Lajme Flesh

Teksa Selin dhe Gimbo po rrinin në qetësi në living, Rogerti sapo i shikon nis dhe sulmon banoren. Ai iu drejtua me fjalë të ashpra, ndërsa Selin nga ana e saj foli me qetësi dhe pa ofendime.

Sipas Rogertit, Selin është femër pavlerë, antivlera e femrës në “Big Brother”.

Banori i përmendi faktin që puthen në buzë me Gretën që e ka kunatë. Iu drejtua duke i thënë që t’i tregojë shqiptarëve se si krijohet një histori false me babain 46-vjeçar.Pjesë nga debati:

Rogerti: Puth kunatën në buzë tani dhe je në terezi, tregoi shqiptarëve se si puthesh me kunata dhe si krijoni histori false me baba 46-vjeçarrë, marrina e ça krijon ti në trurin tënd. Flirtime me Dj Xuxukun, se ça i bën atij të shkretit, e ke fikur atë të shkretin.

Selin: Ok, super

Selin: E ti ça ke nga këto?

Rogerti: Ti nuk je burrneshë

Selin: Ti ça ke nga këto?

Rogerti: Gjakun e djersen i kam

Selin: Po burrëri s’ke, jo. Ok, burrneshën ma ke lënë mua

Rogerti: Ke për ta kuptuar burrërinë time. Burrëria ime është që je rritur që nga fillimi deri në fund, njësoj të njëjtat histori, që ishte për të mbështetur ty, për të shkuar në finale dhe për të fituar. Siç e lamë dakord bashkë. Je një femër total pavlerë

Selin: Po ndonjë gjë tjetër?

Rogerti: Ti je antivlera e femrës në Big Brother këtu. Shqiptarët gjithandej duhet t’a kuptojnë se ti nuk je ajo që shitesh për të qenë në Prime, finish

Një shtetas shqiptar i dënuar me burgim të përjetshëm për vrasjen e një fëmije 9-vjeçar është arrestuar në Greqi, pas më shumë se dy dekadash në arrati. Bëhet fjalë për Kostandin Nishku, i njohur edhe me identitetet Baki Duzha dhe H. V., 59 vjeç, i lindur në Gramsh.

Sipas njoftimit zyrtar të Policisë, 59-vjeçari ishte shpallur në kërkim që prej vitit 1998, pasi ishte dënuar me burgim të përjetshëm për veprën penale “Vrasja për shkak të cilësive të veçanta”. Prej vitesh ai fshihej në Greqi, ku jetonte duke përdorur një identitet shqiptar të falsifikuar.

Ngjarja e rëndë e vitit 1997

Krimi i rëndë ka ndodhur në muajin mars të vitit 1997. Sipas hetimeve, Kostandin Nishku, së bashku me një shtetas tjetër me inicialet R. K., janë paraqitur të armatosur në banesën e shtetasit K. B., ku kanë kërkuar vëllanë e tij, V. B..

Ky i fundit ishte arratisur nga një Institucion i Ekzekutimit të Vendimeve Penale (IEVP), ku vuante dënim për vrasjen e vëllait të Nishkut, krim i ndodhur në vitin 1993. Pasi familjarët nuk kanë dhënë informacion për vendndodhjen e të arratisurit, Kostandin Nishku ka qëlluar për vdekje me armë zjarri djalin 9-vjeçar të K. B., një akt i kryer për motive gjakmarrjeje.

Fëmija u dërgua në spital, por nuk arriti të mbijetojë, duke tronditur opinionin publik në atë kohë dhe duke u kthyer në një nga rastet më të rënda të krimeve ndaj të miturve në vend.

Detajer që shokuan Gramshin për krimin e vitit 1997: Si u vra fëmija 9-vjeçar për gjakmarrje, me bukë në gojë!

Detaje tronditëse sjell në vëmendje bashkëpunëtorja e noa.al për ngjarjen e trishtë të 97-ës. Detaje që hedhin dritë mbi rrethanat e vrasjes së fëmijës 9-vjeçar në vitin 1997, krim për të cilin autori u arrestua së fundmi në Greqi pas më shumë se dy dekadash në arrati.

Ajo kujton faktin e raportuar në atë kohë, fakt për të cilin fliste gjithë qyteti, se djali vetëm 9 vjeç ishte duke ngrënë bukë në momentin kur autori ka trokitur në derën e banesës. I mituri ka hapur derën dhe, pa asnjë paralajmërim, autori e ka kërcënuar me armë dhe e ka qëlluar për vdekje brenda korridorit të shtëpisë.

