Lajme Flesh

Dashi

Kjo ditë do të jetë shumë interesante, por do të shpenzoni shumë energji. Do të angazhoheni maksimalisht për zgjidhjen e problemeve, sidomos të personave të tjerë.

Të lindurve të kësaj shenje, ju pëlqen që të jenë protagonistë, edhe në jetën e të tjerëve, kështu që matuni para se ta teproni. Kjo ditë ju fton të mendoni më shumë për veten tuaj.

Demi

Gjatë kësaj dite fundjave, prania e hënës në shenjë do ju bëjë disi anksioz, sa i takon çështjeve të punës, të cilat nuk kanë shkuar mirë. Do të jeni shumë energjik, por do t’iu duhet të reflektoni sa i takon marrjes së vendimeve që kanë të bëjnë me dashurinë. Bëjini sytë katër, për të kapur fluturimthi një mundësi shumë të mirë në dashuri ose në familje.

Binjakët

Ndikimi pozitiv i Hënës, do ju ndihmojë në zgjidhjen e problemeve të mëdha. Humori do të jetë i luhatur, për shkak të pranisë së disa tensioneve në punë, familje dhe dashuri. Do të ndiheni në siklet, për shkak se nuk po merrni një përgjigje lidhur me një projekt që e prisni prej kohësh. Bëni kujdes me fërkimet që mund të keni me të lindurit e shenjës së Gaforres.

Gaforrja

Do të keni debulesë fizike gjatë gjithë kësaj dite. Nëse dikush do t’iu pengojë në rrugën tuaj, shmangeni. Nëse në të kundërt, problemet vijnë nga një punë shumë e rëndë, atëherë duhet të mendoheni mirë, ose në të kundërt braktiseni.

Luani

Do të kaloni një fundjavë të qetë, por interesante. Do të bini në sy ndaj të tjerëve, duke tërhequr vëmendjen për mirë. Dita do të jetë intriguese sa i takon ndjenjave. Duhet të bëni një analizë të thelluar, për të kuptuar nëse ia vlen ta rikuperoni raporton apo jo.

Virgjëresha

Nëse java ka qenë me tensione në fushën e ndjenjave, kjo e diel është mjaft e favorshme për të rikuperuar. Raportet e të lindurve të kësaj shenje me ata të shigjetarit dhe akrepit mund të jenë konfliktuale. Kujdes ndaj personave të tretë që mund të fusin hundën, pasi mund të shkaktojnë probleme.

Peshorja

Kjo e diel do ju gjejë të menduar, ku disa prej jush duhet të bëjnë zgjedhje të rëndësishme në dashuri dhe në punë. Vetëm historitë e vërteta të dashurisë do të qëndrojnë në këmbë. Bëni mirë që ti mbani sytë hapur, pasi është dikush që do t’iu vendosë shkopinj nën rrota.

Akrepi

Në këtë periudhë do të ndjeni një tërheqje të fortë për ata persona që janë të fortë dhe tërheqës mendërisht. Keni nevojë për ngushëllim, sidomos në dashuri për të mbyllur plagët e hapura. Këshillohet që gjatë kësaj fundjave të pushoni dhe të riorganizoni idetë.

Shigjetari

Kjo fundjavë do të jetë disi e çuditshme, ku do të jeni disi të tensionuar. Puna do ju tensionojë pa masë. Mos i afroni, personat që duan të ndërhyjmë më jetën tuaj. Mundohuni ti gjeni zgjidhjet vetë.

Bricjapi

Do të jeni disi të tensionuar gjatë kësaj të diele. Ndoshta në punë, ju mundon diçka. Nuk i pëlqeni ata që duan të fusin hundët në jetën tuaj dhe as ata që kanë gjithmonë diçka për t’iu thënë. Kjo tregon se jeni një shenjë e fortë dhe dini t’ia dilni më së miri vetë. Gjithsesi mundohuni të gjeni një rrugë të mesme.

Ujori

Kjo e diel do të jetë mjaft e qetë dhe nuk do të ketë zhvillime të mëdha. Duhet të tregoni kujdes të posaçëm ndaj debulesës fizike. Gjatë së dielës mund të ketë diskutime, kështu që bëni mirë ti përballoni me qetësi.

Peshqit

Lejojani vetes një ditë pushimi, pasi keni nevojë që të eliminoni tensionin dhe stresin e akumuluar në dashuri. Do të jeni gjatë gjithë kohës në gatishmëri të partnerit/es dhe kjo është një gjë e mirë. Kjo e diel do të sjell lajme të mira, sidomos për ata që janë vetëm.

