtetësinë italiane më 3 prill 2018 (ditëlindja e Simonës) dhe dy ditë më vonë lindi fëmija im. Vitin e kaluar e mori edhe gruaja ime. Blemë edhe një shtëpi në Maggianico, do të vazhdojmë të jetojmë në Itali ku kam shumë miq. Falë dashurisë së të afërmve të mi dhe të gjithë qytetit i mbijetova masakrës, edhe pse dhimbja më shoqëron çdo ditë të jetës sime”.

Baskimi na tregon celularin, ka shumë foto të djalit të tij, por edhe të Simonës, Keisy-t dhe Sidny-t, shumë momente familjare, ku vajzat buzëqeshin dhe përqafojnë babanë e tyre.

“Thonë se femrat janë më afër baballarëve, meshkujt me nënave të tyre, mendoj se kjo është e vërtetë. Simona ishte si nënë me motrat e saj; një grua e vogël, edhe mësuesit e saj më thanë kështu. Ajo do të duhej të vendoste se cilën shkollë do të ndiqte, nuk e dinte ende, i pëlqente volejbolli. Po të ishte këtu sot do të ishte 23 vjeçe. Kush e di, ndoshta do të kisha qenë gjysh. Keisy ndoqi një shkollë kërcimi, ishte në shkollën fillore. Ajo gjithashtu doli mirë në shkollë, ishte më e egër. Dhe pastaj Sidny, e vogla, kur mbërrita nga puna ajo vrapoi drejt meje dhe më përqafoi.”

Pas asaj që ndodhi, e keni takuar ndonjëherë ish-bashkëshorten tuaj?

“Asnjëherë. Mësova nga ju në Il Giornale se pas pesë vjetësh i ishte besuar një komuniteti. Nuk më intereson nëse është në ferr apo në parajsë, sepse dhimbja ime nuk do të ndryshojë kurrë.”

Pas masakrës në Chiuso, ju rindërtuat jetën tuaj. Jeni i lumtur sot?

“Është një pyetje e vështirë për t’u përgjigjur. Djali im dhe gruaja ime janë gëzimi im dhe meritojnë dashurinë, vëmendjen dhe konsideratën time. Sigurisht, në zemër ka gjithmonë atë ankth të tmerrshëm që nuk largohet. Ka ditë kur ndihem i brishtë. Dhjetë vjet janë një kohë e gjatë dhe megjithatë ata janë gjithmonë pranë meje. Ndonjëherë unë shikoj lart dhe më djket sikur ata janë aty… pranë meje./ Liberale

Një ngjarje e rëndë është raportuar në Rethymno, Greqi, ku një e mitur ka mbetur shtatzënë nga vëllai i saj, sërish i mitur.

Policia ka bërë me dije se bëhet fjalë për një 13-vjeçare nga Bullgaria, e cila ka mbetur shtatzënë nga vëllai i saj 15-vjeçar.

Madje, dy fëmijët kanë deklaruar në polici se çdo gjë është bërë me pëlqimin e të dyve dhe kanë shtuar se janë të dashuruar.Por, sipas ligjit, në këtë rast kemi të bëjmë me incest, dhe tashmë do të jenë autoritetet që do të veprojnë.

Hyseni, Hygerta, Amarildo dhe gruaja e Pëllumb Metës, Blerina Meta dinë të përdorin armë.

Ky fakt është bërë i ditur falë një eksperimenti hetimor që është kryer nga prokuroria në një poligon në Durrës.

Tetë fëmijë dhe një grua, kanë humbur jetën, pasi konsumuan mish të breshkave të detit në arkipelagun e Zanzibarit.

Sipas Skynews, të dielën se në spital janë shtruar 78 persona pasi u ushqyen me këtë lloj mishi, që në brigjet e Afrikës Lindore thuhet se përgatitet me delikatesë.

Por, ngrënia e breshkave të detit të kontaminuara mund të shkaktojë kelonitoksizëm, një lloj helmimi i rrallë ushqimor që mund të shkaktojë vdekjen.

Haji Bakar, zyrtar i spitalit në Mkoani ka njoftuar se pacientët kishin ngrënë mish të martën.

Autoritetet kanë bërë thirrje të shmanget ky mish.

Zanzibari shtrihet 35 kilometra nga brigjet e Afrikës lindore-qendrore.

Ai është pjesë e Republikës së Bashkuar të Tanzanisë dhe numëron mbi 700 mijë banorë.