Category: Lajme

Dashi

Asgjë e veçante për te dashuruarit gjate kësaj dite. Rutina do e pushtoje lidhjen e tyre dhe nuk pritet asgjë e jashtëzakonshme. Beqaret nga ana tjetër do bëjnë për vete shume persona. E ardhmja e tyre do jete shume me ndryshe se me pare. Sektori i te ardhurave do përballet me surpriza te këqija. Asgjë nuk do ece si ju e kishit mendua, prandaj duhen marre masa strikte.

Demi

Dite e këndshme edhe pse jo e mbushur me surpriza te njëpasnjëshme kjo e sotmja për te dashuruarit. Do jeni me realiste se kurrë me pare. Beqaret do bien ne dashuri me një person qe nuk ia vlen për asgjë. Me vone do i vuajnë pasojat. Financat fatmirësisht do jene gjithë kohës te ekuilibruara nuk do ketë probleme apo vështirësi te mëdha.

Binjaket

Asgjë katastrofike nuk do ndodhe sot ne jetën tuaj ne çift, megjithatë duhet thënë se debatet dhe mosmarrëveshjet do ekzistojnë. Te dy do jeni tolerante dhe do zgjidhni gjithçka me qetësi. Beqaret me mire t’ia lënë kohës gjithçka dhe te mos kërkojnë me ngulm te fillojnë një lidhje. Ne planin financiar do futeni ne një periudhe te privilegjuar dhe me fat.

Gaforrja

Te dashuruarit nuk duhet te nxitohen për asgjë, por duhet te bëjnë mire ti marrin gjerat sa me shtruar qe te mundin. Ne këtë mënyrë nuk do kenë as vështirësi. Beqaret do joshin persona te shumte gjate kësaj dite dhe njërin do arrijnë ta bëjnë për vete. Ai ne fakt do iu përshtatet si ne paraqitje ashtu edhe ne karakter. Financiarisht do keni fat dhe do ndiheni për mrekulli.

Luani

Do i jepni me shume rëndësi se kurrë sot jetës suaj ne çift dhe do mundoheni ta mbani atë gjate gjithë kohës te stabilizuar. Yjet do i keni ne anën tuaj. Beqaret do jene te arsyeshëm dhe nuk do pranojnë çdo lloj takimi. Ne këtë mënyrë ata do shmangin lëndimet. Ne planin financiar tregohuni te arsyeshëm me shpenzimet dhe me te organizuar me te ardhurat.

Virgjeresha

Tensioni ne çift do filloje te ulet gjate kësaj dite. Do jeni me realiste dhe do dini te kërkoni falje për gabimet qe keni bere. Beqaret nuk do e mbajnë mendjen tek krijimi i një lidhjeje, por një person shume interesant do i magjepse sapo t’ua hedhe sytë. Financat do vazhdojnë te jene delikate edhe pse ju do mundoheni te jeni disi me te organizuar.

Peshorja

Do jeni shume xheloze sot për partnerin tuaj gjate kësaj dite dhe nuk do e lini atë te marre fryme lirisht. Kujdes sepse kjo mund te jete mbytëse dhe mund ta beje qe te largohet prej jush. Beqaret do kenë një dite normale dhe pa asnjë te veçante. Merrini gjerat si t’u vijnë. Financat duhet t’i menaxhoni me shume kujdes nëse nuk doni te keni probleme.

Akrepi

Kjo dite do jete e vështirë për te dashuruarit. Nuk do merreni vesh aspak me personin qe keni ne krah dhe debatet do jene te forta. Beqaret do jene te pavendosur dhe nuk do përfitojnë aspak nga ftesat qe do iu bëhen. Për ta ka gjera te tjera me te rëndësishme. Me financat fatmirësisht nuk do keni probleme te mëdha. Vazhdoni te shpenzoni me mençuri.

Shigjetari

Jeni ne një lidhje? Sot nuk do e lini për asnjë çast vetëm partnerin tuaj dhe marrëdhënia ne çift do jete e mrekullueshme. te dy do jepni shume nga vetja qe atmosfera te mbetet e ngrohte. Beqaret do jene joshës, por mendjemadhësia do i beje te tjerët qe te stepen për t’i bere për vete. Ne planin financiar do iu duhet te merrni hua për t’ia dale mbanë.

