Category: Lajme

Qeveria propozoi të krijojë rezervën strategjike të naftës në pronësi të shtetit shqiptar, por një pjesë e kostos së saj do të përballohet nga operatorët privatë, të cilët pritet që këtë kosto ta transferojnë në çmimin final të pakicës.

Edhe vetë qeveria ka ranuar në raport e saj se sigurimi i fondeve do të kërkojë, ndër të tjera, vendosjen e tarifës që do të aplikohet mbi sasitë e produkteve energjetike hidrokarbure, çka do të sjellë rritje të ngarkesës financiare në zinxhir dhe do të reflektohet në rezultatin final të çmimit të shitjes te konsumatori.

Rezerva synon të përdoret në raste emergjencash, kur importet mund të ndërpriten dhe vendi ka nevojë të garantojë furnizimin me karburant për shërbime jetike, si ambulancat apo mjetet eProjektligji, në nenin 8, përcakton se rezerva do të krijohet përmes depozitimit të naftës nga një Autoriteti shtetëror që do të krijohet dhe në marrëveshje me operatorë privatë të licencuar. Në këtë mënyrë, kompanitë private do të ngarkohen të depozitojnë fizikisht karburant për llogari të shtetit, me qëllim krijimin e rezervës së sigurisë.

Tarifë e re për karburantet, fondet do përdoren për krijimin e rezervës së sigurisë së naftës bruto
Por përveç detyrimit për depozitimin fizik të produktit, operatorët do të ngarkohen edhe me një pagesë të përcaktuar në projektligj si “tarifa e rezervës së sigurisë”.

Kjo tarifë do të shkojë në një fond që do të përdoret për mbulimin e shpenzimeve të krijimit të rezervës fizike, mirëmbajtjes, monitorimit dhe kostove të tjera të skemës. Ndërsa pjesa tjetër e shpenzimeve për mirëmbajtjen e rezervës, sipas draftit do të mbulohen edhe përmes kredive, të ardhurat nga buxheti i shtetit, të ardhurat nga shitja e rezervave etj.

Shoqata e Hidrokarbureve ngre shqetësime për mënyrën se si qeveria parashikon ta financojë modelin e ri të propozuar për krijimin e sigurisë së naftës.Sipas tyre, drafti nuk përcakton asnjë kosto se sa do të kushtojë blerja e karburantit për rezervën, magazinimi dhe rinovimi i stokut, ndërsa mbetet i paqartë edhe trajtimi i humbjeve në rast se çmimi i karburantit bie pasi rezerva është blerë.

Projektligji përcakton një tarifë mbi produktet hidrokarbure të akcizës, për të cilën Shoqata e Hidrokarbureve argumenton së pari, se kjo pagesë nuk mund të konsiderohet si tarifë për një shërbim, pasi nuk bëhet fjalë për një shërbim që shteti i ofron kompanive, por për financimin e një detyrimi publik përmes një tarife të vendosur mbi karburantet.

Kjo pagesë, sipas Shoqatës të Hidrokarbureve do të kthehet në një kosto shtesë për konsumatorin, pasi do të përfshihet në çmimin e karburantit. Për këtë arsye Shoqata e Hidrokarbureve e konsideron “taksë të fshehtë”, antikushtetuese pasi niveli i saj nuk do të miratohet nga Parlamenti, por nëpërmjet vendimit të ministrive të linjës.

Ndërkohë në muajin tetor të vitit 2025, Qeveria miratoi projektligjin për krijimin e rezervave të sigurisë së naftës, por një dokument zyrtar që shoqëroi nismën gjatë fazës së konsultimit përcaktonte qartë se tarifa për financimin e skemës do të ndikojë në çmimin final të karburanteve.

Raporti i Vlerësimit të Ndikimit, i hartuar nga Ministria e Infrastrukturës dhe Energjisë gjatë fazës së konsultimit, evidenton një efekt potencial të drejtpërdrejtë në çmimin që paguhet në treg.

Dokumenti analizon disa alternativa dhe përcakton si opsion të preferuar Opsionin 1, hartimin dhe miratimin e një ligji të ri për rezervat e sigurisë.