Në çastet që autori bënte gati armën për të shtier, dëgjohet lutja e nënës së fëmijës, e cila i është përgjëruar autorit të mos e vriste djalin, duke theksuar se ishte i vetmi djalë dhe kishte katër motra. Megjithatë, autori nuk është ndalur dhe ka kryer vrasjen.

Më pas fëmija është dërguar në spital, ku mjekët janë përpjekur ta shpëtojnë, por ai nuk ka arritur të mbijetojë. Mjekët treguan atëherë se fëmija u erdhi në spital me bukë në gojë dhe teksa i vogli iku nga kjo botë, plot trishtim iu desh tia nxirrnin ushqimin që nuk arriti ta gëlltisë nga krimi i tmerrshëm i Nishkut.

Ngjarja ka lënë gjurmë të thella dhe, për këtë fëmijë janë krijuar edhe këngë, si shenjë dhimbjeje dhe kujtese. Kënga që mund të shihni dhe dëgjoni këtu është kënduar në atë kohë nga ansambli popullor i Gramshit.

Motivi i krimit ishte gjakmarrja, pasi ishte thënë se një i afërm i fëmijës kishte qenë i përfshirë në një vrasje më herët, çka çoi në hakmarrjen ndaj të miturit, një akt që në atë kohë e tronditi rëndë opinionin publik.

Kujtojmë se për këtë ngjarje, autori ishte dënuar me burgim të përjetshëm, ndërsa arrestimi i tij në Greqi u bë i mundur pas identifikimit përmes dokumenteve false. Aktualisht pritet ekstradimi i tij në Shqipëri, për vuajtjen e dënimit.

Si u identifikua pas kaq vitesh

Identifikimi dhe arrestimi i 59-vjeçarit u bë i mundur falë krahasimit të fotografive të vitit 1997 me ato të pasaportës së falsifikuar, të cilën ai e kishte siguruar në vitin 2013. Ky proces verifikimi çoi në zbulimin e identitetit të tij real dhe në ndalimin nga autoritetet greke.

Pritet ekstradimi

Aktualisht, Nishku ndodhet në paraburgim në Greqi dhe pritet përfundimi i procedurave ligjore për ekstradimin e tij në Shqipëri, ku do të vuajë dënimin me burgim të përjetshëm të dhënë nga drejtësia shqiptare.

Policia shqiptare e cilëson arrestimin si një sukses të rëndësishëm në bashkëpunimin ndërkombëtar, duke theksuar se asnjë krim, sado vite të kenë kaluar, nuk mbetet pa autor përpara drejtësisë. /noa.al

Çfarë thotë policia

Policia e Shtetit/Vijon falë partneritetit të ngushtë me homologët ndërkombëtarë, operacioni i koduar “The wanted”.

Kjo fazë e operacionit, rezultat i bashkëpunimit disavjeçar ndërmjet Departamentit për Marrëdhëniet Ndërkombëtare të DPPSh-së, Interpol Tiranës, Oficerit Ndërlidhës të Policisë shqiptare në Athinë, Sektorit të Identifikimit dhe Krahasimit të fytyrës (Facial Recognition) dhe Interpol Athinës.

Kapet në Greqi, një shtetas i dënuar me burgim të përjetshëm, për vrasjen e një 9-vjeçari, në muajin mars, 1997, me motivin se xhaxhai i të miturit i kishte vrarë vëllanë dhe ishte arratisur nga IEVP-ja.

Ky shtetas fshihej në Greqi, duke përdorur një identitet shqiptar fals.

Në kuadër të kësaj faze të operacionit ndërkombëtar “The wanted”, koordinimi operacional i realizuar nëpërmjet Oficerit Ndërlidhës të Policisë shqiptare në Athinë, shkëmbimi intensiv i informacionit ndërmjet Interpol Tiranës dhe Interpol Athinës dhe verifikimet disavjeçare, mundësuan lokalizimin, kapjen dhe arrestimin me qëllim ekstradimin në Shqipëri, të shtetasit të shpallur në kërkim ndërkombëtar:

-Kostandin Nishku alias Baki Duzha alias H. V., 59 vjeç, lindur në Gramsh.

59-vjeçari, i cili është dënuar në vitin 1998, me burgim të përjetshëm, për veprën penale “Vrasja për shkak të cilësive të veçanta”, iu fshihej autoriteteve, në Greqi, ku përdorte një identitet shqiptar të falsifikuar (H. V.).

