Month: October 2026

Fiks Fare faktoi me dokumente, zë dhe figurë kërcënimet e Mirzeta Kashnicës, punonjëse në Ministrinë e Infrastrukturës dhe Energjisë, nga të fortë dhe zyrtarë shtetërorë.

Madje, emisioni investigativ, ka siguruar dosje hetimore dhe dëshmi ekskluzive nga familjarë të punonjëses që treguan presionin e vazhdueshëm.

Natyrisht, pas gjithë këtyre fakteve, grupi i Fiks Fare tentoi të pyesë drejtpërdrejt zonjën Belinda Balluku, ish-ministre e Infrastrukturës, e marrë e pandehur nga Prokuroria e Posaçme. A e ka kërcënuar punonjësen e ministrisë Mirzeta Kashnica? A i kujtohet ky emër?

Fillimisht, pas këtyre pyetjeve, zonja Balluku nuk ka preferuar të japë asnjë shpjegim. Ka vijuar më pas ecjen drejt palestrës. Por, këmbëngulja e gazetarëve për të marrë një përgjigje, nëse po vijon kërcënimet mbeti pa përgjigje.

Në vend të një sqarimi apo përgjigje për këto kërcënime, influencën në ministri apo në institucionet e varësisë, zonja Belinda Balluku shtyu gazetaren dhe tejet e nervozuar vijoi rrugën.

Më pas, sërish pyetje për të gjithë situatën në ministri, ku pavarësisht se është shkarkuar, kërcënon dhe u bën presion punonjësve.

Zonja Balluku nuk jep asnjë shpjegim, duke nxjerrë telefonin dhe filmuar gazetaren dhe operatorin e Fiks Fare. Grupi i emisionit investigativ e shoqëroi deri në derën e palestrës, por asnjë përgjigje!

Gjykata e Posaçme ka caktuar masën e sigurisë “Arrest në burg” për ish-drejtorin e Policisë së Elbasanit, Uljan Shpataraku, pasi në automjetin e tij u kap biznesmeni Ergys Agasi.

Në dëshminë e dhënë para hetuesve, Shpataraku ka pretenduar se nuk e njihte Agasin dhe se takimi me të kishte qenë rastësor, gjatë kthimit nëpërmjet rrugës së vjetër të Elbasanit. Sipas tij, Agasi i kishte bërë shenjë për të hipur në makinë dhe ishte prezantuar me emrin “Berti”, duke i thënë se merrej me dyer alumini.

“Deklaroi se, gjatë kthimit nëpërmjet rrugës së vjetër të Elbasanit, një person i kishte bërë shenjë dhe ai e kishte marrë në makinë. Deklaroi se më pas, gjatë rrugës, ishin ndaluar nga policia dhe ishin dërguar në Drejtorinë e Policisë së Tiranës. Shpjegoi se gjatë rrugës kishte zhvilluar bisedë me Agasin dhe se ky i fundit i kishte thënë se quhej Berti dhe merrej me dyer alumini. Deklaroi se në atë moment nuk e kishte ditur se bëhej fjalë për Ergys Agasin”, thuhet në dosjen e gjykatës.

I pyetur se si ishte e mundur që nuk e kishte njohur Agasin, pavarësisht se ky i fundit ishte person në kërkim, Shpataraku ka dhënë një tjetër shpjegim.

“Si mund ta njihja unë z. Agasi që ishte në kërkim kur z. Agasi ishte kur hipi në makinën time me mjekër, me kapele, me shapka”, ka deklaruar ai.

Por në dosjen e gjykatës përfshihet edhe raporti i vëzhgimit policor, i cili paraqet një tjetër version të lëvizjeve të automjetit.

Sipas raportit, në orën 11:59, Audi A6 i drejtuar nga Shpataraku është konstatuar duke hyrë në kompleksin e vilave në Durrës, ku policia kishte lokalizuar Agasin. Vetëm tre minuta më vonë, në orën 12:02, automjeti është parë duke dalë nga parkimi nëntokësor. Në sediljen e parë të pasagjerit ndodhej një person që dyshohej se ishte Ergys Agasi.

Automjeti është mbajtur më pas nën vëzhgim në drejtim të Elbasanit. Kur makina është ndaluar pranë Plepave, policia ka konstatuar në sediljen e pasagjerit pikërisht Ergys Agasin.

