Lajme Flesh

Taksa e pronës do të ndryshojë dhe do të rritet vIera e saj. Qeveria ka gati tashmë projektligjin e ri ‘Për Taksën e Pasurive Të Paluajtshme’, i cili kalon në një sistem taksimi të pronave në bazë të çmimeve të tregut. Sa më e shtrenjtë të jetë prona aq më e lartë taksa, dhe sa më në qendër të jetë aq më shumë do të paguhet.

“Taksa mbi pasurinë e paluajtshme e bazuar në vlerën e tregut, është një taksë e drejtë. Regjimi tatimor që zbatohet aktualisht në Shqipëri i vendos në shumë raste të njëjtën barrë tatimore, si një personi që ka pasuri të paluajtshme në qendër të qytetit, ashtu dhe një personi që ka pasuri të paluajtshme me të njëjtat karakteristika, por në periferi të qytetit, me vlerë tregu më të ulët”, thuhet në relacion.

Kjo metodë në taksimin e pronës sipas Ministrisë së Financave, ka potencial të fortë për rritjen e të ardhurave.

“Taksa mbi pasurinë e paluajtshme duhet të forcohet dhe shndërrohet në të ardhmen në shtyllën parësore të të ardhurave vendore, duke garantuar një burim më të qëndrueshëm, më të drejtë dhe më të parashikueshëm të të ardhurave për bashkitë”, thuhet në relacion.

Përveçse taksimi do të bëhet në bazë të vlerës që ka prona në treg, do të ndryshojë edhe tarifa, nga 0.05% që është aktualisht në 0.1% -0.2% e vlerës së saj.

“Për të gjitha njësitë e ndërtesave që përfshihen në kategorinë ‘ndërtesa për banim’, shkalla e taksës mund të variojë nga 0,1% (zero presje një për qind) deri në 0,2% (zero presje dy për qind)”, thuhet në nenin 12 germa D.

Madje sipas argumenteve të dhëna për këtë formulë taksimi bazuar në vlerën e tregut, qeveria synon t’i vë fre edhe spekulimeve me çmimet e pronave.

“Në këtë kuadër ajo mund të de-motivojë gjithashtu fryrjen e pajustifikuar të çmimeve të pasurive të paluajtshme. Taksa e re pasurisë do të përbejë një kosto domethënëse për pronarët dhe mund ta bëj spekulimin me çmimet më të rrallë”, vijon relacioni.

Përmes këtij projektligji vendi ndahet në 7 zona, që do të përdoren për të reduktuar tatimin për banesën e parë. Kjo reformë e re në taksim do të rëndojë më shumë mbi banesat e dyta e më shumë.

Në nenin 8 sqarohet se si do të bëhet diferencimi në taksim nga banesë e parë në të dytë.

“Individi i cili ka në pronësi apo posedim, 2 (dy) ose më shumë banesa, ka të drejtën e zbritjes për banesën e parë, për vetëm 1 (një) prej këtyre banesave, pa marrë parasysh faktin që banesat mund të ndodhen në Bashki të ndryshme”, thuhet në nenin 8 pika 4.

Po në nenin 8, përcaktohet një zbritje nga vlera e banesës së parë të të gjithë individëve, në një shumë të barabartë me 50% të vlerës së banesës së parë, por në çdo rast, jo më shumë se pragu maksimal i zbritjes i përcaktuar për 7 kategoritë e bashkive.

Në Tiranë pragu maksimal i zbritjes nga vlera e pronës do të jetë 8,4 milionë lekë. Për grupin e dytë ku përfshihen bashkitë Durrës, Himarë Vlorë, Sarandë ulja maksimale do jetë 4,75 milionë lekë, për bashkitë në kategorinë e tretë Elbasan, Fier, Kamëz, Kavajë, Korçë, Lezhë, Pogradec, Shkodër dhe Vorë vlera e pronës ulet me 3,55 milionë lekë para se të taksohet. Për bashkitë në kategorinë e katërt ku përfshihen Berat, Dibër, Divjakë, Gjirokastër, Gramsh, Krujë, Kukës, Librazhd, Lushnjë, Malësi e Madhe, Mat, Mirditë, Përrenjas dhe Rrogozhinë zbritja për banesën e parë është 2.8 milionë lekë.

Për bashkitë në kategorinë e pestë Belsh, Bulqizë, Cërrik, Delvinë, Devoll, Dimal, Dropull, Finiq, Has, Këlcyrë, Klos, Konispol, Kuçovë, Kurbin, Libohovë, Maliq, Mallakastër, Patos, Peqin, Përmet, Pustec, Roskovec, Shijak, Tepelenë dhe Tropojë zbritja është 2 milionë lekë.

