Category: Lajme

Një ndryshim i fortë i motit pritet të përfshijë Evropën Lindore dhe Ballkanin gjatë kësaj jave, teksa një masë ajrore me origjinë polare po zbret nga veriu, duke i dhënë fund temperaturave të larta që kanë shoqëruar fundin e shtatorit.

Sipas analizës së publikuar nga Severe Weather Europe, edhe Shqipëria ndodhet në zonën që do të ndikohet nga ky depërtim i ajrit të ftohtë.

Sipas meteorologëve, shkaku kryesor i këtij ndryshimi është krijimi i një bllokimi të fuqishëm atmosferik mbi Atlantikun Verior dhe Skandinavinë. Ky sistem presioni të lartë po hap një korridor për depërtimin e ajrit polar drejt jugut, duke sjellë temperatura shumë më të ulëta në një pjesë të madhe të Evropës Lindore.

Me kalimin e frontit të ftohtë, temperaturat maksimale gjatë ditës në zonat më të prekura do të bien me 10 deri në 15 gradë Celsius krahasuar me vlerat normale për këtë periudhë të vitit. Kjo rënie konsiderohet e pazakontë për gjysmën e dytë të shtatorit.

Parashikimi tregon se vala e të ftohtit do të përfshijë fillimisht Ballkanin të martën, duke avancuar drejt Greqisë dhe Detit Egje të mërkurën, ndërsa më pas do të shtrihet edhe në rajonin e Detit të Zi dhe Turqi.

Në të njëjtën kohë, Evropa Perëndimore do të vijojë të mbetet nën ndikimin e temperaturave më të larta se normalja, duke krijuar një kontrast të fortë mes dy pjesëve të kontinentit.

Në Ballkanin qendror, temperaturat pritet të jenë 6 deri në 10 gradë nën mesataren klimatike të fundit të shtatorit. Serbia, Bosnja, Rumania dhe Bullgaria do të jenë ndër vendet që do të ndiejnë më shumë efektin e kësaj mase ajrore, ndërsa moti do të freskohet ndjeshëm edhe në Greqi dhe në veriperëndim të Turqisë.

Të mërkurën, anomalitë më të mëdha të temperaturave priten pikërisht në Bullgari, Greqi dhe Turqi, ku në disa zona temperaturat mund të jenë deri në 12-16 gradë më të ulëta se normalja.

Me stabilizimin e motit gjatë natës dhe zbutjen e erës, priten edhe ngricat e para të sezonit në lugina dhe zona të ulëta në disa vende të Evropës Lindore dhe Ballkanit.

Ndërkohë, në lartësitë e Karpateve dhe në disa zona malore të Ballkanit Verior, rënia e temperaturave do të krijojë kushtet për reshjet e para të borës së kësaj vjeshte.

Sipas meteorologëve, kjo valë e të ftohtit nuk pritet të zgjasë shumë. Në fund të javës, masa e ftohtë do të tërhiqet gradualisht, ndërsa një sistem me presion të lartë nga Evropa Perëndimore pritet të shtrihet sërish drejt Evropës Qendrore dhe Lindore, duke sjellë rritje graduale të temperaturave në fund të muajit shtator.

“Unë kam qenë amator në shtrat dhe kam qenë me pak gra,ndërsa e dashura ime ka bërë namin,dhe më ka thënë se ka fjetur me më shumë se 100 burra.

Por unë u tr.ondita më shumë për faktin që ma pranoi kaq hapur. 

Unë jam 34 dhe ajo është 32.Ajo është mësuese e gjuhës dhe ka bërë se.ks me nxënësit e saj.

Kjo më shqetëson duke qenë se ajo ka një marrëdhënie profesionale me ta.

Ne kemi qenë së bashku për dy vjet por ajo e ka pranuar që flirton dhe po afrohet me burra të martuar gjatë kësaj kohe,

duke shkëmbyer tekste s.eksi dhe duke i lejuar ata ta prekin.Madje me njërin prej tyre edhe fjeti. A mund të vazhdoj me të apo të heq dorë?

