Month: May 2026

Një grua ka zgjedhur të ankohet publikisht për vjehrrën e saj. Ajo thotë se vjehrra po i prish Iumturinë në familje.

Sepse ajo është shumë xheloze për të birin. Kjo është historia e trishtë e rrëfyer. “Mirëmbrëma…

Jam nje grua e martuar nga Shkodra dhe kam nje burre shume te dashur dhe te mire!

Por vjehra eshte ajo qe nuk na le rahat kur jam vetem me burrin jemi te lumtur pafund, kur eshte ajo burri sikur me largohet sepse ajo gjithmone i ankohet!

Une i respektoj por gjithmon ‘Kush ben mire gjen keq‘.

Ne fillim e doja vjehren dhe mundohesha sa me mire te shkojme, por tani nuk dua as ta shoh prane sepse ma prish gjithe lumturine me burrin.

Ai me kupton se kam te drejte, por kur eshte prane nenes tij mua s’me afrohet. Jam shume ne hall, s’di cfare te bej.

Mua me mjafton burri, por ajo xhelozon kur ai me perqafon para saj.

S’di cfare te bej… Postojeni nese mundeni, por anonim ju lutem”, shkruan ajo.

Njoftim për Shtyp

Bordi i Transparencës në datë 16 Maj 2026, në mbledhjen e radhës vendosi:
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 202 lekë/litri, ndërsa i shitjes me shumicë jo më shumë se 190 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 188 lekë/litri, ndërsa i shitjes me shumicë jo më shumë se 176 lekë/litër.
🗓️Çmimet e caktuara nga Bordi do të hynë në fuqi sot datë 16 ora 13.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.
🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
🛢️ Ministria e Ekonomisë dhe Inovacionit sëbashku me Ministrinë e Financave dhe Ministrinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurrencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë për llogaritjen e çmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

Detaje të reja janë zbarhdur nga aksion Agjencisë së Mbikëqyrjes Policore, i zhvilluar në zonën e Sarandës dhe Ksamilit për lidhjet e policisë me raste të ndërtimeve pa leje.

Raportohet se pas dy efektivëve, është arrestuar edhe shefi i Komisariatit të Policisë Sarandë, Gëzim Bashllari.

Po ashtu, në pranga për shpërdorim detyre kanë rënë edhe një oficer krimesh dhe një specialist i zonës në Sarandë.

Sipas burimeve, në fokus të hetimeve janë efektivë që dyshohet se janë përfshirë ose kanë favorizuar raste të ndërtimeve të paligjshme në këto zona bregdetare.

Lëvizja e AMP vjen pas dy rasteve të evidentuara gjatë ditëve të fundit në zonë.

Në njërin rast, Prokuroria sekuestroi katin e një hoteli të ndërtuar pa leje, ndërsa në rastin tjetër, në një plazh të Ksamilit, u arrestuan 8 punëtorë që po kryenin punime të paligjshme.

DASHI

Është një ditë e ngjeshur, kështu që le ta shfrytëzojmë sa më shumë, duke u përqendruar në ato projekte që duhen konsoliduar dhe riafirmuar. Ekziston dëshira për të ndërtuar, jo vetëm për të imagjinuar. Mund të synojmë shkëmbime produktive dhe mirëkuptime të sinqerta.
DEMI

Dielli dhe Hëna në bashkëpunim, së bashku me Merkurin, favorizojnë zbatimin dhe saktësinë, ndërsa Jupiteri në Gaforre shpërblen përkushtimin. Nxitimi është kundërproduktiv. Plutoni në katror na paralajmëron të mos e teprojmë dhe të respektojmë kohën tonë.

BINJAKËT

Qartësia mendore dhe vendosmëria na mbështesin në vendimet tona. Ne përdorim racionalitetin dhe mprehtësinë për të udhëhequr jetën tonë. Ne shkojmë direkt në temë. Në marrëdhëniet tona, transparenca dhe dëgjimi mbizotërojnë sot. Fjalët e sinqerta forcojnë të gjitha lidhjet.

