Category: Lajme

Pas operacionit ushtarak në Karakas që përfundoi me kapjen e Presidentit Nicolas Maduro dhe gruas së tij, Cilia Flores, këtë të shtunë, Trump mbajti një konferencë për shtyp ku pohoi: “Ne e ndërtuam industrinë e naftës venezueliane me talentin, vullnetin dhe aftësitë amerikane dhe regjimi socialist na e vodhi atë”.

“Kjo ishte një nga vjedhjet më të mëdha të pronës amerikane në historinë e vendit tonë“, shtoi ai.

Trump, i cili pohoi se SHBA-të do të “qeverisin” Venezuelën derisa “të mund të ndodhë një tranzicion i sigurt”, tha: “Ne do të bëjmë që kompanitë tona gjigante amerikane të naftës (…) të shpenzojnë miliarda dollarë, të riparojnë infrastrukturën e naftës të përkeqësuar keq dhe të fillojnë të gjenerojnë të ardhura për vendin”.

Kjo konfirmon se sa rëndësi i kushton presidenti amerikan burimeve të mëdha të naftës të Venezuelës, të cilat morën më shumë peshë në retorikën e Uashingtonit në javët që çuan në përshkallëzimin e që rezultoi në kapjen e Maduros.

Deri atëherë, Uashingtoni e kishte justifikuar fushatën e presionit kundër Maduros me akuzat se ai drejton një rrjet “narko-terrorist” të quajtur Karteli i Diejve, diçka që presidenti venezuelian e mohon.

Megjithatë, Trump kohët e fundit kishte njoftuar një “bllokim total të cisternave të naftës të sanksionuara” që hynin dhe dilnin nga Venezuela.

“Venezuela të na kthejë të gjithë naftën, tokën dhe asetet e tjera që na kanë vjedhur më parë”, tha Trump.

Pra, për çfarë po flet Trump? Çfarë thotë historia për rolin e Shteteve të Bashkuara në zhvillimin e industrisë së naftës venezueliane? A ka ndonjë bazë për këtë kërkesë?

BBC Mundo foli me specialistë në historinë e naftës venezueliane në kërkim të përgjigjeve.

Shtetet e Bashkuara dhe nisja e industrisë së naftës në Venezuelë

Venezuela, e cila zotëron rezervat më të mëdha të naftës bruto në botë, filloi të zhvillonte industrinë e naftës në një shkallë të gjerë në vitet 1920, nën qeverinë e Gjeneralit Juan Vicente Gomez.

Këto ishin vitet e asaj që në Venezuelë njihet si “El Reventón” (Shpërthimi), fillimi i shfrytëzimit masiv të një lënde të parë që do të shënonte historinë e vendit dhe nga e cila ekonomia botërore u bë gjithnjë e më e varur.

Fillimisht të përqendruara në zonën e Liqenit Maracaibo, në Venezuelën perëndimore, kompanitë amerikane shpejt fituan një rol udhëheqës në industrinë e sapolindur dhe fitimprurëse të naftës, duke zëvendësuar britanikët dhe holandezët që e kishin zhvilluar atë në fazat e saj të hershme.

Qeveria e Juan Vicente Gómez zbatoi një sistem koncesionesh që tërhiqte kompanitë amerikane, të cilat mund të nxirrnin dhe tregtonin naftë bruto venezueliane në këmbim të një tarife të caktuar fillimisht në 7%.

“Shteti ua dha koncesionet elitës lokale, por ata ua shitën të huajve sepse venezuelianëve u mungonin burimet dhe makineritë për t’i shfrytëzuar”, shpjegon Miguel Tinker Salas, historian dhe autor i librit “Një Trashëgimi që Qëndron: Nafta, Kultura dhe Shoqëria në Venezuelë”.

Gjatë atyre viteve, familja amerikane Rockefeller mori kontrollin e biznesit të naftës venezueliane përmes kompanisë Standard Oil Company dhe degës që krijoi në Venezuelë, Creole Petroleum Company.

“Ata përfituan nga kontrata që u kritikuan rëndë sepse u konsideruan shumë të favorshme për kompanitë“, thotë Francisco Monaldi, drejtor i Programit të Energjisë së Amerikës Latine në Institutin Baker në Shtetet e Bashkuara.

Sipas Tinker Salas, “Juan Vicente Gomez kërkoi të balanconte praninë e amerikanëve, britanikëve dhe holandezëve në mënyrë që askush të mos kishte monopol”. Aktiviteti i parë amerikan shkaktoi atë që eksperti e përshkruan si “një katastrofë të jashtëzakonshme ekologjike”.

“Evropianët kishin shfrytëzuar brigjet e liqenit Maracaibo, por amerikanët filluan të instalonin platforma për të nxjerrë naftën bruto nën ujë. Në fillim, i mbështetën ato në shtylla druri që shpesh gërryheshin nga uji, duke shkaktuar shembjen e puseve dhe derdhjen e naftës bruto në liqen. Kjo ndikoi shumë te komunitetet që jetonin në brigje dhe vareshin nga uji i liqenit. Nuk pati kurrë ndonjë dëmshpërblim apo kompensim.”