Këto të dhëna janë pjesë e materialeve të dosjes mbi të cilat Gjykata e Posaçme ka vendosur masën e sigurisë ndaj Shpatarakut, ndërsa pretendimet e tij dhe të dhënat e vëzhgimit policor paraqesin dy versione të ndryshme mbi mënyrën se si ka ndodhur takimi me Agasin.

Shqipëria duket se ka një kryeministër të ri. Të paktën kështu e quan veten Pilinci.

Pa zgjedhje dhe pa marrë një mandat qeverisës, ai flet si kryeministër dhe ka shkuar edhe më tej: ka krijuar kabinetin e tij dhe ka nisur të caktojë njerëzit që, sipas tij, do të drejtojnë institucionet e vendit.Pilinci nuk është mjaftuar me idetë për një qeveri të ardhshme. Ai ka prezantuar edhe strukturën e kabinetit të tij, duke përfshirë edhe zv. ministren e Energjisë, të cilën e sheh pjesë të ekipit që do të drejtojë sektorin energjetik.

Pra, në qeverinë e Pilincit ka jo vetëm ministra, por edhe zëvendësministra të përcaktuar. Ai flet me gazetarët e Fiksit për postet dhe funksionet sikur kabineti i tij të jetë tashmë gati për të marrë detyrën. Por programi i Pilincit nuk ndalet këtu. Ai thotë se, nëse merr kryeministrinë, një prej veprimeve të para do të jetë ndërhyrja në zyrat e administratës.

“Kur të marr kryeministrinë, do t’i lyej zyrat dhe do t’i dezinfektoj”, shprehet Pilinci. Nga kryeministri te ministrat, nga zv. ministrja e Energjisë te premtimet për administratën, Pilinci ka ndërtuar tashmë në fjalët e tij një kabinet të plotë qeveritar.Dhe ndërsa qeveria aktuale ka ministrat dhe strukturat e saj zyrtare, Pilinci duket se ka zgjedhur të ndërtojë një qeveri të tijën, të paktën në skenarin që prezanton para gazetarëve.

E vendosur për ta çuar Shqipërinë përpara shprehet zv. ministrja e Energjisë e qeverisë Pilinci e cila shprehet se Shqipëria do bëhet si Amerika.

Fiks Fare solli deklaratat e Pilincit dhe kabinetin që ai thotë se ka krijuar, në një rrëfim ku pretendimi për postin e kryeministrit shoqërohet edhe me emërimet e një qeverie të tij.

Dashi
Do ëndërroni me shume nga sa duhet sot ju te dashuruarit dhe ka rrezik qe gjerat t’iu dalin jashtë kontrollit. Mundohuni te riktheheni me këmbë ne toke. Beqaret do takojnë dike papritur dhe do bien koke e këmbë ne dashuri. As vete nuk e kishin menduar ndonjëherë se gjithçka mund te ndodhte kështu. Me financat do tregoheni te kujdesshëm dhe nuk do keni aspak probleme.

Demi
Dielli do e ngrohe tej mase sot jetën tuaj ne çift. Me ne fund do arrini t’i zgjidhni me qetësi edhe disa mosmarrëveshje te vogla qe keni pasur dikur. Beqaret nuk duhet te presin te takojnë një person perfekt sepse te tilla nuk ka. Ne planin financiar gjithçka do ece ashtu si duhet. Nuk do keni as vështirësi për te kryer ndonjë shpenzim pak me tepër sesa zakonisht.

Binjaket
Mos e provokoni kot me kot partnerin tuaj sot sepse ai nuk do jete ne humor dhe mund te lindin probleme serioze. Beqaret do futen ne një etape tyre ne jetën e tyre dhe gjithçka do ju ece për mrekulli. Ëndrrat ka mundësi t’iu bëhen realitet. Financat nuk do jene aq te mira sa duhet, prandaj nuk këshillohet te kryeni investime. Prisni edhe pak sa situata te ndryshoje.

Gaforrja
Dite pozitive dhe e thjeshte kjo e sotmja për ata qe janë ne një lidhje. Beni atë qe do ndieni pa menduar aspak se çfarë do vije me pas. Edhe beqaret duhet te bëjnë te njëjtën gjë sepse jeta është e shkurtër dhe me vone do pendohen qe nuk e kane shfrytëzuar sa duhet. Buxheti fatmirësisht do ketë disa përmirësime fale përmbylljes me sukses te disa projekteve.