Në muajin mars, 1997, shtetasi Kostandin Nishku alias Baki Duzha alias H. V. dhe shtetasi R. K., kanë shkuar të armatosur, në shtëpinë e shtetasit K. B., dhe kanë kërkuar vëllanë e këtij të fundit, shtetasin V. B., i cili ishte arratisur nga IEVP ku vuante dënimin për vrasjen e vëllait të shtetasit Kostandin Nishku alias Baki Duzha alias H. V., në vitin 1993. Pasi shtetasi K. B. dhe familjarët e tij nuk i janë përgjigjur kërkesës së 59-vjeçarit, mbi vendndodhjen e shtetasit V. B., shtetasi Kostandin Nishku alias Baki Duzha alias H. V. ka vrarë me armë zjarri, djalin 9 vjeç të shtetasit K. B..

Identifikimi i këtij shtetasi është bërë i mundur si rezultat i krahasimit të fotografisë së tij, në vitin 1997 dhe fotografisë në pasaportën false të marrë në vitin 2013.

Bashkëpunimi ndërmjet strukturave homologe të INTERPOL-it vijon, për të finalizuar procedurën për ekstradimin e këtij shtetasi, në Shqipëri.

Vëllai i Madh u dha banorëve mundësinë që të bënin një diskutim rreth një teme të debatueshme, marrëdhënia në çift. E gjithë kjo nisi nga një deklaratë që bëri Brikena, ku është shprehur se do e duronte një shpullë që të shpëtonte martesën.

E teksa banorët po jepnin mendimet e tyre, Selin vendosi që të ndante vetëm me Gimbon një histori mjaft personale të jetës së saj, që nuk e di njeri.

Banorja u shpreh se babai i saj kishte bërë një gabim dhe si pasojë prindërit e saj kishin nisur procesin e divoricit. Ajo shton më pas se ka arritur që të shpëtojë martesën e tyre.

Pjesë nga biseda:

Selin: Unë kam patur një histori…

Gimbo: Ti?

Selin: Që nuk e di njeri

Gimbo: Ok

Selin: Që në një moment të jetës sonë, babi ka bërë një gabim dhe kanë qenë në proces divorci. Por unë…

Gimbo: I ke pajtuar?

Selin: Pa dashje

Gimbo: Pa dashje?

Selin: Jo pa dashje, por…

Gimbo: Je pishman?

Selin: Jo, nuk jam pishman për mënyrën që gjendej situata, por njëkohësisht nuk e di nëse mami im se si e ka përjetuar. E di se kam qenë me të gjithë kohës, por nuk e di nëse do doja ta kishte përjetuar ndryshe. Nëse thellë-thellë vërtetë e ka falur

Gjatë një bisede në dhomën e ndenjes, Selin i ka rrëfyer një histori Gimbos.

Ajo u shpreh se një moment të jetës, prindërit e saj kanë qenë në proces divorci.

Selin: Unë e kam pasur një histori që nuk e di njeri. Në një moment të jetës sonë, babi ka bërë një gabim dhe kanë qenë në proces divorcesh, por unë…

Gimbo: I ke pajtuar?

Selin: Padashje. Jo padashje, por…

Gimbo: Je pishman?

Selin: Jo. S’jam pishman. Por njëkohësisht nuk e di si e ka përjetuar mami im. Do me thënë e di, se unë kam qenë me atë gjatë gjithë kohës, por nuk e di nëse do të donte ta përjetonte ndryshe. Më kupton? Nëse vërtet ajo thellë-thellë e ka falur dhe nëse thellë-thellë është shëruar.

Një zyrtar i lartë ushtarak gjerman ka paralajmëruar se Rusia mund të sulmojë vendet e NATO-s brenda dy deri në tre viteve të ardhshme dhe se Gjermania do të ishte në qendër të një konflikti të mundshëm.

Gjenerallejtënanti Gerald Funke, Shefi i Shtabit të Komandës së Përbashkët të Mbështetjes së Bundeswehr-it, tha se një nga sfidat kryesore në një skenar lufte do të ishte logjistika dhe transporti i trupave aleate.

Sipas tij, dhjetëra mijëra trupa të NATO-s do të duhej të lëviznin drejt vijave të frontit, në kushte kur rrugët dhe linjat hekurudhore mund të dëmtohen nga sabotime, sulme kibernetike ose raketa.

“Gjermania duhet të mbetet një qendër logjistike. Nëse një rrugë bllokohet, duhet të kemi alternativa për të garantuar furnizimin,” deklaroi Funke.