Një pasagjer treni i dremitur u arrestua në Carlisle pasi stafi vuri re se çanta e tij mbante erë kanabisi. Kur policia hapi me forcë valixhen, ata gjetën pothuajse një kilogram kanabis, me vlerë rreth 10,000 £, dëgjoi gjykata e kurorës së qytetit. Pasagjeri i fjetur që transportonte drogën, 38-vjeçari Gazmir Shehu, fillimisht pretendoi se ishte për përdorim personal. Ai më vonë u deklarua fajtor për posedimin e drogës me qëllim furnizimin.

Prokurori Andrew Evans tha se i pandehuri ra në vëmendjen e stafit të trenit ndërsa udhëtonte në shërbimin Preston në Glasgow më 28 qershor të vitit të kaluar. “Kishte një erë të fortë kanabisi,” tha Evans. Për shkak të kësaj, stafi i trenit njoftoi Policinë Britanike të Transportit, e cila hipi në trenin në Carlisle dhe arrestoi të pandehurin. Evans tha: “I pandehuri fillimisht mohoi që çanta ishte e tij dhe më pas tha se nuk mund të fliste anglisht dhe kështu ata nuk mund të merrnin kodin e çelësit për çantën.”

Kur oficeri e hapi me forcë valixhen, zbuloi se ishte e mbushur me 910 gr kanabis. Oficeri vlerësoi se kishte ndoshta 500 koka të lulëzuara kanabis. Një ekspert i policisë kishte vlerësuar se droga, e shitur në rrugë, do të kishte gjeneruar të ardhura prej rreth 10,000 £.

Gjykata dëgjoi se i pandehuri kishte punuar si prodhues instrumentesh muzikore, i specializuar në ndërtimin e kitarave dhe violinave. Por ai kishte pësuar një aksident. Ai nuk ka asnjë dënim të mëparshëm të regjistruar në Mbretërinë e Bashkuar. Avokati Andrew Gurney, tha se Shehu erdhi në Mbretërinë e Bashkuar ilegalisht nëntë vjet më parë nga Shqipëria, i kontrabanduar në vend në pjesën e pasme të një kamioni pasi u kishte paguar kontrabandistëve të njerëzve 7,000 £.

Tani i martuar, ai kishte jetuar në Skoci me gruan dhe dy fëmijët. “Që kur erdhi në Britaninë e Madhe, ai ka projektuar dhe prodhuar violina dhe kitara”, tha Gurney. “Ai ishte në gjendje të nxirrte të ardhura nga kjo, duke i marketinguar modelet e tij në Facebook dhe TikTok.

“Ai kurrë nuk ka qenë i përfshirë në veprimtari kriminale më parë dhe kishte synuar t’u siguronte disa kanabis miqve të tij. Ai nuk kishte ndërmend të përfitonte komercialisht.” Gjykatësi Nicholas Barker tha se ky pretendim nuk u pranua nga prokuroria. Gjykatësi vuri në dukje se statusi i të pandehurit në Britaninë e Madhe është i pasigurt, pasi Shehu ka ardhur këtu ilegalisht. Statusi i tij i rezidencës është aktualisht në shqyrtim. Gjykatësi Barker e burgosi të pandehurin për 21 javë. Duke pasur parasysh statusin e pasigurt të emigracionit të Shehut, tha gjyqtari, nuk do të ishte e përshtatshme të pezullohej dënimi. Ai shtoi se çfarë do të ndodhë kur ai të lirohet do të varet nga Ministria e Brendshme.

Shërbimet e Policisë Rrugore, gjatë monitorimit të qarkullimit të automjeteve, kanë konstatuar në aksin rrugor “Lushnjë-Rrethi i Kolonjës”, drejtuesin e një automjeti, duke hedhur në rrugë, mbeturina, që përveç se ndotin mjedisin, mund të bëhen shkak për humbjen e vëmendjes nga drejtuesit e tjerë të automjeteve.

Menjëherë, shërbimet e Policisë kanë identifikuar drejtuesin e këtij automjeti, shtetasin J. K., 53 vjeç, dhe e kanë ndëshkuar atë me masë administrative 40 000 lekë të rinj, sipas neneve 15/2 dhe 15/1 pika g, të Kodit Rrugor.