Luani
Dite fantastike dhe e mbushur me çmenduri kjo e sotmja për ata qe janë ne një lidhje. Asnjëherë nuk e kishit imagjinuar se mund te bënit gjera te tilla. Beqaret ka rrezik te fillojnë histori dashurie qe nuk do i çojnë askund. Ne planin financiar duhet te kërkoni sa me pare ndihme dhe t’i rregulloni problemet qe kane kohe qe ju kane dale.

Virgjeresha
Dite mjaft harmonike dhe e mbushur me surpriza te njëpasnjëshme kjo e sotmja për ata qe janë ne një lidhje. Duhet te shfrytëzoni çdo sekonde deri ne maksimum. Beqaret do realizojnë disa takime vendimtare te cilat jo vetëm do ju ndryshojnë te ardhmen, por mund t’i çojnë edhe ne një shtet tjetër. Për financat mos u shqetësoni. Gjendja e tyre do jete e shkëlqyer.

Peshorja
Te dashuruarit do kalojnë sfida te vështira dhe stuhi te mëdha. Shpesh do ndihen keq, por do e kuptojnë se gjitha ka ndodhur për fajin e vet. Beqaret do kenë vetëm disa flirtime me disa persona dhe asgjë me shume sesa kaq. Nuk ka ardhur ende dita e tyre e lumturisë. Financat nuk do jene te këqija, por nëse vazhdoni te shpenzoni edhe sot kuturu, situata mund te dale jashtë kontrollit.

Akrepi
Një pjese e dëshirave do ju plotësohen sot juve qe jeni ne një lidhje, ndërkohë qe për te tjerat duhet te bëni pak durim. Rëndësi ka qe dita do jete e kënaqshme. Beqaret mund te realizojnë takime, por nuk do ndihen ende gati për te hedhur hapa. Financat me ne fund, pas gjithë atyre përpjekjeve do i konsolidoni. Do jeni te qete dhe do e kuptoni se keni bere çmenduri te pafalshme.

Shigjetari
Lidhja juaj është shume e forte dhe askush nuk do mundet ta prishe atë. Ju te dy merreni vesh edhe vetëm me gjeste dhe shikime. Kujdes vetëm nga zilia e disa personave qe ju rrethojnë. Beqaret duhet te tregohen te sinqerte me personat qe do takojnë sepse po i gënjyen nuk kane për te fituar asgjë. Përmirësime financiare nuk do ketë, por as përkeqësime nuk priten sot.

Bricjapi
Dite mjaft e animuar kjo e sotmja për ata qe janë ne një lidhje. Duke filluar qe ne orët e mesditës e deri ne mbrëmje do përjetoni emocione te pafundme. Beqaret do jene sensuale dhe do bëjnë për vete cilindo person qe do pëlqejnë. Gjithçka do jete me ndryshe për ta qe sot e tutje. Për financat përkujdesuni çdo çast dhe do e shihni qe gjerat do rrjedhin si duhet.

Ujori
Dite shume e zakonshme kjo e sotmja për ata qe janë ne një lidhje. Beni thjesht atë qe do ju duket me e logjikshmja pa menduar për asgjë tjetër. Beqaret do bëjnë mire te mos nxitohen sepse ne rast te kundërt situata mund t’iu dale jashtë kontrollit. Gjendja e financave do stabilizohet fale edhe ndihmës qe do ju ofrojnë disa familjare. Do jeni me te qete ne mbrëmje.

Peshqit
Çdo gjë do ece me mire sot ne jetën tuaj ne çift. Do i keni te qarta mendimet dhe do bëni atë qe është me e mira për te dy. Beqaret nuk duhet te kërkojnë gjera te pamundura sepse mund te përballen me zhgënjime dhe do vuajnë se tepërmi me vone. Gjendja e financave do ndryshoje si me magji. Mund te fitoni ndonjë lotari ose do merrni një shpërblim ne pune.

Policia e Tiranës ka arrestuar katër persona, të dyshuar për një sërë vjedhjesh në kryeqytet dhe në Rinas, disa prej të cilave të kryera me dhunë.

Sipas njoftimit të policisë, në pranga kanë rënë shtetasit F. K., 51 vjeç, dhe D. M., 37 vjeç, të cilët dyshohen si autorë të vjedhjes së disa motoçikletave, biçikletave dhe monopatinave në zona të ndryshme të Tiranës. Gjatë veprimeve hetimore, në cilësinë e provës materiale, policia ka sekuestruar 6 biçikleta, 2 monopatina dhe 1 motoçikletë, të dyshuara të vjedhura.

