Lajme Flesh

Dashi

Nuk do jeni ende gati sot ta falni atë qe keni ne krah dhe do qëndroni pak larg njeri-tjetrit. Ne mbrëmje ka shume gjase qe te jete partneri qe do iu afrohet. Beqaret duhet te tregohen realiste dhe te mos kërkojnë persona perfektë. Te gjithë e kane nga një te mete. Financat duhet t’i menaxhoni me shume kujdes. Gabimi me i vogël do ju rrezikoje se tepërmi.

Demi

Ata qe janë ne një lidhje do kalojnë një nga ditët me te veçanta te javës. Gjithçka do ju realizohet si me magji kështu qe nuk do keni për çfarë te merakoseni. Beqaret duhet te pranojnë ftesat para se ata persona te fillojnë te joshin te tjerë. Ne planin financiar do kaloni një krize goxha te vështirë. Do ju duhet ndihme e miqve për t’ia dale.

Binjaket

Planetët do jene pozicionuar keq sot ne jetën tuaj ne çift dhe gjerat nuk do ecin aspak si duhet. Priten mosmarrëveshje te njëpasnjëshme. Beqaret do kenë shume pëlqime dhe nuk do dine se ke te zgjedhin. Ne planin financiar vetëm me përkujdes dhe maturi do mund t’i zgjidhni problemet qe ju kishin dale. Do jeni ne humorin e duhur.

Gaforrja

Do jeni shume idealiste sot ne jetën tuaj ne çift dhe kjo do jete pike e dobët. Qëndroni me këmbë ne toke nëse nuk doni te keni vështirësi. Beqaret ka shume mundësi te gjejnë personin e përshtatshëm ne ambientin e punës. Financat do dini si t’i menaxhoni ne mënyrë qe te mos keni probleme. Situata do jete goxha e qëndrueshme.

Luani

Duhet te bëni shume lëshime sot ne jetën tuaj ne çift ne mënyrë qe lidhja me partnerin te përmirësohet. Shtojini dozat e imagjinatës dhe provoni gjera te reja. Beqaret do ndihen si te përhumbur dhe nuk do dine çfarë te bëjnë me pare. Ne planin financiar ka rrezik te bëni çmenduri dhe te përballeni me probleme goxha serioze. Beni kujdes!

Virgjeresha

Pas një periudhe paksa delikate për jetën tuaj ne çift, sot me ne fund do i kuptoni gabimet qe keni bere dhe do mundoheni ta ndryshoni situatën. Beqaret do realizojnë takime mbresëlënëse te cilat do ua ndryshojnë te ardhmen. Ne planin financiar do duhet ta shtrëngoni pak rripin ne mënyrë qe te mos keni probleme serioze.

Peshorja

Do jeni sensuale sot ne jetën tuaj ne çift dhe do e mbani me afër atë qe keni ne krah. Do i shprehni edhe me tepër ato qe ndjeni. Beqaret duhet te tregohen shume te matur sepse do ketë persona qe do kërkojnë te tallen. Ne planin financiar duhet te përballeni me problemet ji ti anashkaloni ato. Situata mund te ndërlikohet edhe me tepër nëse i lini pas dore.

Akrepi

Dite goxha e vështirë kjo e sotmja për ata qe janë ne një lidhje. Do ju duhet te përballeni me sfida te mëdha dhe do merrni vendime me rëndësi. Beqaret do ndihen mire ne praninë e miqve dhe nuk do bëjnë asnjë lëvizje për te ndryshuar status. Ju e dini me mire çfarë te bëni. Buxhetin do e ekuilibroni sa hap e mbyll sytë. Do e gjeni çelësin e duhur për t’u qetësuar.

Shigjetari

Dite shume me e favorshme për beqaret sesa për te dashuruarit kjo e sotmja, Pritet qe takimet qe do realizoni te jene mbresëlënëse dhe fantastike. te dashuruarit do kenë një dite shume te zakonshme dhe pa asgjë te veçante. Financat nuk do jene shume te mora. Do shpenzoni shume marramendëse vetëm për t’ia bere qejfin vetes dhe kjo do jete shkatërruese.

Bricjapi

Do jeni shume te privilegjuar gjate kësaj dite ne jetën tuaj ne çift dhe do kaloni momente fantastike pranë partnerit tuaj. Beqaret do fillojnë aventura te shkurtra, por qe do ju sjellin kënaqësi pa fund. Kjo ne fakt është ajo qe ata kane dëshiruar. Ne planin financiar do jeni me shume fat dhe do e stabilizoni shume shpejt situatën. Do jeni shume me te qete.