GAFORRJA

Një tjetër treshe planetësh në sekstil. Dielli, Hëna dhe Mërkuri në Dem na garantojnë shpejtësi dhe progres të madh. Energjia është e fokusuar dhe fluide. Një përgjigje e shumëpritur mund të vijë. Është koha për të ngritur velat; era tani është në favorin tonë.
LUANI

Një injeksion i fuqishëm emocionesh pozitive. Dashuria lulëzon, lumturia familjare është në kulmin e saj dhe ndjenjat shprehen spontanisht. Gëzimi që ndiejmë kanalizohet edhe në sferën profesionale, duke marrë mbështetje nga kolegët.

VIRGJËRESHA

Një takim i papritur me një mik të vjetër na sjell ëmbëlsi dhe një ndjesi vazhdimësie. Ne rizbulojmë një argëtim që e kishim lënë mënjanë. E kaluara na ofron një burim, një burim që mund të jetë i dobishëm në zgjidhjen e një problemi të vogël praktik në të tashmen.

PESHORJA

Po presim një përgjigje, por qielli na nxit të mos na detyrojë. Ndërkohë, le t’i përkushtohemi kujdesit për kopshtin ose një bimë. Nëse Jupiteri dhe Saturni, armiqësorë, duket se po i ngadalësojnë gjërat, kjo është një shenjë se duhet t’i rishikojmë planet tona në detaje.

AKREPI

Opozitat e Diellit dhe Mërkurit minojnë optimizmin tonë të thellë. Le t’i lëmë energjitë tona të rrjedhin dhe të rifokusojmë vizionin tonë për rrugën tonë. Le të rizbulojmë dhe ringjallim talentin tonë artistik, i cili mund të rrisë dhe zhvillojë vetëvlerësimin tonë.SHIGJETARI

Jemi të mbushur me entuziazëm të madh dhe frymëzim të gjallë për një aventurë të re. Pavarësisht nxitimit, ne gjejmë kohë për ta hartuar idenë. Kreativiteti ynë është i pakufishëm dhe na çon të shohim potencial të fortë edhe në terren të thatë.

BRICJAPI

Nuk kemi pse të fitojmë me çdo kusht, por të demonstrojmë superioritetin tonë intelektual me njohuri origjinale. Le të mos i shndërrojmë fjalët në armë. Le të ruajmë qetësinë dhe të përdorim dinakërinë për të arritur rezultatin e dëshiruar, pa kompromentuar marrëdhëniet.UJORI

Mund të ndiejmë shumë presion ose të kuptojmë se zgjedhjet tona vihen vazhdimisht në pikëpyetje. Nuk duhet t’i dorëzohemi lodhjes. Nëse shohim se nuk ia vlen të luftojmë për diçka, le ta pranojmë me mençuri dhe ta lëmë situatën të kalojë.

PESHQIT

Le t’i besojmë me sy mbyllur asaj që na bën të ndihemi gjallë. Vlera jonë e padiskutueshme është gati të manifestohet në formën e saj më të mirë. Çelësi është përqendrimi. Le të zhvillojmë talentet tona të pashfrytëzuara: mund të zbulojmë dhurata të fshehura, të paimagjinueshme. Le t’u kushtojmë vëmendje shenjave.

Reperi i njohur G-Bani ka tërhequr vëmendjen e publikut dhe të mediave rozë me një deklaratë të fortë të bërë së fundmi gjatë një interviste në një podkast, ku ai foli hapur për një incident të ndodhur në të kaluarën që lidhet me Gjesti.

Deklarata e tij ka ngjallur menjëherë debat në rrjetet sociale dhe ka shtuar interesin e publikut për raportin mes dy personazheve të njohur.

Gjatë bisedës, G-Bani tregoi një prapaskenë të panjohur për publikun, duke pretenduar se para se Gjesti të bëhej pjesë e formatit televiziv Big Brother, ai ishte përfshirë në një situatë problematike në zonën e Astirit në Tiranë.

Sipas reperit, ngjarja kishte ndodhur pranë studios së një mikut të tij, ku Gjesti dyshohet se kishte bërë manovra të rrezikshme me makinë duke xhiruar gomat, veprim që më pas ka sjellë tension dhe konflikt fizik me persona të tjerë që ndodheshin aty.

“Para se me u fut në Big Brother, ka xhiruar gomat e makinës në Astir dikur te studio e një shokut tim, dhe e kanë rrahur. Po e kanë rrahur sepse bën gjeste,” është shprehur G-Bani gjatë intervistës, duke lënë të kuptohet se sjellja provokuese e Gjestit ka qenë shkaku kryesor i përplasjes.