Në analizën e ndikimeve të politikës, Ministria parashikon se krijimi dhe funksionimi i sistemit do të financohet, ndër të tjera, përmes një tarife mbi sasitë e produkteve hidrokarbure.

“Sigurimi i fondeve do të kërkojë, ndër të tjera, vendosjen e tarifës që do të aplikohet mbi sasitë e produkteve energjetike hidrokarbure”, thuhet në raport. Sipas të njëjtit dokument, kjo do të sjellë rritje të ngarkesës financiare në zinxhir dhe do të reflektohet në rezultatin final të çmimit të shitjes te konsumatori.

Më tej, në pjesën ku analizohen kostot për bizneset, raporti është edhe më i drejtpërdrejtë. Ai parashikon vendosjen e tarifës mbi produktet hidrokarbure që i nënshtrohen akcizës dhe shton se “kjo do të ndikojë në çmimin final të shitjes së nënprodukteve në tregun vendas”.

Edhe përmbledhja ekzekutive e raportit parashikon tarifa financiare për bizneset. Sipas saj, këto kosto vlerësohen si minimale dhe tarifat do të mblidhen pasi produkti të jetë shitur për konsumatorin final.

Raporti nuk jep një përllogaritje se sa mund të jetë efekti në lekë për litër. Niveli i tarifës nuk përcaktohet në vlerësimin e ndikimit dhe kostot nuk janë kuantifikuar, diçka që nuk e bën ende te mundur të përcaktohet ndikimi real i rritjes së çmimit.

Vetë mekanizmi gjithsesi ishte parashikuar që në fazën e konsultimit: Ministria e Infrastrukturës dhe Energjisë, së bashku me Ministrinë e Financave, do t’i propozonin Këshillit të Ministrave tarifën për krijimin dhe mbajtjen e rezervës së sigurisë, të aplikuar mbi produktet hidrokarbure që i nënshtrohen akcizës.

Edhe pa këtë taksë, Shqipëria, ndër vendet më të varfra të Europës është e treta më e shtrenjë në vlerë, me naftën që tregtohet aktualisht në gati 2.5 euro, në nivele gati të njëjta me Norvegjinë dhe Danimarkën. E matur sipas guqisë blerëse, nafta është 2.6 herë më e shtrenjtë se mesatarja europiane.

Nafta në Shqipëri kushton 2.6 herë më shumë se mesatarja e gjithë Europës, ndaj fuqisë blerëse
Arsyeja kryesore lidhet me barrën e rëndë të taksave, që përbëjnë gati gjysmën e çmimit, nga rreth 30% që e ka rëndesën rajoni, teksa ky i fundit ka zbatuar vazhdimisht dhe lehtësi fiskale. Por, në vend të që ulët taksat, qeveria, në kulmin e krizës, ndërmori një veprim që pritet të rrisë edhe më tej çmimin. /D.Azo/

Një djalë të ri nga shqiptar, i cili jeton në New York e ka zënë ha.IIi me një vajzë, e cila ishte fillimisht e das;hura e tij,

por që më pas nuk i nd.ahet për qa;m.et, edhe pse djalit tregon se ka provuar çdo metodë për ta mbajtur larg.

Ai ka bërë me dije se vajza me të cilën është në një ma;r..rë.dhë.nie prej dy vitesh, është disa vite më e madhe se ai.

Ajo është 29 ndërsa unë jam 22 vjeç. Jemi njohur para dy vitesh.

Ajo ishte 27. Ishte e mirë, nuk e kisha pr.obIe.m që ishte më e madhe”, – tregon djali.

Ai bën me dije se pas një viti ka marrë vesh që e das;hura e tij ishte një grua e mar;tuar, e madje kishte edhe dy djem.

22-vjeçari shprehet se i ka kërkuar asaj që të nd;.ahen, por ajo nuk pranon dhe n.gul këmbë që b;urrin e vet nuk e do, por duhet të rrijë me të për hir të kaIamajve.

Kryeministri polak Donald Tusk pret rritje të sulmeve ruse ndaj Ukrainës dhe mbështetësve të saj në javët e ardhshme. Sipas raporteve të inteligjencës, mund të ketë sulme aksidentale me dronë dhe raketa ndaj vendeve që mbështesin Ukrainën, përfshirë Poloninë. Tusk e bëri këtë deklaratë në parlamentin polak në Varshavë, siç raportohet nga agjencia e lajmeve PAP.

