Lajme Flesh

DASHI

Mund të ndiheni veçanërisht energjikë dhe të gatshëm për të përballuar sfida të reja. Është një kohë e mirë për të nisur projekte që kërkojnë iniciativë dhe vendosmëri. Megjithatë, kini kujdes që të mos jeni shumë impulsivë në vendimet tuaja.

DEMI

Sipas horoskopit të Paolo Fox (e hënë 24 mars 2025), dita fton reflektim dhe planifikim. Mund t’ju duket e dobishme të kaloni pak kohë duke rishikuar qëllimet tuaja afatgjata dhe duke vendosur strategji konkrete për t’i arritur ato. Durimi do të jetë aleati juaj.

BINJAKËT

Ndërveprimet sociale do të jenë fokusi i ditës suaj. Përfitoni nga mundësitë e rrjetëzimit dhe ndajini idetë tuaja me të tjerët. Komunikimi efektiv do t’ju sjellë dobi si në aspektin personal ashtu edhe në atë profesional.

GAFORRJA

Mund të ndjeni nevojën për t’u fokusuar në sferën shtëpiake dhe atë familjare. Kaloni kohë duke forcuar lidhjet me të dashurit tuaj dhe duke krijuar një mjedis harmonik në shtëpi. Marrëdhëniet intime do të përfitojnë.

LUANI

Sipas horoskopit të Paolo Fox (e hënë, 24 mars 2025), krijimtaria juaj është në rritje dhe dëshironi të shpreheni në mënyra të reja. Qoftë art, muzikë apo shkrim, lëreni imagjinatën tuaj të rrjedhë lirshëm. Kjo mund t’ju bëjë të zbuloni talente të fshehura ose të forconi ato tashmë të njohura.

VIRGJËRESHA

Dita nis paksa konfuze, por me më pak shqetësime se muaji i kaluar. Edhe nëse nuk është një periudhë krejtësisht vendimtare, reduktimi i kundërshtimeve planetare i bën dyshimet më pak të rënda dhe zgjidhjet më të lehta për t’u gjetur. Është një kohë e mirë për të punuar mbi ide të reja dhe për të mos e marrë veten shumë seriozisht. Eksperimentimi me projekte të reja mund të jetë argëtues.

PESHORJA

Ju jeni në një gjendje të fortë, veçanërisht kur bëhet fjalë për çështje praktike dhe të lidhura me punën. Megjithatë, këshillohet të mos nxitoni shumë në dashuri, sidomos në funksion të fundjavës. Do të jeni tolerantë deri të shtunën, por të dielën mund ta humbisni më lehtë durimin. Gjatë kësaj periudhe, ju tërhiqeni më shumë nga bota e jashtme dhe nga puna, ndoshta në kërkim të shpengimit ekonomik ose praktik.

AKREPI

Sipas horoskopit të Paolo Fox (e hënë 24 mars 2025), yjet ju ftojnë të fokusoheni te mirëqenia personale. Merrni pak kohë për veten tuaj, ndoshta duke iu përkushtuar aktiviteteve që ju relaksojnë dhe ju rigjenerojnë. Kjo do t’ju ndihmojë të përballoni sfidat e përditshme me qetësi më të madhe.

SHIGJETARI

Mund të ndiheni veçanërisht aventureske dhe të etur për të eksploruar horizonte të reja. Pavarësisht nëse është një udhëtim fizik apo një përvojë e re intelektuale, ndiqni kuriozitetin tuaj dhe lëreni dëshirën tuaj për të zbuluar t’ju udhëheqë.

BRICJAPI

Vendosmëria dhe disiplina do të jenë armët tuaja fituese. Është koha për të marrë përsipër detyra sfiduese dhe për të demonstruar aftësitë tuaja organizative. Njohja për përpjekjet tuaja nuk do të vonojë shumë.

UJORI

Sipas horoskopit të Paolo Fox (e hënë 24 mars 2025), marrëdhëniet ndërpersonale janë në plan të parë. Si në jetën tuaj profesionale ashtu edhe në atë personale, bashkëpunimi dhe ndjeshmëria do t’ju ndihmojnë të ndërtoni marrëdhënie të forta dhe të frytshme. Dëgjoni të tjerët dhe ndajini idetë tuaja hapur.

