Month: October 2026

Gazetari Flor Gjini ka ngritur dy çështje gjatë një diskutimi lidhur me videot intime të kompozitorit Adrian Hila, të cilat kanë qarkulluar në rrjetet sociale gjatë javëve të fundit.

Gjatë bisedës në “Euronews”, Gjini kritikoi mënyrën se si është trajtuar ngjarja në hapësirën publike, duke u shprehur se vëmendja është përqendruar te personat e përfshirë dhe gjykimet ndaj tyre, ndërsa janë lënë mënjanë tema që lidhen me edukimin dhe shëndetin seksual.

Sipas tij, rasti mund shërbente si një mundësi për të diskutuar mbi rëndësinë e marrëdhënieve të sigurta dhe parandalimin e infeksioneve seksualisht të transmetueshme.

“Si ka mundësi që nuk u mor askush, vërtet, të dilte dikush dhe të thoshte: ‘Ky person ka kryer marrëdhënie seksuale me disa individë’? Si ka mundësi që aty nuk është përdorur një prezervativ? Ne flasim për sëmundjet seksualisht të transmetueshme, si nuk doli kush të trajtonte një temë të tillë?”, u shpreh gazetari.

Por Gjini bëri edhe një pretendim të fortë, duke deklaruar se kishte informacion për një shtatzëni të ndërprerë nga një prej personave që shfaqen në videon intime të Hilës.

“Unë kam një informacion: Një nga personat që është xhiruar në ato video ka abortuar një fëmijë. Një fëmijë që e ka pasur me kompozitorin Adi Hila. E ka pasur përpara dy vitesh, tre vitesh. [Vajza] ka qenë në një marrëdhënie të vazhdueshme [me Adi Hilën]”, deklaroi Gjini.

Megjithatë, gazetari nuk bëri të ditur identitetin e personit për të cilën foli dhe nuk paraqiti ndonjë provë që të mbështesë pretendimin e tij.

Armend Muslika vazhdon të tregojë potencialin e tij në futbollin anglez.

Talenti i Kombëtares shqiptare U-19 ka qenë protagonist me Tottenhamin U-18, duke realizuar dy gola në fitoren 4-1 të skuadrës londineze në Kupën e Ligës.

Sulmuesi shqiptar po kalon një periudhë pozitive, duke tërhequr vëmendjen me paraqitjet dhe aftësitë e tij në repartin ofensiv. Në ndeshjen e sotme, Muslika e dërgoi dy herë topin në rrjetë, duke dhënë një kontribut të rëndësishëm në suksesin e Tottenhamit.

Momenti më i veçantë ishte goli i dytë, i realizuar me një goditje dënimi të ekzekutuar në mënyrë perfekte, duke treguar edhe një herë cilësitë teknike të futbollistit të ri shqiptar.

Muslika konsiderohet një prej talenteve interesantë të Shqipërisë për të ardhmen dhe paraqitje të tilla në akademinë e Tottenhamit përbëjnë një sinjal pozitiv për zhvillimin e tij.

Me dy golat e radhës, sulmuesi kuqezi vazhdon të fitojë vëmendje në Angli, ndërsa synimi i tij është të hedhë hapa të mëtejshëm në karrierë dhe të afrohet gradualisht me nivelet më të larta të futbollit.

Dashi
Dashuria: Nëse jeni beqarë, zemra juaj tani po kërkon kohën e vet: midis angazhimeve dhe shqetësimeve të përditshme, rrezikoni të lini pas dore ata që po përpiqen të afrohen (kini kujdes nga shtytja dhe tërheqja e zakonshme me Luanin dhe Shigjetarin). Si çift, shmangni nxjerrjen e çdo nervozizmi të akumuluar nga partneri juaj: të dielën, do të jeni paksa të ndjeshëm; dhurojini vetes dhuratën e një momenti paqeje.
Puna : Një çështje që mendonit se ishte e mbyllur mund të rihapet, ndërsa një kërkesë e vjetër më në fund do të marrë vëmendjen që meriton.
Fati: 4 yje