Ujori

Po nuk u treguar te matur me xhelozinë do keni probleme serioze gjate kësaj dite. Partneri nuk do jete shume i duruar dhe as ne humor për t’iu duruar. Për beqaret nuk do ndodhe asgjë e veçante. Merrini gjerat si t’iu vijnë. Marsi dhe Jupiteri mund te sjellin probleme financiare. Nuk do dini se çfarë hapash te hidhni për ta stabilizuar gjendjen.

Peshqit

Venusi do e favorizoje mjaft sot jetën tuaj ne çift. Do e forconi bashkëpunimin me njeri-tjetrin dhe çdo gjë do ju shkoje me se miri. Planet e menduara duhet t’i diskutoni me partnerin. Beqaret do realizojnë takime te mrekullueshme qe mund te çojnë ne lidhje te qëndrueshme. Buxheti do jete i qëndrueshëm, por nuk duhet te shpenzoni shifra te mëdha.

Qeveria shqiptare ka miratuar në parim marrëveshjen e bashkëpunimit në fushën e mbrojtjes me Italinë, një hap që synon të thellojë partneritetin strategjik mes dy vendeve në fushën ushtarake.

Në të njëjtën mbledhje, Këshilli i Ministrave ka vendosur zgjatjen e misionit të Forcave të Armatosura shqiptare në Sinai të Egjiptit, deri më 30 dhjetor 2029, si pjesë e forcës shumëkombëshe të vëzhguesve (MFO).

Efektet financiare do të mbulohen nga buxheti i Ministrisë së Mbrojtjes, ndërsa vendimi hyn në fuqi pas botimit në Fletoren Zyrtare.

Më 25 qershor 2023 filloi kontributi i Forcave të Armatosura të Shqipërisë në misionin e MFO-së në Sinai, duke përfshirë 3 personel ushtarakë nga Policia Ushtarake në një rotacion 1-vjeçar.

Shqipëri-Itali

Qeveria shqiptare dhe italiane pritet të zhvillojnë më 13 nëntor në Romë një mbledhje të përbashkët, për herë të parë në historinë e marrëdhënieve mes dy vendeve, sipas raportimeve të mediave.

Takimi pritet të shënojë nivelin më të lartë të bashkëpunimit strategjik mes Tiranës dhe Romës zyrtare.

Disa ditë më parë qeveria shqiptare miratoi në parim një marrëveshje të re për bashkëpunim strategjik me qeverinë italiane, që përfshin të paktën 10 fusha – nga shëndetësia, energjia dhe mjedisi, te industria e sigurisë dhe zhvillimi inteligjent.

Në prill, tre anije italiane mbërritën në Portin e Durrësit, mes tyre edhe anija patrulluese “Libra”, e cila iu dhurua Flotës Detare shqiptare për të forcuar kapacitetet e patrullimit në det të hapur.

Gjykata e Selanikut dënoi me burgim të përjetshëm një 47-vjeçar shqiptar i cili vrau gruan e tij greke. Ai u shpall fajtor për vrasje, tentativë vrasjeje kundër djalit të gruas dhe shkelje të ligjeve për armët.

Krimi u regjistrua mëngjesin e 1 dhjetorit të vitit 2024. 47-vjeçari i cili besonte se nënë e bir kishin një aferë, shkoi në shtëpi në orën 8 të mëngjesit i armatosur që t’i vriste. Sipas dëshmive të fëmijëve të gruas, atë ditë nuk pati grindje, megjithatë pati një skenë xhelozie dhe viktima i kërkoi atij të largohej nga shtëpia.

47-vjeçari mblodhi gjërat e tij dhe shkoi të qëndronte me vëllain e tij. Por doli që gjatë atyre katër ditëve ai kishte vendosur t’i merrte jetën gruas së tij dhe djalit të saj, me të cilët besonte se po kryente marrëdhënie.

I akuzuari deklaroi gjithashtu se e dinte që gruaja e tij kishte një lidhje me një burrë tjetër. Duke iu referuar asaj që kishte ndodhur disa ditë më parë, ai foli për shenjën në buzët e saj që ai pretendon se e kishte gruaja dhe kjo ishte ajo që “ndezi” dyshimet e tij.