Kjo deklaratë ka shkaktuar reagime të shumta në rrjetet sociale, ku ndjekësit janë ndarë në mendime. Disa e kanë mbështetur reperin për sinqeritetin e tij, ndërsa të tjerë kanë kërkuar më shumë prova dhe sqarime lidhur me ngjarjen.

Deri në këto momente, nga ana e Gjestit nuk ka pasur ende asnjë reagim zyrtar për të konfirmuar apo mohuar pretendimet e bëra nga G-Bani.

Situata vazhdon të komentohet gjerësisht dhe pritet me interes nëse do të ketë një përgjigje publike nga ana e tij në ditët në vijim.

Qeveria miratoi këtë të mërkurë masën e dëmshpërblimit për pronarët e kafshëve të prekura nga murtaja e ruminantëve të vegjël gjatë vitit 2025.

Sipas vendimit të marrë në mbledhjen e Këshillit të Ministrave, fermerët do të përfitojnë në total 53 345 500 lekë dëmshpërblim për humbjet e shkaktuara nga kjo sëmundje.

Dëmshpërblimi do të financohet nga buxheti i vitit 2026, i miratuar për Ministrinë e Bujqësisë.

V E N D I M

PËR PËRCAKTIMIN E MASËS SË VLERËS SË DËMIT DHE TË DËMSHPËRBLIMIT TË PRONARËVE PËR KAFSHËT E THERURA, TË ELIMINUARA, TË SHKATËRRUARA E TË GROPOSURA NGA SËMUNDJA E MURTAJËS SË RUMINANTËVE TË VEGJËL NË VITIN 2025

Në mbështetje të nenit 100 të Kushtetutës dhe të nenit 49, të ligjit nr.10465, datë 29.9.2011, “Për shërbimin veterinar në Republikën e Shqipërisë”, të ndryshuar, me propozimin e ministrit të Bujqësisë dhe Zhvillimit Rural, Këshilli i Ministrave

V E N D O S I:

1. Dhënien e dëmshpërblimit, në masën e përgjithshme prej 53 345 500 (pesëdhjetë e tre milionë e treqind e dyzet e pesë mijë e pesëqind) lekësh, pronarëve të kafshëve që janë therur, janë eliminuar, janë shkatërruar dhe janë groposur, pasi kanë rezultuar pozitive me sëmundjen e murtajës së ruminantëve të vegjël gjatë vitit 2025, në bazë të analizave të kryera nga Instituti i Sigurisë Ushqimore dhe Veterinarisë, sipas shtojcës I, që i bashkëlidhet këtij vendimi dhe është pjesë përbërëse e tij.

2. Pronarët dëmshpërblehen nga buxheti i vitit 2026, miratuar për Ministrinë e Bujqësisë dhe Zhvillimit Rural, nga shpenzimet korrente, në programin buxhetor 04220 “Siguria ushqimore dhe mbrojtja e konsumatorit”.

3. Ngarkohen Ministria e Bujqësisë dhe Zhvillimit Rural dhe Autoriteti Kombëtar i Veterinarisë dhe Mbrojtjes së Bimëve për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

Ernest Muçi u transformua këtë sezon në Turqi, ndërsa qëndron i huazuar te Trabzonspori. Dje asistoi dhe shënoi gol, për të dërguar ekipin e tij në finalen e Kupës së Turqisë.

Muçi është tashmë në kuotën e 15 golave dhe nëntë asistimeve në të gjitha kompeticione. Duket se në këtë mënyrë po e detyron Trabzonsporin, që të paguajë klauzolën e lirimit nga Beshiktashi.

Jo vetëm sa i përket golave dhe asistimeve, por edhe në statistikat e tjera vërehet ndryshimi i Muçit nga edicioni i kaluar. Më tepër pasime kyç, raste të krijuara dhe topa të fituar. Më i saktë me pasime dhe driblime, tregojnë se Muçi është tashmë tjetër lojtar në Turqi.

Nuk do të jetë çudi nëse Trabzonspor vendos ta shesë në verë, pasi t’i sigurojë kartonin. Edhe nëse kthehet te Beshiktashi, me siguri mund të thuhet se do të shitet te një klub tjetër.