Përgjigjja e psikologes Deidre: Nëse sjellja e saj ju bën të palumtur duhet të jeni të sinqertë me veten dhe të largoheni.

Mos u mërzisni më tepër seç duhet,jepini fund kësaj lidhjeje.Foto:

Greqia ka në plan të ripopullojë zonat e banuara përgjatë kufirit me Shqipërinë, për të luftuar fenomenin e reduktimit të popullsisë me një paketë financiare deri në 10,000 euro për familje dhe paradhënie prej 50%.

Sipas mediave greke, pjesë kyçe e këtij plani janë bashkitë e Sulit dhe Filatit në Thesproti, si dhe ato të Pogonit e Konicës pranë Janinës, që historikisht kanë qenë të populluara edhe nga çamët, të cilët u dëbuan masivisht drejt Shqipërisë pas Luftës së Dytë Botërore.

Për shkak se këto treva hyjnë te zonat e izoluara malore që u braktisën ndër vite, projekti parashikon edhe investime të drejtpërdrejta në infrastrukturë, përfshirë hapjen e kopshteve, shkollave dhe klinikave shëndetësore.

Programi synon zbutjen e dyndjes drejt metropoleve dhe krijimin e mundësive të reja në zonat e braktisura. Aplikimet nisin në tetor.

Përfitues është kushdo që jeton dhe punon me dokumente të rregullta në Greqi, përfshirë nomadët digjitalë, pasi kushti i një parakontrate pune është hequr.

Veç brezit kufitar me Shqipërinë, projekti përfshin edhe rajone të tjera përgjatë kufijve me Maqedoninë e Veriut, Bullgarinë dhe Turqinë.

Plani fillestar nisi me ripopullimin e ishullit të largët të Kastellorizos, ku Athina synon të fuqizojë pretendimet e saj sovrane dhe të sigurojë zonat vitale ekonomike detare në Mesdheun Lindor mes tensioneve me Turqinë, duke garantuar një prani të vazhdueshme civile e ushtarake.

Sezoni i ri i “Për’puthen” nis më 21 shtator dhe produksioni ka nisur të zbulojë disa nga personazhet që do të bëhen pjesë e kapitullit të ri të programit të dashurisë. Edicioni i shtatë vjen këtë vit me Heidi Bacin në moderim, ndërsa Erjola Doçi dhe Drini Zeqo do të jenë opinionistë.

Mes konkurrentëve të prezantuar, një prej tyre ka marrë menjëherë vëmendjen. Për herë të parë në “Për’puthen” do të jetë pjesë e kastit një djalë nga India, i cili e ka bërë të qartë edhe arsyen e pjesëmarrjes së tij.“Vij nga India dhe kërkoj të gjej një nuse shqiptare”, është mesazhi me të cilin produksioni ka prezantuar konkurrentin, ndërsa identiteti i tij ende nuk është zbuluar në materialin promovues.

Pjesëmarrja e tij shënon një risi për “Për’puthen”, pasi deri më tani programi ka pasur kryesisht konkurrentë shqiptarë nga Shqipëria, Kosova dhe diaspora, si edhe pjesëmarrës me prejardhje nga vende të tjera të rajonit.

Produksioni po e mban ende të fshehtë portretin e konkurrentit indian, duke e prezantuar vetëm përmes siluetës dhe deklaratës së tij. Më shumë rreth tij dhe historisë që e ka sjellë nga India në një program shqiptar pritet të mësohet me nisjen e sezonit.Ky edicion është paralajmëruar nga “Për’puthen” si një “kapitull i ri”, ndërsa një pjesë e risive dhe e kastit po zbulohen gradualisht përpara premierës.

Loer Kume, deputet i Partisë Socialiste për Durrësin dhe prozàtor e eseist i njohur, ka njoftuar mesditën e kësaj të premte ndarjen nga jeta të bashkëshortes. Me zemrën e thyer dhe dhimbjen e pamasë për ikjen e bashkudhëtares së tij të jetës, Loeri njofton të afërm e miq për vdekjen e Lorinës.