Ai pretendoi se menjëherë pas vrasjes shkoi në polici për t’u dorëzuar, por pa e ditur saktësisht se çfarë kishte ndodhur, pasi ishte ngatërruar. Megjithatë, sipas deklaratës së tij në polici, ai kishte pranuar në atë kohë se donte të vriste nënën dhe djalin.

Teksa ishim në kërkim të një fotoje ilustruese për vjedhjen e fundit të parave publike nga Operatori i Blerjeve të Përqëndruara, institucionit që drejton drejtoresha Arlinda Pogaj, hasëm në vështirësi për identitikimin e saj…

Kjo për shkak se në rrjet rezultonin foto të ndryshme të Pogajt me ato çfarë drejtoresha ka ilustruar veten në profilet e rrjeteve sociale, një pamje tërësisht e panjohur e drejtoreshës e cila duket sikur ka bërë transplant fytyre për t’i shpëtuar burgut pas zbulimit të vjedhjeve të fondeve publike.

Mund të mos i besoni syve, por është i njëjti person.

Duket se drejtoreshës, investimet serioze tek vetja pas marrjes së postit, i kanë rënë me të bërit nënë.

Paratë e popullit bëjnë punën e tyre, ndarja e pazareve me oligakët në tendera ka dhënë frutin e saj pasi duket se drejtoresha kishte gjetur eliksirin e jetës: Botox të financuar nga taksat e shqiptarëve, që fatkeqësisht duket se i ka rezultuar skarco.

inistri izraelit i Diasporës kritikoi Zohran Mamdanin, i cili u zgjodh kryetar bashkie i Nju Jorkut në SHBA ditën e djeshme, duke e quajtur atë një “mbështetës të Hamasit”. Në deklaratën e tij, Amihai Shikli i bëri thirrje hebrenjve të qytetit të emigrojnë në Izrael.

“Qyteti, dikur simbol i lirisë në botë, sapo ia ka besuar çelësat e tij një mbështetësi të Hamasit. Nuk janë shumë larg atyre të fanatikëve islamistë që, 25 vjet më parë, vranë tre mijë njerëz. Nju Jorku nuk do të jetë kurrë i njëjtë, para së gjithash për komunitetin hebraik”– tha Shikli.

Në muajt e fundit, Zohran Mamdani ka folur disa herë kundër antisemitizmit, duke denoncuar islamofobinë. Mamdani ka mbështetur prej kohësh kauzën palestineze. Qëndrimet e tij ndaj Izraelit, të cilin ai e ka përshkruar si një “regjim aparteidi” dhe sulmin e të cilit në Rripin e Gazës e ka denoncuar si “gjenocid”, kanë shkaktuar reagime të forta, kryesisht zemërimin e komunitetit hebre.

Zohran Mamdani, 34 vjeç, do të bëhet kryetari i parë mysliman i bashkisë i Nju Jorkut në janar.

Aleksia Peleshi, vajza e Niko Peleshit ka rrëfyer hapur se është konvertuar në fenë islame.

E njohur dikur për jetën aktive në rrjete sociale dhe për paraqitjet me stil modern e shpesh provokues, Aleksia ka ndryshuar plotësisht mënyrën e jetesës, duke zgjedhur një stil më të thjeshtë e modest, shpeshherë edhe e mbuluar me shami.

Në rrëfimin e saj, ajo ka mohuar aludimet se vendimi për t’u konvertuar ka ardhur për arsye romantike.

“Qetësohuni, kurrë nuk do konvertohesha për dikë”, është shprehur Aleksia, duke shtuar se udhëtimi i saj shpirtëror ka nisur pesë vite më parë, kur për herë të parë kishte marrë pjesë në faljen e xhumasë.

Sipas saj, rruga drejt besimit ka qenë e gjatë dhe e menduar me kujdes:

“M’u deshën vite që të ndieja momentin e shahadetit. Ky ka qenë një vendim i pjekur,” – ka theksuar ajo.

Aktualisht, Aleksia jeton mes Spanjës dhe Egjiptit, ku duket se ka gjetur balancën mes besimit fetar dhe jetës moderne.

Kryeministri Edi Rama është shprehur se qeveria e tij nuk do të largohet nga pushteti, “pa sjellë BE në Shqipëri dhe pa e bërë vendin anëtare të saj”.

“Më tutje do të shohim e bëjmë sipas asaj që do të vendosë populli”, tha Rama në konferencën me ambasadorin e BE-së, Silvio Gonzato, i cili i dorëzoi progres raporton për Shqiprinë.