Demi
Dashuria: Si beqar, je kurioz për dikë, por mos u nxito ta përcaktosh: Venusi në opozitë bën thirrje për kujdes. Nëse je në një lidhje, toleranca jote është minimale dhe ke tendencë ta shohësh çdo fjalë si provokim: mos prit që partneri yt të lexojë gjithmonë mendjen tënde.
Puna: Rutina jote e fundit të ka bërë të mendosh: a të përfaqëson ajo që bën dhe a të argëton akoma? Fati: 3 yje

Binjakët
Dashuria : Një qiell i gjallë për ata që janë beqarë: ju pëlqen t’i merrni lehtë ndjenjat tuaja, por më 15 tetor, shmangni gjykimet e nxituara. Si çift, ndjeni nevojën për të mbrojtur lidhjen tuaj; diplomacia do të jetë e nevojshme rreth mesit të muajit për të kapërcyer një pengesë të vogël, por stabiliteti nuk mungon.
Puna: Kreativiteti është karta juaj e fortë, veçanërisht në fushat artistike, tregtare dhe të komunikimit. E mërkura është perfekte për diskutime dhe ide të reja.
Fati: 4 yje

Gaforrja
Dashuria: Beqarë, mënyra juaj e të dashuruarit po ndryshon: lëreni veten të befasoheni! Pas tensioneve të shtatorit, e hëna dhe e marta do të jenë ditët ideale për të bërë hapin e parë. Nëse jeni në një lidhje, dëshira për romancë kthehet: ndonjëherë edhe një gjest i thjeshtë dhe i papritur është i mjaftueshëm për të ringjallur magjinë.
Puna : Rezultatet tuaja flasin vetë: edhe ata që dyshonin tek ju do të duhet të mendojnë përsëri.
Fati: 5 yje

Luani
Dashuria: Nëse jeni beqarë dhe vini nga një lidhje e paqëndrueshme, pyeteni veten nëse ia vlen vërtet të investoni më shumë energji. Si çift, kini kujdes: pakënaqësitë e vjetra do të rishfaqen dhe kjo kërkon butësi.
Puna: Pas javësh që ndiheni paksa keq për arsye fizike ose personale, era po ndryshon: të mërkurën dhe të enjten, do të gjeni përsëri vrullin tuaj.
Fati : 4 yje

Virgjëresha
Dashuria : Një fundjavë e gjallë për beqarët: të shtunën dhe të dielën, shijoni takimet tuaja pa u shqetësuar menjëherë se ku do të çojnë ato. Marrëdhëniet kthehen në një ndjenjë shoqërie, së bashku me dëshirën për të bërë plane së bashku dhe për të gjetur pak kohë për veten tuaj.
Puna : Gjërat që më parë ishin të pasigurta zgjidhen. Një projekt po shkon në drejtimin e duhur dhe ju lejon të vendosni themele të forta për të ardhmen.
Fati: 4 yje

Peshorja
Dashuria : Nëse dikush ju afrohet, mos u mbështetni vetëm te fjalët e bukura, por te veprimet konkrete. Çiftet duhet të kenë kujdes që të mos e teprojnë këtë fundjavë: shmangni debatet dhe thjesht shijoni shoqërinë e njëri-tjetrit.
Puna : Diplomacia juaj do të bëjë përsëri diferencën. Mbështetja astrologjike mbështet ata që duan të shfrytëzojnë intuitën e tyre.
Fati : 4 yje

Akrepi
Dashuria : Me Venusin në shenjën tuaj, ju jetoni gjithçka në maksimum: ose e doni ose e urreni. Disa dyshime ose pak frikë ju pengojnë të shprehni të gjitha ndjenjat tuaja, pavarësisht nëse jeni beqar apo në një lidhje. Mundohuni të flisni me sinqeritet të plotë.
Puna : E marta sjell lajme të dobishme për t’ju ndihmuar të kuptoni rrugën që duhet të ndiqni. Nëse rutina juaj e zakonshme po ju duket e tepërt, është e natyrshme të shikoni përreth.
Fati: 4 yje