Bricjapi

Jeta ne çift do influencohet pozitivisht nga yjet. Do e dashuroni ne mënyrë pasionante atë qe keni ne krah dhe mjedisi do behet me emocionues se kurrë. Beqaret vetëm sa do koleksionojnë flirte. Asgjë me shume sesa kaq nuk ka për te ndodhur. Yjet nuk do jene te favorshme për te ardhurat. Kujdes me çdo lloj hapi qe do hidhni.

Ujori

Do jeni shume te qete gjate kësaj dite dhe do e dashuroni partnerin sipas mënyrës suaj. Ai do ndihet mire dhe do ja kaloni për mrekulli. Beqaret do jene te favorizuar ne sektorin e dashurisë. Takimet qe do realizojnë do jene mbresëlënëse. Shpenzimet e konsiderueshme dhe te pamenduara mund t’ua vështirësojnë situatën financiare. Kujdes!

Peshqit

Dite mjaft premtuese dhe emocionuese kjo e sotmja për te dashuruarit. Do ndiheni mjaft mire pranë partnerit tuaj dhe çdo gjë do ece për mrekulli. Pritet edhe ndonjë darke romantike. Beqaret duhet te presin edhe pak kohe për dashurinë e madhe. Sot do ketë vetëm flirte. Financat do ekuilibrohen dalëngadalë, por duhet te tregoheni te kujdesshëm me shpenzimet.

Motra e kamerieres që u plagos nga atentati i përgjakshëm i Ragip Gilës dje në qendër të qytetit të Shkodrës i bën thirrje medieve që të mos abuzojnë me ngjarjen, pasi siç thotë ajo, po i vihet në rrezik jeta e motrës së saj për të dytën herë.

Motra e kamarieres së plagosur në Shkodër apel mediave: Po na

Detaje të reja u bërë publike nga ngjarja tragjike e ndodhur këtë të hënë në Shkodër. Raportohet se e plagosura, e cila ishte kamariere në lokal, ka parë dy persona.

Sipas deklaratës që ajo i ka dhënë familjarëve, autori mendohet të mos ketë qenë i vetëm, por i shoqëruar edhe nga një person tjetër.

“Vajza, në momentet kur ka dalë nga operacioni dhe ka ardhur në vetëdije, ka komunikuar me familjarët e saj. Këto po i them bazuar në deklaratat e familjarëve: ajo ka parë dy persona në motor, jo vetëm një supozohet që mund të jenë dy autorë.” tha gazetarja e Euronews Albania nga spitali i Shkodrës, Matilda Braho.

Ministri i Drejtësisë Ulsi Manja ka deklaruar se në Kodin e ri Penal, do propoziohet një dënim i ashpër për ata që ndërtojnë pa leje.

Në një aktivitet për prezantimin e paketës me masat ligjore për mbrojtjen e pronës dhe territorit, Manja deklaroi se do propozohet që nëse ndërtimi pa leje kryehet nga një person me funksion publik, dënimi të jetë 3 deri në 7 vite burg.

Ndërkohë, nëse ndërtimi i paligjshëm kryehet në zona të mbrojtura, dënimi do jetë 5 deri në 10 vite burg

“Propozojmë te shtohen dy paragrafë të reja. Kur ndërtimi kryhet nga persona që ushtrojnë funksione publike të dënohet 3-7 vjet. Kush ka një rol për të luajtur për shkak të detyrës në kontrollin e territorit, duhet të ndëshkohet penalisht. Ndërtimi i paligjshëm brenda zonave të mbrojtura, apo kryhet si ndërtim brenda infrastrukturës kritike, dënimi 5-10 vite burg. Element tjetër është zënia e tokës, që përbën kundravajtje penale. Propozojmë ndryshim rrënjësor të nenit, do ketë 4 paragrafë. Nëse zënia e tokës kryhet në një tokë brenda zonave të mbrojtura, 1-5 vite.”-u shpreh Manja.

Kryeministri Edi Rama, ashtu siç ka paralajmëruar, ditën e enjte, do të mbledhë Asamblenë Kombëtare të Partisë Socialiste, më 11 shtator, për të shpallur prioritetet dhe ekipin me të cilin do të drejtojë vendin në 4 vitet e ardhshme.

Belinda Balluku, aktualisht ministre e infrastrukturës, pritet të spostohet në Kryetare Kuvendi.

Gjithashtu, Elisa Spiropali, aktualisht Kryetare Kuvendi, pritet të marrë postin e Ministres së Jashtme.