Në vitin 1943, Venezuela u sundua nga një tjetër ushtarak, Isaías Medina Angarita.

“E presionuar nga sektori i Ushtrisë që kërkonte përparim dhe klasa e mesme në zhvillim, Medina Angarita donte të përdorte burimet e naftës për të modernizuar vendin“, shpjegon Tinker Salas.

Në një kontekst të shënjuar nga Lufta e Dytë Botërore, e cila i kishte dhënë Venezuelës një vlerë të lartë strategjike për shkak të rezervave të bollshme të naftës bruto, Presidenti Medina Angarita promovoi një Ligj për Hidrokarburet që do të ndryshonte rregullat e lojës.

Shteti rezervoi një pjesë prej 50% të fitimeve nga biznesi i naftës, dhe honorari që kompanitë e huaja duhej të paguanin u rrit në 16%.

Për më tepër, kontratat e koncesionit u kufizuan në 40 vjet, dhe kompanitë përfituese ishin të detyruara të ndërtonin rafineri në vend për të zhvilluar industrinë kombëtare.

Megjithatë, masat e Medina Angarita u pritën mirë në Shtetet e Bashkuara, të cilat kishin gjetur në Venezuelë një furnizues të besueshëm karburanti gjatë një kohe kritike si lufta.

“U bë nëpërmjet negociatave; nuk kishte imponim nga Shteti, dhe kompanitë amerikane e panë si diçka të favorshme, sepse kujtonin shtetëzimin e naftës në Meksikë në vitin 1938 dhe donin të shmangnin një shtetëzimi tjetër me çdo kusht“, thotë Tinker Salas.

Shtetëzimi i Carlos Andrés Pérez

Bota ishte shumë ndryshe kur Carlos Andrés Pérez erdhi në pushtet në vitin 1974 me premtimin e shtetëzimit të naftës.

Qeveritë e vendeve prodhuese të naftës ishin bërë gjithnjë e më të vetëdijshme për fuqinë e madhe dhe burimet e gjera që do t’u jepte atyre kontrollin e një burimi, nga i cili ekonomitë e zhvilluara ishin bërë plotësisht të varura, siç u bë e qartë nga embargoja e naftës që disa vende arabe i vendosën Shteteve të Bashkuara në vitin 1973 për mbështetjen e tyre ndaj Izraelit.

Venezuela ishte tashmë eksportuesi më i madh i naftës bruto në botë dhe kishte qenë një nga forcat lëvizëse pas krijimit, disa vite më parë, të Organizatës së Vendeve Eksportuese të Naftës (OPEC).

Kur Pérez dekretoi shtetëzimin dhe krijimin e kompanisë shtetërore të naftës Petróleos de Venezuela (PDVSA) në vitin 1975, nuk kishte konflikt me Exxon dhe kompanitë e tjera amerikane që operonin në vend.

“Atyre u kishin mbetur edhe pak vite nga koncesionet dhe qeveria i kompensoi në mënyrë të arsyeshme për të ardhurat e prodhimit që nuk do të merrnin”

Kjo shpjegon edhe marrëdhënien e mirë që Carlos Andrés Pérez kishte me Shtetet e Bashkuara.

Me të ardhurat nga nafta, çmimi i së cilës ishte rritur ndjeshëm, filloi epoka e njohur si “Venezuela Saudite”, një proces modernizimi dhe zhvillimi në të cilin vendi u mësua me konsumin masiv dhe infrastrukturën e përparuar, por kjo nuk korrigjoi probleme të tilla si pabarazia apo niveli i lartë i borxhit.

Dhe çfarë ndodhi me kompanitë amerikane?

Sipas Monaldi-t, “ato vazhduan të kishin qasje në naftën venezueliane dhe në kontrata ndihmëse me PDVSA-në, kështu që vazhduan të fitonin shumë para në Venezuelë”.

Konflikti me Hugo Chávez

Historia do të ndryshonte me ardhjen në pushtet në vitin 1999 të kolonel Hugo Chávez, i cili shpejt u përplas me udhëheqjen e PDVSA-s, e cila në vitin 2002 nxiti një grevë që paralizoi sektorin e naftës.

Tinker Salar shpjegon se “PDVSA kishte krijuar një lloj shteti brenda shtetit, në të cilin menaxherët e saj e shihnin veten si ekspertë, si meritokraci dhe nuk donin që qeveria të prishte menaxhimin e naftës”.

Por Chávez spastroi pjesën më të madhe të stafit të kompanisë shtetërore të naftës, duke e mbushur atë me besnikë të “Revolucionit të tij Bolivarian” dhe kërkoi atë, që ai e përshkroi si një “rinacionalizim” të naftës.