PESHQIT

Ndjeshmëria juaj është një forcë e jashtëzakonshme, dhe yjet ju ftojnë të sintonizoni zemrën tuaj, duke ndjekur atë zë të brendshëm që ju drejton gjithmonë drejt së mirës, prandaj lëreni intuitën tuaj t’ju udhëheqë në zgjedhjet e përditshme.

“Ndjeva pak lodhje në fund, ishte një kohë e gjatë që nuk luaja kaq sepse kam pasur dëmtime. Kam dhënë një asist për ekipin dhe jam i kënaqur për tre pikët”.

Armando Broja nuk e fsheh lumturinë për ndeshjen e luajtur dhe fitoren e arritur. Një asist për të, por më shumë rëndësi kanë patur 75′ në fushë e pa asnjë shqetësim. “Tifozët na japin një mbështetje shumë të mirë, isha shumë i kënaqur dhe jam shumë i lumtur që jam kthyer në Kombëtare. Bogdani është legjende për Kombëtaren dhe shpresoj ta kaloj me gola një ditë”.

Broja luajti i spostuar në të djathtë të sulmit, duke i lënë qendrën Manajt, por për shkodranin e Everton nuk ka asnjë problem: “Kur isha edhe i vogël tek akademia e Chelseat luaja kudo në sulm. Jam një lojtar që dua të luaj dhe të dribloj me topin. E dija që Andorra është një ekip i vështirë dhe nuk futesh dot në lojë”.

Ka një “feeling” mes sulmuesit dhe trajnerit, edhe pse nuk kanë qenë në shumë beteja bashkë, për shkak të dëmtimit të 23 vjeçarit: “Silvinjo më tha para ndeshjes që je i lirë në sulm, mundesh të lëvizësh kudo. Jam sulmues dhe kam qejf të shënoj gola, por golat do të vijnë. Jam shumë i kënaqur për tre pikët dhe i kënaqur sepse e kemi filluar mirë. Trajneri i merr vendimet kush luan dhe kush jo, në krah ka pasur hapësirë, unë jam një lojtar i shpejtë dhe i shfrytëzova. Ishalla përpara me më shumë fitore”, tha Broja.

Gjimshiti i jep sinjal trajnerit: Na pëlqen kur jemi ofensivë

“Shumë e vështirë të reagonim. Kjo pasi rrugëtimi, largësia dhe lodhja. Por bëmë mirë dhe arritëm të marrin këtë fitore. Jemi të lumtur. Kjo ishte përgjigjja e skuadrës. Ishte e rëndësishme të reagonim pas humbjes me Anglinë. Goli i Manajt ishte çelësi për të fituar këtë sfidë”. Kapiteni Berat Gjimshiti është i kënaqur me fitoren dhe rezultatin e arritur kundër Andorrës. Për qendërmbrojtësin e rëndësishme është reagimi i menjëhershëm dhe bindës pas humbjes në debutim me Anglinë.

Shqetësim për daljen e parakohshme të Gjimshitit, i zëvendësuar nga Kumbulla, por kapiteni i qetëson të gjithë: “Jam mirë dhe gjithçka kalon. Kam një probleme prej shumë kohësh në kavilje. Shpresoj që deri në fund të sezonit të jem mirë. Sot fol me trajnerin dhe stafin e doktorëve dhe nuk doja të rrezikoja shumë”.

Në fund, Gjimshiti i lejoi vetes edhe një koment, që ngjan më shumë si një sinjal për teknikun Silvinjo: “Sigurisht do të na pëlqente të luanin në sulm. Por duhet të kesh përqrndrimin më të madh. Na pëlqen, por ka kundërshtarë të ndryshëm që duan mënyra të tjera. Më e rëndësishmja të fitojmë ndeshje”, tha mbrojtësi i Atalantës.

Laçi: Goli i parë fundosi Andorrën

Qazim Laçi ka mbetur i kënaqur nga performanca e tij dhe e gjithë skuadrës, në ndeshjen e fituar 3-0 kundër Andorras. “Ishte një ndeshje e rëndësishme dhe donim të fitonim. Besoj goli i parë hapi të gjithë lojë, 3 gola janë okej. Mund të kishim shënuar edhe më shumë, por fitorja është ajo që ka më shumë rëndësi”.