Një tjetër problem serioz, sipas tij, do të ishte numri i madh i të plagosurve. Aktualisht, ushtria gjermane ka pesë spitale ushtarake me rreth 1,800 shtretër, të cilët mund të mbingarkohen shpejt në rast lufte.

Për këtë arsye, autoritetet gjermane kanë nisur përgatitjet për të përfshirë edhe spitalet civile në rast emergjence, duke i ndarë ato në sektorë që mund të përdoren për të plagosurit.

Një video e publikuar së fundmi në rrjetet sociale ka ndezur reagime të shumta mes ndjekësve të Big Brother VIP Albania. Në pamje shfaqen dy banorët e shtëpisë, Artani dhe Miri, të përfshirë në një debat të ashpër, i cili për pak sa nuk degradoi në përplasje fizike.

Gjatë videos, Artani shihet duke debatuar me tone të larta me Mirin, ndërsa tensioni mes tyre rritet nga momenti në moment. Ajo që ka tërhequr më shumë vëmendjen e publikut është reagimi i Mirin, i cili në një çast duket sikur i matet Artanit për ta goditur, duke krijuar një situatë tejet të nxehtë brenda shtëpisë.

Videoja është bërë virale në TikTok dhe rrjete të tjera sociale, ku ndjekësit janë ndarë në mendime, me disa që kritikojnë sjelljen e banorëve dhe të tjerë që e konsiderojnë ngjarjen pjesë të presionit dhe lojës së fortë brenda shtëpisë së famshme.

Mbetet për t’u parë nëse Vëllai i Madh do të reagojë ndaj kësaj situate dhe nëse do të ketë masa disiplinore për banorët e përfshirë.

VIDEO

Pak minuta para nisjes së Prime-it të Big Brother VIP Kosova, banorja Elijona është nisur drejt spitalit, duke shqetësuar banorët dhe publikun.

Lajmin e konfirmoi moderatori Alaudin Hamiti, i cili sqaroi se gjendja e saj nuk është për t’u shqetësuar, pasi Elijona po merr trajtimin e duhur mjekësor dhe është nën kujdes profesional.

Mbetet të shihet nëse ajo do të rikthehet sonte në Prime apo do të mungojë për arsye shëndetësore.

Gazetari Artan Hoxha ishte mbrëmjen e sotme në “Kjo Javë” për të folur më shumë mbi procesin e 21 janarit në SPAK.

Artan Hoxha theksoi se i është kërkuar të japë burimin e kasetës që disponon nga bisedat e gardistëve më 21 janar.

Hoxha shprehet se nëse nuk ka një garanci ai kurrsesi nuk mund të japë burimin, ndërsa nëse nuk e bën një gjë të tillë rrezikon 1 vit burg.

Artan Hoxha: Nga ceremonia në ceremoni nuk ndodhte asgjë. Kemi hyrë në vitin e 16. Kohë që u shërben personave përgjegjës të 21 janarit.

Ka një problem që çdo ditë që kalon, afatet. Ligji ka përcaktuar afate. Ja ka hequr atë që njerëzit mezi presin të ndodhë. Zbardhjen dhe një hetim shterues për çdo person përgjegjës. Kemi dy vrasje që nuk mund të rikthehet më gjykimi. Shefi i shtabit Agim Llupo ka marrë pafajësi për vrasjen e Hekuran Dedës. 3 nga 4 janë përjashtuar ka mbetur Aleks Nikës. Predha është e dëmtuar. Prandaj historia është kthyer duke tejkaluar. Dëshminë e parë e kam bërë në 3 tetor 2024. Jemi në 2026. Dhashë të njëjtën shpjegim. Deri në këtë moment nuk kemi persona të regjistruar. SPAK nuk ka regjistruar askënd. Do të thotë që ka afat pa fund.

Janë pyetur shumë njerëz. Koha nuk pret. Po flitej, që shiko meqë nuk kemi kasetën origjinale. Kjo tjetra nuk ka peshën. Në vetvete dëshmon se vrasjen janë me urdhër. Minimalisht me dashje. Duhej origjinale se me cilësi është më e saktë. Nuk ka ndërhyrje. Për të shkuar te autorët e 21 janari nuk duhet fare ajo kasetë. Mund ti thërresësh dhe të thotë po, kanë komunikuar me radio, a është dhënë urdhër për të hapur zjarr. E dorëzova origjinalin, për të hequr arsyen nga duart. Ja e ke origjinalin. Kaseta origjinale, është e pandërprerë. Do eksportohet jashtë shtetit.