“Lorina, Lori, Lorushi, dashuria ime që 18 vjeç, më shumë se gjysma ime, shpirti im binjak, shtëpia ime, gruaja, e dashura, shoqja, mësuesja ime, nxënësja ime, busulla ime, mishi im, zëri e fjala e syri im, gjithçkaja e madhe, nëna e fëmijëve tanë, dy mrekullive, sot na la vetëm.

Ne të tre, familja, njerëzit që e njohën, e prekën, e dëgjuan, u mbështollën nga energjia dhe aura e Lorit, Lorushit, e donim këtu të na donte pa limite e të na ndriçonte siç e ka bërë gjithë jetën e saj. Fati e deshi ndryshe”, shkruan deputeti socialist.

Loer Kume tregon se me Lorinën ishin njohur në moshën 18 vjeçare dhe prej dy dekada e gjysmë ishin bashkudhëtarë në jetë. Nga martesa e tyre, kanë sjellë në jetë dy fëmijë, të cilët prej sot do të ndjejnë përgjithmonë mungesën e nënës.

Deputeti socialist i Durrësit zbulon se bashkëshortja ishte në luftë me një sëmundje, dhe pavarësisht se kishte qëndruar e fortë në përballje me të, fatkeqësisht këtë të premte ka mbyllur sytë përgjithmonë.

“Dhe në luftë e tregoi veten njeriun më të fortë që kemi njohur e dëgjuar. Sot kemi trashëgiminë e Lorit pas. Varrimi bëhet ditën e shtunë, 19/09/2026. Pritjet bëhen ditën e diel, të martë dhe të mërkurë, ora 09:00–13:00, 16:00–21:00. Agjencia Leba. Lagjja nr. 6, Rruga Andon Naçi – Durrës”, shkruan deputeti Loer Kume.

Avokati Kujtim Cakrani deklaroi në nje interviste televizive se vrasja e fundit në Sarandë nuk duhet parë si një ngjarje e izoluar, por në kontekstin e konflikteve për pronat, betonizimit dhe aktivitetit të grupeve kriminale në jug të vendit.

“Do të kuptojmë diçka, Saranda ka qenë, deri para 20 vitesh ka qenë një nga qytetet më të qetë, më të frekuentuar përsa i përket turistëve shqiptarë dhe të huaj, po sidomos shqiptarë dhe në momentin që në Sarandë nisi betonizimi, nisi fluksi i turizmit, por edhe fluksi i grupeve kriminale për të zaptuar, për të ndërtuar aty dhe për të ngritur bizneset e tyre turistike, nisi edhe nisën dhe vrasjet. e solla në vëmendje për këtë të them që Saranda nuk është ngjarje e rastësishme.

Saranda sot, siç ne po flasim, në tërësi jugu i Shqipërisë është kthyer në një Kolumbi, një Meksikë, është kthyer si Siçilia e viteve, e Toto Rinës e viteve ’70-’80.

Nuk ka fare për të, nuk duhet të shikoni fare çfarë, problemi është ky që në Shqipëri, sot që ne po flasim, për çështjen e pronave, se kjo është një çështje pronash, është sepse mafia e tokave, mafia e ndërtimit në Shqipëri sot është mafia më e rrezikshme.

Dhe në momentin që ti i hyn dikujt te territori, te pjesa, tek mendimi që ai ka të tijin, ti do përballesh o me tritol, o me vrasje, o me kërcënim, o me shantazh, o do të mbajë peng.

Po mos harro që në Sarandë kemi dy persona që janë marrë peng dhe sot nuk janë gjendur. Kemi dy persona në Sarandë, janë marrë peng para dy vitesh dhe në mes të qytetit dhe sot nuk gjenden, janë pa autorë pra. Dhe duhet ta shikojmë në tërësi këtë, jo si një ngjarje spontane.

Ajo është një vrasje, mënyra sesi është vrarë, mënyra sesi është ndjekur aty, është kontrolluar në lokal, është një vrasje tipike mafioze.Dhe kështu që është tipike, me motor, ekzekutim me motor, tamam thashë Siçilia e viteve ’70-’80. Me motor të godisnin, vrisnin të gjithë ata që duheshin eleminuar.