“Ekziston një rrezik real që dronët ose predhat e tjera të mund të depërtojnë në territorin e një ose më shumë vendeve në krahun lindor të NATO-s dhe madje të shkaktojnë dëme”, tha Tusk. Narrativa zyrtare ruse do të jetë atëherë se ishte një aksident dhe nuk ka arsye për një reagim nga aleanca.

Kryeministri polak shprehu shqetësim të veçantë në lidhje me përdorimin në rritje të dronëve me motor reaktiv. Këta fluturojnë më lart dhe më shpejt se modelet e mëparshme dhe për këtë arsye janë më të vështirë për t’u zbuluar nga mbrojtja ajrore. Tusk shpjegoi se paralajmërimet e tij bazoheshin në të dhëna nga agjencitë polake, ukrainase, amerikane dhe të NATO-s.

Sipas të gjitha burimeve, fundi i vjeshtës dhe dimri pritet të sjellin “momentin më kritik në luftën aktuale ruso-ukrainase”, tha Tusk. Më herët atë mëngjes, dronët rusë sulmuan pranë pikës kufitare ukrainase me Poloninë në Yahodyn. Kjo shkaktoi sirena bastisjeje ajrore edhe në anën polake; avionë luftarakë u ngritën në ajër.
Sakaq Kryeministri sllovak Robert Fico paralajmëroi për një konflikt të mundshëm të NATO-s me Rusinë. Fico, i cili ka ruajtur marrëdhënie të ngrohta me Rusinë, tha se një inkursion me dron mund të çonte në aktivizimin e klauzolës së mbrojtjes së përbashkët të NATO-s dhe se ai donte të parandalonte që Sllovakia të bëhej pjesë e një konflikti të armatosur. Të njëjtin problem shfaqi edhe Presidenti Frances, Emmanuel Macron, i cili foli për sulmet hibride ruse.

“Nuk po e ekzagjeroj; kam frikë nga lufta dhe dua të flas për të me seriozitet të plotë. Ajo që po ndodh sot në Evropë, ajo që dëgjojmë dhe shohim sot, është se konflikti ushtarak në Ukrainë ka dalë jashtë kontrollit; rregullat e operacioneve ushtarake kanë pushuar së zbatuari. Kanë nisur sulmet ndaj infrastrukturës civile. Mendoj se do të jemi dëshmitarë të operacioneve të mëdha ushtarake në territorin ukrainas, por ajo që më frikëson më së shumti? Është forca e retorikës së luftës që vjen nga Evropa. Situata nuk ka qenë kurrë kaq serioze dhe e tensionuar. Për sa i përket mundësisë së një konflikti ushtarak mbarë evropian unë nuk dua që Sllovakia të përfshihet në ndonjë konflikt ushtarak për shkak të Nenit 5”, tha Robert Fico, kryeministri i Sllovakisë.

“Dua të theksoj se natyra e agresionit rus dhe kërcënimeve të tij në Evropë po ndryshon. Sulmi me dron ndaj një treni pasagjerësh që vinte nga Kievi pak ditë më parë; sulmi apo tentativa për sulm në aeroportin e Lajpcigut, i cili dështoi dhe që shërbimet gjermane ia atribuojnë GRU-së lëshimi i një fishekzjarre sinjalizuese pranë një fregate daneze, shkeljet e hapësirës ajrore të disa vendeve evropiane dhe shtimi i veprimeve armiqësore në shumicën e vendeve tona”, u shpreh Emmanuel Macron, president i Francës.

Macroni, qeveria e të cilit përballet me protesta dhe presion në rritje për shkak të çmimeve të larta të karburantit, po zhvillonte një takim me krerët e partive të ndryshme politike të përfaqësuara në parlament, për të diskutuar mbi krizat në Lindjen e Mesme dhe në Ukrainë, si dhe pasojat e tyre në tregun e energjisë.

Kombëtarja shqiptare do të nisë rrugëtimin e saj të ri në kompeticionin UEFA Nations League, me katër ndeshjet e para ndaj Bjellorusisë, Finlandës dhe San Marinos, me të cilën do të përballet në dy takime.