Që nga viti 2004, me çmimet e naftës bruto në rritje, presidenti detyroi një rinegocim të kontratave me PDVSA-n, e cila deri atëherë kishte qenë një biznes fitimprurës për kompanitë ndërkombëtare të naftës.

Duke filluar nga viti 2001, ligji i dha PDVSA-së shumicën e aksioneve në të gjitha projektet dhe rriti ndjeshëm taksat që kompanitë e huaja duhej të paguanin.

Me të ardhurat e fituara, Chavez ishte në gjendje të financonte programet e tij të gjera sociale dhe një politikë të jashtme agresive që i lejoi atij të pozicionohej si një alternativë ndaj hegjemonisë amerikane në Amerikën Latine.

Kompanitë amerikane ExxonMobil, ConocoPhillips dhe Chevron ishin kompanitë kryesore amerikane të prekura dhe miratuan strategji të ndryshme.

Chevron pranoi të qëndronte në Venezuelë sipas kushteve të reja dhe vazhdon të prodhojë naftë në vend.

ExxonMobil dhe ConocoPhillips refuzuan dhe u larguan nga Venezuela pa pranuar kompensimin e ofruar për shpronësimin e aseteve të tyre.

ExxonMobil paraqiti kërkesë për arbitrazh në Qendrën Ndërkombëtare për Zgjidhjen e Mosmarrëveshjeve të Investimeve (ICSID) të Bankës Botërore, e cila vendosi se ajo kishte të drejtë për afërsisht 1.6 miliardë dollarë amerikanë kompensim.

Meqenëse kjo shifër ishte shumë më e ulët se pretendimet e saj fillestare, fitorja e ExxonMobil ndaj shtetit Venezuelan u përshkrua në shtyp në atë kohë si “e zbrazët”.

ConocoPhillips gjithashtu fitoi çështjen e saj në ICSID dhe iu dha një kompensim shumë më i madh, pasi vendimi arriti në përfundimin se shpronësimi i aseteve të saj ishte i paligjshëm dhe se shteti Venezuelan nuk kishte vepruar me mirëbesim në negocimin e kompensimit.

Por dy dekada më vonë, ConocoPhillips ende po përpiqet të marrë më shumë se 10 miliardë dollarë amerikanë që Republika e Venezuelës i detyrohet.

Aktualisht, është një nga kreditorët e parë në listën e pritjes që do të paguhet kur asetet e Citgo, degës amerikane të PDVSA-së, të dalin në ankand. Citgo është përfshirë në një betejë të gjatë dhe ende të pazgjidhur ligjore.

Atëherë a idetyrohet Venezuela naftë Shteteve të Bashkuara?

Në realitet, Venezuela Chaviste dështoi në vitin 2017 dhe ka grumbulluar një borxh të papaguar që aktualisht vlerësohet në 150 miliardë dollarë amerikanë.

Kjo shifër përfshin obligacione sovrane dhe PDVSA të papaguara, por edhe kredi të papaguara për fuqi mike si Kina dhe Rusia.

Qeveria e Nicolás Maduro ka pohuar për vite me radhë se vështirësitë ekonomike të vendit janë për shkak të sanksioneve të SHBA-së, të cilat kanë kufizuar aftësinë e saj për të eksportuar naftë.

Megjithatë ekspertët theksojnë se rënia e ndjeshme e prodhimit të naftës venezueliane – e cila tani është rreth 1.3 milion fuçi në ditë, nga një kulm prej 3.7 milion – është kryesisht rezultat i keqmenaxhimit dhe korrupsionit gjatë administratave të Chávez dhe Maduro.

Sipas Monaldi, “shpronësimet e Chávez u ekzekutuan dobët dhe Venezuela po paguan çmimin, por kjo nuk do të thotë që nafta venezueliane u përket kompanive amerikane. Nuk u ka përkitur kurrë; ata vetëm kishin koncesionin për ta nxjerrë atë”.

Dhe ashtu siç foli Trump këtë të shtunë për rolin e amerikanëve në origjinën e industrisë së naftës venezueliane, e ka bërë më parë edhe Stephen Miller, Këshilltar i Sigurisë Kombëtare dhe një figurë kyçe në kabinetin e tij.

“Djersa, zgjuarsia dhe përpjekja amerikane krijuan industrinë e naftës së Venezuelës. Shpronësimi i saj despotik ishte vjedhja më e madhe e pasurisë dhe pronës amerikane e regjistruar ndonjëherë. Këto asete të plaçkitura u përdorën për të financuar terrorizmin dhe për të përmbytur rrugët tona me vrasës, mercenarë dhe drogë”, tha Miller.

Në këtë drejtim, Monaldi beson se “Trump dhe Miller po përdorin retorikë të ekzagjeruar që nuk korrespondon me faktet”.

Tinker Salas pajtohet se “nuk ka kontekst historik për të thënë se Venezuela vodhi naftë nga Shtetet e Bashkuara”.

