Lajmet e Fundit
Numërimi i votave të zgjedhjeve të 11 majit dhe rezultatet paraprake të KQZ-së e nxjerrin Partinë Socialiste në avantazh të qartë, në vëmendje po rikthejmë një deklaratë të deputetit demokrat Edi Paloka.
Ky i fundit në një intervistë disa ditë më parë, u shpreh se nëse Rama fiton zgjedhjet ai nuk do të shkoj më në Parlament.
Me PS-në në krye të garës që duket se do ta qeverisë dhe për katër vitet e ardhshme, pritet të shihet nëse Paloka do të mbajë premtimin apo do harrohet.
Një sistem zgjedhor, aktuali, ka lënë pa përfaqësim plot 120 mijë shqiptarë. Partitë e vogla kanë marrë deri më tani, brenda vendit, 180.574 vota.
Mesatarja për të nxjerrë një deputet është 10 mijë vota, teksa partitë e vogla deri më tani kanë nxjerrë vetëm 6 ulëse në Parlament.
Nëse do të kishim një sistem kombëtar, atëherë numrat do të ishin ndryshe.
Por, votat e këtyre partive (bishtat) shkuan te partitë e mëdha, të cilat maksimilizuan votat. Përfituesja kryesore është Partia Socialiste dhe pas saj Partia Demokratike.
Por, nëse do të bëjmë një krahasim me votat e 2025-es dhe votat e 2021-shit rezulton se PS-ja ka pësuar ulje.
VoxNews ka bërë një analizë të votave të marra nga PS brenda vendit në dy zgjedhjet e fundit parlamentare. Në vitin 2021 PS-ja ka marrë në rang kombëtar plot 768.134 vota.
Atëherë nxori 74 deputetë. Ndërkohë, në zgjedhjet aktuale ka marrë brenda vendit 698.485 (pa diasporën) dhe deri më tani ka 82 deputetë!
Në foto: Votat e marra nga subjektet politike në vitin 2021 në zgjedhjet e 25 prillit të vitit 2021 (KQZ)
Fitoi Rama apo HUMBI Berisha?!
Shifrat janë këto dhe të patjetërsueshme. Nëse PS-ja në vitin 2021 mori 768 mijë vota, në ato zgjedhje PD-ja mori 622.187 vota.
Nëse do të bëjmë një krahasim me votat e vitit 2025 (janë pa u numëruar edhe 200 kuti në rang kombëtar), ku deri më tani ka marrë 462.233 vota, rezulton se PD-ja (bashkë me LSI-në) ka marrë më pak 160 mijë vota.
Një numër tejet i lartë, i cili nëse do të përkthehej në mandate, do të ishte shumë herë më tepër.
Madje, te shifrat e vitit 2025 janë edhe votat e ish LSI-së, e cila në vitin 2021 mori plot 107.538 vota dhe nxori vetëm 4 deputetë.
As bashkimi mes PD-së dhe LSI-së (aktualisht Partia e Lirisë) nuk i bëri derman Berishës në këto zgjedhje, i cili pësoi një disfatë të rëndë.
Duket se, më shumë sesa fitore e PS-së, kjo është një “shuplakë” për dyshen Berisha-Meta.
I pari ka marrë 160 mijë vota më pak, teksa i dyti as nuk i ka shtuar koalicionit, por vetëm sa e ka ulur në minimum numrin.
Për të mos thënë edhe për mos përfaqësimin e partive të vogla.
©CopyrightVoxNews
Ky artikull është ekskluziv i VoxNews, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar VoxNews dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Shtëpia e Bardhë tha se SHBA-të dhe Arabia Saudite kanë nënshkruar një marrëveshje shitjeje të mbrojtjes prej gati 142 miliardë dollarësh që i siguron Riadit pajisje dhe shërbime të teknologjisë së fundit nga firmat amerikane.
Shtëpia e Bardhë tha se marrëveshja e mbrojtjes është pjesë e një angazhimi investimi prej 600 miliardë dollarësh nga Arabia Saudite për SHBA-në.
Marrëveshja përfshin gjithashtu eksportet e turbinave me gaz dhe zgjidhjeve energjetike të “GE” me një total prej 14.2 miliardë dollarësh, dhe avionëve të pasagjerëve Boeing 737-8 me një total prej 4.8 miliardë dollarësh.
Kreu i “Shqipëria Bëhet”, Adriatik Lapaj ka shprehur qëndrimin e tij para zgjedhjeve lidhur me ambiciet politike, duke deklaruar se nuk është i interesuar të bëhet pjesë e Kuvendit thjesht për të marrë një mandat deputeti.