Trajneri i Kombëtares, Rolando Maran, ka publikuar listën me 29 lojtarët e grumbulluar për këto sfida. Në listë bëjnë pjesë edhe dy emra që marrin ftesën e parë me Kombëtaren, mesfushori i Hearts, Sabah Kerjota dhe mbrojtësi i Union Brescia, Samuele Sina.

Ndërkohë, në skuadër rikthehen pas mungesave për shkak të dëmtimeve Rey Manaj, Ernest Muçi dhe Marash Kumbulla. Në listë është edhe portieri Etrit Berisha, i cili rikthehet të jetë pjesë e grupit të Kombëtares.

Më poshtë lista e plotë e lojtarëve të grumbulluar:

Portierë: Etrit Berisha, Alen Sherri, Mario Dajsinani dhe Simon Simoni.

Mbrojtës: Berat Gjimshiti, Ardian Ismajli, Marash Kumbulla, Klisman Cake, Samuele Sina, Mario Mitaj, Naser Aliji, Stavro Pilo, Elseid Hysaj dhe Ivan Balliu.

Mesfushorë: Kristjan Asllani, Ylber Ramadani, Juljan Shehu, Qazim Laçi, Luis Hasa, Adrion Pajaziti, Arbër Hoxha, Taulant Seferi, Anis Mehmeti, Ernest Muçi dhe Sabah Kerjota.

Sulmues: Rey Manaj, Mirlind Daku, Myrto Uzuni dhe Cristian Shpendi.

Kombëtarja shqiptare nis zyrtarisht grumbullimin ditën e hënë, më 21 shtator, ku do të stërvitet në “Shtëpinë e Futbollit”. Biletat për dy ndeshjet ndaj Bjellorusisë dhe San Marinos mund t’i blini online në ebileta.al, si edhe në pikën fizike pranë stadiumit “Air Albania”.

Detaje të reja kanë dalë në dritë nga dosja hetimore e Prokurorisë së Posaçme (SPAK) lidhur me ish-zëvendëskryeministren Belinda Balluku.

E ftuar në emisionin “Kjo Javë” në News24, gazetarja Klodiana Lala, ka zbërthyer se si u zbulua vila luksoze në Palasë, e cila dyshohet se është pasuri e fshehur e Ballukut.

Gjatë fjalës së saj, gazetarja Lala shpjegoi zanafillën e kontrolleve të SPAK-ut në jug të vendit dhe në studiot e arkitekturës.

“Nëse ju kujtohet, ne kemi raportuar në fund të muajit korrik dhe në ditët e para të muajit gusht në lidhje me disa kontrolle që Prokuroria e Posaçme ishte duke kryer në zonën e Palasës, por po ashtu edhe në disa zyra të arkitektëve të ndryshme dhe të shoqërive të ndryshme në vend, pasi kishte dyshime të forta se një tjetër vilë luksoze ishte pasuri e fshehur e zonjës Balluku, e cila tashmë është ish-zëvendëskryeministre dhe ish-ministre e Infrastrukturës dhe Energjisë,” u shpreh Lala.

Sipas gazetares, prova kryesore që e lidh ish-numrin dy të qeverisë me këtë pasuri luksoze është një e-mail i dërguar direkt në adresën e saj personale nga arkitekti Alban Eftimi.

“Prova më e fortë që e lidh këtë pasuri me Belinda Ballukun është pikërisht një email që arkitekti Alban Eftimi Atelier 4 dërgon në adresën personale të zonjës Balluku. Në këtë email të cilin News24 e ka publikuar më herët, ai i shpjegon zonjës Balluku se si do të dukej vila të nesërmen. Materialet e shtrenjta që duhet të përdoreshin, do të ishte me komoditet pa diskutim. I referohej një hoteli shumë luksoz në Greqi… Krahas këtij emaili dërgohet edhe një dokument me 11 faqe ku është komplet dizajnimi i vilës luksoze, mënyra se si kjo vila do dukej në përfundim,” deklaroi gazetarja.

Lala zbardhi gjithashtu skemën e financimit të ndërtimit dhe arredimit të vilës, ku përfshihen emra si Arbër Abazi apo edhe Igli Tare.