Dhe në lidhje me pohimin e Miller se ishte “djersa amerikane që i dha jetë industrisë së naftës në Venezuelë ai thotë: “Sigurisht, kishte një grup ekspertësh amerikanë, por ata që hapën xhunglën, hapën puset dhe punuan tokën ishin venezuelasit“./VoxNews

Venezuela është vendi i parë në botë për rezervat më të mëdha të naftës së papërpunuar me plotë 303 miliardë fuçi.

Kina është shteti me importet më të mëdha të naftës venezueliane me 68 për qind të totalit, ndjekur nga Shtetet e Bashkuara të Amerikës me 23 për qind.

Rrëzimi i Nikolas Maduro si president i Venezuelës  nuk pritet të ndikojë fortë në tregje në përgjithësi dhe as te ai i naftës në veçanti.

“Kush kontrollon naftën, kontrollon kombet.” …. kjo thënie e ish-Sekretarit Amerikan të Shtetit, Henry Kissinger në vitet ‘70 mbetet po aq e aktuale dhe sot. “Ari i zi” ka qenë në qendër të gjeopolitikës dhe konflikteve për më shumë se një shekull. Venezuela është vendi i parë në botë për rezervat më të mëdha të naftës së papërpunuar me plotë 303 miliardë fuçi.

 Ajo lë pas Arabinë Saudite me 276 mijë, Iranin me 209 mijë apo Kanadanë, Irakun, Emiratet e Bashkuara Arabe e Rusinë.

Shtetet e Bashkuara të Amerikës, superfuqi ekonomike dhe ushtarake renditen në pozicionin e 9-të me 69 miliardë fuçi naftë të papërpunuar duke lënë pas Libinë me 48 miliardë të tilla.

Para sanksioneve të Shteteve të Bashkuara të Amerikës, Venezuela prodhonte mbi 2 milionë fuçi naftë në ditë në 2017-n, sasi kjo që u ul në 1 mijë e 511 milionë në 2018-n apo pak më shumë se 1 milion në 2019-n.

Sasia e naftës së prodhuar nga Venezuela ra në 569 milionë fuçi në 2020 kur u ashpërsuan edhe sanksionet e Uashingtoni ndaj Karakasit. Trajektorja e prodhimit të “arit të zi” vijoi rënien.

Kina është shteti me importet më të mëdha të naftës venezueliane me 68 për qind të totalit, ndjekur nga Shtetet e Bashkuara të Amerikës me 23 për qind.

Në Evropë, Spanja është ndër importuesit kryesorë me 4 për qind të totalit.

Analistë të tregjeve vlerësojnë se arrestimi dhe deportimi i presidentit të Venezuelës, Nikolas Maduro nga Shtetet e Bashkuara të Amerikës nuk pritet të ndikojë fortë në tregje në përgjithësi dhe as te ai i naftës në veçanti.

Kjo pasi tregjet globale aktualisht janë të mbingopura, ndaj çdo rritje çmimi për shkak të konfliktit pritet të jetë modeste, rreth 1–2 dollarë për fuçi.

Madje, marrja në kontroll e prodhimit të naftës në Venezuelë nga Shtetet e Bashkuara të Amerikës, shoqëruar nga heqja e sanksioneve mund të ndikonte në shtimin e eksporteve  dhe rrjedhimisht në rënien e çmimit të “arit të zi” në bursa.

Presidenti i SHBA-së, Donald Trump, ka publikuar të dhëna statistikore mbi përfitimin e ndihmave sociale nga komunitetet emigrante në Shtetet e Bashkuara, ku në fokus janë edhe familjet me origjinë nga Kosova dhe Shqipëria.

Sipas këtyre të dhënave, 46% e familjeve nga Kosova që jetojnë në SHBA përfitojnë ndihmë sociale, duke e renditur Kosovën ndër vendet me përqindje të mesme të përfituesve.

Ndërkohë, Shqipëria renditet me 41.3%, një shifër gjithashtu e konsiderueshme krahasuar me shumë vende të tjera.

Statistikat i referohen familjeve emigrante që përfitojnë programe të ndryshme ndihme sociale, përfshirë mbështetje financiare, ushqimore apo shërbime të tjera shtetërore.

Publikimi i këtyre shifrave vjen në kuadër të debatit të vazhdueshëm në SHBA mbi emigracionin dhe politikat sociale.

https://truthsocial.com/@realDonaldTrump/115837373809832709g

Presidenti i SHBA-së, Donald Trump, ka paralajmëruar zv/presidenten dhe presidenten në detyrë të Venezuelës, Delcy Rodriguez, kundër sfidimit të SHBA-së.

“Nëse ajo nuk bën atë që është e drejtë, do të paguajë një çmim shumë të lartë, ndoshta më të madh se Maduro”, tha presidenti amerikan për The Atlantic në një intervistë telefonike këtë mëngjes sipas kohës amerikane.

Dje, Trump tha se SHBA-të do të donin të “drejtonin” Venezuelën pas kapjes së Nicolas Maduros.