Për bashkitë në kategorinë e gjashtë ku bëjnë pjesë bashkitë Kolonjë, Poliçan, Pukë, Selenicë, Skrapar dhe Vau i Dejës zbritja është 1,45 milionë lekë.

Kategoria e fundit, e shtata ku futen Fushë-Arrëz dhe Memaliaj, zbritja e vlerës së pronës është maksimumi 750 mijë lekë.

Pasi bëhen këto zbritje mbi vlerën e pronës, aplikohet tatimi. Pra psh, një individ me banesë të parë në Tiranë me vlerë 10 milionë lekë, do të paguaj tatim vetëm për vlerën 5 milionë lekë, pra për 50% të vlerës së saj.

Kur vlera e pronës është 20 milionë lekë, çmimi mund të ulet me maksiumumi 8.4 milionë lekë, dhe për vlerën pas uljes prej 11.6 milionë lekësh paguhet tatimi.

Taksa mbi pasurinë e paluajtshme vendoset dhe mblidhet në përputhje me këtë ligj nga viti 2029 për njësitë e ndërtesave dhe nga vitit 2031 për parcelat.

“Bashkia përcakton vlerën e taksueshme të çdo pasurie të paluajtshme që i nënshtrohet taksimit në territorin e saj, deri më 31 dhjetor të vitit para vitit tatimor”, thuhet në pikën 5 të nenit 7.

Pas më shumë se një muaj, kur Sara Hoxha dhe Erik Fullani ishìn në qendër të vëmendjes për ndarjen e tyre, dyshja duket se është rikthyer në krahët e njëri-tjetrit.

Lëvizja më e fundit e tyre flet vetë: Sara është në listën e shokëve të Instagramit të Erikut dhe e anasjellta.

Siç mund ta shikoni dhe në foton e mëposhtme, çifti që deri dje ishte në qendër të vëmendjes për distancimin e njëri-tjetrit, së fundmi mesa duket janë rikthyer bashkë.

Sara dhe Eriku janë një dëshmi e teorisë se “njerëzit meritojnë shanse të dyta!”.

Megjithatë nga ana e tyre nuk ka pasur një reagim publik për rikthimin te njëri-tjetrit, por pritet që në vijm postimet e tyre të hedhin dritë mbi të vërtetën e marrëdhënies.

Parlamenti Europian miratoi ditën e sotme një amendament i cili i bën thirrje autoriteteve të Maqedonisë së Veriut që të zgjidhin sa më shpejt çështjen e përdorimit të gjuhës shqipe në provimet shtetërore.

Në të theksohet se zbatimi praktik i Marrëveshjes Kornizë të Ohrit duhet të garantohet jo vetëm në ligj, por edhe në frymë.

Amendamenti kritikon mënyrën se si janë paraqitur protestat e studentëve, duke theksuar se ato nuk duhet të interpretohen si të motivuara politikisht apo si faktor destabilizues, por si një kërkesë legjitime për të drejtat gjuhësore dhe arsimore.

“I bën thirrje autoriteteve të Maqedonisë së Veriut që të zgjidhin sa më shpejt çështjen e përdorimit të gjuhës shqipe në provimet shtetërore, për të siguruar zbatimin praktik të Marrëveshjes Kornizë të Ohrit si në ligj ashtu edhe në frymë, dhe të mos i paraqesin në mënyrë të pasaktë protestat e studentëve si të motivuara politikisht apo si një faktor destabilizues”,- thuhet në amendament.

Kujtojmë se studentët në Maqedoninë e Veriut zhvilluan protesta të njëpasnjëshme ku kërkuan të drejtën e tyre legjitime që provimi i jurisprudencës të bëhet në gjuhën shqipe. Kjo e drejtë garantohet nga ligjet dhe standardet ndërkombëtare, sepse gjuha është themel i identitetit dhe dinjitetit kombëtar.

Salvadore Aliu, për të cilin SPAK ka lëshuar urdhër arresti në kuadër të një hetimi për trafik ndërkombëtar droge dhe pastrim parash, dyshohet se ka pastruar në Shqipëri të paktën 30 milionë euro me burim nga aktivitetet kriminale.

Sipas hetimeve, një rol të rëndësishëm në administrimin dhe investimin e këtyre fondeve e ka pasur vëllai i tij, Isa Aliu. Ky i fundit rezulton të ketë në pronësi katër kompani, të cilat dyshohet se janë përdorur për investime në pasuri të paluajtshme, përfshirë troje, apartamente, vila, si dhe projekte ndërtimi dhe struktura hoteliere në zona turistike të vendit.