Shigjetari
Dashuria: Për beqarët, dashuria godet aty ku më pak e presin, ndoshta në një kontekst të pazakontë që ndez natyrën tuaj aventureske. Nëse jeni në një lidhje, hapet një periudhë entuziazmi të madh për planifikimin e diçkaje të rëndësishme që lidhet me shtëpinë ose të ardhmen.
Puna : Yjet nxisin vendosmërinë tuaj. Propozimet interesante mund të mbërrijnë në mesjavë, ose ju mund të jeni ai që do të bëjë hapin e parë.
Fati : 4 yje

Bricjapi
Bricjapi – Dashuria : Një fundjavë me surpriza për beqarët: entuziazmi i papritur rigjallërohet, ndoshta me kthimin e një të dashuri nga e kaluara. Çiftet rizbulojnë dëshirën për të ndërtuar: projektet e jetës ose të shtëpisë rigjallërojnë lidhjen.
Puna : Lini mënjanë pengesat e muajve të fundit: tani keni më shumë mundësi dhe shumë më tepër besim në mbrojtjen e pikëpamjeve tuaja.
Fati: 5 yje

Ujori
Dashuria: Si beqar, kërkoni stimuj të rinj dhe shmangni ata që përpiqen t’ju mashtrojnë me xhelozi ose posesivitet. Nëse jeni në një lidhje, durimi është i pakët: nëse ndjeni shumë presion ose ftohtësi, rrezikoni të dilni nga inati, kështu që të jeni të kujdesshëm me fjalët tuaja është thelbësore.
Puna : Vonesat dhe e njëjta histori e vjetër po testojnë qëndrueshmërinë tuaj: dëshira për të kthyer një faqe të re është e fortë.
Fati: 3 yje

Peshqit
Dashuria: Një javë plot mundësi për ata që kërkojnë dashuri. Për ata që janë në një lidhje, dëshira për t’u bërë serioz rritet: është koha e duhur për të folur për të jetuar së bashku ose për t’u martuar. E diela është një ditë shumë e ëmbël.
Puna : Është koha për të pohuar veten dhe për të kërkuar atë që meritoni: propozoni planet tuaja me besim.
Fati: 5 yje

Familja e shtetasit Erkan Nika, i cili punonte si inxhinier i dytë në një anije turke të sulmuar me dronë, i bën apel shtetit shqiptar të përfshihet në kërkimet për gjetjen e 28-vjeçarit.

Babai i tij, Rexh Nika, gjatë një interviste për gazetaren e Top Channel, Anila Hoxha, ai bën thirrje për ndihmë nga Turqia.

“U bëjmë thirrje të gjitha spitaleve, të gjitha institucioneve shëndetësore, policisë, autoriteteve dhe institucioneve përkatëse në Rusi, Gjeorgji dhe përreth Detit të Zi që të kontrollojnë regjistrat e tyre për pacientë të paidentifikuar, personave të plagosur, ose individë të gjetur në zonat bregdetare të Detit të Zi. Kërkojmë ndihmë nga institucionet shtetërore të Shqipërisë”, u shpreh Nika.

Familja Nika jeton në Turqi prej 1997 dhe Erkani punonte prej vitesh në anijen e mallrave Aroyat, e cila u sulmua në Detin e Zi pranë portit Novorossiysk. I ati thotë se anija u nis nga porti i Durrësit dhe se në bord gjendeshin 16 anëtarë. Por i zhdukur rezulton vetëm Erkani.

“Me djalin, mesazhin e fundit e kam ditën e mërkurë më 23 shtator. Në darkë para se të flija, i kam bërë mesazh, një lutje. Ma ktheu përgjigjen të nesërmen në orën 08:39. ‘Jemi në Detin e Zi’, më ka thënë”, shton babai i Erkanit.