Ndërkohë, në pranga ka rënë edhe shtetasi K. K., 26 vjeç, pasi dyshohet se i ka vjedhur me dhunë varësen nga qafa një shtetaseje, në rrugën “Konferenca e Pezës”. Nga veprimet hetimore dyshohet se 26-vjeçari ka kryer edhe një tjetër vjedhje me dhunë në të njëjtën zonë, më 2 tetor.

Po ashtu, shërbimet e Komisariatit të Policisë Krujë, në bashkëpunim me shërbimet e Drejtorisë Vendore të Policisë Durrës, kanë finalizuar operacionin e koduar “Kilometrazhi”. Gjatë këtij operacioni u vu në pranga shtetasi Y. A., 38 vjeç, i dyshuar për vjedhjen e një automjeti në Rinas. Automjeti u lokalizua në Durrës dhe u sekuestrua në cilësinë e provës materiale. Policia ka sekuestruar në cilësin e provës materiale 10 automjetet e vjedhura.

Njoftimi i Policisë:

Tiranë/Si rezultat i administrimit të shpejtë të kallëzimeve të qytetarëve, finalizohen 3 operacione për zbardhjen e vjedhjeve.

Arrestohen 3 shtetas që dyshohet se kanë kryer një sërë vjedhjesh (disa, me dhunë), në Rinas dhe në Tiranë.

Sekuestrohen 10 mjete të dyshuara të vjedhura.

-Shërbimet e Komisariatit të Policisë Nr. 3 finalizuan operacionin e koduar “Navigator”, gjatë të cilit u arrestuan shtetasit F. K., 51 vjeç dhe D. M., 37 vjeç, pasi dyshohet se janë autorë të vjedhjes së disa motoçikletave, biçikletave dhe monopatinave, në zona të ndryshme në kryeqytet. Me cilësinë e provës materiale, këtyre shtetasve iu sekuestruan 6 biçikleta, 2 monopatina dhe 1 motoçikletë, të dyshuara të vjedhura.

-Shërbimet e Komisariatit të Policisë Nr. 6 finalizuan operacionin e koduar “October”, gjatë të cilit u arrestua në flagrancë shtetasi K. K., 26 vjeç, pasi dyshohet se i ka vjedhur me dhunë varësen nga qafa, një shtetaseje, në rrugën “Konferenca e Pezës”. Nga veprimet hetimore dyshohet se i arrestuari ka kryer vjedhje me dhunë, në të njëjtën zonë, edhe më datë 02.10.2026.

-Shërbimet e Komisariatit të Policisë Krujë, në bashkëpunim me shërbimet e Drejtorisë Vendore të Policisë Durrës, finalizuan operacionin e koduar “Kilometrazhi”, gjatë të cilit u vu në pranga shtetasi Y. A., 38 vjeç, pasi dyshohet se ka vjedhur një automjet në Rinas, i cili u lokalizua në Durrës, dhe u sekuestrua me cilësinë e provës materiale.

Vijojnë hetimet për të zbardhur dhe dokumentuar plotësisht, veprimatrinë kriminale të këtyre shtetasve në fushën e vjedhjeve.

Materialet procedurale iu referuan Prokurorisë, për veprime të mëtejshme.

VIDEO

Hetimet për publikìmin e videove intime ku shfaqet kompozitori Adrian Hila kanë hyrë në një fazë të re, ndërsa policia ka marrë në pyetje edhe këngëtarin Genti Hoxha, i cili shfaqet në një prej materialeve të publikuara në rrjet.

Hoxha është kontaktuar nga hetuesit dhe, gjatë dëshmisë së tij, ka deklaruar se marrëdhënia me Adrian Hilën ka qenë konsensuale dhe se ka nisur pasi ai kishte mbushur moshën madhore.

Në kuadër të të njëjtit hetim, këngëtarja nga Kosova, Blerina Matraku, ka depozituar një denoncim në polici, duke identifikuar me emër personin që dyshon se qëndron pas shpërndarjes së videove.

Matraku ka përjashtuar Adrian Hilën nga autorësia e rrjedhjes së materialeve, ndërsa në reagimet e saj publike ka deklaruar se përgjegjësia ligjore duhet të bjerë mbi personin që ka regjistruar dhe shpërndarë pa leje pamjet intime.

Ajo ka mohuar gjithashtu pretendimet se ka kërcënuar persona të përfshirë në këtë çështje.

Ndërkohë, policia po vijon hetimet për të identifikuar personin ose personat që kanë regjistruar dhe publikuar pa autorizim materialet intime.