Ai tha se Rodriguez ishte “e gatshme të bënte atë që ne mendojmë se është e nevojshme”, në një kontrast të dukshëm me fjalimin sfidues që ajo mbajti menjëherë pas kësaj.

Në intervistë, Trump tregoi se e konsideronte ndryshimin e regjimit një qëllim legjitim pas kundërshtimit nga pjesë të së djathtës amerikane që janë kritike ndaj ndërhyrjeve të huaja.

“E dini, rindërtimi atje dhe ndryshimi i regjimit, sido që të doni ta quani, është më mirë se ajo që keni tani. Nuk mund të bëhet më keq”, tha ai.

‘Ne kemi nevojë për Groenlandën, absolutisht’

Trump shtoi se Venezuela mund të mos jetë vendi i fundit ku SHBA-të mund të ndërhyjnë.

“Ne kemi nevojë për Groenlandën, absolutisht”, tha ai, duke vënë në dukje se ishulli, i cili i përket Danimarkës, ishte “i rrethuar nga anije ruse dhe kineze”.

Një ish-gjeneral dhe ish-drejtor i shërbimeve sekrete 007 të Venezuelës, besnik i ish-Presidentit Hugo Chavez u deklarua fajtor së fundmi në Shtetet e Bashkuara të Amerikës për trafik droge dhe narko-terrorizëm.

Hugo Armando Carvajal Barrios, i njohur si “El Pollo”, i cili sipas gazetës amerikane “Newsweek” është dëshmitari kryesor i gatshëm të japë një dëshmi vendimtare në gjyqin kundër Nicolas Maduro dhe gruas së tij.

Dikur krahu i djathtë, i besuar i Chavez dhe trashëgimtarit të tij Maduro, tashmë në akuzuesin kryesor të një sistemi që ai ndihmoi në ndërtimin.

Jo nga ndonjë pendim i sinqertë, por më shumë për të marrë ulje dënimi dhe për përfitime personale.

Kjo është historia e “El Pollo”, i lindur në vitin 1960 në Puerto La Cruz në Venezuelë dhe që u ngrit në radhët ushtarake në kulmin e tij.

Në vitin 1992, Carvajal Barrios ishte ndër mbështetësit kryesorë të Hugo Chavez në përpjekjen e tij të dështuar për grusht shteti.

Ky veprim u kushtoi të dyve burg, por e lidhi në mënyrë të pazgjidhshme “El Pollo” me udhëheqësin bolivarian.

Ishte vetë Chavez që pasi triumfoi në zgjedhjet e vitit 1998, që e emëroi Carvajal Barrios si kreun e shërbimit sekret venezuelian.

Sipas akuzave të ngritura nga Departamenti i Drejtësisë i SHBA-së, “El Pollo” menaxhoi një operacion masiv të trafikimit të armëve dhe drogës duke bashkëpunuar me kartelet kryesore të kontinentit, siç janë “Cartel de Los Soles” dhe “FARC”-u kolumbian. Është në këtë rol që, sipas hetuesve amerikanë, ai mori pjesë në transportin e 5.5 tonëve kokainë në SHBA.

Në vitin 2013, pas vdekjes së Chavez, roli qendror i Carvajal Barrios në Venezuelë mbeti i pandryshuar.

Agjenti numër një vendosi të hynte në politikë, duke u bërë një kongresmen pro-Maduros.

Pika e kthesës erdhi në vitin 2019, kur ekonomia venezuelase ishte në gjunjë dhe opozita po merrte vrull. “El Pollo” ndërroi anë.

Nicolas Maduro reagoi keq, duke e akuzuar atë për tradhti dhe duke e detyruar të largohej. Ndërkohë për Carvajal Barrios kishte një urdhër arresti nga Departamenti i Drejtësisë i SHBA-së.

“El Pollo” u kap në Spanjë dhe u ekstradua në Shtetet e Bashkuara në vitin 2023, ku u përball me të njëjtat akuza me të cilat përballen tani Nicolas Maduro dhe gruaja e tij: narko-terrorizëm, trafik droge dhe trafik armësh.

Më 25 qershor 2025, Carvajal Barrios u deklarua fajtor për të gjitha akuzat dhe arriti një marrëveshje pranimi fajësie me Departamentin e Drejtësisë të SHBA-së.

Megjithatë, dënimi nuk u ratifikua, ndoshta sepse “El Pollo” ndërkohë kishte filluar të negocionte një marrëveshje të re.

Një gjë që mund të përfshijë dëshminë e tij kundër ish-udhëheqësit dhe presidentit të tij.

Dashi

Yjet do ju krijojnë një ambient te këndshëm dhe relaksues gjate kësaj dite. Do ndiheni mjaft mire ne krahët e atij qe dashuroni. Beqaret gjithashtu do kenë mundësi te njohin një person me te cilin pas pak kohesh do fillojnë një lidhje. Financat do jene te mbrojtura nga yjet, megjithatë nuk është ende momenti i duhur për te kryer investime te mëdha.