Një pjesë e rëndësishme e provave të mbledhura nga SPAK lidhet me komunikimet e zhvilluara në platformën e enkriptuar SKY ECC. Në këto biseda, Salvadore Aliu përdorte identitete të ndryshme si “Dala”, “Qero”, “Qerosi”, “Viktor” dhe “Albo Pelo”.

Nga zbardhja e komunikimeve rezulton se në gusht të vitit 2020, Isa Aliu i ka raportuar të vëllait se kishte në dispozicion rreth 6 milionë euro. Rreth dy javë më vonë, Salvadore Aliu e ka njoftuar se priste të siguronte edhe 20 milionë euro të tjera. Në bisedat mes tyre, sipas dosjes hetimore, diskutohen edhe mënyrat për fshehjen e shumave të mëdha të parave deri në momentin e investimit të tyre. Një nga sugjerimet ka qenë vendosja e parave në fuçi 50-litërshe dhe groposja e tyre.

Hetimi ndaj Aliut nisi në maj të vitit 2020 pas një referimi të Policisë së Shtetit. Sipas SPAK, ai dhe persona të lidhur me të përmes marrëdhënieve familjare dyshohen se kanë qenë pjesë e një organizate kriminale që trafikonte kokainë nga Ekuadori drejt vendeve të ndryshme evropiane.

Prokuroria e konsideron Salvadore Aliun si figurën qendrore të këtij rrjeti. Sipas dosjes, ai mbikëqyrte të gjithë zinxhirin e aktivitetit kriminal, duke filluar nga sigurimi i lëndës narkotike në vendet e origjinës, financimi i ngarkesave, organizimi i transportit dhe furnizimi i grupeve të tjera kriminale në Evropë.

Burime nga hetimi bëjnë me dije se 50-vjeçari nga Elbasani konsiderohet një nga personat më të fuqishëm të përfshirë në trafikun ndërkombëtar të drogës që është hetuar ndonjëherë nga drejtësia shqiptare. Për vite me radhë ai ka qenë në vëmendjen e agjencive ligjzbatuese evropiane, të cilat kanë kërkuar të dokumentojnë aktivitetin dhe rolin e tij në rrjetet e trafikut të kokainës.

Sipas SPAK, emra të njohur të botës së krimit të organizuar shqiptar, mes tyre anëtarë të grupit të Çopjave, Eldi Dizdari dhe Dritan Gjika, kanë vepruar në struktura të lidhura me rrjetin e drejtuar prej Aliut. Hetuesit e lidhin emrin e tij edhe me grupin kriminal të Jetmir Pepës.

Aktiviteti i organizatës është dokumentuar për periudhën 2019-2021. Sipas hetimeve, gjatë këtyre viteve rrjeti dyshohet se ka futur në tregun evropian rreth 50 tonë kokainë. Deri tani janë provuar të paktën pesë episode të trafikimit në sasi të mëdha, në të cilat autoritetet kanë sekuestruar afro 9 tonë kokainë.

Në kuadër të këtij operacioni, Gjykata e Posaçme ka vendosur sekuestro preventive mbi 491 pasuri të lidhura drejtpërdrejt ose tërthorazi me anëtarët e grupit.

Nga këto, 266 janë pasuri të paluajtshme që përfshijnë toka, apartamente, vila, hotele dhe prona të tjera në disa zona të vendit. Pasuritë e sekuestruara shtrihen në Tiranë, Durrës, Elbasan, Lezhë, Shkodër, Dhërmi dhe Sarandë. Në listën e sekuestrimeve përfshihen gjithashtu automjete dhe asete të tjera me vlerë të konsiderueshme.

Sipas vlerësimeve të SPAK, vlera totale e pasurive të bllokuara arrin të paktën në 150 milionë euro, ndërsa hetimet për aktivitetin e rrjetit dhe gjurmimin e aseteve vijojnë.

Kryepolici Skënder Hita ka deklaruar në një prononcim publik se deputetja Marjana Koçeku nuk ka bërë asnjë kallëzim zyrtar në strukturat e Policisë së Shtetit, pavarësisht mesazheve të saj të publikuara në rrjetet sociale që lidhen me grupin kriminal të njohur si Bajrave.

Sipas tij, policia ka detyrimin ligjor të reagojë dhe të marrë masa për mbrojtjen e jetës dhe pronës së çdo qytetari, kur ekziston një rrezik apo kërcënim i verifikuar.