Policia Rrugore e Fierit apelon për të gjithë drejtuesit e mjeteve, që të mos hedhin mbeturina në rrugë dhe të mos kryejnë veprimeve të tjera të ndaluara, sepse mund të bëhen burim aksidenti, duke shpërqendruar drejtuesit e tjerë të automjeteve.

Sulmuesi shqiptar Rei Manaj duket se po kalon një sezon fantastik në Turqi.

Ai është bërë protagonist sërish në ndeshjen e sotme, duke shënuar një super gol.

Aktualisht ekipi udhëheq me golin e Manajt. Hatayaspor-Sivaspor 0-1 Rei Manaj 17′

VIDEO:

https://twitter.com/i/status/1758843662459412763

Rruga e re Korçë-Ersekë me gjatësi 35 kilometra pritet të inaugurohej në qershor të vitit të shkuar, por ndërsa të gjitha afatet janë shkelur, aksi jo vetëm që nuk ka përfunduar, por në një segment të tij të sapo ndërtuar, ka pësuar shembje masive duke e bërë atë të pakalueshëm.

Dëmtimi i madh i rrugës ka ndodhur në vendin e quajtur Qafa e Qarrit.

Video e publikua nga qytetarët e Ersekës:

Video Player

00:00

00:36

“Tashmë kantieri është në një fazë shumë të avancuar, pjesa e parë e Lotit të Dytë është përfunduar në 99 %”, deklaronte kohë më parë ministrja e Infrastrukturës, Belinda Balluku.

Rruga dytësore Korçë–Ersekë është kthyer në një greminë, e cila po gllabëron miliona euro nga buxheti i shtetit.

Kosto ka shkuar 60 milionë euro për një rrugë e kategorisë C një karrexhatë me të paktën një korsi lëvizjeje për sens, 35 kilometra e gjatë dhe vetëm 8,5 metra e gjerë.

Punimet për këtë aks nisën në qershor të 2013. Tenderi për lotin e parë me gjatësi 17,6 kilometra, u fitua nga kompania A.N.K. me një ofertë prej rreth 17 milion euro.

Pas disa vitesh zvarritje kompania nuk i realizoi dot punimet dhe në 2017 u hap një tjetër tender prej 4 milionë eurosh për punime shtesë që u fitua po nga A.N.K.

Edhe tenderi i 2020 për pjesën e parë të lotin 2 u fitua po nga A.N.K, kompani në pronësi të Agim Kolës vëllait të ish-deputetit socialist, Ndue Kola.

Kësaj radhe vetëm për 4 kilometra rrugë të gjerë maksimumi 8,5 metra u shpenzuan plot 20 milion euro.

Një i ri ka rënë në prangat e Policisë së Tiranës pasi dhunonte fizikisht dhe psikologjikisht bashkëshorten, e përndiqte dhe i shpërndau në rrjete sociale, një video intime, Policia vë në pranga 29-vjeçarin, Albi Bonjaku.

Njoftimi i policisë:

Specialistët për Hetimin e Krimeve të Komisariatit të Policisë Fier, pas denoncimit nga një shtetase 27 vjeçe se bashkëshorti i saj kishte ushtruar sistematikisht dhunë fizike dhe psikologjike dhe për këtë arsye kjo shtetase ishte larguar tek prindërit në Kosovë, organizuan punën për kapjen e tij.

Shërbimet e Policisë bënë të mundur lokalizimin, kapjen dhe arrestimin në flagrancë të shtetasit A. B., 29 vjeç, banues në Fier.

Ky shtetas, në mënyrë sistematike, ka ushtruar dhunë fizike dhe psikologjike ndaj bashkëshortes, e përndiqte dhe i kishte shpërndarë një video intime të saj, në rrjetet sociale.

Nga kontrolli i ushtruar në banesën e këtij shtetasi, u gjet dhe u sekuestrua një sasi e vogël lende e dyshuar narkotike cannabis sativa.

Gjithashtu, specialistët për Hetimin e Krimeve të Stacionit të Policisë Patos arrestuan në flagrancë shtetasin Z. M., 38 vjeç, banues në Patos, pasi ka dhunuar ish-bashkëshorten e tij, e cila ishte e pajisur me urdhër mbrojtjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Dhuna në familje”.

Kryeministri, Edi Rama merr pjesë në Konferencën e Sigurisë e cila po mbahet në Mynih.

Gjatë një diskutimi për Ballkanin Perëndimor dhe çështjet aktuale, Rama u pyet nëse parashikon ndonjë problem me Greqinë në rrugëtimin i Shqipërisë drejt integrimit në BE.

