Lajme Flesh

Teksa Kampionati Europian po afron, ethet po shtohen te kombëtaret që kanë arritur të sigurojnë një vend për në Gjermani, po ashtu edhe për miliona tifozë.

Sakaq, kompania gjigante e basteve në SHBA, BetMGM, ka publikuar parashikimin e saj duke renditur Anglinë si më favoriten.

Parashikimi megjithatë, nuk favorizon Shqipërinë, që e rendit të parafundit, vetëm mbi Gjeorgjinë, vend i cili kualifikohet për herë të parë ne Kampionatin Europian.

Pavarësisht se nuk ka fituar kurrë një kampionat evropian, Anglia konsiderohet favoritja për kompeticionin e këtij viti, pasi ajo përmban një mori lojtarësh yje në skuadër, duke përfshirë të preferuarin e Topit të Artë, Jude Bellingham, sezoni i jashtëzakonshëm i të cilit me Real Madrid e ka pozicionuar atë për të konkurruar për çmimin individual më prestigjioz të sportit.

Franca është favoritja e dytë, duke kërkuar titullin e saj të parë evropian në 24 vjet, pasi ka arritur vetëm një herë në gjysmëfinale që nga ai trofe. Gjermania është favoritja e tretë që luan në tokën vendase, pasi ka zhgënjyer në turnetë e fundit të Kupës së Botës dhe ka arritur në gjysmëfinale vetëm dy herë që nga titulli i tyre më i fundit në 1996.

Kampionia në fuqi e Italisë, e cila ka pasur ulje-ngritjet e saj gjatë dekadës së fundit, është favoriti i gjashtë falë betejave të tyre në kualifikimet e Euros dhe të Kupës së Botës në vitet e fundit.

Renditja e plotë:

Finalja e emisionit më të përfolur shqiptar momentalisht, “Big Brother VIP 3” dhe rrugëtimit të pesë finalistëve u mbajt me 25 Maj në Top Channel.

Një reality-show i mbushur me lot, surpriza, dashuri, arritje, çmenduri, por mbi të gjitha transparencë. Edicionin e tretë të “Big Brother Vip” fituese u shpall Egla Ceno.

Ditën e djeshme, në media ka qarkulluar një foto ku aktorja shihet në ambientet e spitalit, duke marrë ndihmën mjeksore. Përmes një postimi të bërë në profilin e saj të Instagramit, Egla ka zbuluar gjendjen e saj shëndetësore, duke u shprehur se është duke u rekuperuar nga rënia në studio. E një tjetër reagim ka ardhur prej saj në Instastory vetëm pak më parë duke iu drejtuar të gjithë atyre që shprehin pakënaqësi ndaj fitores së saj.

Unë nuk kam K-ra, nuk kam ndjekës, nuk kam fansa, as followers! Numrat e mi në Instagram janë familja ime #teamEgla

Chelsea duket se ka ulur çmimin për sulmuesin shqiptar Armando Broja, duke kërkuar tashmë 25 milionë paund, nga 50 milionë që kërkonte përpara se ta jepte te Fullhami për këtë sezon jo edhe aq të suksesshëm për të.

Megjithatë, gazetari sportiv britanik Ben Jacobs thotë se Broja do të largohet nga Chelsea këtë verë, ndërsa zbulon edhe ekipet që janë në garë për të.

Si lëvizje surprizë, nuk përjashtohet as një ofertë nga arabët e Al-Shabab.

Ja çfarë shkruan ai në rrjetet sociale:

Armando Broja pritet të largohet nga Chelsea këtë verë, por nuk do të kthehet në Fulham.

Wolves, Crystal Palace dhe Everton janë tre klube të interesuara në Premier League.

Monako dhe Milani të dy ndjekin Brojën gjithashtu.

Broja gjithashtu i hapur për një lëvizje saudite. Al-Shabab e ka parë atë në të kaluarën.

25 milionë paund janë ato që klubet po konsiderojnë, pavarësisht se Chelsea e vlerëson atë në dyfishin e asaj përpara huazimit të tij në Fulham.

Leo Roçi, 34-vjeçari i cili prej 10 ditësh rezultonte i humbur është gjetur në Itali.