Ai theksoi se institucionet e rendit janë të angazhuara për të garantuar sigurinë personale në bazë të vlerësimeve konkrete të kërcënimit, por në këtë rast specifik, deri tani nuk është depozituar një denoncim formal që të nisë procedurat përkatëse hetimore apo për mbrojtje të posaçme.

Hita nënvizoi gjithashtu se çdo masë mbrojtëse merret vetëm pas verifikimeve dhe dokumentimit zyrtar të situatës, sipas protokolleve ligjore në fuqi.

“Policia është në mbrojtje të jetës të cdo personi. Është detyrim ligjor të mbrojmë jetën dhe pronën e qytetarëve. Në bazë të kërcënimit dhe rrezikut, do bëhet edhe vlerësimi i mbrojtjes. Por denoncim konkret nuk ka në polici”, u shpreh Hita.

Ditën e sotme Shtetet e Bashkuara të Amerikës kanë publikuar tekstin zyrtar të marrëveshjes së arrirë me Iranin.

Dokumenti i përbërë prej 14 pikash mësohet se përcakton dispozitat për rihapjen e Ngushticës së Hormuzit, lehtësimin e kufizimeve financiare ndaj Iranit si dhe pritjet për adresimin e programit bërthamor të Iranit gjatë bisedimeve të ardhshme teknike.

Po ashtu bëhet me dije se memorandumi pritet të nënshkruhet zyrtarisht ditën e premte, i cili sic është shprehur dhe vetë presidenti Trump, do të hapë një afat prej 60 ditësh për të negociuar kushtet përfundimtare të një marrëveshjeje.

Pikat e memorandumit renditen si më poshtë, sipas CNN:

1 — Shtetet e Bashkuara të Amerikës dhe Republika Islamike e Iranit dhe aleatët e tyre në luftën aktuale po nënshkruajnë këtë Memorandum Mirëkuptimi për të shpallur ndërprerjen e menjëhershme dhe të përhershme të operacioneve ushtarake në të gjitha frontet, përfshirë Libanin, dhe zotohen që tani e tutje të mos fillojnë asnjë luftë ose asnjë operacion ushtarak kundër njëri-tjetrit, dhe të përmbahen nga kërcënimi ose përdorimi i forcës kundër njëri-tjetrit, si dhe të sigurojnë integritetin territorial dhe sovranitetin e Libanit.

Marrëveshja përfundimtare do të konfirmojë ndërprerjen e përhershme të luftës në të gjitha frontet, përfshirë Libanin dhe dispozita të tjera të këtij paragrafi.

2 — Shtetet e Bashkuara të Amerikës dhe Republika Islamike e Iranit zotohen të respektojnë sovranitetin dhe integritetin territorial të njëra-tjetrës dhe të përmbahen nga ndërhyrja në punët e brendshme të njëra-tjetrës.

3 — Shtetet e Bashkuara të Amerikës dhe Republika Islamike e Iranit angazhohen të negociojnë dhe të arrijnë marrëveshjen përfundimtare brenda një afati maksimal prej 60 ditësh, me mundësi zgjatjeje me pëlqim të ndërsjellë.

4 — menjëherë pas nënshkrimit të këtij Memorandumi Mirëkuptimi, Shtetet e Bashkuara të Amerikës do të fillojnë heqjen e bllokadës së tyre detare dhe çdo shqetësimi apo pengese kundër Republikës Islamike të Iranit, dhe do ta përfundojnë plotësisht bllokadën detare brenda 30 ditëve.

Gjatë kësaj periudhe, trafiku i anijeve do të jetë në përpjesëtim me numrin e trafikut të paraluftës që po rivendoset nga Republika Islamike e Iranit. Shtetet e Bashkuara të Amerikës zotohen gjithashtu të largojnë forcat e tyre nga afërsia e Republikës Islamike të Iranit brenda 30 ditëve pas marrëveshjes përfundimtare.

5 — Pas nënshkrimit të këtij Memorandumi Mirëkuptimi, Republika Islamike e Iranit do të bëjë rregullime duke përdorur përpjekjet e saj më të mira për kalimin e sigurt të anijeve tregtare pa pagesë, vetëm për 60 ditë, nga Gjiri Persik në Detin e Omanit dhe anasjelltas.

Trafiku i anijeve tregtare do të fillojë menjëherë, dhe duke marrë parasysh nevojën për heqjen e pengesave teknike dhe ushtarake dhe çminimin nga Republika Islamike e Iranit, do të fillojë brenda 30 ditëve. Republika Islamike e Iranit do të zhvillojë dialog me Sulltanatin e Omanit për të përcaktuar administrimin e ardhshëm dhe shërbimet detare në Ngushticën e Hormuzit, në diskutim me shtetet e tjera bregdetare të Gjirit Persik, në përputhje me ligjin ndërkombëtar në fuqi dhe të drejtat sovrane të shteteve bregdetare të Ngushticës së Hormuzit.