“Me një mandat në Parlament nuk hyj unë! Nuk po hyj për një copë deputet,” u shpreh ai me vendosmëri në emisionin “Shqipëria Live”, duke nënkuptuar se synimi i tij është përtej një karrigeje në Kuvend.
Deri më tani nisma Shqipëria Bëhet ka marrë vetëm njëandat në këto zgjedhje dhe ai është vetë Lapaj. A do e pasojë mandatin e tij Lapaj siç ka deklaruar publikisht, apo do provojë se lufta ishte për një karrige?” Mbetet për t’u parë…
Procesi i numërimit të votave te ‘Vasil Shanto’ në Tiranë, njësia 5, po kalon me ritme të shpejta dhe me shumë humor.
Një prej numëruesve të votave ka zgjedhur një mënyrë shumë të veçantë dhe interesante për të njoftuar emrat e subjekteve politike.
Video, nuk ka nevojë për shumë komente…
Kryeministri Edi Rama, njëkohësisht edhe kryetar i PS-së, ka bërë komentet e tij të para në lidhje me zgjedhjet parlamentare të 11 majit 2025, gjatë një interviste që ka dhënë për gazetën e njohur italiane “Corriere della Sera”. Intervistën ai e ka dhënë pak orë pas përfundimit të votimeve të 11 majit, fillimit të numërimit si dhe projeksionit për një mandate të katërt për kryeministër.
Intervista:
Ai fiton midis shqiptarëve të Shqipërisë dhe midis bashkëkombësve të tij jashtë vendit, mban Qendër-Jug dhe pothuajse pushton Veriun, bastionin e opozitës.
Edi Rama siguron edhe katër vjet të tjera në krye të ‘Tokës së Shqiponjave’. Kryetari i Partisë Socialiste, tashmë kryeministri me shërbimin më të gjatë në demokracinë ballkanike, do të betohet për një mandat të katërt radhazi në shtator.
Vota popullore – që ende po numërohet më shumë se një ditë pas mbylljes së qendrave të votimit – aktualisht i jep atij shumicën absolute prej 82 vendesh (nga 140), por kjo shifër mund të rritet. Sali Berisha merr rreth pesëdhjetë me Partinë e tij Demokratike (qendrës së djathtë).
Mbrëmjen e djeshme, pas dhjetëra telefonatave urimi, Edi Rama iu përgjigj gazetës ‘Corriere’.
-A e prisnit një rezultat kaq të qartë pas 12 vitesh në qeveri?
Edi Rama-Sinqerisht po, sepse punuam shumë për të arritur atje duke folur me fakte, duke treguar qartë rrugën kryesore për Shqipërinë e fëmijëve tanë, duke synuar një ripërtëritje brez pas brezi të listave, ku promovuam edhe shumë gra dhe duke organizuar festën për një lojë të shkëlqyer ekipore në territor.
-Pse shqiptarët preferuan përsëri PS-në?
Edi Rama-Sepse ne e ndryshuam Shqipërinë me një vizion të qartë dhe këmbëngulje të madhe. Njerëzit nuk janë budallenj, siç mendojnë shumë politikanë, dhe ata dinë të bëjnë dallimin midis atyre që punojnë seriozisht për të ardhmen e vendit dhe atyre që kufizohen në retorikën e disfatizmit. Edhe ne bëmë një gabim që kërkuam falje. Por ne kurrë nuk u ndalëm, kurrë nuk u fshehëm, kurrë nuk u dorëzuam përballë vështirësive dhe rritëm një komb të tërë duke e bërë atë krenar për emrin e tij.
-A është ky rezultat gjithashtu një shenjë se mungon një opozitë e vërtetë?
Edi Rama-Unë besoj se nuk fitojmë sepse opozita humbet, por sepse shqiptarët besojnë në rrugën që po ndjekim së bashku.
-Çfarë ju tregon vota e diasporës, e cila në masë dërrmuese zgjodhi të votojë për ju dhe partinë tuaj?
Edi Rama-Më prek, sinqerisht. Ata që jetojnë jashtë vendit kanë një vizion më të gjerë dhe më kërkues. Mos votoni nga nostalgjia, por nga gjykimi. Është një votë besimi nga ata që u larguan nga vendi, por nuk u larguan nga Shqipëria. Dhe nëse diaspora na beson, kjo do të thotë se ne po transmetojmë një imazh që i bën ata krenarë.
