Detaje të tjera janë zbuluar në lidhje me arrestimin e dy shqiptarëve në Greqi, të cilët thuhet se ishin duke përgatitur një atentat, ndërsa janë bërë me dije edhe identitetet e tyre.
Bëhet fjalë për shtetasit Viktor Çala, 37 vjeç dhe Andi Beqiri, 23 vjeç. 37 vjeçarit Çala iu zbulua edhe autorësia e vrasjes së një 30 vjeçari rom dhe një tentative tjetër për vrasje.
Gjithashtu Çala rezulton më parë i arrestuar në Itali, pasi bënte pjesë në një grup kriminal italo-shqiptar që shpërndante kokainë të trafikuar nga Holanda.
Dy të rinjtë u shoqëruan ditën e sotme në ambientet e Prokurorisë nën masa të rrepta sigurie, duke veshur edhe jelekë antiplumb.