Kështu që ne duhet ta shikojmë në këtë prizëm. Nuk ka çfarë t’i bëjë as policia, sepse këta e kanë ushqyer vetë, policia e shtetit atë situatë atje, sepse policia është bërë gjithmonë palë me të fortët, me atë që zaptor tokat, me atë, sepse ka marrë gjobën dhe policia. Ka marrë paratë dhe policia.

I ka lejuar të ndërtojnë, i ka lejuar të zaptojnë, me leje, pa leje, shto kate, shto atë, shto këtë dhe Saranda sot është bërë qyteti më problematik”, u shpreh Kujtim Cakrani.

Bordi i Transparencës ka njoftuar çmimet e reja të karburanteve në vend.

Në reagimin zyrtar sqarohet se çmimi i shitjes me pakicë i nënproduktit gazoil i standardit SSH EN 590 të jetë jo më shumë se 213 lekë/litri, ndërsa i shitjes me shumicë jo më shumë se 201 lekë/litër.

Ndërsa çmimi i shitjes me pakicë i nënproduktit benzinë e standardit SSH EN të jetë jo më shumë se 193 lekë/litri, ndërsa i shitjes me shumicë jo më shumë se 181 lekë/litër.

Sakaq theksohet se çmimet e caktuara nga Bordi do të hynë në fuqi sot datë 22 ora 12.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Po ashtu në njoftim nënvizohet se çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Një dokument i Shërbimit të Urgjencës Mjekësore, që ndodhet në duart e autoriteteve greke dhe tashmë është bërë publik, hedh dritë mbi momentet e transportimit të Giorgos Mazonakis drejt spitalit, ndërsa dy mjekët e përfshirë në rast, Ilias Theodoropoulos dhe Ioanna Gaka, ndodhen në paraburgim.

Dokumenti përmban vëzhgimet e ekipit të EKAB-it gjatë marrjes së pacientit në klinikë dhe transferimit të tij më pas në spitalin “Elpis”. Një nga shënimet e procesverbalit thekson se “mjekët në vendngjarje refuzuan të jepnin informacion në lidhje me pacientin”.

Sipas dokumentit, mjekët nuk kanë dhënë detaje lidhur me gjendjen shëndetësore të Mazonakis dhe trajtimin që i ishte bërë përpara mbërritjes së ekipit të urgjencës. Kjo pjesë e dokumentit përkon edhe me dëshminë e një ndihmësmjekeje, e cila ka dhënë deklaratë para autoriteteve hetimore.

Sipas saj, kur mbërriti ekipi i EKAB-it, mjekët e klinikës nuk treguan se çfarë trajtimi i ishte bërë pacientit. Ndihmësmjekja ka deklaruar se një mjeke i tha ekipit vetëm se pacienti kishte mbërritur në klinikë për të marrë trajtim, pa specifikuar natyrën e trajtimit.

Më tej, sipas dëshmisë, pasi pacientit iu vendos një linjë intravenoze, ai pësoi arrest kardiak. Në dokumentin e transportit të EKAB-it thuhet se Mazonakis u mor nga ekipi pa frymëmarrje dhe pa puls. Dokumenti është tashmë pjesë e materialeve që po shqyrtohen nga autoritetet në hetimin për rrethanat e vdekjes së tij.

Qeverìa ka përcaktuar një procedurë të re për rastet kur Agjencia Shtetërore e Kadastrës evidenton një objekt pa titull pronësie, truall funksional ose oborr në përdorim, por nuk arrin të identifikojë personin që e posedon.

Sipas vendimit të botuar në Fletoren Zyrtare, ASHK-ja duhet të publikojë informacionin për pasurinë në ambientet e njësisë administrative, në drejtorinë vendore të Kadastrës dhe në faqen zyrtare të institucionit.

Njoftimi qëndron i publikuar për 30 ditë, duke i dhënë mundësi personit që e përdor ose pretendon pasurinë të paraqitet pranë Kadastrës.