Blendi Gonxhe, pritet të mbajë postin e Ministrit të Infrastrukturës, mëson Albeu.com

Përbërja e re e Qeverisë Rama 4:

Kryetare Kuvendi – Belinda Balluku

Zv/-Adea Pirdeni

M.Jashtëm- Elisa Spiropali

M.Mbrojtje-Pirro Vengu

M.Brendshëm- Vlora Hyseni

M.Drejtësisë- Elira Kokona

M.Financës- Genti Gazheli

M.Infrastrukturës-Blendi Gonxhe

B.Bujqësisë- Bledi Çuçi

M.Turizmit- Ervin Demo

M.Arsimit- Arbi Mzniku

M.Kulturës-Besiana Kadare

M.Antikorrupsion Albana Koçiu

M.Ekonomisë Delina Ibrahimaj

M.Dixhitalizimit- Mirlinda Kacinaj

M.Diasporës-Romina Kuko. ALBEU

Ky është momenti kur tërmeti me magnitudë 5,2 ballë tronditi zonën e Evias në Greqi dhe la dëme materiale dhe pasoja psikologjike. Madje panikut nuk i kanë shpëtuar as gazetarët, një pjesë e të cilëve ishin edhe në transmetime live me të ftuarit e tyre. Në transmetim, dhe konkretisht në fillim të emisionit, gazetarët e “ERTNews” u kapën nga tërmeti 5.2 magnitudë Richter që ndodhi në Evia.

Konkretisht, në kohën kur po fillonte emisioni ‘Off The Record’ dhe ndërsa errësira mbizotëronte në studio, gazetarët panë kamerat duke lëvizur dhe ndjenë tokën duke u dridhur. Ata menjëherë thanë se “një tërmet i fortë është duke ndodhur”, të tronditur.

Pamje të shumta të momenteve të tërmetit u transmetuan nga mediat dhe u bënë virale shumë shpejt, me lëkundjet sizmike që dridhnin qytetet, banesat, rrugët, bizneset dhe gjithçka tjetër. Eksperti Efthimis Lekkas i tha “Protothema” se ky është një tërmet sipërfaqësor me një thellësi fokale prej 13.6 km në zonën detare midis Stirit dhe Schiniasit.

Barush alias Bajram Bregu, i cili u shpall në kërkim si bashkëpunëtor i Ragip Gilës, që kreu masakrën e Shkodrës me dy të vrarë dhe dy të plagosur, njihet për lidhjen e fortë me Ibrahim Licin, një prej njerëzve me të shumëkërkuar në vend kundërshtarë i përbetuar i grupit kriminal Bajri, raporton gazetarja Klodiana Lala.

Policia tha se gjatë kontrolleve pas masakrës në zemër të Shkodrës, zbuloi dy banesa që përdoreshin nga të dyshuarit, Gila, Bregu si dhe një 17 vjeçar dhe brenda tyre u sekuestruan në total 14 armë, pistoleta dhe kashallnikovë, dronë, municione, etj. Për policinë Barush Bregu nuk është një i emër i panjohur, madje ka një skedë të pasur kriminale.

Në vitin 2016 ai është dënuar me 4 vite burgim për kultivim të lëndëve narkotikem dhe armëmbajtje pa leje.

Dy vite më vonë, gjatë një aksioni policor, të zhvilluar pas ekzekutimit mafioz të Fatbardh Licit, xhaxhait të Ibrahim Licit u zbuluan armë automatike. Në njërën nga armët u gjetën gjurmë gishtërinjsh të Barush Bregut.

Bregu dyshohej po ashtu edhe për përfshirje në atentatin mafioz në mars të 2019 kur u ekzekutuan Ibrahim dhe Astrit Bilali, babai dhe xhaxhai i Astmer Bilalit, krahut të armatosur të grupit Bajri. Në atë kohë dyshimet për ekzekutimin ranë mbi Ibrahim Licin por ndaj tij nuk u ngrit akuzë zyrtare.

Policia ka dyshime se Barush Bregu është i përfshirë në ngjarje të rënda kriminale në Shkodër dhe njihej si një nga të besuarit e Ibrahim Licit. Familja Lici dhe Bajri janë në përplasje të forta prej vitesh dhe si pasojë janë regjistruar atentate mafioze me bilanc tragjik të vrarësh apo plagosurish.

Ronela Hajati, e cila zbuloi pak javë më parë se ishte në një lidhje dashurie, ka publikuar imazhin e mashkullit që i ka rrëmbyer zemrën.

Artistja zbuloi për herë të parë portretin e djalit zeshkan që ka në krahë, por pa zbuluar emrin e tij.