-A ke folur me Melonin? A e përgëzoi ajo?
Edi Rama-Po, ajo më shkroi një mesazh ‘nga motra për vëllain’
-Çfarë do të bëni në katër vitet e ardhshme në qeveri?
Edi Rama-Ne do të përfundojmë kantierin e madh evropian të ndërtimit të Shqipërisë. Qëllimi ynë është të përfundojmë negociatat e pranimit deri në vitin 2027. Ndërkohë, ne do të vazhdojmë të modernizojmë vendin, duke forcuar sundimin e ligjit dhe ekonominë, duke mbështetur familjet dhe duke e bërë transformimin 360 gradë të vendit të pakthyeshëm. Çdo ditë, me përulësi dhe vendosmëri.
-Ajo thotë se Shqipëria do t’i bashkohet BE-së në vitin 2030. Disa ekspertë thonë më vonë. Çfarë përgjigjet ai?
Edi Rama -Unë përgjigjem se ekspertët shpesh kanë të drejtë, por ata kurrë nuk e kanë ndryshuar rrjedhën e historisë. Kjo ndryshohet nga njerëzit dhe lidershipet e vendosura. Unë nuk bëj parashikime: Unë flas për objektiva dhe në këtë rast për një objektiv të përbashkët me Brukselin. Dhe Shqipëria, nëse vazhdon të bëjë detyrat e shtëpisë siç ka bërë deri më tani, do të jetë shumë gati në vitin 2030./ Corriere.it
GJKKO ka gjobitur me 5 mijë lekë të reja ish-kryeministrin Sali Berisha dhe dhëndrin e tij Jamarbër Malltezi.
Gazetarja Klodiana Lala raporton se GJKKO ka vendosur edhe rrëzimin e kërkesës së bërë nga ish-kryeministri Sali Berisha, dhëndri i tij Jamarbër Malltezi dhe noterja Andia Pustina, për të përjashtuar gjyqtaren Flojera Davidhi nga seanca paraprake për çështjen e kompleksit sportiv Partizani.
Seanca për kalimin ose jo të dosjes Partizani për gjykim do të vendoset në datën 19 maj dhe do të jetë gjyqtarja Davidhi ajo e cila do të marrë vendimin.
Njoftimi i GJKKO
1) Mospranimin e kërkesave të kërkuesve: 1. Jamarbër Malltezi; 2. Sali Berisha; 3. Andia Pustina; 3. Shoqëria Tregtare Homeplan shpk, me objekt “Përjashtimin e gjyqtares së seancës paraprake Flojera Davidhi, nga gjykimi i çështjes penale, si të pabazuara në prova dhe në ligj.
2) Caktimin e gjobës 5000 (pesëmijë) lekë, palëve kërkuese.
(BalkanWeb)
Kryeministri Rama i ka mposhtur kundërshtarët e tij politike te lidhur me lëvizjen e Presidentit Trump e quajtur MAGA duke siguruar mandatin e 4-t qeverisës historikë në Shqipëri.
Me këtë titull portali POLITICO komenton rolin e strategëve amerikanë në përkrahje të rikthimit në pushtet të Sali Berishës, mision ky që rezultoi i dështuar. Vetë Rama tha për POLITICO se të punësosh strategun e fushatës së Donald Trump dhe të mendosh se mund të bëhesh Trump “është si të punësosh një parukier në Hollywood dhe të mendosh se do të bëhesh Brad Pitt”.
Fakti që demokratët kishin punësuar Chris LaCivitën, një maestro të fushatës republikane i cili organizoi fitoren që riktheu në pushtet Donald Trump në zgjedhjet amerikane të vitit 2024, nuk dukej se e shqetësoi Ramën.
“Është përvoja më përulëse e jetës sime që vjen në një moment historik për Shqipërinë si një shtet anëtar i ardhshëm i Bashkimit Evropian. Të punësosh LaCivitën dhe të mendosh se mund të bëhesh Trump është si të punësosh një parukier në Hollywood dhe të mendosh se do të bëhesh Brad Pitt. Jam i habitur nga demokratët për besimin se vetëm pse dikush punonte për Trumpin, ai mbarte një lloj fuqie magjike të Trumpit në shoqëri sidoqoftë, ishte një komedi që ia vlente ta shihje”, thotë Rama.
Strategu i fushates LaCivita ndihmoi Berishën në hartimin e mesazhit të tyre dhe në drejtimin e fushatës elektorale. Ai i përforcoi pretendimet e Berishës për manipulim zgjedhjesh me në një postim në X, ku publikoi pamje nga një zyrë të dyshuar për blerje votash të Partisë Socialiste të vendosur pranë një qendre votimi në Tiranë.