Sulmi me dronë ndodhi më 27 shtator dhe rezulton se ekuipazhet shpëtuan vetëm 15 anëtarë, ndërsa inxhinieri Nika nuk është në këtë listë.

Inez Hajrulla, person i shpallur në kërkim nga SPAK, mund të jetë rrëmbyer nga persona të lidhur me një grup kundërshta, shkruan Publik.al

Sipas informacioneve paraprake, ai dyshohet se ndodhej në një hotel së bashku me një vajzë që përflitet se i përket showbiz-it, në momentin kur humbën kontaktet me ta. Ndërkohë, po mblidhen pamje nga kamerat e sigurisë për të rindërtuar lëvizjet e tyre.

Burime të Publik.al pretendojnë se bëhet fjalë për një pengmarrje të mundshme, ndërsa dyshimet e para lidhen me persona të grupit kundërshtar me të cilin Hajrulla ka pasur konflikte të mëparshme.

Informacioni është në fazë verifikimi dhe nuk është konfirmuar zyrtarisht nga Policia e Shtetit deri në publikimin e këtij raportimi. Nuk dihet gjithashtu nëse strukturat policore e kanë të regjistruar zyrtarisht një denoncim për zhdukjen e tij apo nëse kanë nisur kërkimet në lidhje me këtë informacion.

Hajrulla është një emër i njohur për autoritetet në Vlorë dhe aktualisht ndodhet në kërkim pas operacionit të SPAK kundër një grupi kriminal, ku ndaj tij janë ngritur dyshime për përfshirje në veprimtari kriminale. Në mars 2026, SPAK zhvilloi një operacion në Vlorë dhe Hajrulla ishte një prej personave për të cilët u lëshuan masa arresti, por ai nuk u kap.

Emri i tij është lidhur ndër vite edhe me disa atentate të mbetura në tentativë ndaj tij, ndërsa përplasjet mes grupeve rivale në Vlorë kanë qenë objekt i hetimeve të ndryshme.

Tenori Armaldo Kllogjeri, i njohur për publikun si Maestro, ka bërë një reagim të gjatë në rrjetet sociale, ku ka zbuluar se ka marrë një ftesë për të qenë pjesë e një spektakli televiziv, por ka lënë të kuptohet se nuk ka pranuar.

Ish-banori i “Big Brother VIP Albania 2” nuk ka përmendur emra apo titullin e emisionit, megjithatë fakti që ftesa ishte për mbrëmjen e së premtes ka ngritur dyshime se mund të bëhet fjalë për “Live me Luizin”, programin e ri të Luiz Ejllit në Top Channel.

“Mora një FTESË këto ditë për të bërë show sonte mbrëma në televizionin më të rëndësishëm në vend”, shkruan Maestro në Instagram, duke iu referuar Top-Channel.

Më tej, ai rikthehet te eksperienca e tij televizive, duke shprehur pakënaqësi për mënyrën se si, sipas tij, është trajtuar pas angazhimit në spektakël.

“Unë e bëra dikur show-n tim në atë ekran me shpirt, me pastërti, me dëshirën për të krijuar ‘situata’ që publiku të argëtohej. U mundova të përcillja mesazhe jetësore, e trajtova atë show si një spektakël. Nuk u vlerësova sa duhej!”, shprehet ai.

Pjesa më e fortë e reagimit lidhet me pretendimin e tij se është larguar padrejtësisht dhe se pasojat e asaj periudhe vazhdon t’i ndiejë edhe sot.

“U nxora nga loja në mënyrën më të ulët dhe u hodha në rrugë si një ‘limon i shtrydhur’! Pësova dëme të parregullueshme, të cilat rëndojnë edhe sot mbi shpinën time (jo për fajin tim). Besimi i tepërt më çoi të bridhja gjyqeve dhe askujt nuk i interesoi për mua, as miqve më të ngushtë”, shkruan tenori.

Maestro thekson se tashmë ka ndryshuar mënyrën se si i sheh angazhimet televizive dhe se respekti për veten është bërë përparësia e tij.