6 — Shtetet e Bashkuara të Amerikës zotohen me partnerët rajonalë të zhvillojnë një plan përfundimtar, të dakordësuar reciprokisht, me të paktën 300 miliardë dollarë amerikanë për rindërtimin dhe zhvillimin ekonomik të Republikës Islamike të Iranit. Mekanizmi për zbatimin e këtij plani do të finalizohet si pjesë e një marrëveshjeje përfundimtare brenda 60 ditëve. Të gjitha licencat, përjashtimet dhe lejet e kërkuara për transaksionet financiare përkatëse do të jepen nga Shtetet e Bashkuara të Amerikës.

7 — Shtetet e Bashkuara të Amerikës marrin përsipër të ndërpresin të gjitha llojet e sanksioneve kundër Republikës Islamike të Iranit, duke përfshirë rezolutat e Këshillit të Sigurimit të Kombeve të Bashkuara,

Rezolutat e Bordit të Guvernatorëve të IAEA-s, të gjitha sanksionet e njëanshme të SHBA-së, parësore dhe dytësore, në një orar të dakordësuar si pjesë e marrëveshjes përfundimtare. Republika Islamike e Iranit dhe Shtetet e Bashkuara të Amerikës pranojnë rëndësinë kritike të çështjes së përfundimit të sanksioneve të përmendur më sipër dhe shprehën qëllimet e tyre për t’i adresuar menjëherë këto çështje në negociata me qëllim arritjen e një marrëveshjeje të ndërsjellë mbi to.

8 — Republika Islamike e Iranit riafirmon se nuk do të sigurojë ose zhvillojë armë bërthamore. Shtetet e Bashkuara të Amerikës dhe Republika Islamike e Iranit kanë rënë dakord të zgjidhin çështjen e asgjësimit të materialit të pasuruar të rezervave në përputhje me një mekanizëm që do të miratohet reciprokisht në përputhje me orarin e përmendur në paragrafin shtatë, me metodologjinë minimale që do të përpunohet në vend nën mbikëqyrjen e IAEA-s.

Të dy palët ranë dakord gjithashtu të diskutojnë çështjen e pasurimit dhe çështje të tjera të dakorduara reciprokisht në lidhje me nevojat bërthamore të Republikës Islamike të Iranit, bazuar në një kuadër të kënaqshëm të miratuar në marrëveshjen përfundimtare. Marrëveshja përfundimtare do të konfirmojë dispozitat e këtij paragrafi dhe Republika Islamike e Iranit pranon rëndësinë kritike të çështjeve bërthamore të misioneve të mësipërme. Ato shprehin qëllimin e tyre për t’i adresuar menjëherë këto çështje në negociata me qëllim arritjen e një marrëveshjeje të ndërsjellë mbi to.

9 — Në pritje të marrëveshjes përfundimtare, Shtetet e Bashkuara të Amerikës dhe Republika Islamike e Iranit bien dakord të ruajnë status quo-në. Republika Islamike e Iranit do të ruajë status quo-në aktuale të programit të saj bërthamor dhe Shtetet e Bashkuara të Amerikës nuk do të vendosin sanksione të reja dhe nuk do të vendosin forca shtesë në rajon.

10 — Shtetet e Bashkuara të Amerikës marrin përsipër që menjëherë pas nënshkrimit të këtij Memorandumi Mirëkuptimi dhe deri në përfundimin e sanksioneve, Departamenti i Thesarit i SHBA-së do të lëshojë përjashtime për eksportin e naftës bruto iraniane, produkteve të naftës dhe derivateve të saj, si dhe të gjitha shërbimet e lidhura me to, duke përfshirë transaksionet bankare, sigurimet, transportin etj.

11 — Shtetet e Bashkuara të Amerikës marrin përsipër të vënë në dispozicion të plotë për përdorim fondet dhe asetet e ngrira ose të kufizuara të Republikës Islamike të Iranit pas zbatimit të këtij Memorandumi Mirëkuptimi. Shtetet e Bashkuara të Amerikës dhe Republika Islamike e Iranit do të bien dakord reciprokisht mbi procedurat që lidhen me lirimin e këtyre fondeve gjatë negociatave.