Kryeministri theksoi se afrimiteti i vendit me Unionin është garanci për të gjithë, si mbështetës ashtu edhe kundërshtarë të qeverisë.

“Ndihuni mirë të gjithë, qoftë mbështetës e kundërshtarë të kësaj qeverie pasi i ka bërë detyrat”, tha Rama.

Edi Rama: Raporti ka edhe arritjet, edhe problemet në të gjitha fushat. U thotë shqiptarëve se Shqipëria po ecën në rrugën e duhur dhe se çfarë duhet të bëjmë më mirë për të arritur objektivin.

Ata që nuk e duan këtë qeveri duhet të ndihen shumë mirë, sa më pranë BE të jemi aq më shumë kujdes do të kenë, Ndihuni mirë të gjithë, qoftë mbështetës e kundërshtarë të kësaj qeverie pasi i ka bërë detyrat.

Afrimiteti me BE është garanci për të gjithë, mbështetës e kundërshtarë të qeverisë jemi në kohë të ndryshme sipas qeverive që shkojnë e vijnë, kjo e jona nuk do të shkojë pa sjellë BE në Shqipëri dhe pa e bërë Shqipërinë anëtare krenare të BE.

Më tutje do të shohim e bëjmë sipas asaj që do të vendosë populli.

“Nëse doni që ne të sjellim në pushtet ata që ranë dakord me pavarësinë e Kosovës në vitin 2008, nuk është problem”

residenti i Serbisë, Aleksandar Vuçiç ka bërë një deklaratë të fortë, duke paralajmëruar popullin e tij se për të hyrë në Bashkimin Europian, duhet të njohin pavarësinë e Kosovës.

Në një konferencë për media në Bruksel, Vuçiç shtoi po ashtu se një tjetër kush është vendosja e sanksioneve ndaj Rusisë, për luftën me Ukrainën.

“Më thoni, a dëshironi që të jetë kështu politika? Nuk mendoj se duhet ta njohim një Kosovë të pavarur, nuk mendoj se duhet të vendosim sanksione ndaj Rusisë. Më thoni, a mendoni se duhet bërë kjo? Unë nuk do ta bëj. Më thanë bëjeni brenda një viti dhe ja ku jeni në Bashkim Evropian. Është gjeopolitikë e pastër

Nëse doni që ne të sjellim në pushtet ata që ranë dakord me pavarësinë e Kosovës në vitin 2008, nuk është problem, zgjidhni ata. Vetëm para kësaj ata duhet t’i fitojnë zgjedhjet. Dhe ja ku jemi me një shpejtësi të pabesueshme anëtarë të Bashkimit Europian”-, tha Vuçiç referuar edhe protestave që kanë nisur në Serbi kundër tij.

Një skandal lidhur me mjekun e Qendrës Shëndetësore nr.10, Sinan M po trajtohet sot në emisionin “Stop”.

Një qytetare i drejtohet fillimisht një farmacie pranë qendrës për shkak të shqetësimeve shëndetësore, ku takon doktorin, i cili prezantohet si mjek dhe i mat tensionin. Ai e fton qytetaren të shkojë në qendrën shëndetësore për një kontroll më të plotë.

Biseda mes tyre:

Qytetarja – Si jeni? Të të pyes, nëse mund të marr ndonjë gjë kështu, se po ndiej si këputje, si aritmi, se këtu po të shkosh te qendra për të bërë vizitë…

Dr. Sinan M – Ta bëj unë vizitën, o goce, s’është problemi aty, se unë jam doktor, po mate njëherë tensionin ta shohim!

Qytetarja – Po ma bëre…!

Në vizitën e parë doktori tregohet i afërt dhe përpiqet të krijojë raport personal, duke e pyetur qytetaren për jetën private, gjendjen civile dhe origjinën.

Dr. Sinan M – Po mate tensionin njëherë!

Qytetarja – Ok!

Dr. Sinan M – Sa?

Farmacisti – 12, 8 e gjysmë.

Dr. Sinan M – Tani, këtë këputjen, e ke disa ditë?

Qytetarja – U bë nja dy, tre ditë.

Dr. Sinan M – Ju jeni gocë, jeni e martuar?

Qytetarja – Jam e ve.

Dr. Sinan M – S’ka gjë, s’të pyeta më gjatë. Nga ça rrethi vjen?