Hetuesit po verifikojnë dëshmitë e personave të shfaqur në videot e publikuara, si dhe rrethanat në të cilat materialet kanë përfunduar në rrjet.

U shfaq në videot me Adi Hilën, reagon për herë të parë Monika Lubonja.

Reagimi i saj:

Ju drejtohem sot me dhimbjen e një gruaje së cilës i është shkelur besimi dhe privatësia por edhe me vendosmërin për të mbrojtur dinjitetin dhe të drejtat e saj.

Kerkoj dhe shpresoj të ndalet baltosja ime në emër të një ‘morali kolektiv’. Dinjiteti i një njeriu ndërtohet gjatë gjithë jetës dhe nuk mund të zbëhet nga tradhtia e dikujt të cilit i fala disa vite të jetës sime.

Nuk kam patur dijeni, nuk kam dhënë pëlqim të filmohem, të rregjistrohem apo që materiale intime të shpërndahen, të shiten ose të publikohen. Kam dashur dikë dhe kam besuar. Nuk turpërohem për dashurinë që kam dhenë. Më dhemb që besimi im është kthyer në armë kundër meje.

Mediave u kërkoj të respektojnë privatësinë time dhe të mos publikojnë apo të spekulojnë me publikime të materialeve intime.

Opinionit publik i kërkoj të mos e ktheje dhimbjen time në argëtim dhe të mos më gjykojë për besimin që i dhashë një njeriu
të pabesë.

I jam drejtuar drejtësisë dhe do ta ndjek këtë rrugë deri në fund.

Dinjitetin tim dhe pabesinë nuk ja fal askujt që përdori jetën time!
Do e ndjek ligjërisht dhe jam e sigurt që e
vërteta do flasë.
Zotit i kërkoj forcë që kjo plagë të mos ma mbush zemën me urrejtje. Besoj se ai e njeh të vërtetën time dhe pres që drejtësia të bëjë punën e saj.

Fillimi i sezonit të ri të Portokallisë ka ngjallur debat të ashpër në rrjet duke ngritur dyshimet se pati një ironizim të protestës qytetare që zhvillohet në Tiranë prej më shumë se katër muajsh. Keqkuptime të shumta kanë lindur mes shumë njerëzve në rrjet, madje nuk kanë munguar as kritikat ndaj aktorëve që morën pjesë në parodinë e djeshme me protestues, pankarta dhe batuta në programin televiziv humoristik.

Aktori Irgen Çela ka reaguar paraditen e sotme përmes një video-mesazhi duke theksuar se qëllimi i pjesës së djeshme të Portokallisë, ishte ironizimi i personave që shfrytëzojnë protestën për vëmendje ose për interesa personale.

“Pjesa e djeshme në “Portokalli” ishte për ata njerëz që dalin për të rritur numrin e followersave në Instagram, jo për ata që kërkojnë shërbime më të mira!” thekson Cela në reagimin e tij.

Edhe pse u përpoq për të sqaruar se pjesa e djeshme e aktrimit nuk kishte për qëllim të nënçmonte protestën apo të tallej me organizimin e qytetarëve, Cela është përballur me goxha kritika në rrjet, në mesin e të cilave bie më së shumti në sy ajo e Florjan Binaj.

Dikur partneri i tij në skenë, “dy policët” e famshëm, me të cilët secili prej nesh është rritur me humorin e tyre, Binaj, i njohur për përkrahjen që i ka dhënë protestës qytetare, ka shprehur keqardhje për aktrimin e djeshëm.

“Do duhej të ishte ashtu siç the vllai im, por ishte tërësisht e kundërta. Ndjeva shumë keqardhje.” shkruan Binaj.

Një vajzë tregon se bashkëshorti i kushërirës së saj e ng.acmon. Vajza thotë se gaboi që i ktheu puthjen dhe se tani ndihet fajtore karshi kushërirës së saj. Historia është rrëfyer. 

“Përshëndetje, jam një vajzë 20 vjeçe. Burri i kushërirës time është 30 vjeç, kurse kushërira është 25 vjeçe dhe ata të dy kanë 1 fëmijë të vogël, të porsalindur.

Me kushërirën edhe pse kemi diferencë moshë kam qenë që e vogël shumë e lidhur. Shtëpitë i kemi pasur afër e gjithmonë e ka cilësuar si motrën që nuk e kam patur kurrë.