Fonde të tilla, pavarësisht nëse merren në llogarinë origjinale apo transferohen, do të bëhen plotësisht të përdorshme për pagesë për çdo përfitues përfundimtar të përcaktuar nga Banka Qendrore, më falni, përfitues përfundimtar i caktuar nga Banka Qendrore e Republikës Islamike të Iranit. Shtetet e Bashkuara të Amerikës marrin përsipër të lëshojnë të gjitha licencat dhe autorizimet e nevojshme në përputhje me rrethanat.

12 — Shtetet e Bashkuara të Amerikës dhe Republika Islamike e Iranit bien dakord që do të krijohet një mekanizëm ekzekutiv për të monitoruar zbatimin me sukses të këtij Memorandumi Mirëkuptimi dhe përputhshmërinë e ardhshme të marrëveshjes përfundimtare.

13 — Pas nënshkrimit të këtij Memorandumi Mirëkuptimi, dhe me kusht fillimin e zbatimit të paragrafëve 1, 4, 5, 10 dhe 11 të këtij Memorandumi Mirëkuptimi, dhe zbatimin e vazhdueshëm të këtyre masave, Shtetet e Bashkuara të Amerikës dhe Republika Islamike e Iranit do të fillojnë negociatat në lidhje me marrëveshjen përfundimtare ekskluzivisht mbi paragrafët e tjerë.

14 — Marrëveshja përfundimtare do të miratohet nga një rezolutë detyruese e KS të OKB-së.

Një protestues ka zgjedhur një mënyrë ndryshe për të protestuar teksa ka marrë me vete dhentë. Ai shihet që ka krijuar një gardh rreth tyre dhe marshon me to mes protestuesve.

Protestuesit e tjerë e kanë ndihmuar të moshuarin duke mbajtur gardhin teksa vijojnë marshimin. Ata dëgjohen duke thënë se edhe dhitë janë më flamingot, simboli i kësaj proteste.

Në gardh gjithashtu shihen pankarta të ndryshme mes të cilave: Ndaloni ekocidin! Meeeheendoje dy herë.

“Nuk aspirojmë për politikë, duam vetëm ujë në lumë”, “Dhitë bashkohen me flamingot”, etj.

Dhitë janë sjellë nga Kelmendi. Protestuesit janë duke i ushqyer.

VIDEO

Dashi

Ditë shumë e fortë në aspektin emocional dhe energjetik. Dashuria ndizet, me shumë pasion për çiftet dhe mundësi të mira për njohje të reja. Në punë je kreativ dhe i guximshëm, i aftë të propozosh ide që bien në sy. Shëndeti është i mirë dhe ke shumë energji.

Demi

Ka pak tensione në marrëdhënie, sidomos në familje ose për çështje parimore. Në punë mund të dalin situata të papritura që kërkojnë qetësi dhe durim. Shëndeti kërkon relaks dhe shmangie të stresit të akumuluar.

Binjakët

Një nga ditët më të mira për ty. Komunikimi është në nivel shumë të lartë dhe gjithçka që lidhet me fjalën, negociatat apo kontaktet shkon mirë. Në dashuri ka lehtësi dhe afrim, ndërsa energjia fizike dhe mendore është shumë e mirë.

Gaforrja

Fokus më shumë te stabiliteti emocional dhe financiar. Nuk kërkon drama, por qetësi dhe siguri në marrëdhënie. Në punë është moment i mirë për të rregulluar financat dhe për të bërë plane afatgjata.

Luani

Je në qendër të vëmendjes dhe rrezaton shumë energji pozitive. Në dashuri je shumë tërheqës dhe magnetik. Në punë ke rol udhëheqës dhe mund të marrësh vendime të rëndësishme. Shëndeti është shumë i mirë.

Virgjëresha

Ditë më e tërhequr dhe reflektuese. Ke nevojë për qetësi dhe distancë për të menduar gjërat me kthjelltësi. Në punë është moment i mirë për planifikim dhe punë në prapaskenë. Shëndeti kërkon pushim mendor.

Peshorja

Harmoni dhe bashkëpunim. Marrëdhëniet shoqërore dhe romantike janë të lehta dhe të këndshme. Në punë një bisedë e thjeshtë mund të sjellë një ide të mirë. Ndihesh i balancuar dhe me humor të mirë.

Akrepi

Duhet kujdes me stresin dhe me reagimet emocionale. Në dashuri shmang tensionet dhe krenarinë. Në punë je nën vëzhgim dhe duhet të tregosh profesionalizëm dhe qetësi. Shëndeti kërkon relaks.