Më pas ai vazhdoi batutën e tij duke thënë se nuk ka ardhur në Mynih për të shqetësuar miqtë grek, pasi sipas tij ata e ndjekin kudo dhe i dëgjojnë tonin e zërit  kur flet për ta.

Rama: Jo, ne e dashurojmë Greqinë. Nuk erdha në Mynih për të shqetësuar miqtë e mi grek, sepse ata më ndjekin kudo dhe  dëgjojnë tonin e zërit kur unë flas për ata, kështu që në asnjë mënyrë nuk na fusni në konflikt me ta.

Një 32 vjeçar u arrestua pasi u kap në flagrancë duke vjedhur në një lokal në Kamëz. Policia thotë se kjo nuk është hera e parë por është autori i 5 vjedhjeve të tjera të kryera gjatë muajve të fundit.

32 vjeçari banor i Laknasit u kap në flagrancë duke vjedhur në një lokal, në rrugën “Demokracia”. Policia ka vënë më dispozicion dhe imazhet e kamerave të sigurisë që kanë arritur të kapin autorin teksa hyn në lokal për të kryer vjedhjen.

Operacioni u kodua “Hija e natës”.

Nga veprimet hetimore ka rezultuar se ky shtetas është autor i dyshuar i 5 ngjarjeve të ndodhura gjatë muajve të fundit, në një lokal, tre banesa, dhe një furrë buke, ku janë vjedhur shuma të ndryshme parash dhe mjete pune, informoi sot policia.

Bes Kallaku nuk është në ditët e tij më të mira. Prej disa javësh, lajmi i ndarjes nga Xhensila ka bërë xhiron e rrjeteve sociale. Dyshja, e cila ishte një ndër më të dashurat e publikut, i kanë dhënë fund pas disa kohësh që kishin probleme mes tyre.

Madje, këtë herë Bes Kallaku dhe Xhensila Myrtezaj, thuhet se janë në proces divorci. Thuhet se çështja është hapur nga Xhensila, e cila ka ndërmarrë hapin ligjor për t’i dhënë fund martesës disavjeçare me aktorin e humorit. Dyshimet për një krizë mes çiftit kanë nisur prej ditësh, kur u kuptua se ata nuk e ndiqnin njëri-tjetrin në rrjete sociale.

Përveç kësaj, Xhensila dhe Besi nuk janë parë bashkë prej javësh në evente apo ambiente të përbashkëta. Sipas lajmeve që qarkullojnë, Besi nuk ka qenë dakord për këtë vendim të këngëtares. Kjo nuk është kriza e parë e çiftit të njohur. Edhe disa muaj më herët, u përfol për një ndarje dhe lajmin e hodhën poshtë të dy, duke u puthur në një koncert.

Në rrjetet e tyre sociale të dy janë shfaqur në shoqërinë e fëmijëve, por jo të njëri-tjetrit, duke “vulosur” kështu edhe ndarjen mes tyre. Kjo nuk është hera e parë që dyshja flitet për një ndarje, ndonëse këtë herë divorci është pranë zyrtarizimit. Vetëm pak muaj më parë, aktori i humorit, Bes Kallaku ka rrëfyer detaje nga marrëdhënia e tij me këngëtaren Xhensila Myrtezaj, me të cilën ka edhe dy fëmijë.

Çifti, disa herë janë përballur me thashetheme në mediat rozë se janë ndarë, dhe aktori tregon se fjalët e përhapura rreth marrëdhënies së tyre i “vrasin” shumë. “Më vret më shumë, vjen një moment që mbushet kupa. Nëse nuk më vrasin mua, vrasin Xhensilën me fjalët”, tha ai shkurtimisht.

Ndërsa u pyetur rreth “sekretit” të martesës së tyre, aktori tregoi se: “Është merita e Xhensilës, mirësia e saj që dashuria jonë vazhdon prej kaq shumë vitesh. Jeta është e gjatë, nuk i dihet kurrë. Por deri më tani, kjo është arsyeja”.

Por tashmë, që ndarja është zyrtarizuar, të dy kanë vijuar me angazhimet e tyre. Teksa Xhensila ka një agjendë të ngjeshur, me koncerte dhe produksione të reja, edhe Besi ka gjetur tashmë një format të ri televiziv që do ta sjellë më pranë publikut. Bes Kallakun do e shohim në “Ferma VIP”. Faqja zyrtare e programit ka publikuar një video të Besit në fermë, duke na zbuluar se aktorin shumë të dashur për publikun do e shohim në “Ferma VIP”.