“Kjo vilë sipas të dhënave të SPAK në pjesën e parë, pra deri në karabinë, është paguar sipas prokurorëve të posaçëm nga Igli Tare, ish-futbollist, dhe më pas të gjitha shpenzimet për ndërtimin e mëtejshëm dhe arredimin e vilës janë marrë përsipër nga Arbër Abazi. Abazi është një biznesmen i cili zotëron kompaninë Alco Impex General Construction, kompani e cila ka marrë shumë tendera pranë Ministrisë së Infrastrukturës dhe Energjisë në kohën që ky institucion drejtohej nga zonja Balluku,” tha Lala.

Ajo shtoi se financimi i punimeve dyshohet se është bërë në këmbim të favoreve me tenderat publikë:

“Në rastin konkret që lidhet me vilën ka fituar si bashkim operatorësh ekonomik një nga lotet e Unazës së Madhe, një tender 22-23 milionë euro, dhe sipas SPAK në këmbim të këtij tenderi… zoti Abazi ka paguar shpenzimet për pjesën tjetër të ndërtimit që shkojnë nga 288.000 deri në 410.000 euro.”

Gazetarja shpjegoi gjithashtu rolin e partneres së Abazit, Lorela Reçi, dhe kujdesin e ekstremizuar për të fshehur emrin e Ballukut, duke përdorur emërtimin konfidencial “klienti specifik”:

“Lorela Reçi është bashkëjetuesja e Arbër Abazit e cila komunikon me kompaninë ndërtuese, kompaninë Green Coast, dhe komunikon që të dërgonte nënkontraktorët e vetë… dhe të dërgonte arkitektin e vet zotin Xhelila… Përveç se emailit të Alban Eftimit, gjithë pjesa tjetër në dosje thuhet klienti specifik. Pra ishin aq të kujdesshëm ata që merreshin me gjithë arredimin e ndërtimin e tjerë me radhë sa i referoheshin me klientin specifik… të gjitha faturat nga kompani të ndryshme… janë faturuar kompanisë së Arbër Abazit.”

Krimi Ekonomik në Drejtorinë Vendore të Policisë Gjirokastër zbulon sasinë e madhe të cigareve kontrabandë fshehur në autobusin e linjës Athinë-Tiranë.

Ngjarja ka ndodhur në orët e para të mëngjesit të sotëm në Kakavijë kur autobusi i linjës së udhëtarëve, që përshkon linjën Tiranë-Athinë-Tiranë është kapur në të dalë të Doganës në Kakavijë duke lënë zbuluar doganierët e turnit që mesa duket kanë lënë hyrjen në territorin shqiptar të sasisë së madhe të kontrabandës së cigareve.

Bëhet e ditur se kanë qenë rreth 90 steka cigare të fshehura në vende të fshehta të mbyllura në pjesë të ndryshme të autobusit. Mes tyre, disa çanta me rroba pa faturë blerjeje dhe zhdoganimi.

Si pasojë janë proceduar penalisht shoferi dhe personi tjetër përgjegjës në autobus, ndërsa pritet dhe arrestimi i dy doganierëve të turnit dhe përgjegjësit të turnit pas kryerjes së veprimeve të para, si këqyrje pamjesh filmike të kamerave të doganës, sekuestrime e këqyrje telefonash.

Rusia nuk ka qëllime agresive ndaj Evropës dhe është e gatshme të rivendosë marrëdhëniet dhe të bashkëpunojë me fqinjët e saj evropianë, ka thënë presidenti rus, Vladimir Putin.

Duke folur të premten në një takim të Komisionit Ushtarak-Industrial, Putin akuzoi disa liderë evropianë se po përgatiten për luftë me Rusinë dhe tha se ata po e përdorin konfliktin në Ukrainë dhe kërcënimin e pretenduar rus për të justifikuar politikat e tyre.

“Dua të theksoj edhe një herë: Rusia nuk ka qëllime agresive ndaj Evropës apo vendeve evropiane. Nuk ka asnjë bazë për këtë. Ne jemi të gatshëm të bashkëpunojmë dhe të rindërtojmë marrëdhëniet me fqinjët tanë evropianë”, ka thënë ai.

