Lajme Flesh

Dy denoncime të pazakonta kanë mbërritur në redaksinë e emisionit “Tak Fak”. Dy qytetarë, njëri që banon prej vitesh në Gjermani dhe një tjetër që jeton në Shqipëri, mendojnë se kanë rënë pre e një përndjekje, shumë të ndryshme nga ajo klasike, siç bëhej dikur këmba këmbës. Ata thonë se përndjekja bëhet me anë të mikroçipave që u janë vendosur në trup, por nuk dihet se nga kush.

Madje as ata vetë nuk e dine, ashtu siç nuk dinë qëllimin përse janë ata të përzgjedhurit.

“Jam Enver Smira dhe dua të denoncoj një rast që më ka ndodhur. Sipas shenjave mendoj se kam 35 çipa në trup. Janë dy lloje, më së shumti janë të holla e të gjata dhe në formën e orizit të tjerat, futen në një gjilpërë në lëkurën tënde dhe këto më japin rrezik, të mpihet trupi nga rrezet, nuk ke fuqi”, thotë denoncuesi.

Ndërsa një tjetër denoncuese e intervistuar nga gazetari i “Tak Fak”, Marsel Rupi, thotë se e përgjojnë dhe në fund të 2019 e ndjente se monitorohej.

“Më kanë vendosur përgjues në dhëmballë. Kanë qëllim të më kontrollojnë se ku jam. Nuk ma marrin përsipër dentistët ta heqin mikroçipin. Jam e sigurtë që shumë njerëz e dinë por nuk flasin. Dyshoj te individë, por jo te institucione. Dhe kjo është shumë shqetësuese”, thotë gruaja për “Tak Fak”.

Liridon Rexhepi, shqiptari nga Kosova i akuzuar se ka vepruar si koordinator financiar për agjencinë e inteligjencës izraelite Mossad në Turqi, do të përballet me deri në 35 vjet burg, sipas një aktakuze të ngritur nga Zyra e Prokurorit Publik të Stambollit.

Aktakuza, e përgatitur nga Zyra e Kryeprokurorit Publik për Hetimin e Krimeve Terroriste, pretendon se Rexhepi transferoi fonde të dërguara nga Mossadi te individë, shtetas turq dhe të huaj, të cilët ishin nën hetim për spiunazh. Këto transferime thuhet se u bënë për të mbështetur operacionet e inteligjencës, duke përfshirë mbikëqyrjen dhe mbledhjen e të dhënave.

Hetimi, i nisur pas përpjekjeve të përbashkëta nga Organizata Kombëtare e Inteligjencës e Turqisë (MIT) dhe Dega Kundër Terrorizmit e Departamentit të Policisë së Stambollit, zbuloi se Rexhepi punoi me bashkëpunëtorin vendas Yildiray Boztepe për të kryer mbikëqyrje me dronë në zonat e banuara ku jetojnë shtetas palestinezë, veçanërisht në distriktet Buyukcekmece dhe Başaksehir.

Në dëshminë e tij, Boztepe pohoi se kishte punuar profesionalisht në videografi me dron dhe se ishte kontaktuar në vitin 2020 nga një burrë i quajtur Abdullah, i cili përdori një numër telefoni të huaj për të kërkuar pamje nga ajri të një prone.

Ai tha se kishte marrë kërkesa të shumta të ngjashme nga Abdullahu dhe ishte paguar përmes ndërmjetësve të ndryshëm pa i ditur individët që transferuan fondet.

Iu arratis “nga duart” i arrestuari në Elbasan, AMP “ndëshkon” 3 punonjës policie
Discover
Djali i Gentiana Hudhrës rrëfen takimin me të atin para krimit: Hëngra akullore me babin, më pas shkoi dhe vrau mamin

Presidenti turk Rexhep Taip Erdogan ka mbajtur një fjalim të fortë, teksa ka deklaruar se vendi i tij planifikon të rrisë prodhimin e raketave me rreze të mesme dhe të gjatë.

Erdogan tha se një vend është i prekshëm nëse nuk është i fortë politikisht, ekonomikisht, shoqërisht dhe ushtarakisht.

“Si komb, preferojmë të vdesim sesa të jetojmë me turp”, tha ndër të tjera Erdogan.

“Tani po planifikojmë prodhimin e raketave për të rritur rezervat tona me rreze të mesme dhe të gjatë veprimi në një nivel të besueshëm parandalues.