Qytetarja – Nga L***!

Dr. Sinan M – 10 me 7 e ke të ulët.

Qytetarja – Është i ulët?

Dr. Sinan M – Regjistroje pak emrin aty kësaj gocës! Vetëm ço të paktën, ço pak këtë kështu! Çoji më rrobat goce, se… Ulu aty, s’ka problem, se s’desha me të shtri! Çoji më rrobat mirë! Ça paske kështu? Si më rrike..! Për momentin, për momentin, nuk shikoj ndonjë gjë. Thjesht të ka ra tensioni. Në qoftë se do ndihesh keq, po të jap numrin e telefonit edhe bjeri telefonit. Edhe po qe se ashtu, bëj një serum. Në qoftë se ti ndihesh keq, edhe thuaj, përmend emrin tim. 69xxxxxx

Qytetarja – Doktor?

Dr. Sinan M – Sinani. Nji Sinan ka këtu.

Në vizitën e dytë, doktori i sugjeron të bëjë check-up falas, duke përmendur emrin e tij. Ai vazhdon me një sjellje, që e tejkalon marrëdhënien profesionale mjek-paciente.

Dr. Sinan M – Si jeni? Mirë? Të ka ra imuniteti. Do bësh një palë analiza gjaku. A do t’i bësh?

Qytetarja – Do i bëj, se…

Dr. Sinan M – Falas i ke! 12 me 9! Je një çikë frikacake. Shtrihu lart! Tani, sa vjeç ishe ti goce?

Qytetarja – XX!

Dr. Sinan M – XX. Ok! Tani ngjitu pak lart bëj edhe atë check up-in! Për 4 ditë të vijnë në e-Albania. Ti je në punë?

Qytetarja – Po! Po!

Dr. Sinan M – Prapë sot?

Qytetarja – Po në punë, nga puna u shkëputa.

Dr. Sinan M – Si je me problemet e menstruacionet e kështu gjërash?

Qytetarja – Të rregullta i kam pas.

Dr. Sinan M – Në kuptimin, flas, nuk ke pas ndonjë shqetësim, ndonjë diçka?

Qytetarja – Jo, s’është se kam vënë re ndonjë gjë.

Dr. Sinan M – Ngjitu lart aty vetëm me kartë identiteti! Thuaj jam me doktor Sinanin. Dakord? Mos e zgjat më muhabetin, jo kështu, jo ashtu!

Në vizitën e tretë, kur ndodhet i vetëm në zyrë, sjellja e tij kthehet në ngacmim seksual të hapur dhe të përsëritur.

Qytetarja – Doktor!

Dr. Sinan M – Super korrekte. Të ishe vonu edhe pak…

Qytetarja – Jo, po ngaqë më the pas orës 2 edhe prandaj…

Dr. Sinan M – Kishe marrë…?

Qytetarja – Do flasim për check up-in apo jo? Jo! Jo! Prit njëherë! Po prit, o..!

Dr. Sinan M – Check up-i është ashtu… Tani unë do të them vetëm një diçka.

Dr. Sinan M – Tani, sa kohë ke, që je divorcuar?

Qytetarja – U bënë vite.

Dr. Sinan M – Unë, kur të ftoj, ti e di. Unë nuk të ftoj kot. Unë të ftoj plot. Thjesht, ti m’u duke si e pafajshme, në kuptimin tamam të fjalës. Kur fillove fole pastaj, kuptova, që je për mu. Ja për shembull, tani të ka filluar aritmia menjëherë.

Qytetarja – Doktor! Të lutem! Prit!

Dr. Sinan M – Jo! Jo! Jo, se do pres unë. Unë desha vetëm për aritminë, se të ka filluar pak rrahja e zemrës.

Qytetarja – Po ndoshta nga sikleti tani.

Dr. Sinan M – Hë më, se ça sikleti do kesh ti?! Unë e ti dhe dhoma. Një sekondë! Ulu pak këtu!

Qytetarja – Hë, jo, jo, s’ka gjë! Ja, se unë po ulem këtu!

Dr. Sinan M – Dakord! Atëherë ke një diçka domethënë…

Qytetarja – Po prit! Më lësho dorën!

Dr. Sinan M – Ke ndonjë lidhje?

Qytetarja – Ncuq!

Dr. Sinan M – Nuk ke?

Qytetarja – Jo!

Dr. Sinan M – Sa u skuqe më… Ç’pate?