Putin ka kritikuar gjithashtu vendet evropiane për zhvillimin e stërvitjeve ushtarake në Detin Baltik, duke pretenduar se ato përfshijnë edhe përgatitje për kapjen e anijeve civile.

Personi që shihni në foto është 58 vjeçarja Lumturie Patushi, e cila u vra me t hikë nga burri i saj Hysni Patushi 68-vjeç, teksa ndodhej në banesën e vajzës për tu kujdesur për nipërit.

Në momentin kur ndodhi krimi i rëndë, në banesë ndodheshin dy nipërit e mitur të çiftit 10 dhe 14 vjeç, të cilët panë të gjithë skemën. I pranishëm ishte edhe baba ii tyre, dhëndri i viktimës.

Pas krimit autori është larguar duke hedhur thikën poshtë pallatit, armë e cila është gjetur nga policia.

Arratia të moshuarit i zgjati shumë pak, pasi policia e Tiranës e arrestoi atë në afërsi të Kamzës. Dyshohet se 68-vjeçari ndodhej në gjëndje të dehur në momentin e krimit.

Çifti i bashkëshortëve prej kohësh kishte probleme. Autori rezulton i arrestuar edhe në 2017-ën, për dhunë në familje. Ndërkohë policia po punon për zbardhjen e plotë të ngjarjes dhe motivin që çoi 68-vjeçarin në vrasjen e bashkëshortes së tij.

Dashi

E diela ju sjell mundësi për të kaluar momente të veçanta me njerëzit që doni. Në dashuri, një surprizë e vogël mund t’ju bëjë të buzëqeshni. Beqarët mund të marrin vëmendje nga dikush që nuk e prisnin. Mundohuni të mos e ngarkoni veten me shqetësimet e javës që po lëmë pas.

Demi

Sot do të ndiheni më të qetë dhe më të gatshëm për t’u përqendruar te gjërat që ju bëjnë të lumtur. Në marrëdhënien në çift, një moment romantik mund të sjellë më shumë afërsi. Beqarët mund të kenë një njohje interesante. Një shëtitje ose një takim me miqtë do t’ju ndihmojë të largoni lodhjen.

Binjakët

Kjo e diel mund të sjellë lajme të këndshme dhe biseda që do t’ju përmirësojnë humorin. Në dashuri, është momenti i duhur për të shprehur atë që ndieni. Mos lejoni që keqkuptimet e vogla t’ju prishin ditën. Një ide që ju vjen sot mund të jetë e vlefshme për planet tuaja të ardhshme.

Gaforrja

Do të keni nevojë për më shumë qetësi dhe afërsi me familjen. Disa emocione të mbledhura gjatë ditëve të fundit mund të dalin në sipërfaqe, por një bisedë e sinqertë do t’ju ndihmojë të ndiheni më mirë. Në dashuri, mos kini frikë të tregoni ndjenjat. Kujdesuni për veten dhe mos u merrni me problemet e të tjerëve më shumë sesa duhet.

Luani

Yjet ju nxisin të shijoni ditën dhe të mos mendoni shumë për përgjegjësitë. Në dashuri, mund të përjetoni momente të bukura dhe plot pasion. Beqarët do të kenë mundësi të tërheqin vëmendjen e dikujt të veçantë. Një ftesë e papritur mund ta bëjë këtë të diel edhe më interesante.

Virgjëresha

E diela është një mundësi e mirë për të reflektuar dhe për të lënë pas stresin. Në dashuri, përpiquni të mos analizoni çdo fjalë apo veprim të partnerit. Ndonjëherë, gjërat e bukura ndodhin natyrshëm. Një lajm nga një person i afërt mund t’ju sjellë gëzim dhe t’ju ndryshojë planet për mirë.

Peshorja

Kjo ditë mund t’ju sjellë harmoni dhe emocione të këndshme. Do të ndiheni më të hapur për të kaluar kohë me njerëzit që ju kuptojnë. Në dashuri, një gjest romantik mund të forcojë lidhjen tuaj. Beqarët mund të përjetojnë një afrim të papritur. Mos e lini pas dore një dëshirë personale që e keni shtyrë prej kohësh.