Mesfushori i Sparta Pragë, ka shpjeguar edhe dominimin në zotërimin e topit, por jo me aq raste sa do të ishte logjike: “Ishte pak e vështirë të luanim në mesfushë sepse kundërshtari po mbrohej. Unë ndenja mes linjave për të hapur hapësira për Brojën ose për Manaj. Kishte momente që hapja lojën kur më jepej topi”, u shpreh Laçi.

Manaj: Kemi ëndërr të jemi në Botëror

“Golat? Mjaft i lumtur për fitoren dhe golat. Me Asllanin gjendemi mirë në fushë. Njihemi në fushë dhe kemi një komunikim të mirë. Shpresoj të vazhdojmë me këtë ritëm. Por tia lemë kohës. Sot ishte një ndeshje e vështirë, sepse siç dihet ekipet e vogla janë të vështira për tu çarë”. Rei Manaj, autor i dy golave kundër Andorrës, komplimenton shokët e skuadrës për asistet e marra. Në golin e parë ai shfrytëzoi krosimin e Asllanit, ndërsa në të dytin pasimin e Brojës. “As në klub e as në Kombëtare nuk duhet të ketë rivalë, Unë dëshiroj dhe shpresoj që të shënojnë sa më shumë gola Broja e Uzuni. Kush bën më mirë duhet të luajë, pse jo bashkë”.

Manaj pastaj zbuloi edhe çfarë iu tha trajneri Silvinjo pas ndeshjes: “Na thotë gjithëmonë të fitorjmë. Nuk ka rëndësi është Andorra apo Anglia. Shumë ekipe kanë çaluar me Andorrën dhe pas pjesës së parë fillon e bëhet e vështirë”.

Manaj në fund u ndal edhe te objektivi i kësaj fushate: “Të gjithë e kemi ëndërr të jemi në Botëror. Duhet të përqendrohemi që të luajmë mirë. Kemi shumë rrugë përpara dhe duhet të jemi të kujdesshëm”, përfundoi sulmuesi i Sivasspor.

Mediat e huaja pretendojnë se hakerat kanë arritur të zbulojnë ADN-në e Vladimir Putin, presidenti Rusisë, jeta e të cilit është e mbuluar nga mistere dhe konspiracione.

Lajmi vjen vetëm pak ditë pasi u zbulua se Putin është aq i kujdesshëm për mbrojtjen e ADN-së së tij, sa që në udhëtimet jashtë shtetit, shoqëruesit e tij ia mbledhin fecet me qese dhe i marrin me vete.

Por sipas gazetës gjermane BILD, tashmë mund të kemi një ide se kujt linje atërore i përket Putin, dhe rezultatet janë të habitshme nëse do të konfirmoheshin si të vërteta.

Sipas raportit, hakerët dyshohet se kanë hakuar kompjuterin e Mikhail Putin në emër të një agjencie qeveritare. Mikhail është kushëriri i dytë i presidentit rus. Gjyshërit e Vladimir Putinit janë stërgjyshërit e tij.

Mikhail Putin, kushëriri i Vladimir Putin

Kështu të dy kanë një ngjashmëri gjenetike prej 6.25 përqind. Dhe Mikhail dhe Vladimir të dy mbajnë të njëjtin haplogrup mashkullor Y, pasi ata ndajnë një paraardhës të përbashkët në linjën atërore. Do të thotë, ata kanë të njëjtin mutacion në kromozomin e tyre Y.

Por çfarë gjetën hakerat në kompjuter? Përgjigja e shkurtër është “makthi” i Vladimir Putinit. Mikhailit iu bë një test gjenetik nga kompania lider ruse “Genotek” në dhjetor të vitit 2022. Më në fund ai mori rezultatet në shkurt 2023.

Testi gjenetik, i cili me sa duket u zbulua në gazetën “Bild”, thuhet se tregon se Vladimir Putin, si të gjithë Putinët meshkuj, është anëtar i haplogrupit E-V13, i cili është i rrallë në Rusi.

Rezultatet e pretenduara të Mikhail Putin

Ky gjen e ka origjinën nga Kosova e sotme, ku mbi 30 për qind e popullsisë e bartin atë. Në të gjithë Ballkanin, proporcioni është rreth 15 për qind, dhe në Rusi, më pak se pesë për qind.