Së shpejti, do të arrijmë një kapacitet mbrojtës që askush nuk do të guxojë ta sfidojë. Kemi hyrë në fazën e prodhimit të sistemeve tona në sasi që vërtet përforcojnë aftësinë tonë parandaluese. Nëse nuk je i fortë politikisht, shoqërisht, ekonomikisht dhe ushtarakisht, të mungon aftësia parandaluese – dhe je i prekshëm.

Si komb, preferojmë të vdesim sesa të jetojmë me turp. Më mirë të prehemi me nder nën tokë sesa të jetojmë pa nder mbi të”, tha Erdogan.

Në deklaratën e bërë pas mbledhjes së kabinetit, Erdogan tha se Izraeli po rrezikon ekzistencën e vet me veprimet që po kryen.

“Me çdo shtypje që kryen, çdo gjak që derdh, çdo krim kundër njerëzimit që kryen, Izraeli po rrezikon ekzistencën e vet dhe të ardhmen e shoqërisë së tij, hap pas hapi”, tha ai.

Gazetarja Klodiana Lala, e ftuar në një emision televiziv, ka folur për procesin ndaj Erion Veliajt, që vijon të jetë në paraburgim që nga shkurti i këtij viti.

Lala tha se pritet që vendimi i Gjykatës së Lartë për masën e sigurisë ndaj Veliajt të jepet brenda korrikut, ndërkohë që shtoi se precedentët e kësaj gjykate, e bëjnë të besojë se Veliaj ka pak gjasa të lirohet.

Megjithatë Lala tha se rasti Veliaj, ka një komponent më shumë se rastet e Berishës dhe Metës, që u rrëzuan, pasi ai vijon të jetë kryebashkiak i Tiranës dhe ushtron një funksion, ndaj gjykata do ta analizojë edhe këtë fakt.

“Veliaj ka ushtruar rekurs në Gjykatën e Lartë. Ai pretendon se nuk ekzistojnë kushtet dhe kriteret, mundësia që zoti Veliaj të arratiset jashtë vendit, për të intimiduar provat. Pretendojnë se Veliaj, duke qenë kryetar bashkie duhe të ushtrojë detyrën.

Sipas ligjit, pasi caktohet relatori, caktohet një datë. Besoj se do të shqyrtohet brenda korrikut. Praktika ka treguar se, duke marrë në konsideratë rastet e tjera, brenda korrikut besoj se do të shqyrtohet. Kjo çështje mund shqyrtohet pa praninë e palëve, siç ishte në rastin e zotit Meta.

Gjyqtarja është Albana Boksi, ka shkuar nga apeli i krimeve të rënda. Është konsideruar me integritet, ka kaluar vettingun. Ka qenë nga grupi i parë i gjyqtarëve që shkuan nga apeli i posaçëm në Gjykatën e Lartë. Por është treshe gjykuese, jo një gjyqtare e vetme, është e rëndësishme të shohim edhe gjyqtarët e tjerë.

Ka patur edhe zhvillime me rëndësi, dy seanca në Apelin e Posaçëm. Njëra do të jetë ditën e nesërme, për informacionin dy mujor. Avokatët pasi të njihen me provat e prokurorisë, mund të kërkojnë zëvendësimin e masës së sigurisë. Mbetet për t’u parë se çfarë provash do të sjellin prokurorët për këto dy muajt e dytë.

I vetmi ndryshim i zotit Veliaj në raport me funksionarët, ka të bëjë me detyrën. Qëndrimi do të jetë, prevalon qëndrimi i prokurorisë, apo detyra e tij? Sepse Meta, Berisha, Beqja, nuk kishin detyrë. Pra balancohen. Është kaq i fortë dyshimi për prishje provash, apo janë provat kaq të forta, sa e duan Veliajn në burg? Apo mund të hetohet në gjendje të lirë dhe të ushtrojë detyrën? Në rastet e tjera nuk ka patur diskutim të tillë.

GJL nuk ka liruar për veprat penale korrupsion. Gjasat për tu liruar janë të pakta, por i vetmi aspekt që është ndryshe, është ushtrimi i detyrës, aty insistojnë edhe avokatat”, tha Lala.

Lidhur me postimet e Veliajt në Tik Tok, Lala tha se nuk i duken si mesazhe kërcënuese, pasi gjuha e Veliajt është zbutur pas sulmit që u bëri prokurit dhe gjyqtarit.

“E marr me skepticizëm. Veliaj nuk po paraqitet më në gjykatën e posaçme. Në raport me gjuhën e ashpër që ai kishte dhe që prokuroria thoshte ka sulm të koordinuar, tani ka bërë hap pas. A mund të jetë strategji e re për të sulmuar ata që mendon si kundërshtarë? Këtu pastaj…”, tha ndër të tjera Lala.