“Dje e shihja jetën me sy tjetër, por sot mbi të gjitha për mua ka rëndësi RESPEKTI PËR VETEN!”, vijon ai.

Në përfundim, tenori shpjegon se edhe situata aktuale në vend ndikon në vendimin e tij për të mos marrë pjesë në një spektakël argëtues.

“Gjërat dalin bukur kur bëhen me vërtetësi dhe sot, në gjendjen ku ndodhet Shqipëria, mua s’më qesh buza për të bërë show”, përfundon Kllogjeri.

Reagimi ka rikthyer në vëmendje marrëdhënien e tij me Luiz Ejllin, me të cilin pati miqësi, por edhe përplasje gjatë qëndrimit në “Big Brother VIP”.

Megjithatë, Maestro nuk ka konfirmuar se ftesa ka ardhur nga emisioni i Luizit, ndaj mbetet e paqartë nëse deklarata e tij lidhet me këtë program apo me një tjetër projekt televiziv.

Ambasadori i ri amerikan në vendin tonë, Eric Wendt ka zhvilluar një takim me disa deputetë të opozitës.

Burime bëjnë me dije se në takim kanë qenë Oerd Bylykbashi, Jorida Tabaku, Ivi Kaso dhe deputetë të tjerë nga partitë e vogla.

Ky takim vjen pasi një seri vizitash që Wendt po zhvillon në institucionet shqiptare pas mbërritjes së tij në Shqipëri, ku në dy tetor bëri edhe prezantimin zyrtar.

Po ashtu në takim kanë qenë edhe dy senatorët që prej ditësh ndodhen për një vizitë në Shqipëri.

Pas një vere të nxehtë dhe të tejzgjatur që ka dominuar vendin, kushtet atmosferike po pësojnë një ndryshim të ndjeshëm. Temperaturat kanë nisur të ulen gradualisht, duke shënuar kalimin e plotë në kushtet tipike të vjeshtës, ndërsa i gjithë vendi pritet të përfshihet nga reshjet e shiut gjatë muajit tetor.

E ftuar në studion e emisionit “Takohemi n’Vizion”, meteorologia Rezarta Xhakollari ka ndarë parashikimin e detajuar të situatës sinoptike. Ajo theksoi se moti po ndryshon hap pas hapi, duke u karakterizuar nga një alternim i vazhdueshëm i intervaleve me kthjellime dhe ditëve me reshje.

Luhatjet e fundjavës dhe ditët në vijim

Për ditët e afërta, meteorologia bëri të ditur se na pret një fundjavë e ndarë në dy tablo të ndryshme. Dita e nesërme, e shtunë, do të ofrojë kushte më të qëndrueshme atmosferike me prani të kthjellimeve. Megjithatë, kjo do të jetë një situatë kalimtare, pasi ditën e diel parashikohet që reshjet e shiut të rikthehen sërish. Për sa i përket fundjavës së ardhshme, parashikohet një mot me diell, por kjo do të shoqërohet me një rënie të mëtejshme të temper

Dimër i butë dhe pa ngrica

Një vëmendje të veçantë në analizën e saj, Xhakollari i kushtoi edhe stinës së dimrit. Ajo ka paralajmëruar se dimri që kemi përpara do të karakterizohet nga temperatura relativisht të larta dhe nuk do të ketë prani të theksuar të ngricave. Sipas saj, stina e ftohtë do të dominohet nga reshje shiu të herëpashershme, duke përjashtuar mundësinë e një dimri të ashpër.

Gjatë shpjegimit të saj, meteorologia u shpreh:
“Temperaturat kanë zbritur. Do të kemi një tetor me reshje. Nesër, pra ditën e shtunë do të ketë kthjellime, ndërsa të dielën do të kemi sërish reshje. Pra le të themi kemi një fundjavë me reshje shiu dhe duket se ka lënë pas atë verën e nxehtë të tejzgjatur. Fundjava që vjen do të jetë me diell, por temperaturat do të bien. Na pret një dimër i ngrohtë me reshje shiu të herëpashershme. Nuk do të përjetojmë atë dimrin e ftohtë e të acartë. Do të kemi vetëm reshje shiu.”