“Profil professional po fotot e zemres aty❤️ mundsisht me nje bonus brenda 😬”, shkroi këngëtarja.

Kujtojmë që në muajin korrik Ronela Hajati ka habitur ndjekësit me një postim të papritur në rrjetet sociale ku u shfaq krah mashkullit misterioz, duke ndezur menjëherë spekulimet rreth jetës së saj private.

Në imazh, Ronela shihej në ambiente plazhi duke buzëqeshur krah partnerit, të cilit u kujdes të mos i zbulonte portretin.

Kujtojmë se Ronela Hajati është treguar gjithmonë e rezervuar për jetën e saj sentimentale, duke zgjedhur të mbajë larg syrit të publikut marrëdhëniet e saj personale.

Kryeministri Edi Rama ka ngritur tonet ditën e sotme, teksa foli për hapësirat publike.

Kryeministri ka folur personalisht për një ndërtues në Tiranë, i cili sipas tij, nuk ka respektuar planin e ndërtimit. Rama tha se ky ndërtues, ka marrë leje për një fasadë të gjelbër, megjithatë, pas përfundimit të punimeve, nuk ka asnjë pemë të mbjellë.

Kryeministri kërcënoi se ky ndërtues nuk do përfitojë më leje ndërtimi, në rast se nuk nis të zbatojë një për një të gjithë planin e ndërtimit.

“Njerëzit paguajnë për të blerë apartament dhe paguajnë jo pak. Dëgjojnë nga ndërtuesit gjithëfarëlloj përrallash. Ju shkojnë me ato fasadat që miratojmë ne me shumë mundim, me pemë me gjelbërim. Duken ato si Kopshtet e Babilonit. Se atë blejnë njerëzit. Ka një ndërtues këtu në Tiranë që ka marrë një leje me një fasadë që ishte e gjitha e gjelbër. Këmbë peme nuk ka aty. Por nuk ka për të marrë më kurrë leje në qoftë se nuk do mbjellë një për një pemët për të cilat ka marrë lejen, sepse dhe njerëzit që kanë hyrë aty kanë paguar dhe pemët. Dhe mirë pemët, po i thotë këto janë apartamentet, ti shkon blen apartament dhe shpreson që do të bjeri një komshi i mirë. Kur ty të bie përballë një axhustator. Dhe hap një axhusteri. Ditën kur vjen të axhustohet një metal, ti ke turjelën në tru. Ditën kur sharrohet një dërrasë, ti ke sharrën në tru. Jetohet kështu?”, u shpreh Kryeministri.

6 atentate me armë zjarri, 7 persona të vdekur dhe 2 të plagosur, ky është bilanci i ngjarjeve kriminale që kanë tronditur Shkodrën e rrethinat e saj nga janari e deri në shtator të këtij viti.

Nga vrasje për çështje nderi, tek ato për motive pronësie, hasmëri të vjetra e larje hesapesh nga grupet kriminale, Shkodra nuk po gjen qetësi.
Më 4 janar 2025 në orët e para të mëngjesit u gjet i vrarë me armë zjarri në automjetin e tij në Dragoç të Postribës 33-vjeçari Ramazan Mataj. I riu u gjet pa shenja jete nga një banor i zonës, i cili njoftoi policinë, ndërsa familjarët deklaruan se në dijeninë e tyre 33-vjeçari nuk ka pasur konflikte me askënd.

Pak ditë më pas, policia ra në gjurmët e autorëve, duke arrestuar dy vëllezër Arjon dhe Klisman Hasaj. 29-vjeçari Arjon Hasaj pranoi autorësinë e krimit, ku në dëshminë e tij përpara togave të zeza tha se e vrau 33-vjeçarin Ramazan Mataj sepse kishte një lidhje intime me motrën e tyre dhe në 6 vitet e fundit i kishte prishur asaj 2 martesa. 23-vjeçari Klisman Hasaj u arrestua si përkrahës i autorit të krimit sepse pas ngjarjes ndihmoi të vëllanë të fshihte armën e krimit.

Më 28 shkurt 2025 rreth orës 14:50 u gjet i vrarë në oborrin e banesës së tij, 20-vjeçari Pavlin Preka. 20-vjeçari u gjet nga xhaxhai i tij pa shenja jete, ndërsa grupi hetimor ngriti dyshimet se i riu ishte vrarë disa ditë përpara se të gjendej nga të afërmit. Pavlin Preka jetonte me babanë dhe vëllanë mes Dukagjinit dhe fshatit Guci e Re, ndërsa vrasja ka mbetur pa autor.