Shigjetari

Ditë shumë e mirë për plane, udhëtime dhe ide të reja. Në dashuri ka dëshirë për aventurë dhe liri. Në punë je i hapur dhe kreativ, me zgjidhje të zgjuara. Shëndeti është i fortë dhe ke energji për aktivitet fizik.

Bricjapi

Fokus te gjërat praktike dhe financiare. Mund të zgjidhësh çështje të vjetra ose dokumente të rëndësishme. Në dashuri kërkon lidhje më të thellë dhe më serioze. Shëndeti është në përmirësim dhe stabil.

Ujori

Marrëdhëniet kërkojnë më shumë fleksibilitet dhe komunikim. Nëse je i ftohtë emocionalisht, mund të krijohen keqkuptime. Në punë bashkëpunimi është i domosdoshëm. Shëndeti kërkon pushim dhe relaks.

Peshqit

Ditë shumë praktike dhe e fokusuar te detyrat e përditshme. Në dashuri tregon ndjenja përmes veprimeve të vogla. Në punë je shumë efikas dhe i organizuar. Shëndeti kërkon kujdes me ushqimin dhe ritmin e ditës.

Alfred Cako: Operacioni për të ‘vrarë’ protestën, si u përdorën sanksionet ndaj kreut të PD si karrem për të vënë nën kontroll sheshin, ja pakti i fshehtë Rama-Berisha që sakrifikon lëvizjen popullore për të garantuar miliardat e Jared Kushner
Konspiracionisti Alfred Cako shprehet se heqja e sanksioneve amerikane ndaj ish-kryeministrit Sali Berisha nga SHBA fsheh një lojë të thellë. Ai ka deklaruar se protestat në vend po përpiqen të neutralizohen përmes një skenari të koordinuar politik, ku sipas tij janë përfshirë si aktorët vendas ashtu edhe faktorë ndërkombëtarë. Ai pretendon se në fazat e para, ish-kryeministri Sali Berisha dhe kryeministri Edi Rama kanë mbajtur qëndrime të përafërta në raport me investimin në Zvërnec, duke ndikuar edhe në qëndrimin publik ndaj protestuesve.

Cako thotë se kur protesta u masivizua, u tentua që ajo të merrej nën kontroll nga partitë politike dhe të kanalizohej në funksion të tyre, duke ndryshuar natyrën e saj fillestare. “Tani, ‘Non Grata’, pse erdhi? Siç e analizoj unë, në fillim, ditët e para Sali Berisha ishte në një frekuencë deklaratash me Edi Ramën: ‘Investimi do vazhdojë, mbështesim investimin’. Bashkë me ato televizionet e veta dhe me ata sharlatanët që i drejtojnë, dolën kundër protestuesve. Mirëpo nuk menduan që kjo do merrte kaq shumë masivizim.

Dhe kur e panë që nuk ndalej uragani, Sali Berisha tha: ‘Dale të fitojmë nga kjo, të përfshihemi. Një armik po s’e mundëm dot, të bëhemi me të dhe të hyjmë ta marrim ne pushtetin’. Mirëpo kjo lëvizje shqetësoi administratën e Trump-it, e cila nën presionin e Jared Kushner-it dhe sionistëve që duan të kontrollojnë Otranton, i bëjnë presion Trump-it që të qëndrojë mosmbështetës ndaj protestuesve. Në diplomaci shtetet e fuqishme nuk kanë frikë t’i tregojnë anësinë e tyre. Kur Berisha filloi të thoshte ‘të protestojmë’ dhe Partia Demokratike hyri brenda pa simbole, Trump-i u shqetësua dhe tha: ‘Do rrëzohen investimet’.

Prandaj thanë ‘tërheqim Sali Berishën nga kjo nismë’ dhe i kanë ofruar direkt karremin: i kanë thënë ‘ne të heqim Non Grata-n, ti distancohu dhe qëndro në qëndrimin e parë’. Por kjo do ta nxirrte Berishën shumë sharlatan, që brenda një periudhe të shkurtër të ndërronte tre herë qëndrimet. Atëherë këta kanë zgjedhur rrugën që PD-ja, në koordinim me PS-në, të hyjë brenda lëvizjes dhe të marrë në dorë kontrollin. Ose, në qoftë se Edi Rama detyrohet të dorëzohet, atëherë këta përgatiten që kontrollin duke e marrë PD-ja, të rikthehet prapë ajo në pushtet dhe investimet të vazhdojnë”, u shpreh Alfred Cako.