Një video e re është publikuar nga tragjedia në Indi, ku avioni i Air India u rrëzua në Ahmedabad javën e kaluar. Në video shihet i mbijetuari i vetëm duke qëndruar në këmbë dhe i padëmtuar.

Vishwas Kumar Ramesh u nxor nga rrënojat pasi doli nga dera e thyer e daljes së emergjencës pranë tij.

Videoja tregon 40-vjeçarin duke u larguar nga vendi i ngjarjes , pa lëndime serioze. Pasi u vu re nga kalimtarët, ai u dërgua në një vend të sigurt dhe më pas në spital. Ramesh, një indian që ka jetuar dhe punuar në Britani për shumë vite, ishte ulur në sediljen 11A, pranë dyerve të daljes së emergjencës mbi krahët e përparmë.

Kjo është pjesa më e fortë strukturore e aeroplanit dhe u jep pasagjerëve shansin më të mirë për të mbijetuar përplasjen fillestare. Vëllai i tij, Ajay, i cili ishte ulur në një rresht tjetër sediljesh, vdiq kur aeroplani u rrëzua.

Në total, më shumë se 270 persona u vranë në bord dhe në tokë kur ai u përplas në një konvikt policie.

Konflikti mes Izraelit dhe Iranit po përshkallëzohet në një betejë me implikime të mëdha strategjike dhe ekonomike, duke e kthyer situatën në një luftë energjitike me pasoja globale. Në fokus janë sulmet e fundit në impiantet e naftës dhe gazit të Iranit në Bandar Abbas dhe South Pars, që kanë tronditur tregjet ndërkombëtare të hidrokarbureve dhe kanë ngritur shqetësime për destabilizimin e furnizimeve globale.

Kërcënimet e Teheranit për të bllokuar Ngushticën e Hormuzit – një nga nyjet më të rëndësishme detare për transportin e naftës që kalon rreth 30% e tregtisë globale të naftës – kanë alarmuar komunitetin ndërkombëtar dhe tregjet e energjisë. Një bllokadë e tillë do të godiste eksportuesit kryesorë në Lindjen e Mesme, përfshirë Irakun, Kuvajtin, Arabinë Saudite dhe Katarin, duke krijuar një krizë të rëndë në furnizimet me energji.

Në mënyrë paradoksale, një rritje e çmimit të naftës do të shërbente si një ‘frymëmarrje ekonomike’ për Rusinë, e cila varet në masë të madhe nga të ardhurat nga eksporti i hidrokarbureve. Për Moskën, një destabilizim në Lindjen e Mesme mund të përkthehet në një avantazh strategjik në tregjet globale të energjisë.

Situata komplikohet edhe nga aktivitetet e Huthëve në Jemen, një grup i mbështetur nga Irani, që ka kryer sulme ndaj anijeve tregtare në Detin e Kuq, duke rritur rrezikun për trazira më të gjera në rrugët kryesore të transportit detar.

Çmimet e naftës vazhdojnë të rriten në bursat aziatike, duke ndjekur rritjen prej 13% në javën e fundit. Kjo tendencë mund të nxisë një valë inflacioni globale, që do të vështirësonte politikat monetare të Rezervës Federale të SHBA-së, duke e bërë më të vështirë uljen e normave të interesit në perihten afatmesme.

Në Evropë, tregjet financiare shfaqin kujdes të shtuar, ndërsa investitorët ndjekin me vëmendje çdo zhvillim në përfshirjen e Shteteve të Bashkuara në konflikt. Presidenti Donald Trump ka lënë të hapur mundësinë e ndërhyrjes amerikane, çka i shton më shumë tensione në rajon.

Në këtë situatë të paqëndrueshme, çdo përshkallëzim i konfliktit mes Izraelit dhe Iranit mund të ketë pasoja të rënda për ekonominë globale dhe sigurinë energjitike, duke theksuar rëndësinë e diplomacisë dhe menaxhimit të krizave në një rajon të rëndësishëm për tregjet botërore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Televizioni shtetëror i Iranit është sulmuar nga Izraeli gjatë një transmetimi live. Gjatë momentit kur spikerja po jepte lajmet, godina u trondit nga një shpërthim i fuqishëm.

Në një video të publikuar në platformën X, shfaqet qartë momenti kur studioja e lajmeve mbulohet nga tymi, ndërsa spikerja largohet menjëherë nga ekrani për shkak të situatës së rrezikshme.