Familjarët e tij e denoncuan të humbur atë, pas kontaktit të fundit që kishin pasur në kufirin serbo-korat.

Familjarët e të riut kanë njoftuar sot zyrën e Ministrisë së Brendshme, ku kanë deklaruar se sot kanë kontaktuar me 34-vjeçarin dhe se ai ndodhej në Itali.

Ata kanë falënderuar ministrin e Brendshëm, Taulant Balla për angazhimin e tij për gjetjen e të riut.

Kurioziteti ka qenë shumë i madh për historinë e Heidit dhe Romeos. Madje duket se jo vetëm në Shqipëri por edhe jashtë.

Historia e Heidit dhe Romeos ka pushtuar mediat italine, në të cilat i kanë quajtur edhe të martuar.

Madje ata nuk kanë ngurruar të shkruajnë për ta edhe tashmë që çifti po shijon romancën bashkë.

Edhe pse kjo gjë është pritur dhe është folur mes banorëve duket se Romeo dhe Heidi po mbajnë me kuriozitet edhe Italinë veç Shqipërisë.

E ftuar në emisionin “Live From Tirana” në Top Albania Radio ka qënë gazetarja Klotilda Harka për të dhënë mendimin e saj rreth divorcit të spekuluar mes Bes Kallakut dhe Xhensila Myrtezaj. Kanë qenë javë interesante me plot thumbime nga të dy palet dhe ka shumë për të komentuar.

Si e sheh Klotilda ‘divorcin publik’?

“Është një pyetje që e ngrenë shumë dhe mediat italiane, sidomos për çiftet e famshme. Është apo nuk është normale, në mes hyn gjithmon paraja. Në momentin që një divorc bëhet publik, fitimet janë më të mëdha. Interesi rritet, sponsorat shtohen, vëmendja rritet. Është një loj strategjie të krijosh një divorc, e kopjuar nga Europa. Fundja fundit, lajmi i keq tërheq më shumë se i miri”.

Lidhur specifikisht me situatën mes Besit dhe Xhensilës, Klotilda u shpreh:

“Këto divorce të mëdha ndodhin mbas shumë mosmarrëveshjesh të vogla. Në fakt, ne publikuam një lajm ekskluziv në revistën tonë rreth kësaj çështje. Mbasi e publikuam më mori Besi dhe ishte shumë i irrituar. Ai është një person shumë i pastër, atë ç’ka ndjen e shpreh dhe e kuptova se pse ndihej ashtu. Ndonjëherë, kriza në ajër ndihet si dashuria në ajër. Historia e tyre është bërë kaq e bujshme, është si një film meksikan. Para, fëmijë, familje, tradhti, ata ushqejnë mediat dhe kanë në interes të mbushin sallat plot. Tanimë është kthyer në marketing.

Ata mund t’i çonin mesazhe private njëri tjetrit jashtë shikimit të medias dhe publikut, por nuk e kanë bërë këtë. Mendoj se po luajnë me vëmendjen e të gjithëve, u pëlqen kjo qendër vëmendje. Në fund të fundit, ëndrra e çdo këngëtari është të bëjë hite dhe ata shesin këngët e tyre si histori të vërtetë jete”.

Ditën e sotme në orën 17:00, këngëtari i mirënjohur kosovar Capital T, ka publikuar këngën që do të ndjekë Kombëtaren shqiptare të futbollit në rrugëtimin e saj në EURO 2024.

Kënga titullohet “ALBANIA”, dhe do të jetë hera e parë për këtë këngëtar që bën një këngë të personalizuar për Kombëtaren tonë.

Ka më shumë se një javë që vetë këngëtari ka deklaruar që ditën e sotme do të publikohet kjo këngë dhe momenti erdhi më në fund.

Egla Ceno jo pak herë është kritikuar në rrjet për arsye të ndryshme, mes tyre edhe përmendja e familjarëve të disa prej banorëve, nisur nga Ilnisa Agolli, të cilës i bëri një koment mjaft të ulët për fëmijën e saj të mitur.