Më 5 gusht 2025 në Paçram të Vaut të Dejës u ekzekutua me armë zjarri me silenciator 65-vjeçari Frrok Lleshaj. Pista kryesore e vrasjes për policinë mbetet gjakmarrja. Frrok Lleshaj ishte në hasmëri me kushërinjtë e tij, si dhe me një shtetas nga Puka. Hasmëria brenda fisit Lleshaj nisi në vitin 1991, pas vrasjes së djalit të Frrok Lleshajt në Greqi në vitin 1991, vrasje për të cilën ai akuzonte kushëririn e tij. Nga kjo hasmëri janë shkaktuar 5 viktima, ku Frrok Lleshajt veç djalit i kanë vrarë edhe vëllanë. Gjithashtu i vrarë ka mbetur edhe kushëriri i tij Dodë Lleshaj dhe një shtetas nga Puka. Edhe kjo ngjarje vijon të mbetet pa autor.

Më 28 gusht 2025 në Abat të Postribës u vra me armë zjarri 61-vjeçari Pirro Prroni, ndërsa një ditë pas vrasjes u vetëdorëzua në Policinë e Shkodrës, bashkë me armën e krimit autori i dyshuar Ndoc Maçaj. Shkak për vrasjen e 61-vjeçarit Pirro Prroni janë bërë konfliktet për pronat me Ndoc Maçajn.

Më 4 shtator 2025 pasi doli nga ambientet e një lokali ku ndodhej me 2 miqtë e tij, u qëllua me breshëri plumbash 34-vjeçari Kristian Kola. Nga hetimet e deritanishme dyshohet se i riu është ekzekutuar nga vrasës me pagesë, ndërsa nuk ka precedentë të mëparshëm kriminal. Familjarët kanë deklaruar se Kristian Kola nuk pa pasur konflikte me askënd dhe kërkojnë nga autoritetet identifikimin e vrasësit edhe zbardhjen e plotë të ngjarjes.

Më 8 shtator 2025 në një lokal pranë Bashkisë së Shkodrës mbetën të vrarë pas një sulmi me armë Armando Pali, Liridon Kraja alias Lusha, si dhe u plagosën Erogen Vaso alias Bajroviç dhe Meri Kacerri kamerierja që po shërbente në këtë subjekt.

Pak pas vrasjes policia kapi dhe arrestoi autorin Ragip Gila, i cili tentoi të largohej nga vendngjarja me një motor. Autori Ragip Gila në dëshminë e parë tha se shënjestër e sulmit të tij ishte Erogen Vaso alias Bajroviç, ndërsa ky i fundit mohon të ketë lidhje me grupet kriminale. Grupi hetimor ka dyshime se autori i masakrës Rakip Gila, që dyshohet si një nga ushtaret e grupit kriminal te drejtuar nga Lulzim Kulla, mund të jetë i përfshirë edhe në vrasjen e 34-vjecarit Kristian Kola.

I penduari i drejtësisë, Nuredin Dumani do të rrëfejë publikisht krimet makabre të kryera nga dora e tij dhe të urdhëruara nga eksponentë të krimit. Një rrëfim që pritet të jetë tronditës, ku emra “të fortësh”, biznesmenë apo dhe qeveritarë e ish-pushtetarë të dekonspirohen hapur për lidhjet e tyre me mafiet shqiptare.

Në promon e publikuar nga Top Channel, për “Inside Story” Dumani tregon sesi u bë pjesë e botës kriminale duke u kthyer në një vrasës me pagesë.

“Kam pasur një pistoletë për ta shitur, ai ka qenë dhe krimi i parë që un mund të kem bërë fillimisht”.

Tashmë i penduari i drejtësisë dhe personi kyç për zbardhjen e dhjetërave ngjarjeve tronditëse, Nuredin Dumani do të rrëfejë miqësitë, tradhtitë e lidhjet e ngushta me eksponentë të krimit.

“Unë nga Talo Çela mësova si të vjedh makina.”

Ndërkohë i vëllai i Nuredin Dumanit, Fitim Dumani disa ditë më parë në një intervistë për “MaShqipe”, deklaroi se i vëllai nuk kishte gisht në zhdukjen e Talo Çelës, por se ky i fundit ishte vrarë nga vëllezërit Çopja në Elbasan.