Sipas The Jerusalem Post, ky sulm ishte paralajmëruar më herët nga Ministri Izraelit i Mbrojtjes, Israel Katz, i cili kishte deklaruar se “zëdhënësi i propagandës dhe nxitjes iraniane është në rrugën e zhdukjes”, duke shtuar gjithashtu se ka filluar evakuimi i banesave përreth godinës së televizionit.

#BREAKING Iran's state-run Hamshahri newspaper says several state broadcaster employees have been killed in the Israeli airstrikes which targeted the IRIB news channel. pic.twitter.com/DALpwN5ntd

— Iran International English (@IranIntl_En) June 16, 2025

Një helikopter që transportonte katër turistë amerikanë është rrëzuar në det në portin turistik të Vuliamenit, në jug të Athinës.

Sipas autoriteteve greke, të gjithë personat në bord, përfshirë pilotin grek, janë shpëtuar nga ekipet e emergjencës dhe ndodhen në gjendje të mirë shëndetësore, me vetëm lëndime të lehta.

Ngjarja ndodhi pak çaste pas ngritjes, ndërsa helikopteri ra në det mes jahteve të ankoruara në marinë.

Dyshohet se shkak i aksidentit mund të ketë qenë një defekt në motor. Autoritetet kanë nisur hetimet për zbardhjen e plotë të shkaqeve.

Helicopter Crash in Vouliagmeni Bay
A helicopter crashed into the sea near the Athens resort suburb of Vouliagmeni, carrying five passengers, all of whom survived, according to Greek TV channel Skai. The incident occurred in a bay close to the shore, prompting an immediate rescue… pic.twitter.com/ckno7VFof7

— aircraftmaintenancengineer (@airmainengineer) June 15, 2025

Establishmenti demokrat zbriti këtë fundjavë në Hamptons për diçka që ngjante me një “martesë mbretërore politike”, duke bashkuar botën e politikës me fonde të mëdha dhe figurat e brendshme të epokës së Clintonëve.

Të sapomartuarit ishin Alex Soros, djali i George Soros, donatori më i madh i Partisë Demokrate, dhe Huma Abedin, një ndihmëse politike që shpesh është përshkruar si thuajse vajza e Hillary Clinton, ish-Zonjën e Parë dhe Sekretare e Shtetit. E mbajtur të shtunën në rezidencën e zotit Soros në Water Mill, Nju Jork, dasma tërhoqi avionë privatë dhe shumë ndihmës të familjes Clinton, duke krijuar një përqendrim të rrallë të pasurisë dhe pushtetit.

Përveç familjarëve të çiftit, në listën e të ftuarve ishin: Hillary dhe Bill Clinton, ish-nënpresidentja Kamala Harris me bashkëshortin Doug Emhoff, senatori Chuck Schumer, deputeti Hakeem Jeffries, ish-Kryetarja e Dhomës së Përfaqësuesve Nancy Pelosi, personazhe si Nicky Hilton Rothschild, figura të botës së modës si Anna Wintour, miq të vjetër të Clintonëve si Susie Tompkins Buell, dhe madje edhe kryeministri i Shqipërisë, Edi Rama.

Sipas katër personave që ishin të pranishëm dhe disa përfaqësuesve të të ftuarve, grupi vokal Boyz II Men performoi në dasmë, dhe fjalime mbajtën vëllai i Alex-it, Jonathan Soros, Hillary Clinton, Anna Wintour, dhe Edi Rama. Menuja përfshinte agnolotti me trumzë, supë të ftohtë me bizele dhe mish “Wagyu amerikan me karkaleca të pjekur”.

Festimet ndodhën në të njëjtën fundjavë kur në SHBA dhe jashtë saj kishte kaos: protesta kundër Presidentit Trump, një ligjvënës i Minnesotës i vrarë në një akt dhune politike dhe tensione të rënda midis Izraelit dhe Iranit. Ndërkohë, në Hamptons gjithçka ishte e qetë, me autokolona me SUV të zinj që sillnin të ftuarit në një rrugicë të ngushtë me gjelbërim dhe lule vjollcë.

Alex Soros, 39 vjeç, është bërë një figurë gjithnjë e më e rëndësishme në botën e donatorëve progresistë. Ai ka një doktoratë në histori dhe ka marrë në dorë financimet që më parë i menaxhonte babai i tij, George Soros, tani 94 vjeç. Alex e ka quajtur veten “më politik” se babai dhe është mjaft aktiv në rrjetet sociale.

Romanca e tij me Huma Abedin, 49 vjeç, ka tërhequr vëmendjen e shoqërisë së lartë, jo vetëm për lidhjen me Clintonët, por edhe sepse martesa e saj e mëparshme me Anthony Weiner përfundoi në mënyrë skandaloze, për shkak të skandaleve të tij seksuale online.