Demi

Do kaloni çaste shume te lumtura gjate kësaj dite ju qe jeni ne një lidhje dhe do filloni te mendoni seriozisht për te ardhmen. Beqaret nuk do jene ne humor te mire kështu qe nuk do pranojnë kollaj te dalin me dike. Gjendje e financave do lere për te dëshiruar. ulini te gjitha shpenzimet nëse doni qe te mos bini ne humnere. Mendoni për te nesërmen.

Binjaket

Do tregoheni shume autoritare sot ne jetën tuaj ne çift dhe do jete pikërisht kjo gjë ajo qe nuk do i pëlqejë aspak personit qe dashuroni. Për beqaret do ketë takime, flirte dhe mundësi për aventura kalimtare. Do e kenë vete ne dore se çfarë do bëjnë me pas. Gjendja e financave nuk do ndryshoje nga disa dite me pare. Ju e dini mire çfarë taktike te ndiqni.

Gaforrja

Marrëdhënia ne çift pritet te përmirësohet ndjeshëm gjate kësaj dite. Do arrini te flisni hapur me personin qe keni ne krah dhe do kuptoheni me se miri. Beqaret do ndihen mire me statusin qe kane dhe nuk do kërkojnë ta ndryshojnë atë. Me shpenzimet tregohuni sa me te matur qe te mundeni sepse me vone nuk do ketë me rikthim mbrapa.

Luani

Nëse keni ende vetëm një lidhje dhe nuk keni organizuar asnjë ceremoni zyrtare, sot do filloni t’i mendoni seriozisht gjerat. Beqaret gjithashtu do mundohen te gjejnë mënyrën për ta bere për vete personin qe ju pëlqen. Me pak mund do ja dalin. Financat do kërkojnë me shume maturi dhe kujdes se kurrë me pare. Reflektoni mire para se te shpenzoni.

Virgjeresha

Do kaloni çaste fantastike gjate kësaj dite ne krahët e atij qe dashuroni dhe as qe do ju shkoje neper mend te shkëputeni për ndonjë çast prej tij. Beqaret do jene gati për aventura kalimtare. Mundësitë do jene te shumta. Nëse vazhdoni t’i menaxhoni me kujdes te ardhurat, gjendja do vije dalëngadalë duke u përmirësuar. Shume shpejt do kryeni edhe investimet e menduara.

Peshorja

Mos e privoni veten nga asgjë sot juve qe jeni ne një lidhje, por bëni thjesht atë qe ndjeni. klima yjore do jete e ngrohte dhe plot ngjyra. Beqaret duhet ende te bëjnë durim për ta bere për vete personin qe kane piketuar. Ne fillim ai do beje interesantin. Sektori i financave do jete i paqëndrueshëm. Vetëm ndihme e specialisteve mund t’iu nxjerre nga problemet.

Akrepi

Edhe pse do jeni plot angazhime, sot duhet patjetër te gjeni pak kohe për ta kaluar me partnerin. Nëse vazhdoni ta lini pas dore, lidhjes do i vije fundi. Beqaret do interesohen njëkohësisht për shume persona, por nuk do hedhin asnjë hap me asnjërin. Nëse shpenzimet i kryeni me maturi, gjendja e financave do vije duke u stabilizuar.

Shigjetari

Do afroheni edhe me shume me partnerin tuaj gjate kësaj dite dhe do ndani gjithçka me te. Edhe ata qe kane pasur probleme dhe vështirësi do ndiheni me te qete. Beqaret do jene ne humor dhe do jene gati për lidhje serioze si dhe aventura kalimtare. Ne planin financiar fati do jete ne anën tuaj. Do kryeni te gjitha investimet qe keni dëshiruar.

Bricjapi

Për çdo brenge apo paqartësi qe te keni sot mbi lidhjen tuaj duhet te flisni me atë qe keni ne krah. Ai ehte i vetmi qe mund t’iu sqaroje dhe t’iu mbështesë. Beqaret do kenë takime mbresëlënëse te cilat do ua shtojnë dëshirën për te jetuar. te ardhurat do lënë shume për te dëshiruar. Nuk do mundeni dot as te kryeni shpenzimet e nevojshme.

Ujori

Çdo gjë do ju shkoje ashtu si e kishit menduar sot ne jetën tuaj sentimentale. Do ndiheni mjaft mire dhe te dashuruar marrëzisht pas partnerit. Beqaret do fillojnë ta shohin me një sy tjetër një mik te fëmijërisë. Nuk ka asgjë te keqe qe mes tyre te linde një ndjenje. Ne planin financiar nuk do keni për çfarë te qaheni. Gjendja do jete goxha e qëndrueshme.

Peshqit

Do tregoheni shume te arsyeshëm gjate kuaj dite ne jetën tuaj ne çift dhe gjerat do rrjedhin natyrshëm. Nuk pritet asnjë mosmarrëveshje me partnerin. Beqaret meshkuj do jene me më fat ne dashuri. Femrave do ju duhet te bëjnë akoma me tepër durim. Financat do jene gjate gjithë kohës te mbrojtura. Edhe po kryet ndonjë investim te vogël nuk do ketë probleme.