“Ja si duket vjedhja e votave në Shqipëri nga narkoqeveria e Edi Ramës”, thuhej në postimin e tij.
Për vete Ramën, i cili po shijon fitoren e tij, vetëm një gjë ishte e rëndësishme: “ndjenja e votuesve.”
“Ata kanë dërguar një mesazh të fuqishëm dhe të thjeshtë: Ne duam të arrijmë më në fund lartësitë e Bashkimit Evropian dhe mund ta bëjmë këtë vetëm me ju dhe me Partinë Socialiste!”, thotë Rama.
Misioni i monitorimit të zgjedhjeve i Organizatës për Siguri dhe Bashkëpunim në Evropë tha të hënën se zgjedhjet u zhvilluan në një mënyrë gjithëpërfshirëse dhe transparente.
Edi Rama, thekson gazetarja e POLITICO, ia doli mbanë duke luajtur rolin e mikpritësit të sjellshëm ndaj udhëheqësve perëndimorë dhe duke përforcuar premtimin e tij kryesor zgjedhor, se ai është i vetmi person që mund ta çojë Shqipërinë në prag të anëtarësimit në BE brenda pesë vjetësh. Rama e bëri një aspekt kyç të fushatës së tij premtimin për anëtarësimin e vendit në BE deri në vitin 2030.
Presidentja e Komisionit Evropian, Ursula von der Leyen, dhe Presidenti i Këshillit Evropian, António Costa, do të udhëtojnë për në Shqipëri për edicionin e gjashtë të samitit një iniciativë e nisur nga Presidenti francez Emmanuel Macron për të grupuar vendet e BE-së dhe ato jashtë saj për bisedime mbi sigurinë, bashkëpunimin ekonomik dhe stabilitetin rajonal.
“Është një nder i madh të mirëpresim të gjithë liderët e kontinentin tonë demokratik në Tiranë përfshirë Ukrainën dhe mikun tim të dashur Volodymyr Zelenskyy” ka deklaruar për POLITICO fituesi i zgjedhjeve të së dielës Edi Rama.
I pyetur nëse Shqipëria kishte ndonjë këshillë për Ukrainën, e cila është aspirante për në BE, Rama theksoi statusin unik të këtij shteti në procesin e integrimit.
“Shqipëria nuk pretendon t’i japë mësime Ukrainës. Përkundrazi, ne mund të mësojmë vetëm nga Ukraina nga çmimi që populli i saj është i gatshëm të paguajë për rrugën e tij drejt Perëndimit dhe Bashkimit Evropian”, thotë Rama.
Kjo do të jetë vizita e dytë e Presidentit ukrainas Volodimir Zelensky në vendin tonë.
Në Elbasan konstatohen shumë vota me mesazhe të çuditshme.
Votues të ndryshëm kanë shprehur mllefin ndaj liderëve të partive kryesore politike, me mesazhe të ndryshme në fletët e votimit, raporton gazetari Fatmir Popja.
I tillë është rasti i një votuesi, i cili në fletën e votimit në vend që të vendoste votën te partia dhe kandidati që ai preferonte, shprehu ‘vullnetin e tij të thellë politik’ për ekipin e njohur të futbollit europian Real Madrid.
Ndërsa të tjerët po mendoheshin mes partive, koalicioneve, e premtimeve, ai votoi për skuadrën që s’e zhgënjen kurrë (ose të paktën jo aq sa politikanët).
Në vend të kryqit në fletë kishte shkruar “Forca Real Madrid”.
Sali Berisha ka dhënë sinjale se nuk i shkon nëpër mend të dorëhiqet edhe pse ka humbur thellë zgjedhjet.
Gjatë një konference për shtyp, Berisha deklaroi se pavarësisht se sipas statutit të PD, duhet të dorëhiqet, ka disa “parime” që qëndrojnë edhe mbi statutin.
“PD ka statutin dhe do ti përmbahet, por ka disa parime eprore dhe është vota e lirë e shqiptarëve. Kjo parti nis betejën për votën e lirë të shqiptarëve dhe vazhdon beteja”, deklaroi Berisha.
I pyetur nëse “betejën” do ta udhëheqë ai apo një lider tjetër, Berisha tha se do ta udhëheqë ai.
“Këtë betejë gjer në fitore do ta udhëheqë ai që e nisi, ai do ta bitisi”, tha Berisha.