Mirëpo ndryshe nga banorët e këtij sezoni, ku pjesa më e madhe zgjodhi të mos binte në nivelin e Eglës, Ilir Shaqiri shprehet se do të ishte i gatshëm ose edhe më shumë.

Fituesi i edicionit të parë të Big Brother VIP Albania, ka dhënë një intervistë së fundmi ku teksa u pyet për lojën e Eglës, referuar dhe komenteve të saj për familjarët e banorëve të tjerë, Shaqiri tha: “Do e kisha masakruar”.

Pjesë nga diskutimi:

Pyetje: Nëse Egla do kishte qenë në shtëpinë ku ke qenë ti, në bigun tënd, deri ku do kishe shkuar?

Ilir Shaqiri: Do e kisha masakruar. Pa diskutim po. Sepse mendoj që nuk është e drejtë që ti të shkosh të luftosh për një çmim në këtë rast deri në palcë, dhe unë atij që më prek në palcë, i dal përtej palce.

Disa vite më parë në media qarkulloi me shpejtësi një fotografi e violinistit Ervin Gonxhi, i cili shfaqej përkrah Çiljetës dhe djalit të saj, Fernandos.

Menjëherë në media, u aludua se Ervini ishte babai i djalit të këngëtares së njohur, duke ngatërruar portretin e tij me atë të ish-partnerit të Çiljetës.

Lidhur më këtë ngjarje, në një intervistë të dhënë së fundmi, violinisiti i njohur është shprehur për herë të parë se ato lajmë kanë qenë një absurditet dhe se fotoja ishte bërë në studion e tij të vjetër.

Aktori i njohur shqiptar Agron Llakaj humbi pak ditë më parë shoqen e jetës, bashkëshorten e tij . Sot ai ka postuar një video falenderimi për të gjithë njerëzit që e bënë dhimbjen e tij pak më të lehtë në ditët më të vështira.

Falenderimi i plotë:

Në pamundësi për t’i kthyer përgjigje të gjitha mesazheve me rastin e humbjes së njeriut tonë të shtrenjtë, Kostandinës sonë dhe Kostandinës time. Po ju drejtohem me këtë video mesazh falenderimi dhe mirënjohje të thellë për çdo fjalë zemre drejt nesh nga ana juaj. Edhe gëzimet edhe hidhërimet ndahen me njerëz e me miq. Moria e njerëzve në përcjelljen e lamtumirës së Kostandinës dhe në ditët e pritjes që familja jonë organizoi na bëri ta kalonim disi më lehtë.

Mali i dhimbjes që Kostandina la pas nuk ka fjalë që mund ta shpreh. Pesha është shumë e madhe. Pikërisht për shkak të kësaj dhimbje ne po pranojmë vuajtjen.

I kam lexuar shumë nga mesazhet tuaja, për të ruajtur kujtimin e saj. Ne nuk do ruaj kujtimin e saj sepse ajo është në çdo frymëmarrje tonën. Jetën nuk e zgjedhim, e tillë është.

Në dy vite Kostandina tregoi se jo thjesht ishte shtylla e shtëpisë, por ishte dhe njeriu me karakterin më të fortë.

Në këto dy vite, në këtë tragjedi njerëzore, në këtë betej me një sëmundje të pamëshirshme, ishte ajo që më dha mundësinë të ushtroja profesionin tim. Të bësh humor me thik në zemër është e vështirë. Motiv ishte Kostandina.

Sëmundja doli më e fortë. Shpresoj që atë që Kostandina la pas, fëmijët e mi ta trashëgojnë. Dashurinë e madhe njerëzore, respektin mbi gjithçka.

Dua të them shumë. Por i prekur dhe i emocionuar nga pjesmarrja e të gjithë njerëzve, dua të shpreh falenderimin e madh, mirënjohje dhe t’ju them duajeni dhe respektojeni njëri-tjetrin. Pasuria më e madhe që Zoti mund t’ju jap është shëndeti. Çdo gjë tjetër është shumë e vogël. Paçi ditë të gëzuara me shëndet dhe zemrat plot! Respekt dhe mirënjohje nga unë personalisht, fëmijët e mi, mbesat dhe nipërit. Faleminderit me zemër.