E-V13 gjendet me shumicë te shqiptarët në Shqipëri dhe Kosovë, sipas disa raporteve duke varjuar nga 25% në Shqipëri deri në 35 në disa raste edhe 40% në Kosovë, transmeton Voxnews.al.

Distribuimi i linjës E-V13 në Europë

Hakerët raportojnë gjithashtu se nipi i Putinit është veçanërisht i prirur ndaj paranojës. Mbetet e paqartë nëse kjo vlen edhe për xhaxhain e tij.

Dhe gjithashtu vlen të përmendet se “Daily Mail” raportoi në vitin 2010 se Adolf Hitler ishte gjithashtu një anëtar i haplogrupit të rrallë E-V13./Vox News

Plagosje me thikë në një lokal më lagjen “Çelepias” në Berat ka ndodhur mbrëmjen e sotme.

Autori Dhane Fatiu ka hyrë në lokal dhe ka qëlluar me thikë në bark punonjësin e këtij lokali,shtetasin Todi Biçaku.

I plagosuri është transportuar drejt Spitalit Rajonal Berat,autori është larguar nga vendngjarja.

Policia po punon për zbardhjen e ngjarjes dhe kapjen e autorit.

Gjesti i ka kërkuar Vëllait të Madh mundësinë për të pasur një darkë veçmas nga banorët, me Eglin.

Kjo dëshirë i është plotësuar, pasi në shtëpi ka mbërritur një zarf i bardhë, ku shkruan: “Gjesti pas kërkesës për një darkë me Eglin, Vëllai i madh ju njofton se është momenti të shkoni në suitë ku ju pret një darkë.”

Gjesti i gëzuar i afrohet banores duke i thënë të çohet.

Egli nuk reagoi, thjesht u çua dhe ndërroi ambjent, duke lënë të nënkuptohet se nuk e dëshiron këtë darkë.

VIDEO

Shqipëria është përfshirë nga reshje shiu, ku në disa qarqe nuk do të mungojnë edhe rrebeshet.

Sipas sinoptikanëve, kryeqyteti, Shkodra dhe Lezha janë qarqet që do të kenë më shumë reshje shiu dhe përmbytje lokale.

Për pasojë nuk do të mungojnë edhe temperaturat e ulëta.

“Nga e marta në vijim kemi rënie graduale të temperaturave të ajrit si në vlerat minimale edhe ato maksimale”, tha sinoptikani Hakil Osmani
Në disa zona malore të vendit nuk do të mungojnë edhe reshjet e dëborës.

“Në zonat e thella malore në pjesën e dytë të javës do kemi prezente edhe reshje dëbore në verilindje dhe juglindje”, tha Osmani.

Herë pas here problem do të jetë edhe era duke krijuar dallgëzim në det të hapur. Sipas sinoptikanëve, kjo situatë moti i paqëndrueshëm me reshje shiu dhe dëborë pritet të na shoqërojë deri në fund të muajit Mars.

Lëkundje tërmeti janë regjistruar në vendin tonë këtë pasdite.

Sipas të dhënave, epiqendra e tërmetit ka qenë në detin Adriatik me magnitudë 3.7 dhe thellësi 10km.

Raportohet se lëkundjet janë ndjerë edhe në Tiranë.

Vladimir Putinit nuk mund ti zihet besë. Ky është mendimi i gjeneralëve gjerman të cilët për çdo ditë përballen me një sulm të mundshëm rus.

Ndërsa administrata Trump vazhdon të ndjekë një marrëveshje për t’i dhënë fund luftës në Ukrainë – një marrëveshje që mund të përfundojë të jetë më e favorshme për Moskën sesa Kievi – evropianët, për herë të parë në dekada, po fokusohen në fuqinë e tyre ushtarake.

Askund ky ndryshim nuk është aq i dukshëm sa në Gjermani. Forcat e saj të armatosura, të njohura si Bundeswehr, kanë qenë viktimë e viteve të nën-investimit, por kjo pritet të ndryshojë.

Kancelari i supozuar Friedrich Merz ka vendosur se tani është momenti që Gjermania të investojë në ushtrinë e saj, në nivele që nuk janë parë që nga Lufta e Ftohtë. Gjermania sapo ka kaluar një reformë të madhe për frenimin e saj të borxhit kushtetues, duke zhbllokuar miliarda euro financime.