2025/26 Trabzonspor vs 2024/25 Beshiktashi

Pasime kyç: 1.78 vs 0.7

Saktësia e pasimeve: 87.4% vs 79.8%

Raste të krijuara: 0.85 vs 0.07

Driblime të suksesshme: 1.04 vs 1.00

Duele të fituara: 2.41 vs 2.93

Topa të fituar: 2.48 vs 1.26

*Mesatarja e të dhënave është për ndeshje.

Ish kryeministri shqiptar dhe ish deputeti i Partisë Socialiste, Pandeli Majko ka bërë thirrje për të marrë pjesë në protestën në mbështetje të studentëve shqiptarë në Maqedoninë e Veriut për përdorimin e gjuhës shqipe në provime.

Më 18 maj do të mbahet protesta e radhës e studentëve në Shkup, e cila nis në orën 16:30.

Në një reagim në rrjetet sociale, Majko theksoi se studentët po kërkojnë një të drejtë themelore, përdorimin e gjuhës shqipe në provime, duke e cilësuar absurde që studimet të zhvillohen në shqip, ndërsa provimet të jepen në maqedonisht.

“Studentët shqiptarë kërkojnë të drejtën më të vjetër në botë, atë të gjuhës amëtare! Ata kërkojnë që gjuha e provimit në jurisprudencë të jetë në gjuhën shqipe! Të studjosh shqip dhe të japësh provimin në maqedonisht, fyen inteligjencën më naive!”, shkruan ai.

Ai kritikon edhe deklaratën e kryeministrit maqedonas Hristijan Mickoski për konsultimin me Komisionin e Venecias lidhur me çështjen e gjuhës shqipe.

“Kryeministri Mickovski ka deklaruar se do të “pyetet” Komisioni i Venecias për përdorimin e gjuhës shqipe!… Shteti që ndroi emrin dhe flamurin, ka vendosur “të pyesë” se cfarë të bëj me fëmijët e shqiptarëve!”, shton ai.

Sipas Majkos, protesta e studentëve përfaqëson më shumë se një revoltë studentore, duke e konsideruar atë një betejë për të ardhmen dhe për të drejtat e shqiptarëve në Maqedoninë e Veriut.

“Protesta e studentëve shqiptarë në Maqedoninë e Veriut është refuzim i një sistemi që e ka humbur kontrollin mbi vetveten dhe zbatimin e ligjit! Kjo që po ndodh, është më shumë se një revoltë studentësh! Ajo është një betejë për të ardhmen. Protestoni sot! Ajo refuzon luftën nesër!”, përfundon Majko.

Reagimi i plotë:

Në Maqedoninë e Veriut ka nisur një lëvizje studentore, e djemve dhe vajzave të shqiptarisë!

Studentët shqiptarë kërkojnë të drejtën më të vjetër në botë, atë të gjuhës amëtare! Ata kërkojnë që gjuha e provimit në jurisprudencë të jetë në gjuhën shqipe! Të studjosh shqip dhe të japësh provimin në maqedonisht, fyen inteligjencën më naive!

Kryeministri Mickovski ka deklaruar se do të “pyetet” Komisioni i Venecias për përdorimin e gjuhës shqipe!… Shteti që ndroi emrin dhe flamurin, ka vendosur “të pyesë” se cfarë të bëj me fëmijët e shqiptarëve!

Askush në Maqedoninë e Veriut, të ardhmen e ndritshme në Bashkimin e Europian, nuk mund ta kthejë për shqiptarët, në të kaluarën e errët të Jugosllavisë së dikurshme!

Protesta e studentëve shqiptarë në Maqedoninë e Veriut është refuzim i një sistemi që e ka humbur kontrollin mbi vetveten dhe zbatimin e ligjit!

Kjo që po ndodh, është më shumë se një revoltë studentësh! Ajo është një betejë për të ardhmen.

Protestoni sot! Ajo refuzon luftën nesër!

Qeveria shqiptare ka propozuar ndryshime të rëndësishme në legjislacionin për tokën bujqësore, duke hapur për herë të parë rrugën që shtetasit e huaj të mund të blejnë tokë në Shqipëri.