Qytetarja – Po tani pata siklet. Nuk e di, se unë erdha për vizitën, thashë do flasim për vizitën, për check up-in, që më the, se s’kisha kohë.

Dr. Sinan M – Jo unë…Flasim pastaj, se check up-in e bëjmë nesër!

Qytetarja – Po sot?

Dr. Sinan M – Sot do e bëjmë, të marrësh veten dhe do ta bëjmë. Dëgjo ti je, je me një moshe, që e kuptojmë njëri-tjetrin. Besoj, që ti, nuk është se të ik gjë. Të ka ik gjë domethënë nga ajo pjesa? Nuk të ka ik gjë. Më përpara dhe mund të ketë rrëshket nai gjë.

Doktori i bën komente me përmbajtje erotike, e ngacmon fizikisht, i bën ftesa me nënkuptime seksuale dhe mundohet të krijojë një situatë intime, duke shkelur rëndë etikën profesionale.

Dr. Sinan M – Me këta unë i kam thjesht, nuk dua, nuk dua as me i pa, me hedh sytë. Është ditë për ditë në punë. Tani, unë për grua, e kam një në shpi. Po e zure këtë këtu, që e ke zënë të dashur këtej, ke ik, se ti e ke grua pastaj, se ajo s’të len. Ore, unë kisha atë infermieren tjetër, që kam heq dhe aq më bezdiste, se po t’vishe ti dy herë-tre herë, ajo pastaj, sa hysh ti brenda, ajo të shifte ty nga maja e kokës te fundi i këmbës.

Dr.Sinan M – Ishin nja dy goca, të betohem, ishin shumë të reja. Ishin praktikante. Unë vetëm, ato të dyja. Po ju?

Dr.Sinan M – Praktikante. Po shumë mirë, ça viti jeni? – i thashë unë. A ikim, hamë një drekë diku? Ju çoj unë me makinë në një fshat andej nga Bërzhita. Okej, ne na ke, thonë. Luta një shok të vijë, dy, tre, se ishin dy këto, por pesë veta nuk erdhën. Ika vetëm. Ça të bëja unë i shkreti…

Pacientja – Të zuri halli ty, doktor?

Dr.Sinan M – Më zuri halli…Edhe bëmë treshe, se i binte treshe, dmth. Tani u qetësove, që t’i mas prapë të rrahurat?

Qytetarja – Hë, s’ka gjë e jemi mirë. Tani do shtrihem unë të vizitohem aty, apo ti tashi…?

Dr. Sinan M – A t’i heq pak kartelat?

Qytetarja – Jo! Jo! Tani, o doktor, tashi..!

Dr. Sinan M – Po mirë! Ulu pak, se s’ka nai gjë!

Qytetarja – Tani, këtu jemi në zyrë.

Dr. Sinan M – Zyrë vari lesht’, se zyrë shteti!

Qytetarja – Qendër shëndetësore!

Dr. Sinan M – Po ça qendër leshi?! Vetëm këtu, andej kemi këta… I kemi të monitorume.

Qytetarja – Tani të flasim për vizitën, se për vizitën erdha!

Dr. Sinan M – Unë dhe t’u afrova, për vizitën.

Qytetarja – Po ti m’u afrove, por ajo nuk është vizitë. Jo! Jo! Të lutem! Jo! Jo! Doktor! Jo!

Dr. Sinan M – Po më shtyn kështu!

Qytetarja – Po të shtyj normal, se po më vjen sipër. Normal, që po të shtyj. Normal, që po të shtyj. Hë, se dëgjohemi jashtë!

Dr. Sinan M – Po vari mo k* rin! Mu më shumë sesa…  vari leshtë atyre, se… aty më rri mu, më plasi k*ri për to. As më rr*het fare! I fus çelësin tani ene vetëm me të dhënë ty puthje.

Qytetarja – Jo! Jo! Doktor, të lutem!

Doktori  – Mirë!

Në bisedat e mëtejshme doktori shfaq gjuhë të papërshtatshme, ofendon kolege femra dhe flet hapur për dëshira seksuale.

Dr. Sinan M – Mos ke qejf ndonjë kështu, gotë?

Qytetarja – Ça gote?

Dr. Sinan M – Pimë ndonjë duhan dhe pak raki!

Qytetarja – Eh, ç’na stresove doktor!

Dr. Sinan M – Mirë të them Exxxx, tani kam qejf të shkoj me ty!