Akrepi

Sot mund të ndiheni më emocionalë se zakonisht, por kjo do t’ju ndihmojë të kuptoni më mirë ndjenjat tuaja. Në dashuri, shmangni debatet për gjëra të vogla dhe përqendrohuni te momentet pozitive. Beqarët mund të marrin një sinjal interesant nga dikush që u pëlqen. Dita është e përshtatshme për pushim dhe reflektim.

Shigjetari

Një energji e re do t’ju shoqërojë gjatë kësaj të diele. Do të keni dëshirë të dilni, të udhëtoni ose të provoni diçka ndryshe. Në dashuri, spontaniteti mund t’ju sjellë momente të paharrueshme. Një takim me miqtë mund të jetë pikërisht ajo që ju nevojitet për ta mbyllur javën me humor të mirë.

Bricjapi

Kjo e diel ju ndihmon të gjeni ekuilibrin mes përgjegjësive dhe jetës personale. Mundohuni të mos mendoni vazhdimisht për punën. Në dashuri, partneri mund të ketë nevojë për më shumë vëmendje dhe përkushtim. Një bisedë e ngrohtë me familjen do t’ju japë siguri dhe qetësi shpirtërore.

Ujori

Do të jetë një ditë e përshtatshme për ide të reja dhe për të kaluar kohë me njerëzit që ju frymëzojnë. Në dashuri, një bisedë e papritur mund të zgjojë emocione që nuk i keni ndier prej kohësh. Beqarët mund të njohin dikë përmes rrethit të tyre shoqëror. Besojini intuitës, por mos nxitoni në vendime.

Peshqit

E diela ju sjell dëshirën për dashuri, qetësi dhe momente të bukura. Mund të ndiheni më të lidhur me partnerin dhe të gjeni kohë për një aktivitet që ju bashkon. Beqarët mund të marrin një vëmendje të veçantë nga dikush. Në aspektin personal, mos harroni se edhe ju meritoni pushim, përkëdhelje dhe kujdes.

Qëndrìmet e disa prej figurave shqiptare me njohje ndërkombëtare pas vendimit të Dhomave të Specializuara në Hagë kanë marrë jehonë edhe në mediat serbe. Në vëmendje kanë qenë veçanërisht futbollisti Granit Xhaka dhe këngëtaret Dua Lipa e Rita Ora.

Të tre kanë përdorur rrjetet sociale për të shpërndarë mesazhe që lidhen me Ushtrinë Çlirimtare të Kosovës dhe katër ish-drejtuesit e saj, Hashim Thaçi, Kadri Veseli, Jakup Krasniqi dhe Rexhep Selimi.

Xhaka publikoi në Instagram një imazh ku shfaqeshin katër ish-krerët e UÇK-së, të shoqëruar me mesazhin: “Luftuan në tokën e tyre, për lirinë e atdheut. Liria ka emër.” Në pjesën e poshtme të postimit shfaqej edhe simbolika e UÇK-së.

Reagimeve iu bashkua edhe Dua Lipa. Këngëtarja rishpërndau postime të babait të saj, Dukagjin Lipa, mes të cilave një imazh me emblemën e UÇK-së dhe mbishkrimin “Liria ka emër”. Në një tjetër postim ajo publikoi të dhëna që lidhen me viktimat dhe pasojat e luftës në Kosovë.

Rita Ora zgjodhi gjithashtu Instagramin për reagimin e saj. Ajo rishpërndau një publikim të “Image of Kosovo”, ku shfaqej emblema e UÇK-së dhe një mesazh që i referohej luftës për Kosovën. Ndryshe nga Xhaka, Ora nuk publikoi një deklaratë të drejtpërdrejtë për aktgjykimin.

Postimet e tyre kanë tërhequr vëmendje edhe jashtë Kosovës, përfshirë raportime kritike në mediat serbe. Në këto raportime, qëndrimet e figurave shqiptare janë interpretuar përmes këndvështrimit të mediave për vendimin e Hagës dhe ish-drejtuesit e UÇK-së.

Kështu, reagimet e Xhakës, Lipës dhe Orës, të shpërndara fillimisht përmes profileve të tyre në rrjetet sociale, janë kthyer në një tjetër pjesë të debatit publik që ka pasuar aktgjykimin ndaj katër ish-krerëve të UÇK-së.