Projektligji i prezantuar nga Ministria e Bujqësisë dhe i publikuar për konsultim publik parashikon ndryshimin e kufizimeve të vendosura që prej vitit 1998, kur të huajve u ndalohej blerja e tokës, ndërsa lejohej vetëm marrja me qira deri në 99 vite.

Në nenin 4 të draftit të ri përcaktohet se të huajt mund të privatizojnë deri në 2 hektarë tokë brenda një bashkie dhe deri në 30 hektarë në nivel republike, përfshirë edhe sipërfaqet shtetërore.

“Në rastin e shit-blerjes së tokës bujqësore të pandarë në pronësi shtetërore, bashkitë në juridiksionin e të cilave ndodhet toka kanë kompetencën për kryerjen e procedurave, por vendimin përfundimtar për kalimin e pronësisë e merr autoriteti kompetent”, thuhet në dokumentin e publikuar për konsultim.

Projektligji parashikon gjithashtu kritere të posaçme për blerësit e huaj. Ata duhet të jenë rezidentë në Shqipëri prej të paktën pesë vitesh dhe të provojnë minimumi tre vite eksperiencë në aktivitetin bujqësor.

Po ashtu, blerësit do të duhet të garantojnë se toka do të përdoret vetëm për veprimtari bujqësore dhe jo për aktivitete të tjera zhvillimore.

Në rastet kur toka është pronë private, shitësi do të duhet të paraqesë dokumentacionin e pronësisë dhe certifikatën familjare, me qëllim shmangien e konflikteve të mundshme pas transaksionit.

Kjo është hera e parë që Shqipëria parashikon ligjërisht shitjen e tokës bujqësore për shtetasit e huaj, ndërsa deri më tani ata kanë pasur të drejtë të blejnë apartamente dhe objekte, por jo troje apo toka bujqësore.

Ka përfunduar në mënyrë tragjike ngjarja e rëndë që tronditi Greqinë dy ditë më parë, pasi ka ndërruar jetë në spital edhe 17-vjeçarja e dytë, e cila ishte e shtruar në gjendje kritike në Reanimacionin e spitalit KAT.

Kujtojmë se adoleshentja u shtrua në spital pasi u hodh nga tarraca e katit të gjashtë të një pallati bashkë me shoqen e saj, e cila humbi jetën në vendngjarje.

Sipas njoftimit zyrtar të spitalit, e mitura ndërroi jetë mbrëmjen e 14 majit, në orën 19:54, pas disa ditësh trajtimi intensiv, që prej 12 majit.

“Spitali KAT shpreh ngushëllimet e sinqerta për familjarët e saj”, thuhet në deklaratën zyrtare.

Autoritetet greke po vijojnë hetimet për të sqaruar plotësisht rrethanat e ngjarjes, ndërsa sipas informacioneve paraprake, dy adoleshentet kishin lënë shënime personale para ngjarjes, më pas janë ngjitur në tarracën e pallatit, kanë mbyllur derën, kanë vendosur kufje duke dëgjuar muzikë dhe kanë rënë nga lartësia, të kapura për dore.

Në çantën e vajzës që humbi jetën në vendngjarje dhe banonte në atë pallat është gjetur një shënim ku ajo shkruante se vuante nga depresioni, se i donte prindërit e saj dhe se ata nuk kishin asnjë faj.

Ajo shprehej gjithashtu se kishte frikë t’i zhgënjente për shkak të mosarritjes në provimet e maturës, duke përfunduar me fjalët: “Nuk dua të jetoj në këtë botë”.

Gjithashtu, sipas mediave greke, policia ka gjetur edhe një ditar në shtëpinë e vajzës tjetër 17-vjeçare, e cila humbi jetën mbrëmjen e sotme.

Edhe ajo kishte shkruar për depresionin dhe frikën se mund të zhgënjente prindërit në provime.

Ngjarja ka shkaktuar tronditje të madhe në opinionin publik në Greqi, ndërsa familjet e vajzave po përballen me një humbje të dyfishtë të rëndë.

Familjarët e njërës prej viktimave kanë bërë thirrje që, në vend të kurorave mortore, të bëhen donacione për organizatën “Buzëqeshja e Fëmijës”, në kujtim të saj.

“Me këtë veprim, kujtimi i saj do të ndihmojë fëmijët që kanë nevojë për mbështetje dhe shpresë”, thuhet në mesazhin e organizatës.