Nëse poseduesi paraqitet brenda këtij afati dhe ASHK-ja verifikon posedimin në terren, procedura e miratimit të dokumentit të pronësisë vazhdon në emrin e tij. Për objektet me funksion banimi të evidentuara kryesisht nga Kadastra nuk zbatohet tarifa standarde.

Por çfarë ndodh nëse askush nuk paraqitet brenda 30 ditëve?

Vendimi nuk parashikon konfiskimin e pasurisë, kalimin e saj automatikisht në pronësi të shtetit apo humbjen e së drejtës për ta kërkuar më vonë. Pa një posedues të identifikuar, Kadastra nuk mund ta vazhdojë kalimin e pronësisë në emër të një përfituesi.

Personi që paraqitet pas përfundimit të afatit 30-ditor ruan të drejtën për të kërkuar njohjen e pronësisë, por duhet të aplikojë vetë nëpërmjet platformës e-Albania.

Në këtë rast procedura konsiderohet e nisur me kërkesën e qytetarit dhe zbatohet tarifa prej 10 mijë lekësh. Pagesa është e pakthyeshme edhe nëse kërkesa rrëzohet nga ASHK-ja.

Afati 30-ditor, pra, nuk është afat për humbjen e pronës, por ndan procedurën e nisur nga Kadastra nga aplikimi individual me pagesë.

Vendimi përdor termin “posedues” dhe jo domosdoshmërisht “pronar”, pasi bëhet fjalë për objekte dhe sipërfaqe që ende nuk kanë dokument përfundimtar pronësie. /skyweb.al

Turqia ka trànsferuar Brigadën e 51-të Komando nga Hozati, në provincën e Tuncelit, drejt Soke në Aydin, disa kilometra nga bregdeti përballë ishullit grek të Samosit. Lëvizja është raportuar gjerësisht në mediat turke, ku është lidhur me tensionet e vazhdueshme mes Ankarasë dhe Athinës në Egje. Mësohet se, rreth 2 mijë komando profesionistë janë vendosur në zonën e re.

Sipas një analize nga mediat e huaja, brigada e 51-të Komando konsiderohet një njësi me përvojë në operacionet ushtarake në terren dhe zhvendosja e saj nga Turqia lindore drejt Egjeut shihet si një ndryshim me rëndësi strategjike. Njësia ka pasur ndër vite edhe figura të larta të ushtrisë turke në radhët e saj, përfshirë ish-ministrin e Mbrojtjes Hulusi Akar, i cili ka shërbyer më herët në këtë formacion.

Nga Tunxheli në bregdetin e Egjeut

Rëndësia e kësaj lëvizjeje të veçantë bëhet më e qartë kur shqyrtohet identiteti i divizionit të 51-të. Ky nuk është një formacion i ri i krijuar posaçërisht për Egjeun, as nuk është një njësi që deri më tani kishte operacione amfibe si mision kryesor. Ky është një formacion ushtarak me një histori dekadash në Turqinë lindore dhe një sfond operativ që u formua në një mjedis krejtësisht të ndryshëm.

Selia e tij historike ishte në Hozat, në provincën Tunceli, një nga rajonet më malore të Turqisë dhe për dekada një nga zonat kryesore të operacioneve të forcave turke të sigurisë kundër PKK-së. Njësia më parë shfaqej si Brigada e 51-të e Këmbësorisë së Sigurisë së Brendshme. Ajo u transformua gradualisht dhe u regjistrua zyrtarisht si Brigada e 51-të Komando që në vitin 2018. Ndryshimi nuk është thjesht çështje emri. Ai pasqyron orientimin drejt forcave më të lehta, më të shkathëta, të trajnuara për vendosje dhe operacione në terren të vështirë.