Prej kohësh, higjiena brenda shtëpisë së BBVK është temë jo vetëm brenda por edhe jashtë.

Ndjekësit e formatit janë duke komentuar me të madhe mungesën e kujdesit nga banorët për hapësirën e përbashkët.

Pamje të ç’rregullta, dysheme e papastër dhe mbeturinat janë bërë pjesë e tablosë së shtëpisë luksoze. E duket se Vëllai i madh nuk do të tolerojë për më gjatë.

Pas disa vërejteve të njëpasnjëshme, pak minuta më parë është lëshuar alarmi në shtëpi.

Vëllai i Madh iu komunikoi banorëve se i zbret 2 mijë euro nga çmimi i madh, duke e çuar atë në 171,000 euro aktualisht.

Paralajmërimi u bë që nëse nuk ka reflektim, vendimi për zbritje nga çmimi i madh do të aplikohet çdo të diel. /Prive

“Rendi botëror ka rënë!”. Kështu u shpreh presidenti serb, Aleksandër Vuçiç, pas një mbledhje urgjente të Këshillit të Sigurisë Kombëtare ku diskutoi me tonë kritike për operacionin amerikan për kapjen e mikut të tij në Venezuelë, Nikolas Maduro.

“Pas veprimeve në Venezuelë, është plotësisht e qartë se rendi publik ndërkombëtar dhe Karta e OKB-së nuk zbatohen”, theksoi Presidenti serb, duke shtuar se ligji i forcës dhe ligji i më të fortit po dominojnë botën.

“Pra, ju e shihni që nuk ka parime. Kjo është arsyeja pse ne jemi veçanërisht të shqetësuar për armatimin e mëtejshëm të Prishtinës, në kundërshtim me Kartën e Kombeve të Bashkuara dhe Rezolutën 1244, e cila është pezulluar de facto, por jo de jure, nga fuqitë e mëdha, siç është Turqia.

Ato po e armatosin me shpejtësi Prishtinën. Një kërcënim i veçantë për sigurinë e Serbisë është aleanca ose bashkimi i sapokrijuar i Prishtinës, Tiranës dhe Zagrebit, i cili po zhvillohet në një fushë të gjerë që përfshin zhvillimin e përbashkët të sistemeve komplekse luftarake nga automjetet katër me katër deri te armët dhe mjetet më të fuqishme”, tha Vuçiç, duke shtuar se Serbia po e monitoron nga afër këtë dhe po përgatitet për mbrojtje kundër atyre që pretendoi se tani po bëjnë “kërcënime të hapura” ndaj Serbisë.

Koreja e Veriut lëshoi ​​të paktën dy raketa balistike në Detin Lindor, ose Detin e Japonisë, testi i parë i armëve të vitit, një ditë pasi ushtria amerikane kapi presidentin e Venezuelës, në një plan që Pheniani e ka akuzuar prej kohësh Uashingtonin se po përpiqet ta përdorë kundër udhëheqësve të vet.

“Ushtria jonë lëshoi një raketë balistike në Detin Lindor nga periferia e Phenianit rreth orës 7:50 të mëngjesit (00:50 GMT)”, tha Ministria e Mbrojtjes e Koresë së Jugut.

Ministria japoneze e Mbrojtjes tha gjithashtu se kishte zbuluar lëshimin e një rakete të dyshuar balistike, e cila u ul rreth orës 08:08 (ora lokale), pa specifikuar se ku.

“Zhvillimi i armëve bërthamore dhe raketave balistike nga Koreja e Veriut kërcënon paqen dhe stabilitetin e vendit tonë dhe të bashkësisë ndërkombëtare dhe është absolutisht i patolerueshëm”, u tha gazetarëve Ministri japonez i Mbrojtjes, Shinjiro Koizumi.

Testi “ndoshta pasqyron presionin e madh që Pheniani po ndien për shkak të situatës në Venezuelë”, tha për AFP Hong Min, një analist në Institutin Korean për Unifikimin Kombëtar.

Ushtria amerikane pushtoi vendin e Amerikës Latine herët të shtunën në mëngjes dhe kapi Presidentin Nicolas Maduro, i cili më pas u dërgua në territorin e SHBA-së ku administrata e Donald Trump synon ta nxjerrë atë në gjyq për “narkoterrorizëm”.

Presidenti Trump tha se Uashingtoni synon të “qeverisë” vendin – ai nuk shpjegoi se si – derisa të ketë një “tranzicion të sigurt, të rregullt dhe të drejtë”.

Koreja e Veriut ka akuzuar vazhdimisht SHBA-në për komplot për të përmbysur qeverinë e saj.