Sanksionet e Berishës

Kujtojmë se Departamenti Amerikan i Shtetit konfirmoi në një reagim pë mediat javën e kaluar se Berisha është përjashtuar nga ndalimi për të hyrë në SHBA. DASH thotë se marrja e këtij vendimi i shërben interesit kombëtar të Shteteve të Bashkuara të Amerikës. Gjithsesi, DASH nuk përmend në reagim nëse ky vendim prek edhe familjarët e ish-kryeministrit, të cilët po ashtu 5 vite më parë u futën në listën e zezë të SHBA. “Përshëndetje, Zyra e Shtypit e Departamentit të Shtetit.

Departamenti i Shtetit ka miratuar përjashtime (ëaivers) për disa nga shpalljet sipas nenit 7031(c), të vendosura nga administrata e mëparshme, pasi dhënia e këtyre përjashtimeve i shërben një interesi kombëtar bindës dhe të rëndësishëm të Shteteve të Bashkuara”, u shpreh DASH. “Ëaiver” janë përjashtime të posaçme që i jepen një personi për të hyrë në një vend, edhe pse normalisht nuk do të lejohej. Por, në reagimin e DASH nuk sqarohet nëse vendimi për përjashtimin e Berishës nga ndalimi për të hyrë në SHBA është i përkohshëm apo i përhershëm.

Me argumentet se është i korruptuar dhe minues i demokracisë, më 19 maj 2021, Shtetet e Bashkuara të Amerikës e shpallën Sali Berishën “non grata”, së bashku me familjen e tij të ngushtë, bashkëshorten dhe 2 fëmijët, Liri Berishës, Shkëlzen Berishës dhe Argita Berisha Malltezit. Vetë ish Sekretari amerikan Blinken e cilësonte Berishës si të përfshirë në veprime korruptive dhe se ka përdorur pushtetin e tij për përfitimet e tij dhe për të pasuruar aleatët e tij politikë dhe anëtarët e familjes. Mësohet se nga ky vendim kanë përfituar po ashtu edhe disa ish zyrtare bullgarë, për të cilët është pezulluar sanksionimin zyrtar nga DASH sipas “Section 7031(c)”.

Mbrëmja finale e edicionit të tretë të “Ferma VIP” u përmbyll me emocion, surpriza dhe momente që tërhoqën vëmendjen e publikut. Në fund të garës, fituesja e madhe u shpall Mimoza Ahmeti, e cila arriti të fitojë mbështetjen e publikut dhe të rrëmbejë çmimin kryesor të spektaklit.

Megjithatë, krahas momentit të triumfit, finalja u shoqërua edhe me një situatë të papritur që shkaktoi reagime të shumta në rrjetet sociale. Në kuadër të festimit të rrugëtimit të saj në program, produksioni kishte organizuar një surprizë artistike të dedikuar për Mimoza Ahmetin. P

ër këtë qëllim, në fermë u ftuan disa prej emrave më të njohur të skenës shqiptare, të cilët realizuan një interpretim të veçantë para finalistëve dhe publikut.

Pas përfundimit të performancës, Mimoza Ahmeti bëri një sqarim që habiti të pranishmit. Ajo theksoi se materiali i interpretuar nuk ishte krijim i saj, siç ishte prezantuar gjatë spektaklit. Ky reagim krijoi menjëherë konfuzion dhe ngriti pikëpyetje mbi mënyrën se si ishte përzgjedhur përmbajtja për surprizën.

Artistët pjesëmarrës sqaruan se ata kishin realizuar interpretimin mbi bazën e materialit të vënë në dispozicion nga organizatorët dhe se nuk kishin pasur rol në përzgjedhjen e tekstit. Kjo bëri që vëmendja të përqendrohej te produksioni, i cili u konsiderua nga shumë ndjekës si përgjegjësi kryesor për ngatërresën.

Megjithëse situata mund të kishte krijuar tension, Mimoza Ahmeti reagoi me qetësi dhe sportivitet. Ajo u shpreh se raste të tilla mund të ndodhin, sidomos në një kohë kur në internet qarkullojnë materiale të pasakta ose të atribuuara gabimisht autorëve të ndryshëm.

Megjithatë, për shumë shikues, episodi mbeti i pazakontë, duke qenë se lidhej me një figurë të rëndësishme të letërsisë shqiptare dhe ndodhi pikërisht në natën më të rëndësishme të spektaklit.

Pavarësisht debatit të krijuar, fitorja e Mimoza Ahmetit mbeti ngjarja kryesore e mbrëmjes. Megjithatë, incidenti me veprën e interpretuar vazhdon të komentohet gjerësisht nga publiku, i cili e konsideron atë një nga momentet më të diskutueshme dhe më të papritura të finales së “Ferma VIP 3”.

VIDEO