Qytetarja – Vij për vizitë e më thotë doktori, “dua të shkoj me ty”…

Dr. Sinan M – S’e ke bezdi ta heq pak. Zhvishu doktor! Ja, sa t’i fus çelësin derës! Do ta ngresh çikë?

Qytetarja – Jo! Unë piva, s’pi dot më. Jo! Jo! S’pi dot më!

Dr. Sinan M – Hë moj, se s’është ndonjë gjë ça…

Qytetarja – Nejse, se sot ke pi një çikë ti…

Dr. Sinan M – Jo! Piva, se të prita ty, me thonë të drejtën.

Qytetarja – O doktor! Të lutem! O doktor! Të lutem! Të lutem! Se po e mora situatën në dorë, do zhvishesh aty, ku je pastaj!

Dr. Sinan M – Normal, që do zhvishem!

Qytetarja – Jo! Jo! Ik te vendi jot! Dil, dil te vendi jot! Jo! Jo! Jo, jo, jo, jo, jo mor doktor..! Seriozisht e more?

Dr. Sinan M – Jo ti…

Qytetarja – Jo, jo doktor! Doktor, jo! Të lutem! Jo,jo,jo..!

Dr. Sinan M – Mirë! Ka ndonjë gjë? S’ka ndonjë gjë!

Doktor Sinani thotë se ka pasur të dashur një infermiere, ndërsa me dy praktikante njëherësh ka kryer raport. Ai i ofron pacientes raki dhe duhan, i bën propozime seksuale të drejtpërdrejta dhe tenton ta prekë fizikisht.

Dr. Sinan M – Megjithatë dëgjo! Unë mendoj kështu!

Qytetarja- Hë!

Dr. Sinan M – Më mirë ta bëjmë! Mos e zgjat kot, sepse është më e këndshme ta bëjmë, se mos ta bëjmë!

Qytetarja – O doktor!

Dr. Sinan M – S’ka gjë edhe ato do i bëjmë. Megjithatë, tani unë ta kërkova. Tani më thuaj po, jo!

Qytetarja – Jo doktor, se s’kam ardhur për atë punë!

Dr. Sinan M – Jo sot moj! Hahahahha..! Hajt ta mat dhe njëherë tensionin! Fati im është, që të njofta! Pse ma çoi Zoti

Qytetarja – Jo! Jo!

Dr. Sinan M – Jam i keq!

Qytetarja – I keq? Të lutem! Doktor të lutem! Tani më lësho, se më…! Tani, të lutem! A po e mat, apo s’po e mat tensionin tani? Do ma heqësh këtë?

Dr. Sinan M – Po ti e din, që në fund hiqet ai…/Tv Klan

Për herë të parë vitin e ardhshëm do të aplikohet zbritje tatimore për tatimpaguesit me fëmijë në ngarkim nën 18 vjeç. Njërit nga çifti i prindërve që kanë fëmijë nën 18-vjeç do t’i zbriten 48 mijë lekë, nga tatimi e paguara mbi pagën gjatë këtij viti në momentin kur do të plotësojnë Deklaratën Individuale të të Ardhurave Personale, në mars të vitit 2026.

Pra për çdo fëmijë nën 18 vjeç do të përfitohet një zbritje në vlerën e 48 mijë lekëve.

“Në vitin 2026 do të zbatohet për herë të parë politikat e zbritjes së shumës prej 48 mijë lekë për çdo fëmijë nën moshën 18 vjeç. NË baza të përllogaritjeve rezulton se administrata tatimore do të kompensojë rreth 1.5 miliardë lekë”, thuhet në relacion.

Për vitin që vjen kostoja për këtë zbritje është parashikuar në vlerën 1.5 miliardë lekë ose 15 milionë euro. Nga një përllogaritje rezulton se kjo zbritje planifikohet të jepet 31.250 fëmijë.

Po ashtu nga viti 2026 prindërit me të ardhura vjetore jo më shumë se 1.2 milionë lekë në vit, do të përfitojnë edhe zbritje për shpenzimet për arsimimin e fëmijëve deri në vlerën 100 mijë lekë.

Pra nëse merr më pak se 100 mijë lekë (1000 euro) në muaj pagë, përmes faturave të ruajtura për shpenzimet e bëra për arsimimin e fëmijës mund të përfitosh deri në 100 mijë lekë zbritje nga tatimet. Edhe këtë zbritje e merr pasi të plotësosh DIVA-n vitin që vjen.