Në fakt isha dhe xheloze pak për të, sepse ajo është shumë e bukur, e zgjuar, fisi çmendej pas saj e kur u fejua me një djalë me lekë e më shkollë ajo mbeti e preferuara e fisit.

Pasi ajo lindi fëmijën mua më qëlloi të shkoj shpesh tek shtëpia e saj për ta ndihmuar me fëmijën. Ajo jeton vetëm me burrine djalin.

E ndihmoja me gjithçka, sapo mbaroja leksionet e rrija tek ajo. Ajo lindi me operacion dhe pati komplikime, e qëndronte në shtrat pjesën më të madhe të ditës.

Burri i saj doli në dhomën tjetër e unë rrija me të në dhomë dhe djalin. Kështu kaluan javët e para. Por darkave kur atë e zinte gjumi dhe unë mbaja djalin se nuk flinte edhe kushërira flinte top.

Dilja nëpër shtëpi me djalin. Edhe nisa të flisja gjatë me burrin e kuëshërirës. Shihnim televizor, qeshnim, e kuptuam që kemi shumë të përbashkëta në muzikë e kinema. Në fakt më tha se me kushërirën nuk kishte asgjë të përbashkët përveç djalit.

E kështu kaluan disa netë. Një natë pasi vura dhe djalin e tyre në gjumë më pihej ujë e dola në kuzhinë. Ndeza dritën e pashë burrin e kushërirës që po rrinte në divan në errësirë.

U ngrit, fiku dritën dhe më tha: Po të prisja…! Më kapi dhe më puthi shumë fort. Ja ktheva, edhe pse e dija që po bëja gabim. Nuk bëmë gjë më shumë sepse ika me vrap në dhomë.

Tani nuk di çfarë të bëj? Nuk dua ta lëndoj kushërirën, por puthja e tij më pëlqeu shumë. Si duhet të veproj?! “, shkruan ajo.

Procesi i formalizimit të objekteve të ndërtuara para vitit 1991 ka për qëllim pajisjen me dokumente të rregullta pronësie të banesave dhe objekteve të banimit të ndërtuara para këtij viti, të cilat nuk figurojnë të regjistruara në regjistrin publik të pasurive të paluajtshme. Ky proces përfshin ndërtesa të realizuara në periudha të ndryshme historike, të cilat kanë mbetur pa titull të formalizuar pronësie apo dokumentacion të plotë ligjor.

Procesi është iniciuar në vitin 2012 dhe është zhvilluar në disa faza institucionale. Fillimisht, zbatimi i tij është kryer nga njësitë e qeverisjes vendore dhe më pas nga Agjencia Shtetërore e Kadastrës në zbatim të ligjit 20/2020 “Për përfundimin e proceseve kalimtare të pronësisë në Republikën e Shqipërisë”.

Sipas të dhënave zyrtare nga ASHK, për vitin 2025 numri i vendimeve për miratimin e dokumentit të pronësisë për objektet pa titull pronësie të ndërtuara para datës 10.08.1991, trojet e tyre funksionale dhe oborret në përdorim është 1,746.

Ndërsa, nga viti 2019 deri në vitin 2025, pra në një periudhë 7 vjeçare, numri total i vendimeve të dhëna për objektet pa tituj pronësie, trojet e tyre dhe oborret në përdorim rezulton afro 11.010 të tilla.

Së fundmi qeveria ka miratuar një vendim të ri lidhur me procedurat e kalimit në pronësi të objekteve që nuk kanë dokumentacionin pronësor, duke i lehtësuar ato. Sipas vendimit drejtoria vendore e ASHK-së kalon pronësinë për sipërfaqen funksionale deri në 300 m2, pra sipërfaqen nën ndërtesë dhe përreth saj, me kusht që të posedohet efektivisht në terren nga subjekti dhe pa pagesë nëse është tokë shtetërore.

Sipas vendimit, procedura mund të nga ASHK ose edhe me kërkesë të subjektit, i cili në këtë rast duhet ta paraqesë aplikimin on-line nëpërmjet “e-Albania” dhe të shlyejë tarifën e shërbimit për procedurën administrative me vlerë 10 mijë lekë.

Ky proces synon garantimin e sigurisë juridike të pronësisë për një numër të konsiderueshëm objektesh banimi pa certifikata pronësie, duke kontribuar në formalizimin e pronësisë, përmirësimin e cilësisë dhe saktësisë së regjistrave kadastralë, si dhe në forcimin e stabilitetit dhe transparencës së tregut të pasurive të paluajtshme.