Zydi Turdiu, një nga pasardhësit e familjeve të mëdha tiranase – Turdiu – Zydi Turdiu është ndarë nga jeta këtë të enjte, datë 29 Janar. Lajmin e trishtë e jep deputeti demokrat Belind Këlliçi, i cili nxjerr në pah edhe kontributin e tij për Partinë Demokratike.

“Sot mbylli sytë përgjithmonë Zydi Turdiu, pasardhës i një prej familjeve të mëdha tiranase, familjes Turdiu. Zydiu së bashku me familjarë të tij kanë qenë themelues të PD në kryeqytet dhe anëtar qe prej vitit 1991.

Ai ka qenë Kryetar i Komisionit të Revizionimit PD, Anëtar i Këshillit Kombëtar deri më vitin 2000, si dhe Kryetar i parë i shoqatës Tirana, në vitet 1992-1997.

Tirana sot humbi një qytetar model, familja e tij politike PD humbi një themelues, ndërsa fisi Këlliçi humbi një mik e të afërm model. Shpirti i tij u prehtë në paqe”, shkruan deputeti demokrat Belind Këlliçi.

Pesë vite më parë, në Mars 2021, Zydi Turdiu humbi edhe bashkëshorten. Emel Turdiu, e cila ishte bija e familjes së nderuar Sakiqi, mbylli sytë përgjithmonë pas një jete jo fort të qetë, me dallgë e tallaze.

10 ditë pas vrasjes së shqiptarit Jani Aliaj në burgun famëkeq të Koridhalos në Greqi, një tjetër shqiptar mbeti i plagosur sot në burgun e Malandrinos.

Gazetari Artur Bibe raporton se Meci është qëlluar me një thikë të improvizuar, nga i burgosuri grek N. E, i akuzuar për organizatë kriminale, i cili punonte në mensën e burgut.

46-vjeçari me origjinë nga Gjirokastra rezulton i proceduar dhe dënuar disa herë në Greqi për vepra të ndryshme penale si vjedhje, grabitje, tentativë vrasje, vrasje e organizatë kriminale.

Sipas policisë, të njëjtët individë kishin kryer edhe sulmin me zjarrvënie në një pikë karburanti në Argyroupoli më 23 shkurt.

Ai u arrestua për herë të parë në vitin 2004 për vrasjen e një emigranti sirian jashtë një qendre prostitutash në qendër të Athinës. I burgosur në burgun rural të Kasandrës, atij iu dha një leje 9 ditore gjatë së cilës u përfshi në grabitjen e një agjencie Pro-Po në Glifadha, duke vjedhur 65.000 euro. Sipas tij, kjo me sa duket ndodhi sepse ish-shefi i agjencisë, i cili u vra disa muaj më parë, i kishte borxh para. Ai u lirua me kusht disa muaj më vonë përpara se të arrestohej përsëri për shkelje të lirimit me kusht.

Pas lirimit të tij në vitin 2011, ai punoi si ndihmës në një bandë të përfshirë në krime në Glifadha, Haidari, Kaminia dhe Koridhalos. Dyqanet nën mbrojtjen e bandës duhej të paguanin kërcënime me vdekje kundër tyre dhe të afërmve të tyre, 100 deri në 150 euro çdo dy javë. Meçi dyshohet gjithashtu se është vrasësi i Panagiotis Stivas në shtator 2006, Ali Saeed dhe Giorgos Shabbat në mars 2008 si dhe “Pitsilas”, i cili besohet të jetë një ish-bashkëpunëtor i Meçit, në maj 2014.

Në vitin 2018, teksa ndodhej i burgosur në Koridhalo, u identifikua se i autor i një vrasjeje të ndodhur në vitin 2012. Bëhet fjalë për vrajsen e 29-vjecarit shqiptar Artin Kato në 2012 në Peristeri të Athinës. Viktima jetonte në Holandë dhe u thirr në takimin kurth nga Meci, i cili komunikonte me të në Facebook me emër fals femre “Anastasia”. Dyshohet se mes tyre kishte konflikte personale. Por një vit më pas, vrasjen e mori përsipër Klodian Lekocaj dhe Meci u dënua me vetëm 10 vjet burg si bashkëpunëtor.

Meci është dyshuar nga policia greke edhe si personi që kishte marrë përsipër vrasjen e një drejtuesi të lartë të policisë greke dhe të mafiozit grek Manolis Karagianis, i njohur si “Karaflas”, ngjarje këto të pakryera nga Meci. Karaflas u vra më pas në vitin 2018 në një tjetër atentat.