Ekipi i Premier League, Everton është shumë pranë firmosjes me sulmuesin shqiptar Armando Broja.
22-vjeçari pati një paraqitje të mirë gjatë Euro 2024, por pa mundur të shënojë.
Megjithatë, interesimi i klubeve të mëdha europiane për Brojën mbetet i madh.
Ndër ekipet e përfolura është ai i Milanit, por mediat britanike tashmë kanë nxjerrë sërish në skenë edhe emrin e Everton. Blutë e mbyllën jo mirë sezonin e Premier Ligës, duke u renditur në vend të 15-të.
Kjo nuk është hera e parë që mediat shkruajnë për interesimin e Everton, ku Broja, i cili tashmë ka një vlerë rreth 30 milionë paund, mund të gjejë më tepër kohë në fushën e blertë.