Sipas një raporti të parë nga CNN rezulton se gjatë një periudhe 10-vjeçare, me Gjermaninë që shpenzon 3.5% të PBB-së, mund të arrijë në 600 miliardë euro.

Aktualisht, Gjermania po mban stërvitje ushtarake në një vend të pazbuluar në gjermaninë qëndrore. Bashkë me të janë edhe pesë aleatë të NATO-s.

Duke folur në selinë e improvizuar për simulimin, gjenerali Hammerstein i tha CNN: se “Gjermania është një komb i aftë në Evropë dhe duhet të jetë një partner për kombet e tjera. Ne jemi një partner i përgjegjshëm në Evropë dhe një komb i madh. Ne (duhet) të rritemi dhe do ta bëjmë këtë”, tha ai.

Pushtimi në shkallë të plotë i Ukrainës në shkurt 2022 ishte një moment sizmik për kontinentin. Lufta ishte kthyer dhe detentimi që kishte ekzistuar që nga rënia e Perdes së Hekurt kishte marrë fund. Olaf Scholz, kancelari tashmë në largim, tha se vendi kishte nevojë për një politikë të re të mbrojtjes dhe sigurisë – dhe se Bundeswehr-i kishte nevojë për vëmendje të veçantë. Ai krijoi një fond të vetëm 100 miliardë euro për “investime gjithëpërfshirëse” në Bundeswehr. Për ta bërë këtë, Scholz-it iu desh të ndryshonte Ligjin Bazë – në thelb, kushtetutën e vendit.

Avioni, i cili po udhëtonte drejt Pointe-a-Pitre në Guadelupe, u kthye si masë sigurie, duke sjellë 375 pasagjerë dhe 12 anëtarë të ekuipazhit mbrapsht në Francë.

Një avion i kompanisë “Air France” u detyrua të kthehej në Paris dy orë pas nisjes, pasi një pasagjer humbi telefonin gjatë fluturimit.

Avioni, i cili po udhëtonte drejt Pointe-a-Pitre në Guadelupe, u kthye si masë sigurie, duke sjellë 375 pasagjerë dhe 12 anëtarë të ekuipazhit mbrapsht në Francë.

Sipas AirPlusNews, ky nuk është rasti i parë. Muajin e kaluar, një avion tjetër i Air France u detyrua të kthehej, pasi telefoni i një pasagjeri ra në një ajrim të kuzhinës së avionit, duke krijuar rrezik për zjarr për shkak të baterisë me litium.

Ngjarje të ngjashme kanë ndodhur edhe në kompani të tjera ajrore. Një bateri e jashtme shpërtheu në mes të fluturimit të një avioni AirAsia nga Bangkoku drejt Nakhon Si Thammarat në Tajlandë, duke shkaktuar panik te pasagjerët.

Zjarri shpërtheu duke shkaktuar kaos në bord. Fatmirësisht, askush nuk u lëndua dhe avioni u ul në destinacionin e tij në kohë.

Një ngjarje e rëndë ka ndodhur në Shkup, ku një qiramarrës ka vrarë pronarin e shtëpisë ku banonte, ka plagosur djalin e tij të mitur dhe më pas i ka marrë jetën edhe vetes duke mos dashur të bjerë në duart e policisë.

Fqinjët thonë se janë zgjuar nga të shtënat me armë zjarri, të ndjekur nga sirenat e policisë dhe ambulancës. Një pamje e tmerrshme u shpalos para syve të fqinjëve. Ku trupi i pronarit ishte i palëvizshëm dhe i pajetë në shkallë, në një pellg gjaku.

Fqinjët të tronditur nga ngjarja thonë se asgjë nuk e paralajmëronte një tragjedi të tillë.

“Disa të shtëna armësh më zgjuan nga gjumi dhe menjëherë më pas dëgjova një fëmijë që qante dhe rënkonte. Fillimisht mendova se ishte një shaka fëmijërore me fishekzjarre, por në pak kohë dëgjova sirenat e policisë dhe të ambulancës. Kur dola në oborr, kuptova që më kishin vrarë fqinjin dhe djalin e kishte plagosur në krah dhe e kishin dërguar në spital”, thotë një nga fqinjët e viktimës.