Një njësi me përvojë të vërtetë operative

Historia e saj operative nuk kufizohet vetëm në ushtrime. Në dhjetor 2017, për shembull, divizioni i 51-të ishte përgjegjës për komandën e operacionit “Şehit Jandarma Yüzbaşı Fuat Oğuzcan-2 Operasiyonu”, “Operacioni i Kapitenit të Xhandarmërisë së Rënë Fuat Oğuzcan-2” në rajonin Hozat-Tanzi Deresi të Tuncelit. Nën komandën e tij, vepronin forcat e Xhandarmërisë së Tuncelit, një batalion komando i Xhandarmërisë nga Elazig dhe forcat e operacioneve speciale. Kjo gjithashtu jep një përshkrim më të saktë të aftësive të saj.

Njësia e 51-të është vendosur në një mjedis operacional që kërkon lëvizshmëri, formacione të vogla dhe të mesme që veprojnë në terren të vështirë, zona kërkimi dhe pastrimi, operacione ditore dhe nate, si dhe bashkëpunim me njësi të tjera elite . Sözcü pohon në botimin e saj të fundit se njësia mori pjesë gjithashtu në operacionin turk “Zeytin Dalı Harekâtı”, “Dega e Ullirit” në Afrin të Sirisë në vitin 2018, duke e paraqitur atë si një nga formacionet me përvojë të forcave tokësore turke. Ky raport specifik vjen nga botimi turk dhe nuk u shoqërua në përditësimin e sotëm nga Ministria Turke e Mbrojtjes nga një histori e detajuar operacionale e njësisë.

Ajo që duhet të dallohet gjithashtu është koncepti i komandove nga koncepti i këmbësorisë. Njësia e 51-të, bazuar në të dhënat publike të disponueshme, nuk është një brigadë amfibe. Forcat amfibe turke përbëjnë një krah të ndryshëm operacional dhe një pjesë e konsiderueshme e tyre është e vendosur në Fokae, në veri të Izmirit. Transferimi i divizionit të 51-të në Sokia nuk do të thotë pra se Turqia po krijon automatikisht një forcë të re sulmi amfibe përballë Samos. Megjithatë, kjo do të thotë se ajo po transferon në bregdetin e Egjeut një formacion forcash tokësore me përvojë në operacione reale, aftësinë për t’u vendosur me shpejtësi dhe personel të orientuar drejt operacioneve me lëvizshmëri të lartë.

Brigada nëpër të cilën kaloi Hulusi Akar

Njësia e 51-të zë gjithashtu një vend të veçantë në historinë e kohëve të fundit të udhëheqjes ushtarake turke. Hulusi Akar , më vonë Shef i Shtabit të Përgjithshëm Turk dhe Ministër i Mbrojtjes, mori përsipër komandën e Brigadës së 51-të të Këmbësorisë së Sigurisë së Brendshme të asaj kohe në Hozat pas promovimit të tij në gjeneral brigade në vitin 1998 dhe qëndroi në këtë pozicion deri në vitin 2000. Kur u kthye në Hozat në mars të vitit 2018 si Shef i Shtabit të Përgjithshëm, njësia tani njihej si Brigada e 51-të Komando. Anadolu vuri në dukje në atë kohë se ajo njihej edhe në Turqi si “Kut-ül Amare Fatihi”, “Fitorja e Kut al-Amara”, një emër që i referohej fitores osmane kundër forcave britanike në Kut në Mesopotami gjatë Luftës së Parë Botërore. Lidhja me Akarin sigurisht që nuk i jep në vetvete njësisë aktuale fuqi më të madhe operacionale. Megjithatë, kjo tregon se e 51-ta nuk është një formacion rajonal ose i sapoformuar, por një njësi me vazhdimësi të gjatë brenda forcave tokësore turke.

Çfarë po thotë zyrtarisht Ankaraja?

Një element thelbësor doli sot nga vetë Ministria Turke e Mbrojtjes Kombëtare . Ankaraja konfirmoi zyrtarisht transferimin e Brigadës së 51-të Komando në Sokia dhe sqaroi se ndryshimi i selisë së njësisë ishte miratuar që në qershor 2026, në përputhje me misionin dhe nevojat operacionale të Forcave të Armatosura Turke.