“Edhe pse specifikimet e raketave janë ende duke u verifikuar, mesazhi themelor (i testit) është i mundshëm që sulmi ndaj Koresë së Veriut nuk do të ishte aq i lehtë (…) sa sulmi ndaj Venezuelës”, përfundoi Hong Min.

Lee Il-kyu, një ish-këshilltar politik në ambasadën e Koresë së Veriut në Kubë, i cili dezertoi në vitin 2023 dhe tani jeton në Korenë e Jugut, komentoi në Facebook se shpresonte që Seuli të “nxirrte të paktën një mësim nga zgjedhjet, vendimet dhe veprimet e fundit të SHBA-së”.

Në Korenë e Jugut, presidenca njoftoi se këshilli i sigurisë kombëtare ishte mbledhur urgjentisht dhe i bëri thirrje Koresë së Veriut të ndalonte “veprimet provokuese që shkelin rezolutat e Këshillit të Sigurimit”.

Komanda e përbashkët amerikane përgjegjëse për rajonin e Azi-Paqësorit (INDOPACOM, “Komanda Indo-Paqësore”) tha se testi “nuk përbën asnjë kërcënim të menjëhershëm për personelin ose territorin amerikan”, duke shtuar, megjithatë, se Uashingtoni po monitoronte zhvillimet në “koordinim të ngushtë” me aleatët e tij në rajon.

Raketat udhëtuan rreth 900 kilometra para se të binin në det, sipas Seulit.

Testi i Koresë së Veriut ndodhi

disa orë para se Presidenti i Koresë së Jugut, Lee Jae-myung, të nisej për në Kinë për t’u takuar me homologun e tij Xi Jinping.

Ai shpreson që Pekini, afër Phenianit, do të përdorë ndikimin e tij për ta ndihmuar atë të shtyjë përpara një shkrirje të marrëdhënieve dypalëshe, të cilat kanë qenë në pikën e tyre më të ulët.

Testi vjen gjithashtu ndërsa udhëheqësi i Koresë së Veriut, Kim Jong-un, ka qenë gjithnjë e më i zëshëm në përpjekjet e vendit të tij për të forcuar dhe modernizuar arsenalin e tij.

Ai vizitoi një kantier detar ku po ndërtohet një nëndetëse me energji bërthamore, urdhëroi një rritje të prodhimit vendas të raketave dhe ndërtimin e fabrikave për të prodhuar pajisje ushtarake, mbikëqyri testimin e dy raketave lundruese me rreze të gjatë veprimi dhe vlerësoi fuqinë e raketahedhësve të rinj të shumëfishtë.

Në përgjithësi, Pheniani ka përshpejtuar testimin e armëve të tij në vitet e fundit.

Ai kreu testin e mëparshëm të raketave balistike më 6 nëntor pasi Presidenti i SHBA-së, Donald Trump, i dha dritën jeshile planit të Koresë së Jugut për të ndërtuar nëndetësen e vet me energji bërthamore.

Pheniani, thonë analistët, synon të përmirësojë aftësitë e tij të goditjes me precizion, të testojë armë për eksport në Rusi dhe të tregojë sfidën e tij ndaj SHBA-së dhe Koresë së Jugut.

Kongresi i parë i Partisë së Punëtorëve të Koresë, i vetmi i Koresë së Veriut në pesë vjet, pritet të mbahet në javët e ardhshme, duke u përqendruar në politikat ekonomike dhe të mbrojtjes.

Z. Kim vizitoi një fabrikë që prodhon armë taktike të drejtuara të hënën, raportoi agjencia zyrtare e lajmeve KCNA, duke shtuar se ai urdhëroi që kapaciteti i prodhimit të rritet 2.5 herë.

Kryetari i Partisë “Shqipëria Bëhet”, Adriatik Lapaj zbuloi dy emra që sipas tij mund të udhëheqin një qeveri tranzitore për 12 muaj.

Ai u shpreh se mjeku në pension, Tritan Kalo mund të organizojë zgjedhje model në Shqipëri.

Po ashtu ai përmendi edhe emrin e profesorit Përparim Kabo.

Sipas tij këta dy emra mund t’i japin Shqipërisë qeveri përtej palëve dhe zgjedhje të lira dhe demokratike, duke theksuar se më pas do të ketë efektin domino dhe do ketë garë në çdo nivel.

“Jo të jesh ti kryeministër, sepse je provuar që je hajdut. Me qeveri tranzitore, të mbledhim intelektualët më të mirë, sepse kemi. Një qeveri tranzitore për 12 muaj, më vjen në mendje profesori Tritan Kalo, është pensionuar është në Kanada dhe mund ta udhëheqë një qeveri tranzitore 12 muaj. Jam i bindur që është një njeri që zgjedhjet do ti organizonte model. Profesori Përparim Kabo…pra le ti japim njerëzve një qeveri përtej palëve 12 muaj me një mandat të qartë, të organizojmë zgjedhje demokratike. Pastaj po fitoi ky dakord, por me zgjedhje të lira dhe të ndershme”, tha Lapaj për News24.