Pjerin Ndreu ka ironizuar Sali Berishën përmes një postimi në rrjetet sociale. Kryebashkiaku i Lezhës i kujton liderit demokrat ardhjen e ambasadorit të ri të ShBA-ve, Eric Wendt, i cili nuk e ftoi as në pritjen e madhe të zhvilluar në zonën e Ish-Bllokut, por që ende nuk e ka takuar.

Ndreu e ironizon duke i kujtuar udhëtimin e para disa ditëve në Amerikë, ku u tha që është hequr “Non Grata”. “La Civita e la jetim prapë”, thotë Ndreu ndër të tjera duke kujtuar ish këshilltarin e Trump që Berisha e solli vjet në Shqipëri për t’i udhëhequr fushatën zgjedhore.

“Ore a iku i ripërtërirë ky Saliu në Amerikë, çka ka ky Ambasadori i ri i USA që nuk e takon?! Apo i dhanë një vizë me një thes me lekë me ndonjë lobim dhe i lanë njollën e përjetshme. Se na la edhe ai LaCivita që kushedi sa miliona euro gllabëroi dhe i lanë targën Saliut tonë duke e lënë jetim prapë!

Aq qesharake u bë kjo histori, bashkë me ekzaltimin e militantëve miope sa skenari i një komedie do gajaste dynjanë dhe do bënte bujë ndërkombëtare! “, shkruan kryebashkiaku socialist i Lezhës në facebook-un e vet.

Këngëtarja Blerina Matraku ka deklaruar në “Goca dhe Gra” detaje nga marrëdhënia e saj me kompozitorin Adi Hila, duke pretenduar se kishte besuar plotësisht tek ai dhe se nuk kishte dijeni për kamerat e sigurisë që ishin vendosur në banesë.

Këngëtarja tha se kishte krijuar ndjenja të sinqerta dhe se e kishte vendosur kompozitorin mes njerëzve më të besuar të jetës së saj.

Ajo shpjegoi se kishte qenë në dijeni të ekzistencës së një sistemi alarmi, por se ato ishin kamera sigurie.

“Unë e desha këtë njeri, e mbivlerësova këtë njeri dhe e hiperbolizova dhe e vendosa ndër njerëzit më të besuar, duke menduar që ishte Zoti ky, familja dhe më pas vetja ime.

Krijova ndjenja dhe ishin shumë të vërteta, të pastra dhe të çiltra dhe isha gati për ta bërë këtë njeri të lumtur, të qetë, për t’i plotësuar atë pjesën që ishte i ngarkuar. Kishte ngarkesa profesionale.

Nuk mund të përmend shumë gjëra, sepse nuk dua të cenoj një familje. Në atë kohë unë e kam ditur të ndarë, në momentin që e kam marrë vesh që nuk ka qenë i tillë, unë u tërhoqa.

Ajo falje nuk ishte e plotë, këto falje të tmerrshme nuk i meriton askush, mua kjo më vë përpara përgjegjësisë së masës. Unë jam e indinjuar, nuk do ta kisha bërë atë gjë nëse e dija që do të ndodhte një shpërndarje. Nuk dija absolutisht asgjë.

Unë jam e tradhtuar në këtë mes, por jo si partnere, jam e përdorur, e shitur si figurë të cilën ai e krijoi. Më rriti profesionalisht, një njeri që më fliste për seriozitetin, kujdesin. Nuk mendoja që një njeri mund të kishte papërgjegjshmëri morale për të vënë kamera sigurie në dhomat në shtëpi pa dijeninë time.

Nëse unë do ta kisha ditur që ajo aty është kamerë sigurie, do ta dija shumë mirë që një kamerë sigurie mund të monitorohet nga diku tjetër. Unë e dija sistem alarmi. Nuk e dija që aty kishte kamerë sigurie. Meqë ka pasur vjedhje asokohe”, u shpreh Matraku.