Ky sqarim specifik është i rëndësishëm, sepse vendos një kufi në interpretimet që shfaqen në një pjesë të shtypit turk. Vendimi nuk u mor ditët e fundit si një përgjigje e drejtpërdrejtë ndaj vizitës së Kyriakos Mitsotakis në Kastellorizo ​​​​ose ndaj ndonjë veprimi specifik grek. Procesi kishte filluar që nga qershori dhe prania e re e 51-të në Sokia ishte e dukshme publikisht që nga fundi i gushtit. Megjithatë, data e vendimit është një gjë dhe rëndësia strategjike e zgjedhjes së vendit të ri të instalimit është një tjetër.

Pse ka rëndësi Sokia?

Transferimi i një brigade nga Tunceli malor në Turqinë perëndimore përbën një ndryshim thelbësor në shpërndarjen gjeografike të forcave tokësore turke. Sokia ndodhet në provincën e Ajdinit, në zonën më të gjerë të bregdetit të Azisë së Vogël përballë Samosit dhe afër boshtit Kusadasi Gadishulli Dilek. Prandaj, selia e re vendos një brigadë komando me përvojë në një mjedis strategjik krejtësisht të ndryshëm nga ai në të cilin ka vepruar për dekada.

Sipas burimeve nga Ministria Greke e Mbrojtjes Kombëtare, Athina po monitoron nga afër rastin specifik dhe po vlerëson si transferimin e njësisë ashtu edhe të dhënat në lidhje me vendosjen e saj të re. Të njëjtat burime nuk i atribuojnë lëvizjes në këtë fazë karakteristika që do të justifikonin interpretime dramatike, megjithatë, fakti që është një formacion i tërë në nivel brigade dhe jo një lëvizje e kufizuar personeli është një element që po shqyrtohet me kujdes.

Pala greke ka arsye për ta parë praninë e një njësie të tillë ndryshe nga një zhvendosje normale. Bregu më i gjerë i Azisë së Vogël tashmë ka një numër të konsiderueshëm formacionesh ushtarake turke , ndërsa më në jug dhe në veri ka njësi me misione dhe aftësi të ndryshme. Shtimi i divizionit të 51-të në çdo rast forcon burimet njerëzore të gatishmërisë së lartë në dispozicion në Turqinë perëndimore.

2,000 komandot dhe ajo që dimë vërtet

Vëmendje e veçantë duhet t’i kushtohet edhe numrit të burrave. Yeni Asır shkruan konkretisht për 2,004 komando profesionistë , ndërsa Sözcü përdor numrin prej afërsisht 2,000. Megjithatë, deri më tani, Ministria Turke e Mbrojtjes nuk ka njoftuar një numër zyrtar të personelit të transferuar në Sokia. Numri prej 2,000 është plotësisht i pajtueshëm me madhësinë e një brigade, por nuk duhet të paraqitet si një numër i konfirmuar nga qeveria turke.

Prandaj, pamja që rezulton është më komplekse sesa titujt rreth 2,000 komandove përballë Samos. Deri më tani nuk ka prova që lejojnë përfundimin se divizioni i 51-të u krijua ose u transferua posaçërisht me një mision kundër ishujve grekë. Gjithashtu, nuk ka të dhëna zyrtare që do ta transformonin atë papritur në një formacion amfib.

Por ka një fakt të padiskutueshëm: Turqia mori një brigadë komando me dekada vazhdimësie operacionale në vendin lindor dhe e transferoi atë në bregdetin perëndimor të Egjeut, përballë Samos. Vendimi u mor muaj para publicitetit të sotëm dhe kjo dobëson narrativat e lehta për një përgjigje të menjëhershme në Athinë. Por kjo nuk e zvogëlon rëndësinë e saj ushtarake.

Sepse pyetja thelbësore nuk është nëse titujt kryesorë në shtypin turk po përpiqen të krijojnë përshtypje brenda Turqisë. Kjo është pothuajse e pritshme. Gjëja thelbësore është se një formacion komando me përvojë ndryshoi orientimin gjeografik dhe tani është integruar në rregullimin ushtarak të Turqisë perëndimore, në një nga zonat më të ndjeshme të Egjeut.