Çifti shpalli fejesën në korrik të vitit të kaluar. Fillimisht kishin planifikuar të martoheshin fshehurazi, por pas një feste fejese të organizuar nga Hillary Clinton në dhjetor, u bindën të bënin një dasmë tradicionale. “Mendoj se e meriton,” tha Hillary për revistën “Vogue”. “E meriton të ketë një moment të tillë.”

Festimet përfshinë edhe një ceremoni më të vogël të premten, që nderonte besimin islam të Abedin dhe trashëgiminë hebraike të Soros. Një rabin dhe një imam e udhëhoqën ceremoninë, sipas të pranishmëve.

Në dallim nga Soros, “Abedin është më e rezervuar” dhe ka preferuar të jetë larg vëmendjes. Ajo nisi punën me Hillary Clinton si praktikante në moshën 19-vjeçare dhe më pas mori role më të dukshme. Ka shkruar një kujtim në vitin 2021 dhe tani është kontribuuese në MSNBC.
Martesa e tyre i pozicionon si një “çift politik me ndikim”, që pritet të mbetet në qendër të vëmendjes publike.

Këtë fundjavë, “Hamptons dukej si një ribashkim i epokës Clinton”, me të ftuarit që u mblodhën në hotele luksoze dhe darka për të shijuar kohën bashkë. “Trafiku ka qenë kaos këto ditët e fundit,” tha Zach Erdem, një pronar restoranti në Southampton.

Pjesëmarrja e figurave të pasura dhe me influencë bie në kontrast me “debatin e brendshëm në Partinë Demokrate” për mënyrën se si të rifitohet mbështetja e klasës punëtore amerikane — një shtresë me të cilën partia duket se ka humbur kontaktin. Ndërsa Maserati, Porsche dhe makina të tjera luksoze lëviznin para vendit të dasmës, disa kalimtarë ndaleshin nga kurioziteti. Një grua doli nga dritarja e makinës dhe bërtiti:

“Përshëndetje, Bill!” — edhe pse nuk dihet nëse ish-presidenti Clinton e dëgjoi.

Kjo dasmë mund të jetë “ngjarja më e rëndësishme shoqërore e verës”, por vetëm për disa javë: më vonë këtë muaj, shumë nga të njëjtët të ftuar do të udhëtojnë në “Venezia për dasmën e Jeff Bezos dhe Lauren Sánchez”.

Përvojë dhe personalitet në mesfushë, kjo është ajo që kërkon Maximiliano Allegri për të nisur aventurën e tij të dytë si trajner i Milanit.

Për këtë arsye, java që sapo ka nisur mund të shënojë një moment të rëndësishëm, sidomos sa i përket Granit Xhakës. Xhaka i ka dhënë tashmë miratimin e tij kuqezinjve dhe tani misioni i Tares do të jetë të bindë Bayer Leverkusen që ta lëshojë. Drejtori i ri sportiv i Milanit pritet të kontaktojë së shpejti me gjermanët për të tentuar të bëjë një ofensivë për të siguruar kartonin e lojtarit.

Një operacion që Milani nuk dëshiron të rëndojë shumë financiarisht, duke qenë se Xhaka është 32 vjeç dhe ka një vlerësim rreth 12 milionë euro. Një shumë që “Rossoneri” e konsideron të arsyeshme, por shpreson ta ulë falë dëshirës së vetë lojtarit, i cili kërkon një aventurë të re jashtë Gjermanisë.

Megjithatë, Leverkusen ka një kontratë të nënshkruar me të deri në vitin 2028 dhe nuk do të shesë një tjetër titullar, ndaj Tare do të duhet të tregojë aftësi për t’i bindur.

Siç dihet, Bayerit i pëlqen Malick Thiaw i Milan dhe për këtë arsye mund të gjendet një marrëveshje shkëmbimi që i leverdis të dyja palëve. Me pak fjalë, priten ditë vendimtare për të sjellë Xhakën në Milano.

Ndërkohë, Modric tashmë mund të konsiderohet lojtar i Milanit. Vizitat mjekësore janë shtyrë për pas përfundimit të Kupës së Botës për Klube që po zhvillohet në SHBA, pasi ylli kroat dëshiron të përqendrohet vetëm në dhënien e një triumfi tjetër Real Madridit përpara se të largohet përgjithmonë.

Megjithatë, nuk ka asnjë rrezik që operacioni të dështojë, pasi edhe pse mungon firma, Modric dhe Milani i kanë premtuar njëri-tjetrit se do të jenë bashkë sezonin e ardhshëm.