Por Besi nuk do të jetë njëri nga konkurrentët, por do të jetë pjesë aktive e shfaqjes që do të zhvillohet. Pasi ka provuar disa formate, ku më i fundit ishte “Zemër Luana”, tashmë Besi po rikthehet në identitet, ku do të jetë më pranë pasionit të tij, fshatit.

Duket se ftesa për t’u rikthyer në ekran, do ta distancojë disi Besin nga problemet e tij familjare. Situata e krijuar rreth ndarjes së tyre, ka sjellë për herë të parë edhe reagimin e Xhensilës.

E kushtëzuar nga lajmet që qarkullonin rreth një lidhjeje të re të saj, këngëtarja ka bërë një ndër reagimet e saj më të ashpra. Reagimi i artistes ka ardhur, pasi siç shkruan ajo dikush i ka dërguar një video të një personi që hedh baltë mbi emrin e saj.

Xhensila Myrtezaj shkruan mes të tjerash se deri tani ka heshtur për shpifjet që janë bërë ndaj saj, por theksoi se personat që e kanë bërë diçka të tillë do të mbajnë përgjegjësi ligjore.

“Sapo më nisën një video që një monstër ‘Tik Tok’-u me fantazinë më të shthurur ka baltisur emrin tim, me njerëz që nuk njoh, e as emrin s’ia kam dëgjuar kurrë.

Plehrë që përdor një moment delikat mediatik, për të thurur intrigat dhe gënjeshtrat e tua. Është përbaltur shumë emri im për shumë vite, por kam heshtur. Nga ky moment do mbani përgjegjësi juridike për çdo shpifje”, shkruan këngëtarja në “insta story”. E tashmë që dy personazhet e njohura i kanë ndarë rrugët si çift, kanë ndarë edhe drejtimet në karrierën e tyre, ku Xhensila do të fokusohet te muzika dhe Besi te televizioni.

Është saktësuar identiteti dhe fotografia e shqiptarit të arrestuar në Bolivi, në kuadër të një operacioni të madh ku ra në pranga edhe i shumëkërkuari nga Brazili, Lourival Máximo da Fonseca. Sipas Ministrisë së Brendshme në Bolivi, shqiptari i arrestuar është Lorenc Hyseni.

Gjithçka nisi me hetimin e ngarkesës më të madhe të kokainës së kapur në Oruro-Bolivi pak muaj më parë, 8.7 ton, e cila bëri që autoritetet të alarmonim vendet fqinje dhe të gjenim ngarkesa të ngjashme në Peru dhe vendet evropiane. Hetimi tregoi se origjina më e mundshme e këtyre ngarkesave erdhi nga rajoni Chiquitania në Santa Cruz .

Mirëpo, pas disa operacioneve dhe pas vrasjes së dy personave të ndodhura gjatë karnavaleve, Forcat e policisë hynë në komunat e San Rafael, San Miguel dhe San Ignacio, duke kapur përfundimisht Lourival Máximo da Fonseca, i cili kishte shumë identitete në Brazil dhe Paraguaj. Po kështu, në Bolivi ai kishte një identitet të rremë që e kishte marrë në vitin 2016. Për Ministrin e Brendshëm të Bolivisë, Eduardo del Castillo, Fonseca nuk është thjesht një “peshk i madh” por një “balenë” e trafikut të drogës.

Bashkë me Fonsecan, kanë rënë në pranga edhe shqiptari Lorenc Hyseni si dhe Ëalter Rivero Lola nga Bolivia, Leonardo Barsad Da Rocha nga Brazili, Alvaro Roca Casupa nga Bolivia, Joao Batista Da Silva Carneiro nga Brazili dhe Jacop Dick Peter nga Bolivia.

Gjatë arrestimit të tyre pati shkëmbim zjarri me forcat speciale boliviane, fatmirësisht pa të lënduar. Pas ndërhyrjes policore, janë gjetur armatime dhe sende të tjera.

“Z. Fonseca do të transferohet menjëherë në Brazil, duke qenë se dihet identiteti i vërtetë i këtij shtetasi me kombësi braziliane ndërsa shtetasit e tjerë me kombësi shqiptare e braziliane, fillimisht do të përmbushin sanksionin përkatës brenda territorit kombëtar për krime të posedimit dhe mbajtjes së armëve, tentativë vrasjeje kundër anëtarëve të Policisë Boliviane dhe për legjitimim të fitimeve të paligjshme”, siguroi Ministri i Brendshëm.